رواية حكاية رحمة الحلقة الرابعة 4 بقلم ملك إسماعيل
رواية حكاية رحمة الجزء الرابع 4 بقلم ملك إسماعيل
رواية حكاية رحمة البارت الرابع 4 بقلم ملك إسماعيل
 |
| رواية حكاية رحمة الفصل الرابع 4 بقلم ملك إسماعيل |
رواية حكاية رحمة الفصل الرابع 4 بقلم ملك إسماعيل
"تاني يوم رحمة جالها تليفون وخرجت ولما رجعت فضلت 3 ايام ساكتة مش بتكلم حد وعلطول فى اوضتها"
والدة رحمة =ايه الشنطة الى في ايدك دي يارحمة
_ماما انا ماشية
=ماشية رايحة فين؟!
"رحمة بصت لهند علي اساس انها تتكلم"
=في ايه يا رحمة..في ايه يا هند
_انا ..انا مسافرة يا ماما
=مسافرة يعني ايه مسافرة ورايحة فين
_انا هفهمك..بس حاولي تفهميني
=هاا قولي
_مش قادرة اكمل كده ولا هنا في المكان ده مبقتش عارفة اتأقلم..انا تعبانة اوي ياماما متأكده ان ربنا ليه حكمة في كل الى حصلي وانا عارفة ده كويس بس انا كل الى هنا مبيضيعوش لحظة غير لما يحسسوني ان عاجزة سواء كان نظرة او كلمة او موقف حتي، كنت قوية ومازلت يا ماما بس طاقتي في المكان ده خلصت عايزة اشوف ناس جديدة بس مكنش مضطرة اتعامل مع حد فيهم.. انا هسافر هغير جو واغير مود لأن كل الى حصلي هنا مش قادرة انساه وكل مكان بيفكرني بموقف معين ..انتي فهماني!
=انا فهماكي ..يا بنتي ومفيش قدي حاسس بيكي بس خلاص هنحضر شُنطنا ونيجي معاكي
_لا يا ماما لو سمحتي ..انا بجد مش عايزة حد معايا عايزة اكون لوحدي شوية
حسام=يعني انتي عايزة تمشي لوحدك انتي اتجننتي يارحمة
_لا انا فعلا مش هاين عليا اسيبكم بس بجد مش عايزة حد معايا الفترة دي وانا هرجع ان شاء الله مش هطير يعني واوعدكم هحاول ارجع احسن
كريمان=طب وانتي بتحطيني قدام الامر الواقع وجاية بشنطتك وتقوليلي مسافرة انا قد كده مش فارقة معاكي يارحمة
_متقوليش كده يا ماما انتي عارفة انك اهم واحدة في حياتي بس انا مبقتش مستحملة الى بيحصلك بسببي بتتأثري بكل موقف بيحصل معايا وضغطك مش منتظم بسببي برضو وانا مش عايزة اكون الشخص الى سبب في تعبك
=بس انا مشتكتلكيش وانتي بنتي وحتة مني وعمرك ما تكوني سبب في تعبي..لكن هتتعبيني لو مشيتي
_يا ماما انا عايزة اغير جو ولوحدي..ما تقول حاجة يا حسام انت دايما بتفهمني
=افهمك ايه بس..الكلام الى بتقوليه ميتعقلش ومش داخل دماغي عايزة تمشي لوحدك طب لو انتي مش خايفة علي نفسك احنا خايفين عليكي
_انا عارفة يا حبيبي والله بس انا نفسيتي مش مستريحة هنا ..حاولوا تفهموني
=امم نفسيتك ..رحمة انتي عمرك ما كنتي كده انتي عشان حوار العملية ماشية صح ده انتي كنتي قوية ودايما كنت بحب قوتك دي بس انتي المرة دي ماشية وبتهربي بدال ماتواجهي.. خلاص يا ستي اقعدي ومش هنجبرك علي حاجة..انتي عارفة ان بابا لو كان موجود مكنش هيبقي عاجبه الوضع ده ..هو اه كانت غلطة في عمليته بس ده كان قدره وده كان عمره ليه توقفي حياتك عشان اعتقاد في دماغك انتي بس
بدموع _انا عارفة بس ممكن فترة لوحدي شوية
=طيب نفترض انك روحتي مين هيكون معاكي يساعدك
_في واحدة صاحبتي هناك هروح عندها شوية
هند= صاحبتك انتي عندك صحاب غيري يا ندلة
_اه عادي
=اه عادي !! طب يا طنط انا معاكي ومتوديهاش والشنطة الى حضرتهالك مستعدة افضيها دلوقتي وشوفي مين هيعبرك.
