رواية حكاية رحمة الحلقة الثالثة 3 بقلم ملك إسماعيل
رواية حكاية رحمة الجزء الثالث 3 بقلم ملك إسماعيل
رواية حكاية رحمة البارت الثالث 3 بقلم ملك إسماعيل
 |
| رواية حكاية رحمة الفصل الثالث 3 بقلم ملك إسماعيل |
رواية حكاية رحمة الفصل الثالث 3 بقلم ملك إسماعيل
"رحمة مشيت وحست ان فى حد ماشي وراها ..بصت ملقتش حد ..فكملت عادي ..بس فجأة..
بصرخة_ااااه
"لقيت واحد زقني علي الارض
_انت مين
=طلعي الفلوس الي معاكي
_انت مجنون..انا ممكن الم عليك الناس
"طلع مطوة من جيبه..وكان شكله مش في وعيه..وقرب مني"
=جربي كده وهتلاقيني مشو*هك..فطلعي الفلوس بالذوق
بخوف_أ..أنا مش هعرف
بزعيق =خلصي بقولك
بدموع_أنا مش هقدر اديهالك تعالي خد الفوس الى عايزها وسيبني امشي
=ارمي الشنطة خلصي
_مش هعرف ..بقولك تعالي خودها
"رفع المطو*ة وقرب منها وهي بترجع لورا بخوف..وهي فجأة صرخت ..قام جري ناحيتها ضر*بها بالمطو*ة وسحب الشنطة وجري..ووقعت رحمة علي الارض ومسكت بطنها ولقت ايديها كلها د*م فاغمي عليها"
***
ببكاء شديد=حسام انت فين
_في الشغل
=الحقني ..الحق رحمة يا حسام
_في ايه يا ماما..مالها رحمة
بكاء=....
_ردي يا ماما قلقتيني
=ام..ام سعيد اتصلت لقت رحمة مرمية غرقانة فى دمها..و..وخدتها على المستشفي..وانا رايحة دلوقتي تعالي يا بني الحقنا
بصدمة_ايه ازاي وايه الى حصلها طيب ..انا هاجي مستشفي ايه
=مستشفي(***)
"رحمة بالفعل فى المستشفي والكل في حالة من الصدمة والتوتر والانهيار "
****
=اهدي يا كريمان ان شاء الله هتبقي كويسة
_بنتي بتضيع مني يا ام سعيد ..بنتي ..اااه يا رحمة
=اهدي ..متعمليش في نفسك كده
***
=انا السبب..انا لو مكنتش سيبتها مكنش حصلها كده ..انا السبب
هند بدموع _خلاص يا حسام اهدي..هي هتبقي كويسة انا متأكده
=انا الى عملت فيها كده مكنش ينفع اسيبها
_مش هينفع كده يا حسام متحملش نفسك المسؤولية..لعله خير ..
****
=ها يا دكتور طمنا
_متقلقوش الحمدلله الجرح مكنش عميق اوي وهي كويسة الحمدلله تقدروا تشوفوها لما تفوق من البنج
_الحمدلله يارب..الحمدلله
"الكل هدي شوية بعد كلام الدكتور وكانوا مستنينها تفوق عشان يتطمنوا عليها اكتر..وفعلا بعد فترة ابتدت تفوق وتفتح عنيها شوية شوية"
بلهفة =رحمة..حبيبتي انتي فوقتي قلقتيني عليكي..هند بسرعة خلي حسام ينده علي الدكتور
_حاضر..حسام رحمة ابتدت تفوق..انده علي الدكتور
=بجد طب الحمدلله
"الدكتور جه ودخل عندها..هند كانت داخلة وراه بس لاحظت ان حسام واقف بره"
_ايه مش هتدخل تشوفها
=ايه ..اه ادخلي انتي
_انت لسة محمل نفسك الذنب
=انا خايف تكون زعلانة مني ان سيبتها
_تبقي متعرفش رحمة ..علي فكرة هي قلبها طيب جدا ثم ده كان مُقدرلها يعني انت ملكش ذنب ..بس ادخل اتطمن عليها عشان هي محتجانا جنبها في الوقت ده ولازم تصحي تلاقينا كلنا حواليها
=طيب اتفضلي
***
الدكتور=الحمدلله كل حاجة تمام ..هاا حاسة بأي ألم يا انسة رحمة
_....
