رواية لم يكن أبي الحلقة السابعة للقراءة والتحميل pdf

رواية لم يكن أبي الحلقة السابعة للقراءة والتحميل pdf

لقراءة المزيد من الروايات المميزة : اضغط هنا

رواية لم يكن أبي الحلقة السابعة للقراءة والتحميل pdf

فصول رواية لم يكن أبي

• لقراءة رواية لم يكن أبي الجزء الأول : اضغط هنا 
• لقراءة رواية لم يكن أبي الجزء الثاني : اضغط هنا 
• لقراءة رواية لم يكن أبي الجزء الثالث : اضغط هنا
• لقراءة رواية لم يكن أبي الجزء الرابع : اضغط هنا
• لقراءة رواية لم يكن أبي الجزء الخامس : اضغط هنا
• لقراءة رواية لم يكن أبي الجزء السادس : اضغط هنا
• لقراءة رواية لم يكن أبي الجزء السابع : اضغط هنا
• لقراءة رواية لم يكن أبي الجزء الثامن : اضغط هنا

رواية لم يكن أبي الفصل السابع مكتوب بالإضافة إلى رابط تحميل pdf  

لتحميل الرواية pdf : اضغط هنا

-

انا... كان ماشي مع مين يا نوال

نوال... نسوان البيت كله

انا... بجد

نوال.. انتي بس اللي فلتي من تحت ايده عشان صغيرة و لسه بنت بنوت

انا.. انتي متاكده يا نوال

نوال... بت يا سهيله.. انا قاعده لوحدي 24 ساعه شغلتني اقف في البلكونه و ارقب المنور و مصطفى كان ساعات يلمح لي لما كان يكلمني في التلفون

انا.. انتي طلعتي مش سهله يا بت

نوال... الفرغ وحش يا اختي اعمل ايه

اول لما جيت البيت كنت عايزه اتعرف علي اي حد كان كله مشغول و انا الوحيده اللي ست بيت بقيت اسمع الكلام من المنور او اقف في البلكونه اشوف مين داخل و مين طالع و كنت اعقد مع مديحه مرات البواب

و تضحك نوال اهي مديحه دي بقي الصندوق الاسود بتاع البيت

انا.. طبعاً

نوال... مديحه دخلت كل شقه في العمارة و عارفه كل اسرار البيت

انا... و قالت لك ايه؟ بقي ست مديحه

نوال... يا لهوووي ده ورا كل شقه في العمارة حكاية

انا... طبعاً كل بيت طبعاً عنده ظروفه

نوال... حكاوي تشيب المولود مش حكاوي عادية يا سهيله

انا... معقول

نوال.. تضحك انتي اللي قاعده في البيت ذي الجردل

انا... اه و الله

سليم يتصل علي نوال..

سليم... الو يا نوال

نوال.. ايوه يا سليم

سليم.. سهيله عندك

نوال.. اه معايا كتر خيرها قاعدين نرغي

سليم... كويس سلمي عليها

نوال... بيسلم عليكي يا سهيله

سليم.. انا مش هقدر اجي بكرة فيه عطل في الشغل لازم اطبق ورديتين

نوال... ربنا معاك

سليم.. قولي لسهيله تبات معاكي بكره كمان

نوال... يا ريت والله هكلمها كده و اشوف

سليم.. سلام بقي خلي بالك من نفسك

نوال.. حاضر مع السلامة

....

نوال... سهيله سليم هيبات كمان يومين خليكي معايا و نعمل احلا غدي و نعقد مع بعض

انا... بس ماما

نوال... مش ماعندكيش مانع

انا.. يا ريت انا مش عايزه ادخل البيت اصلا

نوال... ليه يا بت ايه اللي مزعلك كده

انا... حاجات كتير و الله يا نوال

نوال.. احكي يا سهيله ده اتعريت قدامك خالص

انا... و الله انا كمان نفسي اتعري عندي بلاوي

نوال تربت علي و تقولي تعالي نامي في حضني و نصحي بكرة الصبح و نتكلم ذي ما احنا عايزين

نمت بجوار نوال و اخذتني في حضنها و نامت

اول مره اشعر ان نوال بهذا الحنان و الطيبه لاول مرة من زمان اشعر بهذا الحنان حضنها فيه حب غريب كنت اشعر و كانه عالم

و ضعت يدي حولها و راسي علي كتفها و هي استدارت و ضعت يدها علي ظهري و نمت انا و هي و كاننا توائم