بإبتسامة وهي بتمسح دموعها_لا طبعا مليش غيرك بس دي نور الي كانت معانا في الجامعة
=يعني انتي عايزة تكوني لوحدك وست نور عادي يعني لأ وكمان من غير ما تقوليلي تعالي معايا
_لأ انا مفهماها ان مش هختلط بحد ثم انتي عندك شغل و انتي لو جيتي اصلا بزنك ده مش هتسبيني لوحدي
=مبرر ده ها
_طيب انا معاد القطر بتاعي خلاص ممكن امشي
حسام =خلاص يا ماما خليها تروح وهنتطمن عليها علطول طول ما ده هيريحها..مش هاين عليا اشوفها زي اخر فترة
كريمان=انتي مسافرة فين
_القاهرة.. مش بعيد يعني
=توعديني انك هتخلي بالك من نفسك
_اوعدك ان شاء الله...بس حسام تعالي وصلني لحد هناك ونور هتاخدني علطول من المحطة
=ماشي تمام
"حضنتهم وسلمت عليهم انا فعلا مش عارفة مالي هل ده هروب من الواقع ولا مواجهة!! مش عارفة ايه الى جاي بس انا واثقة في تدبير ربنا.. انا ماشية بس خايفة عشان متعودتش ابعد عنهم وانا بالحالة دي ،موافقتهم كانت من ورا قلوبهم عشان ميكسروش بخاطري مش ناسية نظرات ماما ليا وانا طالعة ودموعها في عينها ..انا اسفة يا ماما ..."
"اي نعم المسافة مش كبيرة للدرجة دي بس كنت حاسة بإحساس الغربة والوحدة كان جوايا مليون شعور مش عارفة اشاركهم ولا عارفة احددهم من الاساس طول الطريق بحاول اتجنب اتكلم مع حسام وعيني ف عينه عشان متأكده ان هيحس بحاجة..مش عارفة ايه الى هيحصل بس انا اخدت القرار خلاص ومتأكده ان ربنا معايا"
_اهي نور هناك
=طيب خلي بالك علي نفسك وطمنينا
_حاضر
_نور حبيبتي عاملة ايه وحشاني
=رحومة حبيبتي وانتي اكتر يا بنتي والله
_حبيبتي تسلميلي
=انا جهزتلك كل الى قولتلي عليه
_والله مش عارفة اشكرك ازاي يانور
=مفيش شكر طبعا انا معملتش حاجة ولو اني زعلانة منك بقي عايزة جاية عندي ومش عايزة تقعدي معايا
_والله يانور مش كده وبعدين انتي بتقولي ان الشقة دي جنبكم علطول يعني مش هكون بعيدة
=اه هي فعلا جنبنا علطول وكلمتلك ام سعيد دي كانت الدادة بتاعتي ويعتبر هي الى مربياني ست غلبانة وطيبة كلمتها وقالت هتفضل معاكي مش هتسيبك وانا كمان لو احتجتي حاجة انا موجودة
_ربنا يخليكي يا نور بس مش هتقل عليها يعني بيتها وعيالها اولي مني
=بيتها وعيالها ايه بس دي جوزها متوفي وولادها متجوزين ..وعلي فكرة دي عسولة اوي هتحبيها
_بجد شكرا يانور
=علي ايه ياهبلة انتي ..يلا نمشي بقي لأحسن هموت من الجوع
_طيب..يلا
********
_الو يا ماما
=رحمة حبيبتي عاملة ايه..بقيتي احسن
_الحمدلله..انتي وحسام عاملين ايه
=بخير يا حبيبتي
_انا عايزة اقولك ان بحبك اوي ياماما وحشتيني اوي في اليومين دول
=يا حبيبة قلبي وانتي كمان ..طب ارجعي
_حاضر هرجع بس انا مش عايزاكي تزعلي مني فأي حاجة عملتها قبل كده
=مقدرش ازعل منك ..انتي كويسة يا رحمة انا مش متطمنة
_انا كويسة وهبقي احسن طول ما انتي بتدعيلي
=بدعيلك يا بنتي ..ربنا يوفقك في حياتك ويرزقك الخير يارب
_طيب انا هقفل دلوقتي سلميلي علي حسام كتير
=حاضر يا حبيبتي
******
حسام_ الو
هند=الو مين!!
