القائمة الرئيسية

الصفحات

رواية جوازه سوده عمياء ولكن كاملة للقراءة والتحميل كوكي سامح

رواية جوازه سوده عمياء ولكن كاملة للقراءة والتحميل كوكي سامح

لقراءة المزيد من روايات كوكي سامح : اضغط هنا
رواية جوازه سوده عمياء ولكن كوكي سامح - تحميل رواية جوازه سوده عمياء ولكن - رواية جوازه سوده عمياء ولكن الحلقة - رواية جوازه سوده عمياء ولكن البارت - رواية جوازه سوده عمياء ولكن الفصل - رواية جوازه سوده عمياء ولكن الجزء - رواية جوازة سوداء لكوكي سامح - رواية عمياء ولكن كوكي سامح - رواية جوازه سوده عمياء ولكن كاملة pdf
رواية جوازه سوده عمياء ولكن كاملة للقراءة والتحميل كوكي سامح

فصول رواية جوازة سودة - عمياء ولكن للكاتبة كوكي

لقراءة رواية جوازة سودا عمياء ولكن الحلقة الأولى بقلم كوكي سامح : اضغط هنا
لقراءة رواية جوازة سودا عمياء ولكن الحلقة الثانية بقلم كوكي سامح : اضغط هنا
لقراءة رواية جوازة سودا عمياء ولكن الحلقة الثالثة بقلم كوكي سامح : اضغط هنا
لقراءة رواية جوازة سودا عمياء ولكن الحلقة الرابعة بقلم كوكي سامح : اضغط هنا 
لقراءة رواية جوازة سودا عمياء ولكن الحلقة الخامسة بقلم كوكي سامح : اضغط هنا 
لقراءة رواية جوازة سودا عمياء ولكن الحلقة السادسة بقلم كوكي سامح : اضغط هنا 
لقراءة رواية جوازة سودا عمياء ولكن الحلقة السابعة  بقلم كوكي سامح : اضغط هنا 
لقراءة رواية جوازة سودا عمياء ولكن الحلقة الثامنة بقلم كوكي سامح : اضغط هنا 
لقراءة رواية جوازة سودا عمياء ولكن الحلقة التاسعة بقلم كوكي سامح : اضغط هنا
لقراءة رواية جوازة سودا عمياء ولكن الحلقة العاشرة 10 بقلم كوكي سامح : اضغط هنا 
لتحميل الرواية pdf : اضغط هنا 
-
شوفت الداده ايدها فى عين نيره بنت خالتى لحد ما صفت عينها وهربت وللأسف فقدت نظرها للأبد والطب احتار فى حاله نيره وخلاص هى اتعودت على حياتها كده وفقدت الأمل وبعد مرور السنين نيره بقت يتيمه وكان ليها اخ واحد مصطفى وسافر كندا من سنين وحتى مبيسألش عليها خالص