لم نتحرك حتي الصباح كنت في حاجة ان اشعر بهذا الامان و كانت نوال تريد نفس الاحساس و كاننا كنا نبحث عن بعض

نوال عندما استيقظت

نوال... يااااااه تصدقي اول مره انام كده

انا...و الله و انا كمان

نوال.. حضنك حلو قوي يا بت يا سهيله

انا... انتي اللي حضنك فيه حنان ام و الله

نوال... تصدقي ان عمر سليم ما اخدني في حضنه كده

انا اضحك...بت و الواد اللي في بطنك ده جه منين

نوال... يا سهيله الواد جه من الجنس الست عايزه حضن مش جنس عايزه امان و طبطبه انا عايزه حنان يا سهيله

انا... فهمتك

نوال... برغم ان مصطفى وسخ و انا عارفه بس كنت بمثل انه بتحبني كنت عايزه احس اني ست و فيه حد بيهتم بيا

انا... لدرجة دي

نوال... و اكتر انا كنت جعانه حب و لسه.. عارفه يا سهيله

انا... ايه

نوال . انا هحب ابني قوي عشان مايحتجش حضن حد ابداً اوعي تتجوزي حد قلبه قاسي يا سهيله

الراجل القاسي بيبقي قاسي في كل حاجة حتي عيونه بتبقي قاسية حتى قلبه بيبقي قاسي و الله ريحته فيها قسوه

انا... يااااااه

نوال... اوعي تتجوزي و خلاص يا سهيله.. قاعدتك جنب امك احسن ميت مره من زوج قاسي

انا... انا عايزه اتجوز ادعي لي بقي انا كرهت البيت و العماره كلها

نوال... ربنا يرزقك بزوج حنين قلبه طيب دموعه قريبه

انا... دموعه قريبه ليه؟

نوال.. الراجل اللي دموعه قريبه قلب ذي العصفور مش بيزعل حد ضميره و بيفكر بقلبه

انا... يا رب

...

نوال... قولي بقي ايه اللي مزعلك

انا... شاكه في حاجات كثير دماغي مش عايزه تهدي

نوال... اتكلمي يا سهيله ولا اقولك قومي خدي شاور علي ما احضر الفطار

ادخل انا الي الحمام و تذهب نوال لاعداد الفطار و انا في الحمام دخلت نوال اعطتني معطر جسم و قالت لي ده منعش جدا

عندما انهيت من الاستحمام وضعت من المعطر و كنت في حالة نفسية جيده

.....

جلست انا و نوال و نحن نتناول الافطار.

نوال... ايه بقي يا ستي..

انا.. بصي يا نوال... انااا

نوال... بت اتكلمي ما تتكسفيش

انا... و الله مش كسوف بس مش عارفه ابداء منين ولا اقول ايه

نوال... قولي كل حاجه و سرك في بير

انا... انا شاكه ان امي علي علاقة ب مصطفى

نوال... تضحك.. طبعاً علي علاقة بمصطفي

انا....مين قالك..

نوال.. يا بنتي مصطفى نام مع كل ستات العماره انا عارفه

انا... حتى ماما

نوال... انا هقولك حاجة

انا.. ايه

نوال... مصطفى كان بيقولي ان امك بتحب الدلع و الهزار بس

انا... يعني ايه

نوال... من الاخر يعني

انا... اه

نوال... مصطفي كان عايز يوصل لها بس امك كانت بتعرف تولع فيه بس ما بطفيش ناره

انا... دي فزوره ما توضحي يا بنتي

نوال... امك عايزه حد يتغزل في جمالها في جسمها و ممكن بوسه حضن لكن لما الموضوع يدخل في الجد هي بتهرب

انا... انا بقي شاكه انه وصل للجد

نوال... ليه؟!

انا... ماما لما تعبت كانت لوحدها في البيت و لما جيت لقتها شبه عارية و كانت تحت تاثير مخدر و منشطات و ده اللي رفع ضغطها

و لو انتي لاحظتي شرين زوجه مصطفى قالت انه تعب في نفس اليوم و نفس الاعراض

نوال... (تضرب علي صدرها) و تقول تصدقي فعلاً ماحدش اخد باله خالص

انا... انتي بعد ما كلمتني عن مصطفى انا رتبت الاوراق

نوال.. مصطفى فعلاً بيشرب خمور و طبعاً منشطات بس الرجاله بتاخد المنشطات عشان القوه هو يعطي لامك منشطات ليه..