=رحمة حبيبتي ردي علي الدكتور
_.....
=انسة رحمة..حاسة بأي ألم
_.....
=مالها يا دكتور مش بترد ليه
_ممكن تكون مصدومة دلوقتي أو من اثر البنج ..بس اتطمني ضغط الدم والاجهزة وكله تمام ،هتبات عندنا هنا انهاردة عشان نغيرلها عالجرح وبكرة ممكن تخرج.
"دخل الظابط "
=انسة رحمة صحتك بخير
_.....
والدتها_معلش حضرتك هي لسة مصدومة
=تمام انا مُقدر وضعها ...لحسن الحظ كان فى كاميرا مراقبة علي اول الشارع وعرفنا ان واحد كان بيحاول يسرقها ولما ابدت ردة فعل ضر*بها وخد الشنطة وركب متوسيكل وخدنا الرقم وعرفنا نوصله وطلع مد*من وبيسر*ق فلوس عشان يشرب الهباب الى بيتعاطاه ..وانه لما ضر*بها مكنش ف وعيه
والدة رحمة_ حسبي الله ونعم الوكيل علي الى عمله ف بنتي
حسام =ارجوك اتخذ معاه ابشع عقوبة
_هيحصل بإذن الله..انسة رحمة عايزة تضيفي اي حاجة
بصوت ضعيف=انا بتنازل
حسام_انتي بتقولي ايه يارحمة انتي اتجننتي
والدتها =متسمعش كلامها يا باشا هي مش مستوعبة ..مش هنتنازل
=علي العموم يا مدام هو اصلا هيتحبس هيتحبس عشان اكتشفنا ان هو اصلا بيسرق ومتعاطي للمخدرات..يلا عن اذنكم
"رحمة فضلت قاعدة ساكتة وباصة قدامها "
والدة رحمة=رحمة حبيبتي ..ردي عليا طب طمنيني متقعديش كده قلبي واجعني
_....
حسام=رحمة ردي علينا ..متقلقيناش
هند _خلاص متقلقوش ما هي ردت علي الظابط ..بس يمكن لسة مش مستوبعة
بصوت مكسور_سيبوني لوحدي
=حبيبتي ..انتي كويسة
_خلاص يا طنط تعالي نسيبها شوية تستريح وتعالي كلي اي حاجة عشان مكلتيش ..خودها يا حسام تستريح وتاكل اي حاجة
=مش عايزة آكل مليش نفس
_تعالي يا ماما ..عشان متدوخيش مش هينفع كده
"حسام اخد والدته وطلعوا بره ..هند قعدت علي سرير رحمة وحضنتها جامد"
=رحمة حبيبتي..ارجوكي كوني قوية انتي شايفة طنط قلقانة عليكي ازاي وحسام حاسس بالذنب وانا مش هاين عليا اشوفك كده..كوني رحمة القوية الى متعودة عليها وان شاء الله هتتحسني وهتبقي احسن من الأول وحقك هيرجع من الحيوان ده يا حبيبتي ..متسكتيش كده يا رحمة عيطي وطلعي الى جواكي بس متسكتيش
انا جنبك وكلنا معاكي.
"دموع رحمة خانتها المرة دي وبدأت تنزل ..كانت بتعيط بس بدون اي صوت "
=رحمة حبيبتي ربنا مبيعملش حاجة وحشة وده اكيد خير ..طلعي الى جواكي وهتستريحي صدقيني ..هسيبك ترتاحي دلوقتي
"رحمة المرة دي فعلا دموعها خانتها وبدأت في الانهمار كأنه فيضان ينتظر ان يُهدم السد كي يُغرق كل شئ"
ببكاء هستيري _ليه...انا ..ليه .. يارب قويني يارب انا قلبي واجعني اوي وصعبانة عليا نفسي اوي..معرفتش اقاوم ولا اخد حقي ..حاولت اكون قوية كتير وكل مرة بستحمل لكن انا تعبت خلاص تعبت مش قادرة اكمل .. انا خسرت الانسان الى حبيته ..خسرت شغلي ومكانتي..ومعرفتش ادافع عن نفسي ..حتي هوايتي وشغفي في الكتابة فقدته انا خسرت يارب عوضني انا مليش غيرك ..انا مش قادرة اكون اي حاجة ..و حلمي ان ابقي كاتبة مش قادرة احققه
"قطع حالة رحمة شخص"
=الانسان لما بيؤمن بحاجة بتحصل حتي لو اسباب المستحيل كلها موجوده فيه
"استغربت رحمة وبصت للشباك لقت حد عدي بس ملحقتش تشوفه"
_مين ..!!