_انا حسام يا هند
=ااه حسام ازيك
_الحمدلله انتي عاملة ايه
=بخير الحمدلله...ايه في حاجة ولا ايه
بإرتباك_ا..انا عايز اشوفك
=تشوفني!!
_اه ..بتخلصي شغل الساعة 5 مش كده
=ايه ده مين قالك
_بتخلصي 5
=اه
_تمام..
=طب هو حصل حاجة
_هتعرفي لما اشوفك ..تعالي في الكافيه الي قدام البحر
=طب في ايه رحمة كويسة
_رحمة بخير
=اومال
_هستناكي
=هاا !
_سلام
*********
شخصٌ ما =شكلي هغتر شوية
رحمة_ ليه؟
=عشان خليتك تيجي القاهرة
_نعم حضرتك الى خلتني اجي!!
=تقدري تقولي كده
_ انا مش فهماك هو انت غامض ولا بتدعي الغموض
=لا غامض ولا بتدعي الغموض
_اومال
= تصدقي انا ذاتي مش فاهم نفسي بس الى فاهمه كويس ان الانسان لازم يبني نفسه بنفسه وميصدقش ولا يعتمد علي حد غير نفسه لأن مش كل الي حوالينا معانا لذاتنا في ناس موجودين عشان مصلحتهم ومش اي حد ممكن يمسك بإيدك ويساندك
_امم الموضوع في انك مش واثق في الناس مش حكاية غموض يعني
=مش حكاية مش واثق ..بس بقيت فاهم يارحمة
_صح الواحد في فترة بيوصل لمرحلة بيحس فيها ان نضج كفاية عشان يفهم
=بالظبط
_هو انا ممكن اسأل سؤال سخيف شوية
=اتفضلي
_ شيفاك متمسك بالأمل جداا
=مش فاهم فين السؤال بالظبط..بس هقولك علي حاجة
المشكلة ان معظم الناس بتبص لنص الكوباية الفاضية بس انا فهمت ان الأمل ده مجرد شعور انتي الى قادرة تخلقيه جواكي ولما يتمكن منك بيعكسلك كل حاجة بصورة قادرة تسعدك حتي لو كل الى حواليكي عكس مرادك وهواكي يارحمة ...هحكيلك علي حاجة ممكن تكون سبب خلاني اؤمن بالأمل ...انا جدتي كان عندها شلل ولفينا بيها عند دكاترة كتير ومكنش في اي تحسن بس هيا كان عندها أمل فظيع انها هتمشي تاني وخصوصا انها مكنتش كبيرة اوي كده وللأسف احنا كنا فاقدين الأمل بس هيا لأ ...وفي يوم طلبت انها تروح تحج ف بابا كان معترض ازاي هتروح وهي في الحالة دي بس هيا كانت مصرة وعندها ايمان بربنا انه مش هيرد دعوتها واملها كان كبير لدرجة انها واثقة جدا منكرش ان كنت مستغرب من تأكديها ووثوقها انها هترجع تمشي المهم في الاخر بابا وافق ان يوديها وراحت ودعت ربنا ورجعت وسمعنا عن دكتور كويس وروحنا وعمرها ميأستش ولا قالت إنها مش هتمشي تاني لأنها مقتنعة ان القدر مرتبط باللسان ودايما كان بتقول أنها هتتحرك من جديد وفعلا روحنا الدكتور وبعد فترة ابتدت تتحسن ورجعت تمشي مش قادر اوصفلك فرحتها ساعتها وفرحتنا كلنا رغم فرحتي كنت مستغرب جدا خلتني اثق في ربنا اكتر وان ميأسش ويكون عندي أمل حتي في الثانوي كان عندي صاحب عمره ما كان مؤمن اني هوصل لحلمي وابقي حاجة ودايما بيحبطني لأن مستواه كان احسن فقعدت مع نفسي واكتشفت ان مش ناقصني حاجة عشان ابقي حاجة ذاكرت وتعبت رغم ان ظروفي مكنتش اوي كده وجبت مجموع اكتر منه حتي وبقيت شبه ما انتي شايفة كده عشان كده دايما يا رحمة خليكي مؤمنة بربنا وعدله وأهم حاجة يكون عندك امل.
