رواية أعادت لي هويتي (ليالي الفهد الجزء الثاني) الحلقة الخامسة والعشرون 25 بقلم سارة أحمد
رواية أعادت لي هويتي (ليالي الفهد الجزء الثاني) الجزء الخامس والعشرون 25 بقلم سارة أحمد
رواية أعادت لي هويتي (ليالي الفهد الجزء الثاني) البارت الخامس والعشرون 25 بقلم سارة أحمد
 |
| رواية أعادت لي هويتي (ليالي الفهد الجزء الثاني) الفصل الخامس والعشرون 25 بقلم سارة أحمد |
رواية أعادت لي هويتي (ليالي الفهد الجزء الثاني) الفصل الخامس والعشرون 25 بقلم سارة أحمد
بعد التحقيقات فى الحادثه وتدخل المخابرات المصريه فى اثبات وقوع الحادث للنجم إبراهام زافى وما ساعدهم هو إحتراق الجثه بالكامل حتى إختفت ملامحها وتفحمت .
فى إحدى طائرات رجال الأعمال الخاصه القادمه من فرنسا وصل إبراهيم إلى الأراضي المصريه بسلام متخفيا بزى رجل مسن حتى خرج من المطار واخذته سياره إلى منزل مؤمن من قبل المخاب..برات المصريه
وحين دلف وجد عائلته فى إنتظاره .
إحتضنته والدته وهى تبكى لفرحة رجوعه سالما
وفاء: يا حبيبي يا حبيبي كنت هتجنن عليك لما سمعت الخبر حسيت ان قلبي خلاص هيقف
بس كتر خيره سيادة اللوا فهد اتصل بينا وطمنا على طول وادانا خبر ان كل دا لعبه عشان أمانك انت ووصولك بالسلامه.
إبراهيم: الحمدلله انا كنت خايف عليكوا لما تسمعوا الخبر وعشان كدا لما كلمت سيادة اللوا طلبت منه انه يعرفكم مع ان دا كان ممنوع لكن هما إستنوا لحد ما تمت كل الإجراءات وكلموكوا على طول
إحتضنه والده وشقيقاه ولفت انتباهه وقوف شقيقته بعيدا تبكى بحزن فذهب ناحيتها يهتف : انتى لسه مكسوفه تسلمى عليا ولا إيه ؟
ضربته مياده بيدها فى صدره واحتضنته ببكاء
مياده: مكنتش قادره اصدق غير لما شوفتك قدامى دلوقتى ، متعملش فينا كدا تانى
شدد إبراهيم على إحتضانه لها قبل جبهتها : خلاص مفيش بعد تانى هفضل جنبك وبس يا قلب أخوكى
اللوا كمال : نورت بلدك يا بطل
إبراهيم: شكرا يا سيادة اللوا
اللوا كمال : طبعا الفيلا اللى انتوا موجودين فيها دلوقتى دى فيلا تبعنا متأمنه على أعلى مستوى ، هو طبيعى خلاص انتوا فى آمان لكن دى احتياطات أمنيه لوقت معين وهتنتهى وتقدروا تمارسوا حياتكم بشكل طبيعى .
مرت أيام وأسابيع على وجود إبراهيم مع عائلته فى الفيلا حتى تم التصريح لهم بالخروج والعوده إلى منزلهم .
