رواية حكاية رحمة الحلقة الأولى 1 بقلم ملك إسماعيل
رواية حكاية رحمة الجزء الأول 1 بقلم ملك إسماعيل
رواية حكاية رحمة البارت الأول 1 بقلم ملك إسماعيل
 |
| رواية حكاية رحمة الفصل الأول 1 بقلم ملك إسماعيل |
رواية حكاية رحمة الفصل الأول 1 بقلم ملك إسماعيل
_خطوبته بكرة
=يابنتي انتي مش هتبطلي الى انتي فيه ده متعشميش نفسك وتوجعي قلبك اكتر من كده
_وهو بإيدي يعني
=اومال بإيد مين ،انسيه بقي يا رحمة وركزي ف حياتك ومستقبلك
_ما انا لازم انساه مفيش حل غير كده هو خلاص مبقاش ليا هحاول اكمل
=ايوة كملي فترة وهتعدي متخليش حاجة زي دي توقفك
"هي فعلا هتعدي ما اي حاجة بتعدي مش دي المشكلة المشكلة هتعدي ازاي وهتسحب قد ايه رصيد مشاعر هتعدي واحنا اقوي ولا هنخاف نخوض تجربة زيها..."
=وارجعي...اكت...اكتبي.. زي الاول متيأسيش
_ارجع ايه؟!..هند انتي متخيلة انتي بتقولي ايه
=اه متخيلة ليه لأ، ايه الى مانعك
_ايه الى مانعني!..ههه يعني مش شايفة ايه الى مانعني انتي جاية تهزرى صح
=وانا ههزر ليه انا مش شايفة انه مبرر
بإنهيار _صح مش مبرر...لما ابقي مش قادرة امسك قلم مش مبرر ان مكتبش لما اكون عاجزة عن ان احرك صوابعى مش مبرر لما تكون حالتي النفسية زي الزفت مش مبرر ومش مبرر كمان ان الانسان الى حبيته يسيبني بسبب الحادثة دي ويكسرني ويخطب جارتي وصحبتي والمطلوب مني ان اتعامل عادي ،وانتي عارفة كل ده كويس وعايزاني بعد كل ده اكتب...معلش يا هند سيبيني لوحدي
=خلاص يا رحمة انا اسفة مكنش قصدي اضايقك بس مش هسيبك لوحدك وانتي كده
_هند سيبيني ارجوكي انا كويسة بس بجد مش قادرة اتكلم
=لأ مش هسيبك مش هفتح الموضوع تاني،بس خليني معاكي
"هند حضنتني وانا كنت بعيط بس، احساسك بالعجز من ناحية حاجة معينة صعب اوي بتحس ان نفسك بتصعب عليك جدا "
=هااا هديتي شوية
_اه الحمدلله
=طب انا هروح عشان اتأخرت عايزة حاجة
_لأ...هند
=نعم
_استني انا اسفة عشان كلمتك كده واتعصبت عليكي بس والله كنت متضايقة خالص ،بس لو ف مرة قولتلك سيبيني لوحدي اوعي تسبيني لأن بجد مليش غيرك يستحملني
_متتأسفيش احنا اخوات مش صحاب وانا مش هسيبك لوحدك ابدا ولو انا مستحملتكيش مين هيستحملك.
"الصحاب دول قد ايه حاجة حلوة بس لما يبقوا شايفين حقيقتك.. فاهمينك كويس لأن الصاحب الي بجد هو الي بيبقي شايف قلبك بعيدا عن شخصيتك وبغض النظر عن الناس الى كل واحد فيهم بيفصلك شخصية على مزاجه...هند مشيت مش فاكرة نمت ازاي من كتر العياط قد ايه قلبي كان واجعني ازاي يقدر يعمل كده يعني بدل ما اصحي علي خطوبتي انا وهو اصحي علي خطوبته من واحدة تانية ، بس في نفس الوقت عقلي مقتنع بإن ده احسن ليا وان ربنا مبيعملش حاجة وحشة"
=صباح الخير علي احلي بنوتة في الدنيا
_صباح الخير يا ماما
=جيبالك فطار يفتح النفس
_شكرا يا ماما بس انا مليش نفس
=شكرا ياماما ومليش نفس فى جملة واحدة لا ده الموضوع كبير بقي
بابتسامة_...
= ايه ده انتي مستهونة بإن سايبة الشيف الشربيني بيكلم نفسه وجاية أكلك من ايدي الجميلة دي
_قصدك عشان مبعرفش آكل لوحدي
" لقيت نظرة ماما اتغيرت لحزن"
_ماما انا اسفة مكنتش اقصد متزعليش مني
"ماما سابت الصينية وقعدت جنبي"
=مالك يا رحمة
"معرفتش ارد واكتفيت بإن اترمي في حضنها و اعيط"
=خلاص اهدي حبيبتي..كل ده عشان مازن والله هو الخسران ثم احمدي ربنا ان اظهره ليكي قبل ما يحصل حاجة رسمي حطي في دماغك يا بنتي الانسان الى يسيبك وقت شدتك عمره ما حبك ولا يستاهل وجوده في حياتك انا متأكده ان ربنا هيعوضك يابنتي.