_حلو ان يكون عندك امل وثقة في ربنا شكرا ليك كلامك حلو فعلا..حاجة حلوة في شخصيتك
=تسلمي..انتي كمان حاسك قوية وعندك قدرة تحمل ياريت تفضلي كده ومتخليش جانبك الضعيف يطغي
_ازاي قوية وضعيفة في نفس الوقت
=انتي اه ممكن تكوني بتتحملي بس اكيد في جواكي جانب ضعيف مش حابة تبينيه
_اممم...فعلا
=انا مضطر امشي بقي عندي مواعيد... علي اتفقنا بعد بكرة
_ااه بإذن الله
**********
هند=ازيك يا حسام
_بخير الحمدلله ..أنتي عاملة ايه
=الحمدلله تمام..في حاجة ولا ايه
_طب اقعدي الأول
=هاا قول قلقتني
_احم..انتي كويسة
=ايوة يا حسام في ايه انجز
_قوليلي بقي عاملة ايه في الشغل
=انت اكيد مش جايبني عشان تسألني عاملة ايه في الشغل
_ماشي تمام انا هتكلم
=ياريت
_انا شايف انك قريبة جدا من رحمة تقريبا ملهاش صحاب غيرك ودايما معاها وبتقفي معاها يعني انا شايف انك شخص كويس
=تسلم...رحمة اختي مش صاحبتي،بس مش فاهمة ايه مناسبة الكلام ده
_اصل رحمة بتحبك اوي...اوي اوي يعني
=وانا كمان بحبها جدا
_بجد!!
=حسام ايه الغريب في كلامي دي صحبتي اكيد بحبها
_متاخديش في بالك
=حسام شكلك مش لاقي حاجة تقولها ياريت تجمع كلامك وتشوف عايز ايه وتكلمني.انا مضطرة امشي بعد اذنك
بصورة تلقائية_انا بحبك
صدمة=ايه!!
_تتجوزيني
=....
_سكتي ليه؟
"هند مشيت وهي في حالة من الصدمة فلحقها"
_بكلمك علي فكرة رايحة فين!!
=عايز ايه
_عايز رد
=علي ايه
_علي الي انا قولته متستهبليش يا هند
=طيب انا جعانة
_نعم!!
=جعانة ايه مجوعش يعني
بضحكة _انتي طبيعية يا بنتي
=انت بتضحك
_لا مبضحكش
=طب جعانة..مبعرفش افكر وانا جعانة ثم انت خضتني مبتتقلش كده اصلا
_اومال
=المفروض ورد ..خاتم ..اي حاجة مش خبط لزق كده
_يعني انتي موافقة
=انا مقولتش كده..بديك خبرة بس
_خبرة ..طب اتفضلي عشان تاكلي
*****
هند=هو اخوكي اتجن في مخه ولا اتجن في مخه
رحمة_لا اتجن في مخه
=انتي مش عارفة ايه الي حصل
_لا قوليلي
=ده ..ده قال كده
بمكر _قال ايه
=قال يا رحمة
_قال يا رحمة ايه بس..انا اخويا مبيقولش
=ده دخلي دخلة مسلسلات الي هو اتصل وعايز يشوفني
_اخويا!!
=اه..مش بس كده وعارف ان بخلص خمسة وكمان بنبرة الى هو متأكد
_اخويا!!
=ايوة يارحمة يعني اخويا..وقال في وشي كده خبط لزق بدون اي مقدمات انه بيحبني لا وكمان عايز يتجوزني..هو اهبل ولا اهبل يعني
_لا التانية
=مش بهزر يا رحمة انتي مش مندهشة ليه بقولك اخوكي اتجن
_ودي حاجة جديدة عليه يعني ماهو مجنون اصلا
=رحمة..انتي كنتي عارفة صح
_مين انا ازاي لا طبعا
=كدابة طول ما عملتي كده انا عارفاكي ...من امتي الحوار ده وليه مقولتليش
_بصراحة المفروض كنت المحلك بس قولت هشوف هو هيعمل بس طلع رومانسي والله وبيعرف يقول اهو
=مش فاهمة انتي ازاي متقوليش
_ما انتي عرفتي اهو..ثم والله بعيدا عن اي هزار شكله بيحبك بجد ومتمسك بيكي وعمره ما جه قالي انه بيحب حد الا المرة دي وبرضو بعيدا انه اخويا بس هو شخص كويس..فكري كويس هاا ثم مش هتلاقي اخت جوز زيي
=اتنيلى يعني اخلص منك كصاحبة تجيلي اخت جوز كمان
_انتي تطولي اصلا
=طيب خلاص بقي عشان بتكسف
_بتتكسفي لا واضح جدا
=اومال يابنتي..لا بس بجد هستخير وافكر وارد
_خير بإذن الله
=صحيح عاملة ايه من غيري
_يدوب يتفتكري تسألي علي صاحبتك ..طبعا حسام اخد عقلك
=اتنيلي..كنت مطحونة في الشغل الفترة الاخيرة
_ربنا معاكي ..ومفتقداكي جنبي دلوقتي
=انتي كويسة!!