فى فيلا العدنان بالقاهره
طرق فهد باب غرفة إبنته زينه ليأتيه الرد والإذن بالدخول ليجدها كعادتها تقرأ فى المصحف الشريف
فهد: السلام عليكم ورحمة الله
إبتسمت زينه: وعليكم السلام ورحمة الله
فهد: القمر بتاعى بيعمل إيه ؟
زينه: بقرأ فى المصحف يابابا
فهد : ربنا يعينك يا حبيبتي ويتقبل منك
زينه: يارب يابابا ، حضرتك عارف ان رمضان باقى عليه شهرونص ان شاءالله وكنت بستأذنك أسافر أنا وحد من إخواتى او مع حضرتك أعمل عمره
فهد: كل سنه وإنتى طيبه يا حبيبتي
زينه: وحضرتك طيب يا بابا
فهد : أمال أختك المجنونه فين ؟
زينه: كانت فى اوضة التدريبات نازله هبد ورزع
فهد : هههههه مجنونه
زينه: ههههههه المجنونه تسمعك
فهد : اهو دا اللى ناقص مش هخلص منها هههه
زينه: مقولتليش إيه رأي حضرتك فى موضوع سفرى
فهد : مش يمكن لما أقولك على اللى جايلك عشانه الرأى ميبقاش رأيي انا
زينه بقلق : مش فاهمه يابابا
فهد: فى حد كلمنى عنك وطالب إيدك وعلى ما أظن ان الشخص دا غير كل إللى جولك ورفضتيهم قبل كدا
يعنى ولا هو ابن وزير ولا ابن لوا ، دا شاب طموح وعمل نفسه بنفسه وعلى خلق .
زينه: واخبار تدينه إيه؟
فهد : عادي يا زينه شخص مسلم معروف عنه انه بيصلى ومبيسبش فرض واخلاقه عاليه جدا ومبيدخنش.
وبعدين يا زينه يا حبيبتي مينفعش نبقى شبه بعض فى كل حاجه لازم نختلف فى حاجات عشان نقدر نكمل بعض .
يعنى عندك انا وماما مثلا ، ماما متدينه جدا يمكن اكتر منى وبتخاف من اى ذنب مش معنى كدا انى بستسهل الذنب لكن يمكن أنا مبعملش اللى هى بتعمله ولا تفكيرى هو تفكيرها ، فهى بتفكر بقلبها شويه وانا راجل عملى وبفكر بعقلى اكتر لكن فيه نقطه بتجمعنا
وبنقدر مع بعض ناخد قرار يرضي جميع الاطراف
فانا عايز اوصلك ان مفيش شخص كامل لكن ممكن نكمل بعض فى حاجات معينه .
زينه بابتسامه: صح يا بابا
فهد: طيب مش هتسألينى مين هو العريس ؟
نظرت زينه أرضا بخجل فضحك فهد واحتضنها
فهد : العريس يبقى سيف الظابط اللى أنقذك من الكمين اللى كانوا مدبرينه .
إبتسمت زينه: هتصدقنى لو قولتلك انى حسيت بكدا
فهد : الله بقا دا فى إبتسامه حلوه وخجل وكسوف وكمان حاسه ، اوعى يكون الواد دا ضايقك
زينه: لا ابدا يا بابا
ضحك فهد : طيب أنا قولت أخد رأيك قبل حتى ما أقول لماما عشان تقدرى تفكرى براحتك مع انها لو عرفت انى مقولتلهاش مش عايز اقولك بقا
زينه: هههههههه وجاى تقولى انا ما حضرتك عارف انى هروح جرى أقولها واخد رأيها .
فهد : هههههه كدا يعنى بتبيعينى ؟
بس تعرفى يا زينه انا دايما بكون فرحان بعلاقتك مع ماما ليالى ، يعنى بالرغم من انها مش هى اللى ولدتك لكن بحس ان علاقتكم اكبر بكتير من علاقتها بزين وسليم ونور ، حتى اخواتك متعلقين بيكى كأنك أمهم مش أختهم .
زينه: طبعا يابابا ماما ليالى قدرت تملك قلبي بطيبتها
وكمان انا اكبر اخواتى يعنى بينى وبين زين وسليم فرق حوالى ٩ سنين كمان وبينى وبين نور حوالى ١١ سنه .
يمكن انا مبقاش بنتها إللى ولدتها لكن انا اكتر واحده شبهها فى التفكير وفى التصرف انا اكتر واحده شبعت منها ومن حنيتها وشاهده على سنين التعب إللى شافتها ، ويمكن ماما ليالى كانت حنينه معايا أكتر من إخواتى كمان .