"فضلت الجملة دي معلقة معاها اوي كأن ربنا بعتلها اشارة علي هيئة شخص "
*****
=صباح الخير يا رحومة ماما
_صباح الخير يا ماما
=حبيبتي انتي اتكلمتي..انتي كويسة يا قلبي
_الحمدلله
حسام=الدكتور كتبلها علي خروج يا ماما
_طب الحمدلله يابني..هروح اشوف الدكتور عشان اعرف ازاي اغيرلها علي الجرح
حسام=رحمة انتي زعلانة مني..عشان كده مش بتتكلمي
_مقدرش ازعل منك
=ايه ده انتي بتتكلمي
_لية شايفني خرسة
=هي دي رورو الى اعرفها...انا...انا اسف
_انت ملكش ذنب ..ده قضاء ربنا
"حسام باس راسها ..وبعدها خرجوا عشان يروحوا "
*****
هند=القمر الى نور الدنيا
_حبيبي
=حمد الله علي سلامتك ..اخيرا ده انا كنت هموت من قلقي
_الله يسلمك..بعدالشر عليكي..ابتديت احس انك بتحبيني بجد
=ابتديتي تحسي ..ابتديتي ..ثم مين قالك كده ده انا مبطقكيش
_ولا انا مش عارف ايه الى دخلك حياتي
=انا دخلتها..محتاجة اذنك ولا محتاجة اذنك مثلا
_لا ياعم براحتك واحنا نطول
=ايوة كده اتعدلي، بس تصدقي يا بت يا رورو انا كنت فكراكوا عيلة جبلة كده مبتحسوش بس خيبتوا ظنوني
_عيلة جبلة ..انتي حد رباكي يابنتي قبل كده
=لا ما كنت فاكرة كده بس تصدقي اخوكي طلع حنين وبيحس ،شوفي انا اعرفك بقالي قد ايه ولا مرة شوفته كده
_ما عشان اخته بقي وكده.
=وجهة نظر برضو ...احم مش محتاجة تشكريني علي احتوائي الى خرجك من عالم الظلام للنور
_اتنيلى
"رحمة سرحت شوية وابتسمت "
=ايه سرحتي في ايه
_....
=ست رحمة بكلمك
_هااا
=ها ايه بقالي ساعة بناديكي سرحتي في ايه
_اه لا ولا حاجة
=ولا حاجة ازاي ده انا حفظاكي الابتسامة دي وراها حاجة
_هقولك..اصل بعد ما سيبتيني قعدت اعيط واكلم نفسي وفجأة لقيت حد قالي جملة كده عجبتني ولما بصيت لمحته هو ومعدي بس مشفتهوش
=ايه شغل الافلام ده ..وقالك ايه
_قالي ان الانسان لما بيؤمن بحاجة بتحصل حتي لو اسباب المستحيل كلها موجوده فيه
=ده ايه القمر ده..