_ربنا يديمك ليا يا ماما
= نفطر بقي ولا هتكسفيني
_وانا اقدر يا ست الكل...شكلك عايزة تقولي حاجة يا ماما
بارتباك=احم..انا..اصل امبارح..هو يعني
_ في ايه ياماما قولي علطول
=ايوة ما انا هقول اهو..اصل امبارح ام مي كلمتي وعزمتني علي الخطوبة
_نعم عزمتك علي ايه!!
=خطوبة مي يا رحمة مالك
_ايوة ما انا فاهة بس ايه البجاحة دي
=بصي يا حبيبتي احنا فى الاول والاخر جيران وفاهمة ان الموضوع صعب بالنسبالك بس انتي لازم ترضي بالواقع وانا شايفة انك تروحي عشان تثبتيله ان مش فارق معاكي
_ماما انتي بتقولي ايه انا مش هعرف اعمل كده مش هعرف اشوفه مع حد تاني ومش هقدر اشوفه اصلا بعد الى عمله
=يا بنتي والله انا شايفة انك لازم تشيليه من دماغك وتشوفيه وتثبتيله انك مش متأثرة والدليل انك رايحة خطوبته علي العموم مش هغصب عليكي انتي شوفي وقرري.
"تليفون رحمة رن"
_الو
=ايوة يارحمة..بقيتي احسن
_الحمدلله يا ندي
=ايه رأيك نخرج انهاردة نغير جو
_لا مش قادرة فعلا..طب تصوري الى حصل مش مامت مي اتصلت وقال ايه بتعزمنا
=نعم ايه الهبل ده
_اه والله والأنيل من كده ان ماما عايزاني اروح واثبتله ان مش فارق معايا..انا بجد مش فاهمة في ايه
=طب تصدقي طنط معاها حق روحي والبسي حاجة شيك كده واضحكي ولا كأن فارق معاكي عشان الحرباية الى اسمها مي دي تتكاد بدل ما هي فاكرة انها كده بتغيظك وكده والله يابنتي انا شايفة انك تروحي ومتنزليش ولا دمعة
_انا مش فاهمة انتوا بتفكروا ازاي بصراحة لا مش عايزة اتحط فى الموقف ده مش هقدر
=خلاص يا رحمة اعملي الى يريحك ولو حسيتي انك محتاجة حاجة اتصلي عشان اجيلك
_حاضر حبيبتي
**
=حبيبتي اروح ولا افضل معاكي
_ لا يا ماما روحي انا كويسة
=ماشي انا مش هتأخر
_تمام
"بصيت لنفسي فى المرايا لحد اللحظة دي انا مصدقة ان الانسان الى حبيته مع اول موقف اتعرضتله سابني اختار ان يمشي فى اكتر وقت كنت محتجاه فيه عرف يثبتي ان فعلا مفيش حاجة اسمها حب بجد، اختار ان يجرحني مع ان كان في ايده يداويني حسسني ان هبقي عالة عليه لو كمل معايا ...بس صح هو ايه الى يخليه مجبر يكمل مع واحدة كده يعني ..ااه هو انا فعلا ليه عاملة في نفسي كده هو فعلا الى خسرني انا اقوي من ان انزل دمعة او ان اضعف عشان خاطر حد زيه"
_ايوة يا ندي تعالي بسرعة
=ايه غيرتي رأيك وهنخرج
_تعالي بس وانا هفهمك
*****
والدة مي بمكر= ايه يا كريمان مجبتيش معاكي رحمة ليه
_هي كانت جاية بس صاحبتها كلمتها عشان يخرجوا
=اممم لا تتعوض ان شاء الله
****
=هو سابك وبإيديه ..لما هونتي في يوم عليه..يعني هو ميستاهلش ..طب قوليلي بتبكي ليه؟
_شايفاني ببكي انتي يعني
=بتبكي ايه يا بنتي ده انا بغنيلك اصل لاقيته لايق عالموقف يعني
_بتغني طب والله انتي رايقة
=قوي قلبك علي الفراق
_حاضر
=هو ايه الى حاضر..انا بكمل علي فكرة
_طب قومي من هنا بقي عشان متضربيش
***
_اتأخرت ليه يا مازن
=معلش حبيبتي انا اسف..الطريق والله
_مقولتليش ايه رأيك فيا
=....
_مازن بكلمك سرحت في ايه...
يتبع....
لقراءة الفصل الثاني اضغط على : ( رواية حكاية رحمة الفصل الثاني )
لقراءة باقي الفصول اضغط على : ( رواية حكاية رحمة )