_بخير بس خليكي معايا دايما
=انا دايما معاكي يا حبيبتي
_استني قريب هحكيلك علي حاجات كتير حصلت في اليومين دول
=حصل ايه
_لما اجي هااا وياريت نبطل زن
=ماشي ياعم المهم
_يلا تصبحي علي خير عندك شغل بدري
=مش متطمنة
_انا كويسة جداا
=مش حاسة يا رحمة
_يابنتي والله كويسة
=طيب هرجع اكلمك تاني
_تمام
******
شخصٌ ما =يلا يا رحمة حاولي تكتبي
_بحاول
=يلا امسكي القلم
بدوع_اااه مش قادرة تعبت ..مش قادرة
=هاتي ايدك..يلا متيأسيش
*****
"بعد مرور شهرين من الاحداث المختلفة في حياة ابطالنا والمعارضة علي عدم عودة رحمة الي الآن لمسقط رأسها ..وحياة حسام وهند التي اتخذت منحني اخر "
رحمة_الو يا ماما
=ايه يا رحمة
_لسة زعلانة عشان مش عايزة ارجع
=شكلك مرتاحة هناك
_لا والله وانا ابقي مرتاحة وانا بعيدة عنك
=قعادك شهرين بعيدة بيقول كده
_طب علي العموم انا راجعة
=راجعة امتي
_بكرة بإذن الله
=بتتكلمي بجد يا رحمة
_ايوة يا ماما ..بس هبعتلكم عنوان مكاني لما ارجع تعالي انتي وحسام
=ايه ده انتي مش جاية البيت علطول
_لأ هاجي بس في حاجة مهمة لازم اعملها الاول وياريت متتاخروش
=مش فاهمة حاجة
_هتفهمي لما تيجي يا ماما
******
شخصٌ ما =معتقدش هقدر اجي..عندي مواعيد والله وانتي عارفة
_امم انا فاهمة ..خلاص خير انا مضطرة امشي عشان متأخرش شكرا علي كل حاجة عملتها معايا
=انا معملتش حاجة
بتردد_مش هتقول حاجة
=حاجة زي ايه!
_لا ولا حاجة.. مع السلامة
*******
"رحمة بالفعل وصلت وراحت للمكان المتفق عليه "
كريمان=حبيبتي وحشتينى اوي
رحمة_وانتي اوي ياماما
=بتعيطي ليه يارحمة
_اصل كنت محتجاكي اوي
=انا جنبك علطول يا حبيبتي
حسام=اسف لمقاطعة هذه اللحظة بس هي وحشتني انا كمان
_حسام وحشتني اوي
=وانتي اوي اي نعم كنت مرتاح من غيرك بس وحشني هزارك ودوشتك
_عشان تعرف بس...اومال فين هند مجتش معاكوا ليه
=لسة مكلمها قالتلي جاية.
بمكر_قالتلك هي بقت بتقولك كمان
=اومال يا بنتي صاحبتك متقدرش تعمل حاجة بدون ما تقولي
هند _حاسة ان سمعت سيرتي هنا
=احم..احم
رحمة_ هند وحشتيني اوي
=وانتي اكتر يا قلب هند
حسام=نعم!!
