رواية حبيبة أخويا الحلقة الأولى 1 بقلم إسراء إبراهيم
رواية حبيبة أخويا الجزء الأول 1 بقلم إسراء إبراهيم
رواية حبيبة أخويا البارت الأول 1 بقلم إسراء إبراهيم
 |
| رواية حبيبة أخويا الفصل الأول 1 بقلم إسراء إبراهيم |
رواية حبيبة أخويا الفصل الأول 1 بقلم إسراء إبراهيم
انا اسف ياسلمي لحد كده واللي ما بنا انتهي
سلمي بصت لاحمد بصدمة وحست بقبضة في قالبها وقالتله بتردد:
ايه اللي انت بتقولو ده يا احمد ،، انت جايبني عشان تقولي الكلمتين دول وبتمسك ايده بحنيه وبتكمل فهمني في ايه ؟
احمد سحب ايده من ايديها وقال بهدوء :
متأسف ياسلمي ،، بس من اول ما اخويا فكر بس انه يتقدملك واللي ما بنا خلاص انتهي
سلمي بتلقائية : طيب وانا ذنبي ايه ثم انا كده كده هرفضه صدقني وانت بعد فترة اتقدملي
قط*ع كلامها صوت احمد وهو بيقوم:
لاء ياسلمي حتي لو رفضتي ده مش هيغير اي حاجة ولا ان اخويا كان في يوم من الايام عايزك
سلمي قامت وقفت وقالتله بغضب :
يعني انت بتنهي كل السنين اللي بنا دي عشان اخوك ،، يهون عليك تكسر*ني بالشكل ده وانا بقالي سنتين برفض كل اللي بيتقدملي عشانك
احمد بو*جع في قلبه : سلمي ربنا عالم باللي انا فيه ،، واني مكنتش بضحك عليكي وانتي عارفه
سلمي بضحكة سخرية :
انا معرفش حاجه انا طلعت اغ*بي واحدة في العالم ،، ضيعت عمري مع واحد ميستاهلش
احمد بحيره وبحزن علي حبيبة قلبه:
انا اسف ياسلمي بس مبقاش ينفع حتي العتاب
سلمي ببروود متصنع: امشي يا احمد انت اصلا كنت واخد قرارك ،،انت لو كنت حبتني ربع حبي ليك كنت وقفت قدام الدنيا كلها عشان حبك
احمد بكس*رة اكبر: انا مستعد اقف قدام العالم كله عشانك بس عمري ما اخلي كس*رة اخويا تبقي مني ،،عن اذنك
وسابها ومشي وملتفتش وراه
وسلمي قعدت بصدمه علي حب عمرها وبعياط هستيري منك لله يااحمد اشوف فيك يوم
..............
ماذن وهو بيدخل من باب الشقه :
ماما ياست الكل ياحاااجه
سميرة خارجه من المطبخ:
ايه يابني هكون طفشت
ماذن بضحكه وهو بيقرب عليها وباس دماغها:
حقك عليا ياست الكل بس الصاله كئييه وانتي مش قاعده فيها
سميرة بضحكه:
اضحك عليا بكلمتين ياواد
ماذن بحب وهو بيبوس ايديها : والله مااقدر اعيش يوم واحد من غيرك ياست الكل ربنا يخليكي ليااا وميحرمنيش منك ابدا
سميرة وهي بتطبطب علي كتفه : حبيبي يا ماذن ويخليكو ليااا يااارب
ماذن وهو بياخدها من ايديها وقعدو علي الكنبه :
الا قوليلي بقي ياست الحبايب هنروح لابو سلمي امتي
سميرة بضحكه ومكر: اظهر وبان كنت قولت من اول ما دخلت ياقلب امك
ماذن باحراج وهو بيبص الناحية التانيه: لا والله ياماما مش كده بس فعلا والله المكان اللي مبتبقيش فيه بيبقي كئيب
سميرة بحنان وهي بتطبطب علي رجله:
حبيبي يا ماذن انا مليش في الدنيا دي كلها غيركو وغير راحتكو يسعدلي قلوبكو يابني يارب وعشان تطمن انا قولت لامها وقالتلي هتقول لابوها وتاخد رأي البت لو وافقت هتكلمنا نروح نتقدم رسمي بقي ان شاءالله،، ربنا يابني يقدملك اللي في الخير
ماذن بفرحه وهو بيقوم يقف : بجد ياماما ربنا يخليكي لياااا ياارب وميحرمنيش منك ابداااا
سميرة بفرحه: ربنا يسعدكو يااارب
...............................
