رواية حكاية رحمة الحلقة الثانية 2 بقلم ملك إسماعيل
رواية حكاية رحمة الجزء الثاني 2 بقلم ملك إسماعيل
رواية حكاية رحمة البارت الثاني 2 بقلم ملك إسماعيل
 |
| رواية حكاية رحمة الفصل الثاني 2 بقلم ملك إسماعيل |
رواية حكاية رحمة الفصل الثاني 2 بقلم ملك إسماعيل
_مازن بكلمك سرحت في ايه...
"التفتت مي"
بصدمة=ايه ده!! دي ايه جابها دي!
=ماااازن بكلمك
_ايه..اه ..لا مش عارف
=وانت بتبصلها كده ليه
بارتباك_انا لا مش ببص مستغرب بس
=مستغرب ولا حنيت
_حنيت ايه بس..انتي بتقولي ايه
****
=رحمة حبيبتي انتي جيتي
_اه يا ماما
=انتي كويسة؟
_اه كويسة اوي
=لو حاسة انك مش هتبقي مرتاحة ممكن نمشي،ومتزعليش مني يابنتي ان ضغطت عليكي الصبح
_لا ياماما مفيش اي حاجة ومقدرش ازعل منك اصلا
=بس ايه الجمال ده مش كنتي تقوليلي اساعدك
_لا ما هند كانت معايا
= كتر خيرها..هو انتي جيتي لوحدك يا حبيبتي
_لا حسام جه معايا بس معاه تليفون برة وجاي
=اه تمام يا حبيبتي
بابتسامة_
*****
_شوفتي يا ماما دي ايه الى جابها
=مش عارفة يا حبيبتي والله مع ان امها قالتلي انها مش جاية
_اكيد جاية تبوظلي الليلة
=لا يا حبيبتي متخافيش انا هنا مش هسمحلها اتبسطى انتي بس ولا تشغلك
****
"في اللحظة الى مي كانت بتتصور فيها مع صحابها،مازن اتقدم ناحية رحمة"
=اازيك يا رحمة
_....
=ااحم..زي القمر كالعادة
بنظرة جانبية_ شكرا... مبروك ربنا يسعدكم
بارتباك=الله يبارك في
مقاطعةً
مي=الله يبارك فيكي حبيبتي عقبالك
_ان شاء الله "التفتت عشان تسيبهم"
مي=طب باركي بنفس طيب ولا احنا مش قد المقام
_نعم!!
=ايه سلمي وباركي زي الناس...اااه معلش نسيت انك مش هتعرفي
"رحمة بصتلها بإشمئزاز"
=بتبصيلي كده ليه هو انا قلت حاجة غلط
مازن=خلاص يا مي عيب الى بيحصل ده
=انت بتزعقلي عشانها...اوعي تفتكري انه عشان دافعلك يبقي انتي فارقة معاه لا يا حبيبتي فوقي ده سابك واختارني لأنك ملكيش اي لازمة انتي فاهمة
"رحمة حاولت تمسك دموعها وتداري عجزها"
_اخرسي... انتي ازاي تتكلمي معايا كده انتي اتجننتي وعشان تبقي فاهمة لا انتى ولا هو فارقين معايا ولا في اهتماماتي وهو لما سابني وجالك جه عشان معرفش يتعايش مع مستوي اعلي منه فراح يدور علي الى شبه..ويكون ف علمك انا بحمد ربنا ان مش مكانك دلوقتي وهكون مع واحد معرفش يعني ايه رجولة.