رحمة_ايه عندك اعتراض ولا ايه
=لا وانا اقدر اعترض
هند=لا بس ايه القمر ده
رحمة_ايه رأيك
=لا جامد يا بت الدريس تحفة وشكلك زي القمر
_اومال يا بنتي
=بس انا مش فاهمة انتي جايبانا هنا ليه
_هتعرفوا دلوقتي ..اصل في حاجات لازم اتكلم فيها
=ومكنتيش هتعرفي تتكلمي في البيت
_متستعجلوش هتفهموا دلوقتي
=رحمة مش ده مازن ودي مي
_ايوة هما
=وايه الى جابهم؟
_ عشان انا جايبة تقريبا كل الى عرفتهم في حياتي
كريمان =لا يا رحمة فهميني في ايه
_حاضر بس الناس تيجي وهتعرفوا كل حاجة
******
"رحمة جمعت الى تعرفهم ..وبخطوات واثقة طلعت علي المسرح اي نعم القاعة مكنتش لايقة علي حفلتها الداخلية بإنتصارها علي نفسها بس كانت كفيلة انها تحسسها بالسعادة الى محستهاش من زمن"
رحمة_احم...ازيكم عاملين ايه ..طبعا كلكم عارفني وللي مش عارفني فأنا رحمة محمد...طبعا كلكم مستغربين سبب مجيئكم هنا وسبب الحفلة ..انا حابة اتكلم عن نفسي وعن حياتي عارفة انها بالنسبالكم حياة عادية بس انا بالنسبالي دي مش مجرد حياة عشان انا فهمت حاجات كتير اوي لحد انهاردة وانا بعتبرها رحلة انتصار وتستحق ان احكيها..انا كانت حياتي طبيعية جدا وكان عندي شغف وحلم واحد ان ابقي كاتبة ناجحة وكنت بكتب من صغري والكتابة بالنسبالي ملجأي الهادئ الى بلجأ ليه بعيد عن اي حاجة ..في فترة الجامعة بابا جاله مرض في القلب وكان لازم عملية جراحية ولما عملها حصل غلطة في العملية واتسببت في وفاته طبعا مش هقدر اوصفلكم احساس فقدان الأب والسند تقريبا كرهت كل الدكاترة والعمليات ساعتها بس بعدها فهمت ان ده قضاء ربنا وكان مكتوب انه يحصل المهم عدت السنين وخلصت كلية واشتغلت في شركة محترمة وتعبت في شغلي جدا لحد ما وصلت لمكانة الحمدلله كويسة في الشركة ..وفي يوم كنت مستعجلة وانا رايحة فدخلت في حادثة وحملت علي ايدي والعربية داست علي صوابعي..طبعا حصلي كسر في ايدي وصوابعي طبعا وجاتلي متلازمة نفق رسغي وده ان انا معرفتش احرك صوابعي او امسك اي حاجة من وقتها ولما روحت للدكتور اكتشفت بعدها بمدة ان دي مسكنات ومكنتش ليها علاقة بالمرض وكنت دايما بتعشم ان هرجع احركها بس مكنش في نصيب واتأخرت حالتي طبعا وفقدت حلمي وقدرتي في ان امسك قلم عشان اكتب...طبعا مش هقدر اوصف حالتي النفسية ساعتها واحساسي بالعجز الى كل يوم كان بيزيد ونظرات الشفقة الى كانت بتقتلقني ومكنتش عارفة اعيش حياة طبيعية..سابوني في الشغل عشان كفائتي الفترة الي عدت بس جه وقت وزهقوا لأن ساعتها مكنش ليا فايدة وانا مبلومش حد طبعا الحادثة دي اظهرتلي ناس كتير علي حقيقتها وعرفت مين فعلا بيحبني وفهمتني ان المشاعر والثقة اغلي من ان نديها لأي حد ..فعلا في حاجات بنفتكرها نهاية العالم ومستحيل نكمل بحدها بس ربنا بيبقي ليه حكمة في النهاية وزي ما هي بتوجعنا بتمهدلنا الطريق عشان نباقي الاختيارات الصح الي فعلًا كانت تستاهل ان نتوجع في الأول عشان تعوضنا ...المهم لما حسيت بالعجز فعلا روحت للدكتور وقال ان لازم عملية وانا اوردي كرهت العمليات ومكنش عندي القوة والشجاعة ساعتها بس دايما اهلي وصاحبة عمري الى بعتبرهم سندي كانوا جنبي في كل خطوة عديت بيها ...وكان فيه جملة كده شخص قالهالي ان الانسان لما بيؤمن بحاجة بتحصل حتي لو اسباب المستحيل كلها موجوده فيها والجملة دي فرقت معايا جدا واحب اوضح لأهلي ان انا جاتلي مكالمة من الشخص ده وعرف يقنعني ان اسافر وكان مصدر للأمل ليا في الشهرين الي فاته ومسبنيش لحظة وبالرغم من انه مش موجود دلوقتي بس احب اقوله يا يوسف اقصد يا دكتور يوسف انا فعلا بشكرك جدا وانك ليك الفضل في انك اقنعتني ان اعمل العملية ومسكت ايدي كأني طفل يدوب بيتعلم يكتب وكنت مؤمن برحمة وانها تقدر وشجعتني علي العلاج الطبيعي ومزهقتش مني وكملت معايا شهرين مستحمل عياطي ويأسي انت بجد انسان عظيم واحب اقول ان خلاص عملت العملية وخفيت بفضل ربنا ومش كده وبس انا حققت حلمي وعملت اول كتاب ليا بعنوان ^وهم المستحيل^ وسميته كده عشان اوصل لكل الناس ان مفيش حاجة اسمها مستحيل وان ده مجرد وهم وانك تقدر تنتصر علي نفسك وتعمل اي حاجة وزي ما قال ستيف جوبر 'نحن هنا لنضع بصمتنا في هذا الكون والا ما فائدة مجيئا اليه'
وشكرا لأنكم سمعتوني لحد دلوقتي ومش قادرة اوصف فرحتي دلوقتي بان ربنا جبر بخاطري ..شكرا جدا لأي حد وقف معايا"
"في جو من الابتسامات والضحكات ودموع الفرح بتعافي رحمة وسعادة الكل لمحت بطلتنا احدهم يقترب منها"
رحمة_يوسف!!