إبتسم فهد متذكرا تلك الذكريات وأومأ لها بابتسامه
فهد : هستنى ردك مع انى انا حاسس بالقبول
إبتسمت زينه وهتفت : طيب ممكن أروح أقول لماما
إبتسم فهد وأومأ لها بالموافقه .
وخرج من غرفة زينه واتجه إلى ذلك المكان الذي كان يجمعهم دائما ولكن قبل ان ينزل رأى زينه تجرى إلى غرفة ليالى فابتسم وسار خطواته وذاكرته تعود سنين وعلى محياه إبتسامه .
فلااااش
إستيقظ فهد على صوت صراخ أحد أبناءه والذي وقع أرضا حين حملته إبنته الكبرى من زوجته الاولى زينه
إنتفض فهد حين رأى ذلك المشهد وجرى ناحية الطفل وحمله سريعا وهو ينظر للطفله بغضب وعلى صوته عليها فدلفت ليالى بخطوات سريعه لترى ماذا حدث ولما يعلو صوت زوجها
ليالى بخوف ولهفه : فى إيه ؟!
أخذت منه ليالى الطفل تحاول ان تهدهده
فهد بغضب : وقعته فى الأرض وكذا مره أقولها متشيليش حد منهم عشان ممكن يقع وهى مبتسمعش الكلام .
ليالى : انحنت ليالى على زينه تحميها من رد فعل فهد
وهتفت : طيب ممكن تهدى ؟
زفر فهد بحنق وجلس واضعا رأسه بين كفيه يتابع الصغيره زينه وهى تبكى وليالى تحاول ان تراضيها وتتحدث معها بهدوء
ليالى : إهدى يا حبيبتي إهدى
زينه: أنا آسفه مكانش قصدى أوقعه
ليالى : انا عارفه وعارفه ان بنوتى الشاطره بتحب تشيل إخوتها وتساعد ماما .
أومأت زينه وهى تنظر لوالدها بخوف : بس انا خلاص مش هشيله تانى
ليالى : إيه دا مين قال كدا ؟ امال مين هيساعدنى ؟!
طيب انتى عارفه بابا زعلان عشان هو زعقلك بس هو صاحى من النوم متنرفز شويه وكمان هو زعلان عشان جده تعبان وفى المستشفى.
زينه: انا عارفه انا آسفه يا بابا
لم يحتمل فهد دموعها وخوفها منه أكثر من ذلك فنتفض ناحيتها لتختبأ فى ليالى ظنا منها انه سيضربها ولكنها تفاجئت به يحملها بين ذراعيه ويحتضنها وهو يقبل وجهها ويديها متأسفا على أسلوبه معها
فهد : أنا آسف يا حبيبتي انا فعلا عصبي الفتره دى وتعبان شويه ، انا بس خايف اخوكى يحصله حاجه وانتى كمان تتعورى ووقتها هتعب اكتر وازعل عشانكوا
زينه: عارفه يا بابا بس انا مكنتش أقصد أوقعه انا اتكعبلت فى السجاده .
إبتسم لها فهد : خلاص يا حبيبتي حصل خير ومره تانيه لما تشيلي حد منهم متتحركيش بيه عشان متقعيش .
زينه: حاضر يا بابا
باااااااك
إبتسم فهد على تلك الذكريات ليعاود مره أخرى ويتذكر زين وسليم وهما فى سن المراهقه ، تذكر انه لم يتعب كثيرا فى تربيتهم فدائما ليالى كانت تعلمهم الدين والأخلاق وكانت تهتم بحفظهم للقرآن الكريم وفهمه وتطبيقه .
وأيضا نور قطته الشقيه تلك الفتاه التى تعلمت فنون القتال من والدها فكان عمرها من عمر شقيقاها وكلن الأمر سهلا ان تصبح مثلهم وبالرغم من ذلك دائما يتذكر لها أوقات غضبها منه فكانت فى تلك اللحظه تتغلب رقتها وضعفها كفتاه على أى مشاعر اخرى .