مازن=انتي اتجننتي " وكان هيمد ايده عليها"
"حسام جه ومسك ايده"_ده انت الى شكلك اتجننت..لسة متخلقش الي يمد ايده علي اختي وانا موجود..كان عندها حق لما قالت انك متعرفش يعني ايه رجولة لأن مفيش راجل يرفع ايده علي بنت يا حيوان ولو فكرت مجرد تفكير ان ترفع ايدك عليها تاني ايدك هتوحشك يا حلو ...وانا المرة دي مش هعملك حاجة ولا هنبوظ الليلة عشان احنا مش خرابين بيوت بس يكون في علمك لو لقيتك بس قريب من رحمة انا مش هرحمك...يلا يا رحمة"
****
"رحمة فضلت طول الطريق ساكتة وبتحاول تداري دموعها لحد ما وصلت البيت"
والدة رحمة=رحمة حبيبتي
_ماما لو سمحتي انا كويسة بس سيبيني دلوقتي عشان عايزة انام
حسام =سيبيها تهدي يا ماما وكلميها الصبح
"رحمة كانت برضو بتحاول تمسك دموعها لأنها مش عايزة تبقي ضعيفة ..نامت وهي بتحاول تكتم دموعها ومشاعرها وحاولت تداري عجزها وكسرة خاطرها تحت بَند انها قوية ومحدش يستاهل انها تنزل دمعة عشانه"
=صباح الخير يا حبيبتي
_صباح الخير يا ماما
=احضرلك الفطار
_لا مش عايزة
=يا حبيبتي مكلتيش حاجة
_بجد مش عايزة سيبيني لما اجوع هاكل
=براحتك يا بنتي
حسام=رحمة...تليفونك بيرن
_سيبه
=بس دي مديرتك شوفيها يمكن شغل
_افتحلي طيب
=الو يا رحمة عاملة ايه
_بخير الحمدلله وحضرتك
=اه تمام الحمدلله
_خير حضرتك
=ااه كله خير ...بصي يا رحمة انتي طبعا عارفة انتي عزيزة قد ايه عليا
_ااه اكيد
=بصي يارحمة انا هدخل فى الموضوع علطول...طبعا انتي عارفة انك من العملاء المهمين فى الشركة وانا فعلا بعزك..بس..بس يا رحمة طبعا انتي اكيد فاهمة الظروف الى انتي فيها مش مناسبة مع شغلك نهائيها وده هيخلينا نخسر وده ميرضكيش يارحمة طبعا ..ف للأسف انتي مش مضطرة ترجعي من الاجازة خليكي وهحولك الفلوس بتاعت شغلك فى آخر فترة معانا واتمني تتفهمي.
_اااه..طبعا انا متفهمة ..شكرا يا استاذة سهام..سلام
=سلام حبيبتي
"رحمة محستش برجليها وقعدت علي الكرسي"
حسام =ايه...يا رحمة مالك
_.....
=في ايه...حصل حاجة
_سيبت الشغل
=ايه
_اقصد طردوني من الشغل
والدة رحمة=ايه ده ليه
_مبقوش محتاجني
=ده ليه ان شاء الله..هما يطولوا..ولا انتي قصرتي معاهم ف حاجة
بدموع_لا يا ماما.. مش دي الحكاية الموضوع وما فيه ان مش هعرف اشتغل من الاساس..كتر خيرها هي انعا كانت مستحملاني فى اخر فترة في الشغل..ده مش ذنبها ومش ذنب حد
حسام=ومش ذنبك يا رحمة
_بس الى حواليا مش مجبورين يتعايشوا مع شئ ميخصهمش يا حسام
والدة رحمة بدموع=خلاص يا حبيبتي والله هما الخسرانين بس متوجعيش قلبي بكلامك ده
"واخدتها فى حضنها ..وفجأة التليفون رن"
_ايه ده دي سلمي
=مين سلمي ياحبيبتي
_زميلتي فى الشغل
=طب ردي عليها يمكن في جديد
_معتقدش هي مبتطقنيش اصلا
=استني..نشوف
_الوو
بسخرية=مبروك يارحمة..مش قادرة اقولك هتوحشيني قد ايه ..مش قادرة اوصفلك المكتب بقي حلو ازاي.. صح نسيتي تبركيلي مش انا اترقيت وهاخد مكانك ..يمكن لو مكنتيش معاقة..اقصد لو كنتي بتحركى صوابعك..يوووه اقصد لو مكنتيش فى الظروف دي كنتي فضلتي معانا بس يلا كل واحد اخد مكانه الحقيقي
"رحمة فى صدمة من الكلام الى بيتقال ومنطقتش بكلمة لكن والدتها اخدت الفون منها"