=ايون
_انت هنا من امتي
=من بداية رحلة انتصار رحمة
_انت سمعت كل حاجة
=مقدرتش محضرش بصراحة
_قولتلي انك مش هتعرف تيجي
=بس جيت
_شكرا
=علي ايه مش كفاية شكر بقي عشان زهقت
_حاضر
كريمان=انت بقي الدكتور يوسف
_بالظبط حضرتك
=ايه ده نفس الدكتور الى روحناله
_ايوة بالظبط
=شكرا يابني علي الى عملته مع بنتي مش عارفة اشكرك ازاي
_علي ايه ده واجبي
=تسلم يابني
****
هند=بقي هو ده الغامض بتاع المستشفي
رحمة _هشش ليسمعك
=طب والله عسل خلاص بقي زوجك قرة عينك
_اتنيلي زوج مين
=والله شكلك وقعتي اصلا اسكتي
حسام=5/5 كويس
هند _ده لأيه!!
=فرحنا
_نعم
=ايه الي نعم..
رحمة_ انا موافقة
حسام =يبقي علي بركة الله
هند _انتوا بتتفقوا عليا
=حصل ..ثم انا مباخدش رأيك انا بعرفك بس..ثم اهو الورد الي المفروض كنت اجيبه من شهرين
هند_انت فاكر
=منستش اصلا
مازن مقاطعًا_رحمة مبروك
=الله يبارك فيك
_انا اسف علي اي...
مقاطعةً=مفيش داعي للكلام في الماضي انا مش زعلانة ربنا يسعدكم
*******
رحمة_انا بجد مش عارفة اشكرك ازاي
يوسف=تاني يارحمة
_اصل انت مش عارفة ان ارجع اكتب لا وكمان اعمل كتاب فارقلي ازاي
=انا عارف..انا انا
_انت ايه!
=انا ...انا بحبك..بحبك يارحمة
صدمة_.....
هند=ياربي نفس الدماغ لازم نتنح احنا الاتنين في نفس الموقف
يوسف=انا دلوقتي بطلبك من والدتك واخوكي "وطلع خاتم من جيبه" وعايزك تكوني حرم الاستاذ يوسف الغامض زي ما بتقولي
_هاا
=بعد كل ده هااا
كريمان_ الي في الخير يقدمه ربنا يا ابني
_يعني انت عايز ايه دلوقتي يا يوسف
=انتي اتهبلتي يابنتي...وريني ايدك كده
"لبسها الخاتم وابتسم"
=انتي كده بقيتي خطيبتي قدام كل الناس
" تقريبا كل واحد وصل لحلمه ونصيبه طبعا ..والكل كان فرحان بإنتصاره..فيه الي كان انتصاره علي هيئة حلم وفي الى انتصاره كان علي هيئة شخص بس في الأخر كل واحد نال الى عايزه ..وياريت نبطل وهم المستحيل لأن مفيش مستحيل وربنا معاك"
"وان بقي الظلام حالكا من حولك فدع نجوم أملك تزينه إلي ان تسطُع شمس حلمك "
لقراءة باقي الفصول اضغط على : ( رواية حكاية رحمة )