فاطمه وهي واقفه في الشباك وهي بتقول لنفسها:
هيكون راح فين بس ده خرج من بدري اوي
سمعت صوت ابوها من وراها : مين ده يافاطمه اللي خرج من بدري
فاطمه وهي بتبص لابوها بارتباك: ها اه ابدا يا بابا ده عمو احمد بتاع المكتبه كنت عايزة حاجه منو عشان الجامعه
كامل وهو بيقرب منها: اااه ماشي يابنتي انا هنزل اقعد شويه مع عمك فتحي عايزة مني حاجه
فاطمه براحه: لا يابابا سلامتك هقعد ارسم المشروع بتاعي
كامل بحب وهو خارج: ماشي يابنتي ربنا يوفقك و لو عوزتي حاجه ابقي نادي عليا من الشباك
فاطمه بابتسامة وهيا ماشية وراه: حبيبي يابابا متحرمش منك ابدا ورجعت تاني للشباك
.............
كان راجع من بره احمد لقي فتحي وكامل قعدين قدام المحل بتاع فتحي وقال: سلامو عليكو
رد كامل و فتحي بود : وعليكم السلام ورحمه الله وبركاته اتفضل يابني
احمد وهو ماشي الله يخليكم ويديكم الصحه
كانت واقفه فاطمه متابعاهم واول ما شافت احمد ابتسمت واتنهدت براحة انه رجع دخلت وقفلت الشباك
.......................
رجعت سلمي بعد احمد بشويه وهي في حالة عياط متواصل على حب عمرها ودخلت شقتها
وامها عبله اول ما شافتها اتخضت وقامت وقفت وسلمي اول ما شافتها جريت عليها وهي بتعيط ودخلت في حضنها
عبله بخوف علي بنتها: في ايه يابنتي مالك ايه اللي حصل
سلمي بعياط وهي مش عارفه تقول لامها ايه: صحبتي ياماما تعبت وودوها المستشفي وحالتها خط*ر
عبله بحزن وهيا بطبطب علي سلمي: لا حول ولا قوة الا بالله ربنا يشفيها ياارب ويعافيها
سلمي بعياط اكبر : يارب ياماما
عبله وهي عايزه تخرج بنتها من اللي هي في : عندي ليكي خبر حلو ام احمد كلمتني النهاردة
سلمي بعدت عن حضن امها بصدمه وامل ان احمد يكون اخد خطوة واتقدملها فكملت عبله كلامها:
ابنها عايز يتقدملك اهو الواد ده بقي ميتعيبش
سلمي بصدمه ااكبر : انهي واحد فيهم ياماما
عبلة بابتسامة وهيا بتلمس دقن سلمي : ابنها الصغير ماذن
سلمي زادت في العياط ودخلت في حضن امها تاني
عبله بشك واستغراب: في ايه يابنتي كل ده عشان صحبتك ؟
سلمي فجأة عياطها وقف واتوعدت لاحمد وخرجت من حضن امها : اه ياماما عشانها اصل هي كانت قليلة الاصل معايا
عبله باستغراب وهيا بتقوم : معلش يابنتي الله يسهلها ويشفيها ها قولتي ايه
سلمي بتحدي وبتوعد وهيا بتقوم هيا كمان: انا موافقه ياماما
عبله لفت بفرحة وحضنت بنتها : الحمدلله يارب اخيرا ياقلب امك ،،انا قولت لابوكي من شويه قبل ما ينزل علي المحل وهو مرحب جدا بس كان مستني ردك ،،لما يطلع هقوله ونرد عليهم بكره ان شاءالله
..................