انا... فيه منشطات نسائية

نوال... بجد و بتعمل ايه دي

انا... يا بت ماتخرجنيش بره الموضوع

نوال... لا ونبي يا اختي بتعمل ايه

انا.. المنشطات عموما بتعمل تدفق للدم في الاطراف و تدفق الدم ده عند الرجاله بتذود الانتصاب و عند الست بتعمل اثاره في المنطقة و اي احتكاك بتكون فيه اثاره

نوال... اه ابن الكلب كان عايز يسخنها يعني

انا... اه طبعا ما هو خبره و عارف بيعمل ايه

.........

انا... بصي يا نوال انا هروح اطمن علي ماما و اجي قبل الغدا

نوال... سهيله اوعي تزعليها

انا... لا اطمني

... .....

ادخل الشقه امي في المطبخ و عمي في الشغل

ادخل اقبل امي

انا... عامله ايه النهارده يا ماما

ماما... الحمد لله كويسه

انا.. ماما انااااا عايزه..

امي.. سهيله انا عارفه ان دماغك بتودي و تجيب

انا... ريحيني يا ماما

امي... و الله يا سهيله ما لمسني

انا... مين يا ماما... مصطفي صح

امي.. اه مصطفي

انا... ايه اللي حصل يا ماما ريحيني انا دماغي هتنفجر

امي.. انا اتعرفت عليه بعد وفاة ابوكي و كنت بخرج معاه كتير و هو كان جدع معايا

مع الوقت كان بيقولي كلام حب انا طبعاً عارفه انه كلام مش من قلبه بس كنت محتاجه راجل بس و الله ما حصل بينا اي حاجه

كلام و بس كنت بكلمه كتير و كان بيطلب اني اطلع عنده الشقه او ينزل و انتي مش موجودة

عمري ما وفقت

و بعدها انا اتجوزت عمك و هو حاول بعد جوازي و انا كنت بصده

بس عمك اخر تلت شهور من ساعه ما البيرويد قطعت من عندي ( سن اليأس) بقي غريب انا حسيت ان فيه حد في حياته لاني عرفت انه اشتري شقه

انا...عرفتي منين انه اشتري شقه

ماما... هو اشتراها من دكتور معانا في الشغل و قال له ما تقولش لحد

بس اللي كان بيعمل له الديكورات هو المهندس اللي بيعمل ديكورات المستشفى و قالي بحسن نية و روحت العمارة و عرفت الشقه و اخدت رقم البواب و عطيت له فلوس عشان يبلغني عن اخبار عمك

انا... و انتي شكتي انه اشتري الشقه دي ليه

ماما... طبعاً شكله هيتجوز فيها

انا من وقتها و كنت حزينه و هو كان بيبعد عني جدا

انا... و ايه دخل مصطفى في الموضوع

ماما... في الوقت ده لقيت مصطفى و انا طالعة علي السلم لقيته بيكلمني و كان كلامه و طريقته حلوة جدا و عمك كان مابيقربش ليه بقاله ثلاث شهور

كنت حاسه اني مش ست

و مصطفى اللي حسسني اني بقيت ست

بصراحة بقيت بكلمه علي الواتس و لاول مرة نتكلم في كل حاجة

و اتفقنا ان اول ما الظروف تسمح نتقابل

لقيته جاب لي الملابس الداخلية اللي انتي شوفتيها و بدله الرقص

حسيت اني رجعت بنت صغيرة و مرغوبة تاني

فرحت جدا بالهدايا دي و كان نفسي البسها قوي و كان نفسي اليوم يجي و البسها ل مصطفى

كان عنده القدره انه يسخني كنت انا اللي بكلمه و انا اللي طلبت منه انه يجي اليوم ده

انا. ايه اللي حصل بقي

امي.. انا لبست اللبس ده و لبست الروب و اتصلت بعمك قالي انه مسافر و هيجي الساعة 12 بليل

و البواب قالي انه معاه واحدة في الشقه...

قولت هي بيخوني و انا هخونه

انا... طيب ليه ماروحتيش الشقه

امي... ولا اروح ولا اعمل مشاكل و افضح نفسي و افضحه ليه؟

انا.. و بعدين

امي... اتصلت بمصطفي قولت له تعالي

مصطفى جه و معاه زجاجه خمره و حبوب و فاكهه و دخل قاعد و شغل موسيقى و قاعد يرقص و يهزر و ضغط عليا عشان اشرب معاه

بس انا كنت رافضه جدا

بس هو مع الضغط شربت شويه و عطي لي حبايه..