آفاق فهد على يدها التى ما زالت ناعمه بالرغم من تقدمها فى السن إلا أنها لم يتغير شعوره بلمستها .
إبتسم فهد بعيون دامعه فهتفت الأخرى
ليالى : عينك بتلمع بالدموع !
إحتضنها فهد : مرت عليا ذكريات حلوه
ليالى : والذكريات الحلوه تخلى عيونك تبكى ؟!
فهد : يمكن عشان وحشتنى الذكريات دى أوى
ليالى : خلاص تعالى نعمل ذكريات أحلى
فهد : صح لازم الوقت اللى نعيشه وتضيع مننا ذكريات حلوه عشناها نعمل فيه ذكريات أحلى ، أكيد الوقت دا كمان هييجى عليه يوم ويبقى ذكرى .
ليالى : أكيد يا حبيبي
فهد : زينه إتكلمت معاكى فى حاجه ؟
ليالى : اه قالتلى ان فيه عريس متقدم لها
فهد : إوعى تكونى زعلتى انى مقولتلكيش انتى الأول ؟
ليالى : لا طبعا انا عارفه انك عملت كدا عشان خاطر زينه تاخد قرارها براحتها .
فهد : دا حقيقى
ليالى : عموما بنتى حبيبتي مش هتخبي عنى حاجه
فهد : هههه ماشي ياستى ، بس قوليلى انتى شايفه منها إيه ؟
ليالى : يعنى المره دى حاسه بأمل عن كل مره
فهد : أنا كمان حسيت بكدا
ليالى : طيب انت رأيك إيه يا حبيبي، الشاب دا يستاهل بنتنا ولا ...
قاطعها فهد : لااا لا دا ممتاز جدا وشاب محترم
ومعروف فى شغله باحترامه .
ليالى : على خيرة الله ربنا يقدم إللى فيه خير
هى قالتلى انها هتصلى صلاة إستخاره وهتعرفنا رأيها
فهد : على خير يا حبيبتي ان شاءالله
ليالى بقلق : فهد
فهد : قلب فهد
إبتسمت ليالى بخجل : هو مفيش أخبار عن إبراهيم؟
كشر فهد بين حاجبيه: اخبار زى إيه يعنى ؟
ليالى : يعنى مرجعش مصر ؟
فهد : لا رجع النهارده
ليالى : طيب خير الحمدلله
فهد : نور متعرفش
ليالى : وحتى لو عرفت متقلقش أنا بنتى عاقله .
فهد : أنا عارف بس دا لهدف فى دماغى
ليالى : خير يا حبيبي ان شاءالله.
إستمعا إلى صوت بوق سيارة زين الذي كان يستعد لدخول الفيلا ولكنه توقف حين تشبه على تلك الفتاه التى تقف أمام الفيلا تتشح بملابس سوداء لم تزيدها إلى جمالا ولكن ما لها عيناها ! فهى تبكى لدرجة ان إحمرت عيناها من البكاء .
نزل زين بسرعه إليها يردد إسمها باستغراب: جنه !
توقف زين أمامها يطالع عيناها الخضراء الجميله التى تحيطها هاله من الحزن والإحمرار .
زين بلهفه : جنه انتى هنا بتعملى إيه وجيتى إمتى ؟
جنه : انا سألت عليك كتير ومعرفتش أوصلك ولما سافرت ورجعت فضلت أدور على أى حاجه توصلنى بيك.