.. انا أمنيه يتيمه الأم والأب وعايشه على معاش بابا الموت خد بابا وماما بدرى قوى بس بصراحه بابا مقصرش معايا الحمد لله متعلمه معايا بكالوريوس تجاره وبشتغل فى شركه ومن وقت للتانى بسأل على نيره بحس انها منى ما هى فى مقام اختى هى بنت خالتى واحنا من دم واحد الفرق بينى وبينها الماديات انا فقيره ولا املك غير معاش بابا ومرتبى من الشركه إنما نيره ورثت من باباها فلوس فى البنك وكذا عماره وغير الشركات وغير الڤيلا وكمان كذا عربيه بس والله عمرى ما طلبت منها حاجه وكنت بزورها من وقت للتانى لحد ما جه اليوم اللى انا وهى خرجنا لخطوبه واحده صاحبتنا وطلبت منى اسوق العربيه وانا رفضت وبشده وقولتلها فين السواق بتاعك رددت وقالت حسن مش موجود النهارده وفضلت تتحايل عليه لحد ما وافقت عموما الخطوبه كانت بعد ڤيلا نيره بكام كيلو وانا بسوق على قدى واليوم ده نيره كانت جميله اوى وكانت لابسه مجوهرات وفستان الكل يشهد انها جميله بالفعل ولما ركبنا العربيه وفى الطريق دخلت فى رصيف والعربيه اتخبطت ونزلت من العربيه شوفت ست قاعده على الأرض والمكان ده المفروض فاضى وشاورت ليه وقالت تعالى انا قولت ل نيره ثوانى هشوف الست دى عاوزه ايه رددت وقالت تعالى اسندينى انا هنزل معاكى بس وانا بسند نيره الست بصت ليه وشاورت بإيدها وكأنها عارفه ان نيره مش بتشوف وقالت تعالى قولت ل نيره ثوانى وروحت لحد الست وقالت هى البنت دى عمياء انا رديت عليها وقولت اه بس كانت حادثه رددت وقالت انا قدرك وبقولك لما تحتاجينى تعالى انا موجوده هنا رديت وقولت يا ست انتى ده المكان ده مهجور وصحرواى رددت وقالت تعالى هنا واسألى عليه انا قدرك وبصراحه انا استهرت بكلامها وقولت قدرى ايه دى ست مجنونه ونيره سألتنى وقالت هو فى حاجه قولتلها دى واحده بتخرف شكلها عاوزه قرشين ولا حاجه وركبت العربيه وروحنا الخطوبه واتبسطنا وكان يوم حلو اوى ورجعت مع نيره الڤيلا وطلبت منى طلب غريب وقالت انا عاوزه اتفق معاكى اتفاق يا أمنيه

.. قولى يا نيره خير يا حبيبتى

.. انا قاعده لوحدى زى ما انتى شايفه وكفايه ان الدنيا فى عينى سوده مش فارقه كتير 🤷‍♀️ ومفيش حد معايا غير فوزيه الداده والبواب وحتى مفيش حد بيزورنى غيرك ومصطفى اخويا مبيسألش عليه خالص

.. متزعليش يا نيره بكره ربنا هيرزقك بأبن الحلال والطب أتقدم وان شاء الله يكون فى علاج لحالاتك ونظرك يرجع رددت وقالت انا فقدت الأمل خلاص وكمان اتعودت على الضلمه المهم خلينا فى موضوعنا انا عاوزاكى تيجى تعيشى معايا انا لوحدى ايه رأيك رديت وقولت انا نفسى اعيش معاكى علشان اكون جمبك على طول وطلبت منى طلب غريب وقالت انا عارفه انك بتحبى جاركم من زمان والماديات هى إللى بتبعدكم عن بعض انا هساعدكم علشان تتجوزوا والڤيلا موجودة اهى انا فى الدور الأول وانتم اطلعوا الدور التانى اهو فاضى ايه رأيكم رديت وانا مبسوطه وفرحانه وقولت ربنا ما يحرمنا منك يا حبيبتى انا مش عارفه اعملك ايه بس ده كفايه انك هتلمى شملنا انا وحبيبى رددت وقالت يلا بقى روحى فرحى حبيبك هو اسمه ايه رديت وقولت اسمه حازم وفعلا مكدبتش خبر وقولت لحازم كل حاجه هو فى الاول رفض وقالى احنا مش شحاتين بس انا قولتلوا ان نيره دى بنت خالتى وأطيب خلق الله وبعدين هى هتستفاد هنقعد معاها وكمان هناخد بحسها وغير كده ده ثواب بس طلب منى يدفع فى الأكل وبصراحه ضحكت علشان نيره مش بدقق وخدته ع قد عقله واتجوزنا فى شهر ونيره عملت لنا ليله كبيره فى فندق فايف ستارز وكان يوم جميل وبصراحه هى كانت جميله بس يا خساره انها مش بتشوف وبعد الفرح ما خلص طلعنا ب العربيات على الڤيلا ولقيت نيره مجهزه الدور التانى وكأنه جناح ملكى وانا الملكه إللى داخله فيه ولما دخلت اوضه نومى انا وحازم لقيت السرير كله ورد والاوضه كلها شمعدان منور والعشا جاهز على ترابيزه جمب الفوتيه ولما فتحت الدولاب كانت مجهزه ليه قمصان وهدوم وبرفانات وبصراحه كتير وكله كان مفجأه بالنسبه ليه وكمان مجهزه هدوم لحازم حتى هو استغرب وقرب منى وقال مبروك يا عروسه وابتدى يقلعنى الطرحه وانا ابتسمت ابتسامه عريضه كلها خجل وخوف وكسوف منه ده اول راجل فى حياتى ده حبى الوحيد وقلعنى الطرحه ولمس شعرى بإيده وفك سوسته الفستان وفجأه الباب اتفتح علينا وكانت نيره ولابسه قميص نوم شفاف وبصراحه كان شكلها يكسف ودخلت علينا ووقعت على الأرض وحازم بصلها اوى وقال فى ايه مالك يا نيره وجرى عليها وهى لمست ايده وقالت معلش انا قطعت عليكم الليله الجميله دى بس صدقنى يا حازم انا مقصدش بس وانا معديه غصب عنى زقيت الباب ما انت عارف انى عمياء وكمان نسيت انكم فالأوضه ما انا متعوده على انى عايشه لوحدى رد وقال ولا يهمك ولقيتها مسكت وسطه وابتدت تسند عليه وقالت ارجوك عاوزه اقوم ياريت تسندنى....

