رواية احببت بنت البواب الحلقة الرابعة 4
لقراءة رواية أحببت بنت البواب الحلقة الأولى : اضغط هنا
لقراءة رواية أحببت بنت البواب الحلقة الثانية : اضغط هنا
لقراءة رواية أحببت بنت البواب الحلقة الثالثة : اضغط هنا
لقراءة رواية أحببت بنت البواب الحلقة الرابعة : اضغط هنا
لقراءة رواية أحببت بنت البواب الحلقة الخامسة : اضغط هنا
لقراءة رواية أحببت بنت البواب الحلقة السادسة : اضغط هنا
لقراءة رواية أحببت بنت البواب الحلقة السابعة : اضغط هنا
لقراءة رواية أحببت بنت البواب الحلقة الثامنة : اضغط هنا
رواية احببت بنت البواب الفصل الرابع كامل مكتوب
 |
| رواية احببت بنت البواب الحلقة الرابعة 4 |
رواية احببت بنت البواب الجزء الرابع
-
اية: ايه يا نبيلة مالك اتعصبتى كدة يعنى فى ايدك ايه تعمليه الدكتور عزت نفسه ضحى علشان خاطر ناس بيحبها ايه العند دة
نبيلة: الموضوع مش بالسهولة دى هو الدكتور عزت ليه فترة بتجيله تهديدات مرة كنت عنده فى المكتب ولقيت ورقة على مكتبه وقريتها واتخض وقالى اسيبها مش عارفة ليه
اية:يبقى هو عنده حق لما بيمنعك تدخلى دلوقتى
نبيلة:معنى كدة نسيبه يعمل الى هو عايزه لا طبعا لازم نساعده
اية:طيب يا ستى نبقى نشوف الموضوع دة بعد المحاضرة يلا بينا على السيكشن
نبيلة:طيب يلا بينا
وصلت نبيلة واية الى السيكشن وبعد لحظات دخل الدكتور يوسف
يوسف:مساء الخير يا جماعة انا الدكتور يوسف الى هدرسلكم الجراحة العامة مكان الدكتور عزت انشالله
رغم ان الدكتور يوسف يختلف شرحه كثيرا عن الدكتور عزت الا وانه استطاع ان يكتسب محبة الطلاب جميعا بما فيهم نبيلة بعد ان كانت ترفض ان يدرسها اى احد اخر غير الدكتور عزت ولم تتذكر اخر موقف ليها معه وبعد ان انتهت المحاضرة وخرج الطلاب جميعا وبعد ان انتهى يوسف من ضب اغراضه خرج مسرعا لينده على نبيلة
يوسف:لو سمحتى يا انسة
نبيلة:نعم فى حاجة يا دكتور
يوسف: كنت عاوز اتكلم معاكى شوية
نبيلة: تمام اتفضل معانا احنا كنا رايحين الكافيتريا
يوسف:تمام اتفضلوا
نبيلة:نعم يا دكتور اتفضل
يوسف:كنت عاوز اسالك ايه سر تمسكك بمشكلة الدكتور عزت
نبيلة: نعم وانتا عرفت منين الموضوع دة
يوسف:يا انسة نبيلة انا الى كنت مع حضرتك عند الدكتور عزت فى المكتب ومستغرب رد فعلك قوى دة مش منظر طالبة زعلانة على الدكتور بتاعها انتى تقربيلوا ايه
نبيلة: نعم وحضرتك مالك بالموضوع دة انا لا اقربله ولا حاجة ومعتقدش ان الموضوع يهمك اصلا
يوسف:انتى بتتكلمى كدة ليه انا الدكتور بتاعك وعاوز اساعدك
نبيلة:واضح انك بتحاول تساعدنى فعلا انتا جاى تحقق معايا باى صفة انا حرة اعمل الى انا عايزاه
يوسف: الدكتور عزت خايف عليكى ووصانى عليكى انى امنعك من الى انتى بتعمليه دة