زين : سافرتى ليه ؟ انا دورت عليكى كتير وعرفت انك سافرتى فكرتك رجعتى على سوريا
جنه : سوريا ! أرجع على سوريا إزاى وإحنا هربنا من الضرب والموت والدمار انا وأبي ، وزى ما تقول الحياه إستكترت عليا انى اتهجر من بلدى واترك بيتى وجيرانى وحياتى وأجى لبلد تانى اعيش فيه وألقى فيه الجيره والحياه لحين ماربنا يأذن انى أرجع على سوريا ، قرر أبي انه يسافر ونبحث عن شغل جديد وبالفعل قدر يلقى باخره تسفرنا على ألمانيا ونعيش هناك كلاجئين لكن للأسف الموضوع كله طلع نصب بنصب واكتر الناس ماتوا غرقانين منهم أبي وما ضل غيرى رجعت تانى فى لانش مصرى انا وبعض الناس
وبعد ما كنت انا وأبى صرت لحالى ورجعت لعمو صاحب العماره إللى كنا عايشين فيها وصراحه أكرمونى وعطونى غرفه بلا مقابل و لما قعدت لحالى اول شخص جه فى بالى كان انت فضلت أدور عليك لحد ما قدرت أوصلك وعرفت عنوانك بصعوبه وكنت كل يوم اجى انتظرك هنا .
زين: جنه انا كمان دورت عليكى و......
قاطع حديثه خروج فهد وليالى ليطمئنوا عليه ليتفاجئوا بتلك الفتاه التى تقف معه فاقتربت منه ليالى لتطمئن عليه وتعلم هوية تلك الفتاه
ليالى : زين
زين: تعالى يا ماما
ليالى : سمعنا صوت العربيه يا حبيبي ولما اتأخرت فى الدخول قلقنا عليك فيه حاجه ولا إيه ؟
زين: لا يا ماما دى بس ا ا احمم ا
ليالى : مين دى يا حبيبي ؟
زين: دى جنه
ظهرت الإبتسامة على عين ليالى من أسفل نقابها وهتفت بترحيب : أهلا وسهلا إزيك يا جنه
جنه : الحمدلله يا طنط
ليالى : طيب تعالى إتفضلى ينفع كدا يا زين توقفها على الباب كدا من غير ما تعزمها تدخل
وامسكت ليالى يدها وأدخلتها ولم تسمح لها بالإعتراض أو الرفض .
دلف فهد برفقة زين وهو يغمز له : مين دى يا شقى ؟
زين: لا حضرتك فاهم غلط يا بابا
فهد : اه ما حضرتى فاهم غلط وحضرتك هتفهمنى الصح يا زين بيه .
رفع زين حاجبيه فهو يخجل من والده فى مثل هذه الأمور .
دلفت ليالى وبرفقتها جنه وهى ترحب بها وجلست تتحدث معها وأثناء حديثهم اخبرتها جنه أنها فتاه سورية هربت مع والدها من سوريا إلى مصر باعجوبه أثناء الضرب والدمار الذي يحدث فى سوريا واخبرتها عن معرفتها بزين ولكنها لم تخبرها عن حبها له .
ليالى : بس اشمعنا زين إللى كنتى بتدورى عليه ؟
أخفضت جنه عيناها بخجل فهتفت ليالى بابتسامه: بتحبيه ؟
توردت وجنتيها وأومأت وبدأت تتحدث وتقص لها مأساتها وقصة حياتها منذ ان بدأ الضرب فى سوريا حتى وصولها إلى مصر وسفرها مع والدها التى عادت بدونه وأصبحت وحيده فى تلك الحياه
لم تسيطر جنه على بكائها وشهقاتها وكانت ليالى تحاول ان تهدأها فبدأت ان تقرأ لها القرآن وتمسد على رأسها بحنان امومى حتى غفت وانتظمت أنفاسها .
خرجت ليالى من الغرفه وأغلقت الباب خلفها فاستغرب زين وفهد .
زين: امال جنه فين يا ماما ؟
ليالى: البنت يا حبيبتي كانت أعصابها تعبانه جدا فضلت تعيط وأول ما قرأتلها قرآن نامت على طول .