رواية جوازه سوده عمياء ولكن الحلقة الثانية بقلم كوكي سامح


ج. 2...#جوازه_سوده(عمياء ولكن...)
ونيره مسكت ايد حازم وقالت اسندنى وابتدت تحسس على جسمه وراح مسك ايدها وسندها ودخلت عليهم الداده فوزيه وقالت يالهوى ست نيره واقعه على الأرض قومى قومى يا بنتى وبصت لحازم وقالت ايه ده كله جسمك باين وسنددتها وخدتها وخرجت من الاوضه وهى خارجه نيره قالت الف مبروك أن شالله ليله سعيده عليكم وقالت امنيه مش بتردى عليه ليه؟؟ ولا حتى سمعت صوتك من وقت ما وقعت على الأرض
.. لأ والله يا نيره انا بس اتخضيت
.. الف مبروك يا حبيبتى 😍 صحيح الورد عجبك انا عارفه انك بتحبيه وكمان اشتريت كل أنواع الشمعدان علشان ينور ليلتكم وتكون ليله رومانسيه 😍
.. ربنا يخليكى ليه يا نيره انتى عارفه انك اختى ومليش غيرك
الداده فوزيه.. مبروك يا حبيبتى والف مبروك يا عريس ليله سعيده 😁
.. وحازم قفل باب الأوضه ودخل اوضته مع مراته وقال عارفه نيره بنت خالتك دى غريبه اوى مع انها مش بتشوف بس انا حسيت انها شيفانى رددت وقالت ههههه هى كده مش بتحب تبين ضعفها رد وقال ده مش ضعف ده ابتلاء وربنا يعف عنها
.. يارب يا حبيبى 👩‍❤️‍💋‍👨 بحبك يا حازم
.. وانا بعشقك يا اجمل عروسه فى الدنيا كلها ونام على السرير وخد امنيه فى حضنه وقالها بس نيره جسمها حلو اوى
.. لأ والله انت بتستعبط صح بتعاكس قدامى وانا فى حضنك واول ليله لينا مع بعض ده النهارده دخلتنا يا حازم رد وقال أصلها مغريه وكانت بتعاكسنى رددت وقالت دى عمياء مش بتشوف رد وقال يا شيخه حرام عليكى
.. انت عصبتنى انا فعلا مقصدش ده محدش فينا ضامن نفسه 🖤
حازم.. هى نيره مولوده كده مش بتشوف 
امنيه.. لأ دى حادثه قديمه هحكيلك الداده بتاعتها هى اللى عملت فيها كده 
حازم.. خلاص بعدين بعدين تعالى فى حضنى وحشتينى 
امنيه.. بجد وحشتك 🤭
حازم خد امنيه فى حضنه 
نيره واقفه بتتسنط على الباب هى والداده وقالت انا عمياء.. انا اللى جبتك هنا وجوزتك يا زباله 
الداده فوزيه.. غيرانه منك يا ستى ومن جمالك دى معصعصه وانتى قمر وجسمك ملفوف وغير جمالك 
نيره.. هى احلى منى يا داده 
الداده فوزيه.. مين دى.. ده انتى قمر هى مش حلوه خالص ده حتى كله عيوب 
نيره.. وحازم حلو انا لما لمست جسمه حسيت انه راجل.. ما انا عايشه على الإحساس 😢 ممكن توصفيه يا داده
الداده فوزيه.. هو شاب زى القمر ودقنه خفيفه وجسمه طول وعرض 
نيره.. المهم انا حاسه من كلامه انه حنين اوى 
الداده فوزيه.. ما انا قولتلك قبل كده بلاش تجوزى البت دى معانا هنا 
نيره.. لأ كان لازم تتجوز هنا وانتى عارفه السبب كويس 
الداده فوزيه.. تعالى ننزل نكمل كلامنا فى اوضتك تحت 
نيره.. يلا يا داده 