*****
بعد مرور ٣ اسابيع
والدة رحمة= حبيبة ماما
_ادخلي ياماما
=كنت عايزة اتكلم معاكي في موضوع كده
_اتفضلي يا ماما
بتردد=هو انا كنت عايزة اكلمك من فترة بس مكنش الوقت مناسب
_في ايه يا ماما قولي علطول
=طيب هتكلم اهو...طبعا انتي عارفة انا بحبك قد ايه ونفسي تعيشي حياتك يابنتي
_طبعا يا ماما ..بس انا مش فاهمة ادخلي فى الموضوع علطول
=تعالي نروح لدكتور تاني عشان موضوع ايدك وانا واثقة المرة دي هتبقي تمام
_اممم ...تاني الموضوع ده
=يابنتي انتي عاجبك حالك كده يعني انا عايزة اشوفك بتحركي إيديك تاني وتعيشي حياة طبيعية زي اي حد
_يعني فكرك انا مش عايزة كده..بس انتي بنفسك شوفتي العلاج مجبش اي نتيجة وانا بكره اشوف نظرة الشفقة في عين كل الى حواليا
=يا حبيبتي والله انتي عشان وجعالي قلبي انتي مش متخيلة كسرة قلبي فى كل مرة وكل كلمة بتتقالك يابنتي ربنا ليه حكمة في الى حصلك عشان تعرفي مين بيحبك ومين لأ انا قلت استناكي تتحسني واكلمك وانتي الحمدلله بقيتي كويسة فكري في نفسك ومتعمليش فيها كده
بدموع _انا مقدرة خوفك عليا بس انا كمان قلبي وجعني لما اتعشمت ان هرجع احرك صوابع ايدي تاني والعلاج مجابش اي نتيجة
بكسرة نفس =انا رايحة احضرلك الأكل يا رحمة
******
حسام=رحموتي
_نعم
=غمضي عنيكي
_ده ليه
=يا عم غمضي هو انا هخطفك
_يمكن انت ميتوثقش فيك اصلا
=1.2.3 فتحي يلا
بفرح_الله ايه ده
"كان جايبلها شوكولاتات كتيرة وبلالين وكل واحدة مكتوب عليها حاجة"
_ده بمناسبة ايه
=بمناسبة انك اخت اجمل شاب فى الدنيا
بسخرية_اجمل صح
=مش محتاجة تشكريني علي فكرة
_لا تصدق طلع عندك دم وبتعرف تفرحني
=اوماال يا بنتي
_مش مطمنالك بس
=ياعم ليه كده
_طيب يلا اطلع برة بقي
=تصدقي انك مشوفتي ربع ساعة تربية
_عايز ايه
=عايز اتكلم معاكي عادي يعني
_امم انا كنت حاسة
=لا بجد..بصي انا مش جاي انكد عليكي ولا اي حاجة بس فعلا ماما متأثرة بموضوعك ف ارجوكي لو مش عشان نفسك عشانا احنا فكري في الى حواليكي كمان وشوفي انتي هتبقي قد ايه سعيدة لما ترجعي تكتبي تاني وتحققي حلمك متيأسيش جربي تتعالجي تاني انتي مش خسرانة حاجة و احنا فعلا عايزين سعادتك يا رحمة وعايزين نشوفك حاجة كبيرة وخلي عندك ثقة في ربنا وهو هيشفيكي اكيد انا هسيبك تفكري بس فكري كويس.
_حاضر
"حسام حضن رحمة وباس رأسها وطلع برة ودخل تاني"
=ايه ده انا نسيت
_ايه تاني
بتردد=اصل ..هو ..هي ..اقصد انا
_مالك ما تتكلم عدل
=انا..انتي...اقصد هند..لا اقصد انا
_حسام يا حبيبي جمع كلامك
=خلاص فكك
_تعالي يابني قول براحة
=هتضحكي
بضحك_لا مش هضحك
=انتي بتضحكي من دلوقتي اصلا
_اخلص..بقي عيب عليك
=هي هند بتحب؟؟!
بصدمة_ايه..وانت مالك اصلا
=ماتقولي ياعم
بمكر مصطنع _ايه ..وانت عايز منها
=ما انتي فهمتي اهو
_لا مفهمتش..قول عايز ايه
=هكون عايز منها ايه مثلا
بضحك_مش مصدقاك ومش متخيلة اصلا
=لا صدقي ..متضحكيش عاي الفكرة بتكلم جد
_هند!!!
=ايوة مالها هند يعني
_بصراحة متستهلهاش
=انا مش فاهم انا جاي من الشارع يعني انا اخوكي علي فكرة
_بس برضو انا مش مستعدة اخسرها عشانك
=هو انا مش محل ثقة للدرجة دي
_مش للدرجة دي يعني
=طب في ايه ..انا بتكلم بجد انا هتقدم
بضحك _هتتقدم !!..لا مش متخيلاك
=ياعم روحي مش عايز منك حاجة
_تعالي..تعالي بس صعبت عليا
=هاا هتكلميها
_بص هلمحلها عشان مش عارفة رد فعلها هيكون ايه
=حد قالك ان بحبك قبل كده
_تعالي لسة مخلصتش كلامي ..اولا هتخلي بالك عليها ومتزعلهاش ومتخسرهاش عشان هي اختي واكتر من كده
=مش محتاجة تقولي
بضحك_والله وطلعت بتحب يا حسام
=ليه حد قالك ان قلبي حجر....المهم متنسيش تفكري فى الموضوع
_حاضر
******
=قومتي ليه يا حبيبتي
_زهقت من النوم والراحة..هنزل شوية البحر مع هند
حسام=نازلة مع مين!!
