رواية وما عيناك الا خمرٌ وانا اثملُ العاشقين حُباً الحلقة الثانية 2 - روايات آيات
لقراءة المزيد من الروايات الخليجية : اضغط هنا
 |
| رواية وما عيناك الا خمرٌ وانا اثملُ العاشقين حُباً الحلقة الثانية 2 - روايات آيات |
رواية وما عيناك الا خمرٌ وانا اثملُ العاشقين حُباً الحلقة الثانية 2 كاملة مكتوبة بقلم الكاتبة آيات
لقراءة الحلقة السابقة : اضغط هنا
-
انصدم من حركتها وبلع ريقه وهو مو قادر يبعد عيونه
عنها : اهدي اول وقوليلي وين بيتكم،
استجمعت نفسها بصعوبه واشرت بإصبعها على بيت صغير
كان بابه اللي مصنوع من خشب شبه مكسور و واضح من
شكله انه لناس فقراء وعلى قد حالهم طالع فيها للمره الاخيره
وقام بسرعه ودخل للبيت وانصدم بالرجال اللي كان مرمي
بالارض وكان عمره تقريباً بالخمسين قرب بسرعه وحاول
يقومه ويشيله لكن كان ثقيل عليه سمع صوت بكيها من
وراه ولف عليها : تعالي ساعديني باخذه للمشفى،
قربت بسرعه بدون حتى ما تفكر وساعدته حتى دخله
للسياره وركبت معه وهو حرك بأقصى سرعته وكان كل
شوي يطالع فيها بالمرايا ويراقبها وهي تبكي وماسكه يد
ابوها وتبوسها بلهفه وتمتم بكلام مو مفهوم حزن على حالها
ودعى بقلبه ان ما يصير شي لابوها بعد وقت وصل
للمستشفى واخذوه ودخلوه لداخل وايلين كانت واقفه برا
وضامه نفسها بقوه وخايفه من نظرات اللي يطالعون لها من
خوفها وفزعها ما فكرت بنفسها وانها بدون عبايتها وحجابها
غمضت عيونها لكن فتحتهم بسرعه يوم حست فيه يقرب
منها ارتجفت ورفعت راسها وانصدمت بحركته يوم حط
شماغه على شعرها وببحة : تغطي الكل جالس يطالع فيك،
نزلت راسها بإحراج وزادت دموعها بالنزول وعزام فهم انه
احرجها وشتت انظاره عنه،
.
كانت معصبه وتشتم فيه بكل غضب وايات ميته ضحك
على تعابير وجهها حنين : انا بحياتي كلها ما شفت انسان
مريض مثل ذا وربي شكله مختل عقلياً ومايفهم بالكلام!،
ايات كتمتها ضحكتها : عادي عادي الحب الكبير يبدأ بهواش،
حنين سكتت بقهر ورجعت تتكلم : تخيلي كسر جوالي اللي
ما صارله شهر عندي وفوقها متكبر وشايف نفسه تعرفين وش قال؟
ايات حطت يدينها تحت خدها وهي بالقوه ماسكه
ضحكتها : وش قال بعد؟،
حنين وقفت وصارت تقلد حركاته بطريقة تضحك :
انتي تعرفين مين انا عشان تتجرأين وتسوين كذا؟،
ماقدرت ايات تمسك ضحكتها وضحكت بصوت عالي
حاولت تكتم ضحكتها بس ماقدرت وغطت وجهها بيدينها
وحنين انقهرت ورجعت جلست : لا تضحكين ما يضحك،
.
.
ارتجف قلبها بقوه ونزلت دموعها وهي تسمع كلام الدكتور
شهقت بألم وصارت تبكي وتهز راسها بالرفض : انا ماعندي
هالمبلغ تكفى سو شي لا يموت ابوي هو الوحيد اللي
بقى لي الله يخليك لا تحرمني منه،
ماقدرت تمسك نفسها وجلست بالارض وهي منهاره
بالبكي فقدت الامل من انه يكون بجانبها وبصحته هي
مستحيل تقدر تدبر مصاريف علاجه اما عزام كان واقف
ويطالع فيها وقلبه متقطع على حالها بعد فتره تكلم
بهدوء : تقدر تبدأ انا بدفع مصاريف علاجه واتكفل فيها،
.
تفاعلوا💗.
قراءة الحلقة الثالثة : اضغط هنا
قراءة الحلقة الثالثة : اضغط هنا