.. والداده خدت نيره ونزلت على اوضتها وفضلت سهرانه معاها وقالت يا داده انا فهمت امنيه انها متستخدمش الحمام اللى فوق علشان بايظ وهتستخدم اللى فالدور اللى تحت 
الداده فوزيه.. خلاص ماشى بس ليه مع انى عارفه ليه 😂😁
نيره.. شاطره وعلشان شطارتك عاوزاكى تحضرى ليه قميص بالروب شفاف وبورنس جديد 
فوزيه.. عنيه يا ستى وتاج راسى هو انا ليه غيرك فى الدنيا دى 😒 
نيره.. ربنا يخليكى ليه يا داده يلا بقى حضرى الحاجه اللى طلبتها منك وعلى الضهر تيجى هنا تساعدينى علشان العرايس يكونوا صحيوا 😂😁
فوزيه.. حاضر 
.. وفعلا وقامت فوزيه حضرت القميص بالروب والبورنس وحطتهم على الفوتيه وخرجت وراحت تنام فى اوضتها 
.. وفى صباح اليوم التالى وكانت الساعه 12 الضهر وفوزيه دخلت على نيره الاوضه وقومتها من النوم ونيره خرجت بره الاوضه ودخلت الحمام
امنيه.. قوم بقى يا قلبى 
حازم.. صباح الفل يا حبيبتى 😍 صباحيه مباركه يا عروسه 
امنيه.. مباركه بس قول صباحيه سعيده وكلها حب وحنيه 
حازم.. هقوم اخد شاور ويلا انتى كمان 
.. وحازم قام من السرير 
امنيه.. حبيبى الحمام تحت معلش اللى هنا لسه محتاج تصليح 
حازم.. اوك تعالى معايا 
امنيه.. انزل انت علشان احضر هدوم ليه وليك علشان ننزل نفطر 
وفعلا حازم نزل وكانت نيره دخلت الحمام وبتاخد شاور وفتح الباب وميعرفش انها فالحمام 
نيره.. ايه ده مين 
حازم.. قفل الباب بسرعه وقال استغفر الله العظيم انا يا انسه نيره انا اسف بجد
نيره.. ولا يهمك ولبست البورنس وخرجت وحازم وكان واقف ورا باب الحمام مخضوض وبيتكلم وقربت منه وقالت بصوت واطى ومسكت جسمه وقالت انا اللى غلطانه انا عارفه انك عريس جديد بس.. بس.. بس 
حازم.. بس ايه ؟؟ 
نيره.. قالت وكأنها مكسوفه انا اللى لازم اجيب سباك يظبط ليكم الحمام فوق بجد اسفه وكمان انا مكسوفه انت شوفت جسمى صح 
حازم قال فى سره يخربيتك ده انتى نار 🔥❤️ 
و يخربيت برفانك وكلك على بعضك ست جميله 
نيره.. انت بتقول حاجه 
فوزيه.. ياااه يا ستى انا اسفه ازاى اسيبك لوحدك معلش يا استاذ حازم 
حازم.. لا مفيش 
فوزيه.. طيب انا بجهز الفطار ثوانى وهرجع لكم 
نيره.. بسرعه انا مكسوفه وقالت حازم ادخل الحمام ممكن فى جوه على المرايا ازازه البرفان  بتاعى عاوزاه ممكن
حازم.. حاضر 
.. امنيه نزلت من فوق وشافت فوزيه وصبحت عليها وشافت حازم وهو داخل الحمام وقالت كل ده مخلصش ولمحت بعينها نيره دخلت ورا حازم الحمام وقفلت الباب عليهم 
امنيه شافت كده اتجننت وقالت هو ايه المنظر ده وجريت وفتحت باب الحمام..... 
#الجزء_الثانى
#جوازه_سوده(عمياء ولكن..) 
#بقلمى_كوكى_سامح 
علقوا ب 20 ملصق ومشاركه للبوست علشان يوصلك اشعار الجزء الثالث وبنزل الاجزاء ع حسب التفاعل