بغمزة _مع هند
حسام =اجي معاكي
_لا ياحبيبي عارفة الطريق
=متأكده
_اممم..طب تعالي اهو تونسني
****
هند=اتأخرتي كده ليه
_معلش كنت مستنية حسام
حسام= ازيك يا هند
=الحمدلله تمام انت عامل ايه
=الحمدلله
"رحمة قعدت مع هند واخدت رأيها في موضوع علاجها تاني وانا خايفة "
هند=ايوة يا رحمة انا مع مامتك واخوكي جدا وان شاء الله المرة دي هتبقي كويسة خلي عند ثقة في ربنا وفي عوضه ومتخافيش انا معاكي وعشان تتحسني بقي كده واشوفك كاتبة عظيمة
_ان شاء الله يارب..ربنا يديمك ليا بجد
=ويديمك ليا
حسام =انا جبتلكوا الاكل
هند =ايه ده الله انا جعانة اوي
رحمة_وانا اوي يلا ناكل
*****
"استخرت ربنا ودعيت ان المرة دي فعلا اتحسن وارجع اكمل حياتي بشكل طبيعي"
_ماما انا موافقة اروح للدكتور تاني
=بجد يا حبيبتي ..ربنا يتم شفاكي علي خير
_يارب يا ماما
=انا شوفت دكتور كويس اسمه الدكتور يوسف عيادته مش هنا بس هو حاليا موجود في مستشفي خلينا نروح ونشوف
_تمام شوفيه واحجزي
****
"وفعلا روحنا الدكتور وطلب مني اشاعة وعملي فحص كان لازم ادخل لوحدي اوضة الاشاعات والفحوصات كنت خايفة بس حاولت اكون قوية "
الدكتور=اممم تمام..بصي انتي عندك متلازمة النفق الرسغي وللأسف شديد جدا مش هينفع معاه العلاج حاليا لازم عملية عشان نقطع الرباط الي بيضغط علي العصب المتوسط وده الى مخليكي مش عارفة تمسكي اي حاجة وصوابعك مش بتتحمل اي حاجة
رحمة بخوف _عملية !!
=ايوة يا انسة رحمة متخافيش سهلة ان شاء الله
_دكتور انا مش عايزة عملية
=رحمة..اسف انسة رحمة انتي احتمال كبير تبقي كويسة بعد العملية صدقيني وترجعي زي الاول واحسن خليكي واثقة في ربنا لكن لو استنيتي اكتر ممكن يحصلك تلف دائم في الاعصاب فكري لسة قدامك فرصة اتحدي خوفك
_شكرا يا دكتور لو خلصت ممكن اطلع
=اتفضلي
*****
"رحمة كلمة عملية بتجننها عشان خسرت والدها بسبب غلطة فى عملية دقيقة اي نعم عمليتها اسهل وملهاش علاقة بس كلمة عملية في حد ذاتها بتخوفها رحمة مش مستعدة تخسر اي حاجة تانية"
والدة رحمة =يا بنتي خلينا نعمل العملية ..متضيعيش نفسك
ببكاء_سيبوني انا حرة ..انا مش عايزة حاجة سيبوني بقي
=اااه
_ماما ..مالك ماما..حسام تعالي بسرعة..وهات جهاز الضغط
"والدة رحمة فاقت"
_سلامتك يا ماما ضغطتك وطي شوية
=اعملي العملية يا رحمة
"رحمة حضنتها وباست رأسها "
_انا اسفة يا ماما بس مش هقدر
****
"تاني يوم رحمة جالها تليفون وخرجت ولما رجعت فضلت 3 ايام ساكتة مش بتكلم حد وعلطول فى اوضتها"
والدة رحمة =ايه الشنطة الى في ايدك دي يارحمة
_ماما انا ماشية
=ماشية رايحة فين.....
يتبع....
لقراءة الفصل الرابع اضغط على : ( رواية حكاية رحمة الفصل الرابع )
لقراءة باقي الفصول اضغط على : ( رواية حكاية رحمة )