=سمعيني قولتي كده يا حبيبتي..هى مين دي ال معاقة بنتي الحمدلله سليمة ومفيهاش غلطة ..علي الاقل انسانة طبيعية من جواها مش تعبانة وقلبها اسود زي ناس ولما وصلت للمكانة دي ف شغلها كان بتعبها يا حبيبتي ومستنتش حد يتشال ولا حاجة عشان تتحط مكانه ..اصل اليومين دول الجارية لما تاخد اكبر من حجمها بتفتكر نفسها ملكة ياعيني ..واوعي تتصلي هنا تاني يإما قسمًا عظمًا لأكون مبلغة عنك"وقفلت في وشها"
"كالعادة رحمة حاولت تمسك دموعها ..بس لحد امتي يعني هتكتم مشاعرها"
=رحمة حبيبتي متاخديش بكلام الهبلة دي هي غيرانة منم وعايزة تكيدك وصدقيني متجيش حاجة فى فيكي والله هما ال خسروا
بابتسامة مصطنعة_ماما انا هنزل اقعد علي البحر شوية
=طب خلي اخوكي ينزل معاكي متنزليش لوحدك
_لا يا ماما محتاجة اقعد لوحدي..متخافيش
=طب خلي بالك علي نفسك يا بنتي
****
"رحمة كانت باصة للبحر كأنها بتشتكيله وبترمي عليه كل همومها ووجعها..مكنش عندها طاقة حتي انها تتكلم مع نفسها "
=رحمة
_خضتيني..انتي ايه الى جابك وعرفتي ازاي ان هنا
"هند متكلمتش وحضنتها بس. .وفضلت حضناها"
=انا اسفة ان مكنتش معاكي..طنط حكيتلي علي كل الى حصل ..صدقيني يا رحمة كل دول مايستاهلوا ومازن الحق*ير ده ربنا رحمك منه ولا يشغلك ممكن مكنش خير ليكي صدقيني متجيش علي نفسك اوي كده وربنا موجود يارحمة مش غافل عن الى بيحصل وهيعوضك واحنا معاكي وبنحبك
_ربنا يديمك ليا..مش عارفة من غيرك كنت عملت ايه
بثقة مصطنعة=ااه والله تصدقى ربنا يديمني ليكي فعلا ..انا اصلا قمر وربنا باعتني ليكي عشان انورلك حياتك
بابتسامة_ما شاء الله ليكي نفس تهزري وواثقة اوي كمان
=اوماال يا بنتي ...بقولك ايه
_هاا
=انا جعانة
_ايه!!
=لا بصي بقولك ايه انا مليش فى جو النكد ده انتي عارفة ...وجعت اصلا ف يلا بقي نجيب اكل ونيجي ناكله عالبحر زي ايام الجامعة
_مش جعانة
=امم كنت ناوية اعزم حد كده على الاكل الى بيحبه بس خلاص الفرصة بتيجي مرة واحدة نقول ايه بقي
_تصدقي جعت دلوقتي ..يلا بينا
=مادية حقيرة
_اوماال
=بالك انتي يا بت يا رورو الاكل ده العلاج لكل الاحزان "وقامت زقاها في الميه وجريت"
_ااه ...تعالي هنا .. مش هسيبك
=لالا.. كده مش هتلاقي حد يعزمك لو حصلي حاجة
_بقولك تعالي هنا..مش هرحمك
"انك تستعيد طفولتك او جزء من ذكرياتها مع حد بتحبه كفيل ان يحييك من جديد"
***
=حبيبتي شكلك احسن انهاردة
_الحمدلله يا ماما
=ماتنزلي تشتريلك حجات جديدة وغيري من مودك
_حاضر..بس محتاجة اسحب الفلوس الاول
=خلاص حسام كده كده نازل انزلي معاه
***
حسام=هاا قولي الباسورد
_(*****)
=اوبا عالناس الى بقت اغنياء وهتشربقني
_اتنيل..المفروض مين الى يشبرق مين
"تليفون حسام رن"
_ايه يا حسام
=فى عميل مهم ومحتاجني فى الشغل
_خلاص تمام روح انا هتصرف..كده كده همشي بس مش هركب مواصلات..بس انت حطلي الفلوس فى الشنطة
=تمام
_يابني علقهالي
=ااه معلش اسف
"رحمة مشيت وحست ان فى حد ماشي وراها ..بصت ملقتش حد ..فكملت عادي ..بس فجأة..
بصرخة_ااااه
يتبع....
لقراءة الفصل الثالث اضغط على : ( رواية حكاية رحمة الفصل الثالث )
لقراءة باقي الفصول اضغط على : ( رواية حكاية رحمة )