رواية جوازه سوده عمياء ولكن الحلقة الثالثة 3 بقلم كوكي سامح 

وامنيه جريت على الحمام وقالت ايه المنظر ده وفتحت الباب وشافت نيره واقعه على الأرض وحازم قاعد بيفوقها وقالت فى سرها هى ازاى وقعت ده انا شوفتها بعينى دخلت الحمام وقفلت الباب
حازم.. الحقى يا امنيه نيره اغمى عليها
امنيه.. هو انت بتعمل ايه هنا
حازم.. بعمل ايه ما انتى عارفه انى نازل الحمام شوفت صاحبه البيت فالحمام اخرجها انا بقى وادخل ولا ايه يا ست امنيه
امنيه.. مقصدش على فكره هو انت مش شايف هى لابسه ايه ده اللى يشوفها يقول انها العروسه وانا نازله لابسه مقفل علشان الطباخ والبواب
حازم.. انا رفضت من الاول انى اقعد هنا انا طالع واتصرفى انتى مع بنت خالتك ان شالله تولعوا فى بعض
نيره قالت فى سرها الله يخربيتك ده كان خلاص هيقع فيه منك لله والله ده خساره فيكى ده انتى نكد بس وحياه اللى بينا يا امنيه لا اخد حازم منك واعرفك ان الله حق
امنيه قعدت على الأرض ومسكت البرفان وابتدت تفوق نيره وتقول فوقى يا اختى لابسه العريان وكأنك عروسه قال عمياء يا اختى انا اللى عمياء
.. وابتدت نيره تفوق وقالت مين فالحمام معايا رددت وقالت انا امنيه انا جمبك يا حبيبتى
نيره.. متزعليش منى يا امنيه انا اسفه انا من كسوفى اغم عليه
امنيه.. ليه حصل ايه؟
نيره قالت فى سرها انا لازم اخليها تغير وتولع
نيره.. شاف جسمى وانا عريانه انا كنت فالحمام وفتح الباب بس الشهاده لله مكانش يعرف انى جوه وانتى عارفه بقى انا مش بشوف كنت بحسب الداده وغصب عنى اترميت فى حضنه
امنيه.. انتى اختى وحازم زى اخوكى الكبير يا داده يا داده فوزيه
.. فوزيه جت تجرى وتقول نعم يا ست امنيه يالهوى ست نيره واقعه على الأرض
امنيه.. تعالى شوفيها وياريت تخلى بالك منها انا اعصابى سايبه وعندى هبوط
.. وامنيه طلعت الدور التانى تشوف حازم
فوزيه.. ايه يا ست البنات حصل ايه؟
نيره.. حصل كل خير يا داده خلاص حازم على تكه انا بعرف الراجل كويس مع انى مش بشوف بس بسمع كويس بسمع دبه النمله والاحساس عندى عالى ولو عاوزه توقعى راجل لازم تحركى غريزته ويكون عاوزك وانا حركتها النهارده
فوزيه.. كتك ايه يا ست نيره أوقع مين يا بنتى 😂 انا عجزت خلاص
نيره.. قومينى بس.. انا بقول مثلا يا داده
وفوزيه سندت نيره وحضرت الفطار وقعدوا على السفره
امنيه.. يلا علشان تفطر
حازم.. مش هنزل
امنيه.. انا اسفه
حازم.. انتى بتغيرى من بنت خالتك العمياء
امنيه.. انت مش شايف هى لابسه ايه 😁
حازم.. انا كنت رافض من الاول وانتى اللى كان عندك أصرار جامد علشان نعيش هنا
امنيه.. انا اسفه يلا علشان تفطر بقى
.. وفعلا نزلوا وكانت نيره قاعده على السفره مستنيه وفطروا مع بعض وفضلوا قاعدين مع بعض طول اليوم ولما الساعه دقت 11 بالليل حازم قال انه طالع ينام وساب امنيه مع نيره وكانوا بيتكلموا وقال بيتكلموا وكأنهم اخوات وانا متأكد ان امنيه مش بتحبها وبتغير منها
نيره.. اه عندى مغص وحاسه انى هموت
امنيه.. مالك اعملك نعناع
فوزيه.. انا هروح اعمل لها نعناع
نيره.. اه مش قادره
امنيه.. قومى تعالى نروح اوضتك انا هنام معاكى النهارده
نيره.. لأ خليكى اطلعى لجوزك انتى لسه عروسه
امنيه.. قومى بس حازم تلاقيه نام انا هقعد معاكى
وامنيه قامت مع نيره ودخلوا اوضتها وقعدت معاها والداده جابت النعناع وامنيه راحت فالنوم وهى بتتكلم مع نيره
..نامت يا ست نيره
.. وطى صوتك يا داده انا هلبس بسرعه بس هلبس فى اوضتك علشان متصحاش
.. وفعلا راحت مع الداده وغيرت هدومها ولبست وحطت برفان وسرحت شعرها وفردته على ضهرها وفوزيه طلعت معاها وسابتها ونزلت تقعد مع امنيه علشان تاخد بالها لو صحيت
.. و نيره فتحت باب الاوضه على حازم وكان نايم على السرير راحت لحد السرير ونامت جمبه وقال حبيبتى امنيه رددت وقالت انا حبيبتك نيره يا حبيبى وابتدت تحضنه وحازم قام من مكانه واتفزع وقال نيره ايه ده رددت وقالت وهى بتحضنه انا بحبك
حازم.. ابعدى عيب كده
.. انا بحبك يا حازم عيب ايه انا مش بشوف بس عارفه انى عجباك وهى بتحضنه وحازم قالها انا فعلا معجب بيكى وخدها فى حضنه....
لقراءة الحلقة الرابعة انظر للروابط اعلى المقال.