نبيلة:والله انتا مين انتا علشان تمنعنى لا انتا ولا الدكتور عزت هتمنعونى من انى اعمل حاجة انا مصممة اعملها والحقيقة هتبان مهما كان مين سببها
يوسف:نعم وانتى بتبصيلى كدة ليه وبتكلمينى كدة ليه اصلا
نبيلة:وانتا واخد الكلام على نفسك ليه يا دكتور هى مش غريبة من ان انتا الوحيد الى تمسك مكانه مع ان الدكتور عاصم عبدالحميد دكتور الجراحة المعروف موجود فى القسم برضو
يوسف:قصدك ايه انا السبب
نبيلة:لا يا دكتور انا قلت كدة برضو عيب عليا بس احب اقولك ملكش دعوة بيا عن ازنك يلا بينا يا اية
ذهبت نبيلة وتركت يوسف فى حيرة من امره فهو كان يشك فى امر العمل مكانه والان شكوكه بعد كلامها اصبحادت حقيقة ولكن لم يعلم من سبب كل تلك المشاكل
اية:ايه يا بنتى الى انتى عملتيه دة بتتهمى الدكتور يوسف انه السبب فى ان الدكتور عزت ساب الكلية
نبيلة:وانا مين علشان اتهموا انا بس بقول الى انا شاكة فيه او شيفاه بعينى يعمى مثلا اشمعنا الدكتور يوسف يمسك مكانو وفى دكاترة اكفا بالمنصب منه الا لو كان وراه ان
اية: ينهار اسود انتى دماغك دى اى يابنتى هتودينا فى داهية وانتى مالك بالمواضيع دى اصلا ما الدكتور عزت قالك متدخليش
نبيلة: ازاى وورقة التهديد الى شفتها بعينى انتى متعرفيش كان مكتوب فيها ايه
اية:كان فيها ايه
نبيلة:مش وقته دلوقتى بعدين انا رايحه اقابل ياسين
اية: تمام انا همشى انا اشوفك بكرة
نبيلة:تمام سلام
ذهبت نبيلة لمقابلة زميلها ياسين فى قسم الاطفال وذهب خلفها يوسف وكان معه صديقه مصطفى
مصطفى:ايه يابنى مالك واقف كدة فى نص الطريق
قص يوسف الحوار الذى دار بينه وبين نبيلة وانها بتتهمه بصفة عامة فى كلامها ولا يدرى سبب موقفها السئ معه
يوسف:هو دة الى حصل
مصطفى:وانتا ايه علاقتك بالموضوع علشان تقلك كدة الا لو كان معاها دليل ضدك
يوسف: دليل اى اعم دة دكتورى هاذيه ليه
مصطفى:ياعم كلنا عارفين كدة هى متعرفش
يوسف:تعالى معايا
مصطفى:فين
يوسف:وراها اهى سابت صحبتها
مصطفى:هتتجسس عليها يابنى اعقل
يوسف:انا لازم اعمل كدة دى بنت عنادية وهتودى نفسها فى دهية والدكتور عزت وصانى عليها
مصطفى:مهما كان دة غلط
يوسف:تعالى بس نشوف هتقابل مين
مصطفى:تمام اما اشوف اخرتها معاك ايه
نبيلة:ازيك يا ياسين عامل ايه
ياسين:ازيك يا نبيلة تمام بخير طول ما انتى بخير
نبيلة:تسلم يارب ها عملت ايه فى الى قولتلك عليه
ياسين:تمام عرفت اسمها هى بتدرس فى سيكشن 2 واسمها شهد
نبيلة:دة سيكشن خديجة اختى انتا متاكد
ياسين: اه متاكد بس بكرة انشالله هجبلك كل المعلومات عنها
نبيلة:متشكرة جدا يا ياسين من غيرك مكنتش هعرف اعمل ايه
ياسين:العفو على ايه بس انا خايف عليكى من الى انتى بتعمليه دة
نبيلة:متقلقش يابنى مفيش حاجة انشالله
ياسين:تمام خلى بالك من نفسك
نبيلة:وانتا كمان اشوفك بكرة سلام
ياسين:تمام سلام
نبيلة:سلام