بعد اسبوع من نفس الأحداث
الخبر لما وصل لاحمد ص*عقه وفهم ان سلمي بتعمل كدة عِند فيه عشان يغير ويبوظ الموضوع بس احمد اتجاهل الخبر ومعلقش
وجه يوم قراية الفاتحه والخطوبه في يوم واحد
ماذن بتوتر وهو داخل القوضة لامه : عجبك كده ياماما عمايل احمد ازاي هندخل عند الناس من غيره
سميرة وهي خارجه من الاوضه : والله يابني مانا عارفه راح فين بس اكيد زمانه جاي
ماذن نفخ بعصبيه وقال : ماهو عارف ان معادنا عند الناس الساعه تمانيه ودلوقتي الا عشره
سميرة وهي بتطبطب علي كتف ابنها : يابني مش مهم لما نتاخر نص ساعه ولا حاجه وان شاءالله اخوك علي وصول حاول ترن عليه تاني كده
ماذن بقلة صبر: حاضر......
وبعد ما رن ،، بردو مبيردش انا زهقت يلا احنا ندخل وهو يجي ورانا
سميرة وهي بتبصله: يابني عيب ندخل من غير اخوك الكبير
ماذن وهو بيظبط بدلته : هنقول انه جاي ورانا ياماما بس اهم حاجه ندخل في معادنا
سميرة بقلة حيلة :ماشي يابني
.........
ماذن دخل هو وسميرة بس
وسلمي طلعت سلمت عليهم واول ماعرفت ان احمد مجاش ابتسمت بخبث
فتحي ابو سلمي باستغراب: اومال احمد فين ياماذن
ماذن باحراج وهو بيبص لامه: احمد كان بيجيب حاجه واتاخر زمانه جاي ان شاءالله
قال اخر كلمه وسلمي بتبتسم بخبث وانتصار
وقال فتحي بحب : يجي بالف سلامه يابني
ق*طع كلامهم دخول احمد ومعاه دستة جاتوه و بيبسي عشان يشرف اخوه قدام نسايبه
واول ما دخل سلمي قلبها دق وبعدين حزنت علي الحال اللي وصلو ليه وقالت في نفسها :
والله لاندمك يااحمد علي كل اللي عملته
فتحي قبل قراية الفاتحه :
انا يبني وافقت عليك عشان انا لو لفيت الدنيا كلها مش هلاقي لبنتي واحد زيك بس بردو يابني انا اب ويهمني اعرف بنتي هتقعد فين
ماذن اابتسم بحب وقال: اه طبعا ياعم فتحي في الحقيقه انا كنت مقدم في الاسكان وقربت استلم ان شاءالله وهي بتيجي متوضبه هعمل فيها حاجات بسيطه ونتجوز علطول بامر الله
اتدخلت سلمي بتلقائية: وليه نقعد في الاسكان ما نقعد في شقتكم انا مبحبش اقعد بعيد عن ماما انا وحيده ومليش غيرها
احمد اتفاجأ من رد فعلها و
فتحي ابتسم باحراج وبص لبنته وقال: يابنتي التليفونات والعربيات قربت الدنيا
ماذن بتلقائية وهو بيبص لفتحي: عادي ياعم فتحي هي لو عايزة كده معنديش مشكله اقعد انا مع ماما واحمد يبقي يتجوز في شقة الاسكان
ابتسمت سلمي بانتصار وخبث
فتحي : خلاص يابني اللي انتو شايفينه،، نقرا الفاتحه
...............
فاطمه كانت واقفه في الشباك ومتابعة الخطوبه وسرحانه بس اتفاجأت ب.....
يتبع...
لقراءة الفصل الثاني اضغط على : ( رواية حبيبة أخويا الفصل الثاني )
لقراءة باقي الفصول اضغط على : ( رواية حبيبة أخويا )