رواية جوازه سوده عمياء ولكن الفصل الرابع بقلم كوكي سامح 

وخدها فى حضنه وامنيه نايمه فى الدور اللى تحت وكانت معاها الداده وحصلت علاقه جنسيه بين نيره وحازم..
حازم.. انا حاسس اننا غلطنا مكانش ينفع دلوقتى يا نيره
نيره.. انا حبيتك من اول يوم روحت فى بيت خالتى وكنت انا والداده بنزور امنيه وفى اليوم ده انا فكراه كويس كانت بتتكلم معاك وكانت مبسوطه اوى رغم أنها مش زى هى فقيره وانا غنيه بس يا خساره معاها اللى مش معايا معاها حب وراجل بيخاف عليها ومش ناقصها حاجه وكفايه انها بتشوف وانا عمياء حتى مش قادره اشوف الراجل اللى حبيته
واترمت فى حضنه وصعبت عليه اوى لدرجه ان حازم بكى وقال فى سره معقول بتحبنى اوى كده بس انا مكنتش اعرف ودلوقتى انا عرفت هى طلبت من امنيه اننا نعيش معاها ليه
ونيره قالت فى سرها اكيد بيفكر فى كلامى واتأثر كمان ده انا حاسه بدموعى فى ايدى
نيره.. حبيبى عارف نفسى فى ايه
حازم.. فى ايه
نيره.. نفسى نعيش مع بعض على طول ولوحدنا
حازم.. ازاى يعنى انتى عارفه انى متجوز وكمان بنت خالتك يعنى مش اى واحده والسلام
نيره.. ههههه انت خايف منها ولا ايه!!!
حازم.. اكيد هى مراتى وليها حق عليه
نيره.. لو على كده تاخد حقها وطلقها
حازم.. مينفعش دى تموت انتى متعرفيش بتحبنى ازاى وبعدين انا عاوز أسألك ايه اللى بينك وبين امنيه علشان تعملى فيها كده
نيره.. ااوف بقى بعدين انا هقوم انزل شكلك زهقت منى
حازم.. انا عاوز رد وانتى بتهربى
نيره ابتدت تحسس على جسم حازم ومسكت ايده وحضنته وقالت يا حبيبى بلاش عصبيه احنا دلوقتى فى أجمل لحظه فى حياتنا سبنى انام فى حضنك وصدقنى مع الوقت هتعرف كل حاجه وهو مستسلم ليها ومش حاسس انها عمياء بس شيطانه فى صوره بنى آدم
.. وفى صباح اليوم التالى امنيه صحيت من النوم وقالت ايه ده فين نيره ياااه ده انا سبتها وراحت عليه نومه يا ترى المغص عامل معاها ايه دلوقتى وهى فين دلوقتى دى مش موجوده جمبى على السرير
.. الباب اتفتح على امنيه وكانت الداده وقالت ست امنيه صباح الخير
امنيه.. صباح النور هو انتى متعوده تتدخلى من غير ما تخبطى عالباب رددت وقالت انتى متعرفنيش كويس انا مربيه ست نيره وهى بالفعل بنتى
.. بس يا داده اللى بتتكلمى فيه حاجه والأصول حاجه تانيه عموما حصل خير فين نيره رددت الداده وهى بتهته وقالت ست نيره معرفش؟ فى الحمام
امنيه.. ههههههه ما ترسى على بر متعرفيش ولا هى بالحمام