انا حسيت بعدها اني مستمتعه باي حاجه كنت بضحك علي اي كلمه

اخدت مصطفى و دخلنا علي اوضك عشان لو عمك جه بيدخل علي اوضتنا علي طول

لسه مصطفى هيمد ايده عشان يقلعني

جرس الباب رن و لقيت سليم و كان عايز يتاسف عملت له قهوة و صالحته و كان مصطفى في الاوضه...

بعد ما سليم مشي دخلت لقيت نفسي دايخه جدا و بطني وجعاني جدا

و لقيت مصطفى نفس الموضوع و قالي ان الحبوب شكلها منتهيه الصلاحية

لما شعرت اني هفقد وعيي

قولت له اطلع بسرعه انا ممكن اموت و جمعنا كل حاجه و حطنيها تحت سريرك

انا... يعني ماحصلش حاجه

امي.. و الله العظيم ما حصل اي حاجه

و انا و الله يا بنتي غلطت بس سامحيني و اوعدك اني هرفع راسك و تبكي في حضني و تقولي سامحيني يا بنتي

انا... مسمحاكي طبعاً

بس انا عايزه اقولك حاجة

ماما... ايه

انتي عارفه مين الست اللي كانت مع عمو في الشقه

ماما... مين

انا.... انا عمو اخدني عشان يوريني الشقه عشان كان عاملها لك مفاجأة

ماما... بجد

انا... و الله انا اللي كنت معاه

....

تتصل بي نوال تعالي يا بنتي عشان نتغدي

استئذان من امي و اطلع علي السلم

اتصل انا بعمي

انا... الو اذيك يا عمو

عمو... اذيك يا سهيله خير ماما كويسة

انا... اه انا كنت عندها بس كنت عايزه اقولك حاجة

عمو.. خير

انا... ماما عرفت انك اشتريت شقه

عمو.. ( بدهشه) بجد

انا... اه عرفت من حد معاكو في الشغل

عمو... ( بحيره) طيب اعمل ايه دلوقتي

انا... و فيه حاجة كمان

عمو... ايه تاني ( يضحك) يا وش السعد

انا.. عرفت ان كان معاك واحدة في الشقه يوم تعبها

عمو... يا نهاااااار

انا... كنت عايزه اعرفك عشان هي فاكرة انك هتتجوز في الشقه دي

عمو... اتجوز ايه بس انا ماستغناش عن امك والله انا معرفتش اني بحبها كده غير لما تعبت

انا... بجد بتحبها يا عمو

عمو... بحبها بس...ده انا بموت فيها

انا... احنا كنا هنغلط قوي يا عمو

عمو.. انا بحبك قوي يا سهيله بس ما تزعليش مني و انسي كل حاجه و الله يا سهيله عمري ما فكرت فيكي غير بنتي.. بس

انا....بس ايه

عمو... منه لله بقي

انا... مين

عمو... مصطفي..

انا.. ماله كان كل لما يشوفني كان ذي الشيطان.

و يذن في وداني

انا... كان بيتكلم عني معاك

عمو.. منه لله و يقولي البت احلوت اوعي تسيبها تروح لراجل غيرك و حلاكي في عيني ابن الكلب بس و الله عمري ما شوفتك غير بنتي

خلاص انا هقول لها انهارده اني شاريها لكي و معايا العقد و هقول لها ان انتي اللي كنتي معايا عشان نعملها مفاجأة

اسمع صراخ من شرين زوجه مصطفى

الحقونييي الحقونيي

اصعد انا و نوال و الجيران نري مصطفي ملقي علي الارض و في حاله صحيه سيئه جدا

و شرين.. تقول انا قولت له بطل شرب الدكتور قاله لو شربت تاني خطر عليك و شرب

اتصلت بالاسعاف اللي جت و اخدت مصطفى..

الواضح انه في حالة متاخره جدا

و نزلت انا و نوال الي شقتها..

قاعدت مع نوال نتغدي و حكيت لها كلام ماما و عمو

.........

الوقت اللي سليم كان عايز يخون فيه نوال مع ماما

كانت نوال بتخونه مع مصطفى

الوقت اللي عمو كان عايز يخون ماما معايا كانت ماما بتخونه مع مصطفى..

كله سلف و دين

كما تدين تدان....

..........

تليفوني رن رقم غريب

انا الو.... مين..

.....ايه بت مش عرفاني

تعديل المقال