الداده.. والله يا بنتى انا سبتها بالليل تعبانه والمغص مقطع بطنها وعملت لها حاجات دافيه وانتى نمتى وفجأه لاقيتها نامت جمبك روحت قومت على اوضتى ودلوقتى كنت فالمطبخ علشان احضر الفطار وكنت جايه اشوفكم صحيتوا ولا لسه
امنيه.. انا قومت من النوم ملقتش نيره جمبى
الداده.. اكيد فالحمام
امنيه.. خلاص يا داده روحى انتى حضرى الفطار وانا هشوف نيره فالحمام وقالت فى سرها الداده دى غريبه نيره ازاى هتروح الحمام من غيرها دى مببتحركش غير معاها
الداده جريت على الدور اللى فوق وخبطت على اوضه حازم وهو رد وقالت الفطار جاهز يا بيه ولما فتح الباب فضلت تبص فى الاوضه علشان تشوف نيره ومكانتش موجوده وحازم رد وقالها حاضر شويه وهنزل وقالها هى امنيه صحيت ولا لسه رددت وقالت اه رد وقالها خلاص يا داده روحى دلوقتى وانا هنزل
الداده متلغبطه وخايفه على نيره جداً وقالت هى راحت فين ويا ترى حصل ايه امبارح
امنيه قامت وخرجت بره الاوضه وراحت لحد الحمام وفضلت تخبط عالباب وراحت فتحت الباب ودخلت وفضلت تصوت وقالت نيره قومى مالك يا حبيبتى
حازم نزل من فوق وخد السلالم جرى والداده نزلت معاه وكانت مرعوبه وراحوا لحد الحمام وشافوا نيره واقعه على الأرض وامنيه بتصوت
حازم.. فى ايه
امنيه.. معرفش أنا دخلت لقيتها واقعه فالحمام وغرقانه مياه مش عارفه فى ايه
الداده.. يا نهار اسود هى ست نيره ماتت ولا ايه
حازم.. ماتت ايه يا ست انتى! اسكتى خالص مش عاوز اسمع صوتك
.. وحازم شال نيره ودخل بيها على اوضتها وقال برفان بسرعه وفعلا الداده اديته برفان واول لما خلى نيره تشمه فاقت على طول
امنيه.. الحمد لله
حازم.. انتى كويسه يا نيره
نيره.. الحمد لله متتخضوش عليه
الداده.. حصل ايه انتى فيكى ايه رددت وقالت مفيش يا داده انا قومت من النوم وامنيه نايمه ومحستش بيه وملقتكيش جمبى وروحت الحمام واول ما خدت الشاور حسيت بدوخه روحت لابست البورنس ومحستش بنفسى غير دلوقتى
حازم قال فى سره يا لهوى يا بنت اللعيبه عمياء قال والله انا اللى ما بشوف انا والغلبانه امنيه دى انتى شيطان والشيطان يصقفلك كمان
حازم.. الحمد لله انك بخير
امنيه.. انا هروح اغسل وشى يلا يا حازم
وامنيه خرجت وحازم قبل ما يخرج قرب من نيره وقال انتى الشيطان يرفعلك القبعه
نيره. ههههههه روح وراها قبل ما تاخد بالها
الداده دخلت البلكونه وعملت نفسها مش واخده بالها
حازم.. هستناكى على الفطار
الداده خرجت من البلكونه وقالت حصل ايه يا ست نيره امبارح سبع ولا ضبع رددت وقالت سبع طبعا وقريب اوى هوصل لهدفى بس اوعى تسبينى يا داده
الداده.. انتى بنتى ومش هسيبك لحد ما اموت
وقالت انا خارجه احضر الفطار

رواية جوازه سوده عمياء ولكن الفصل الخامس كوكي سامح 

امنيه.. حازم ما تلم عينك شويه
حازم.. فى ايه بلاش الغيره دى وبعدين قولتلك قبل كده انتى روحى وحياتى رددت وقالت بجد وانا بحبك اوى وبغير واوعى تقول انها عمياء لا دى جميله وبيضا كمان وشعرها اصفر إنما انا شكلى عادى رد وقالها مش بالشكل صدقينى انا بحبك وبعدين انتى اللى قولتى نعيش هنا ياريت بلاش تزهقينى رددت وقالت خلاص والله بس حبى ليك بيخلينى اغير موت ونزلوا فطروا وقعدوا كلهم على السفره
.. تليفون امنيه رن وكان مديرها فى الشغل وقالت لحازم ده خالد المدير بتاعى هرد عليه وارجعلك
حازم.. نيره انتى كويسه بصت ناحيه صوته وقالت نفسى افتح عنيه علشان اشوفك ياريتنى كنت بشوف انا حاسه انى عاجزه رد وقالها ده امر الله رددت وقالت صح انت عندك حق وقامت من على السفره
امنيه.. هى نيره قامت ليه رد وقالها اسأليها معرفش لقيتها قامت لوحدها
نيره خرجت الجنينه وبتتسند وفضلت تعيط وتقول انا عمياء وهى مفتحه انا غنيه وهى فقيره انا تعبت بس مش هسبها دى ضيعت حقى وانا عميت بسببها ومش ههنيها ولا يوم
وبعد مرور ايام وشهرين من خاينه نيره لأمنيه
..وفى يوم امنيه قامت تعبانه وبترجع وتعبانه اوى وعملت اختبار حمل وعرفت انها حامل ونزلت جرى من على السلم وهى بتقول نيره نيره وكانت نيره فالجنينه وكان حازم فى شغله
نيره.. نعم يا امنيه
امنيه.. فى خبر حلو هيفرحك انا حامل حامل وهبقى أم بعد 7شهور رددت وبكل برود وجزت على اسنانها وقالت مبروك
امنيه.. انا هروح اكلم حازم وافرحه
وفعلا سابت نيره وقامت تكلم حازم
الداده.. مبروك يا ست الستات
نيره.. خلاص يا داده كلها 7 شهور زى ما قالت ومش هتشوف يوم راحه وخلاص المراد تم
الداده.. هتعملى ايه
نيره.. هقول لحازم انى حامل......
هل اعجبك الموضوع :

تعليقات

لقراءة الرواية كاملة وتحميلها pdf قبل نزولها على المواقع انضم لمجموعتنا عـ الفيس بوك : من هنا