فهد: زين حكالى على ظروفها
ليالى : الله يكون فى عونها وعون أهل سوريا كلهم
فهد: آمين يارب ويردهم لبلدهم بسلام وأمان
زين: بابا بعد اذن حضرتك وإذن ماما طبعا انا عايز اتجوز جنه
فهد: الجواز بالذات مفيهوش ضغط ولا غصب بس اهم حاجه تكون متأكد من إحساسك عشان البنت اللى جوه دى من شكلها وإللى سمعته عنها مش هتستحمل صدمه تانيه فى حياتها ومحتاجه اللى يعوضها ويسعدها فلو مش هتكون الشخص دا وتقدر تفرحها وتسعدها وتعوضها يبقى بلاش تكون انت الشخص إللى هيكسرها .
زين: لا يا بابا صدقنى انا بحب جنه وعايز اتجوزها .
فهد: خلاص لما تصحى نسألها ونعرف رأيها
ليالى : ما انا عرفت رأيها يا حبيبي، جنه بتحب زين
زين: هى إللى قالتلك كدا ؟!
فهد : يا واد اتقل
ضحك زين وهتفت ليالى : متكسفوش بقا
فهد : هو إحنا عندنا رجاله بتتكسف ؟
ليالى : طيب هى لما تصحى ان شاءالله هسألها تانى ولو موافقه يبقى ملهاش لازمه قعدتها عند ناس غرب ونكتب الكتاب وتفضل معانا .
فهد : أيوه يا روحى مستعجله انتى دايما على كتب الكتاب .
ليالى : وفيها ايه يا حبيبي هنضيع وقت على الفاضي ليه ، الوقت دا حبهم أولى بيه .
فهد : صح كفايه إحما ضاع من عمر حبنا سنين
ليالى : ربنا كان ليه حكمه عشان تنور الدنيا أحلى واجمل زينه فى الدنيا .
نزلت زينه الدرج وهى تهتف : إحم إحم انا هنا مين جايب فى سيرتى ؟
فهد : قلب بابا تعالى
زين: امال فين سليم ونور مش باينين ؟!
إستمعوا جميعا إلى صوت شجار يقترب منهم يعلمون اطرافه جيدا وماكان إلا سليم ونور .
دلفت نور تجرى إلى أحضان والدها وهى تتحامى به وتصرخ : يابابا إلحقنى
فهد : فى إيه يا مجنونه انتى وهو ؟
نور : خسرت سليم فى لعب الضغط باوزان وهو بيقولى انتى نصابه و عايز يضربنى .
سليم: ايوه انتى نصابه ، انتى عملتى عدد العدات والوزن نص عداتى ووزنى
نور : أيوه ماهو للرجل مثل حظ الانثيين
سليم : يا سلااااام
نور : أيوه ، صحيح يابابا
فهد : صح يا قلب بابا
سليم : يا بابا ......
غمز له فهد ليصمت فرفع سليم حجم اااه كدا وكدا يعنى .
فهمت نور ان والدها غمز له وكأنه يتعامل معها كطفله فرفعت رأسها من حضنه ونظرت له وضحكوا جميعا
دلفت السيده بهيه ولمياء وألقيا السلام
ردوا جميعا السلام وذهبت نور ناحية لمياء : تعالى بقا يا ست لميا شوفى جوزك النصاب
سليم بكل هدوء ورزانه لم يعهدوها عليه : خلاص يا نور يا حبيبتي.
نور : لا مش خلاص بقا وبعدين ايه دور الوقار والرزانه اللى نزلوا عليك فجأه دول !
بصي ياستى انا كسبت جوزك فى عدد العدات وفى وزن الدمبل وجوزك مش راضي يعترف
لمياء: طيب بما ان الموضوع يخص الضرب والمصارعه الحره والحاجات الغريبه إللى بتلعبوها دى يبقى انا كدا برا الليله .
نور : اه ما انتى لازم تقولى كدا مين هيشهد لجوزه يا إسماعيل بيه .
ضحكوا على نور ومشاكستها مع شقيقها سليم
ولكن قاطعهم صوت العامله وهى تخبرهم بوجود بعض
الأشخاص فى الخارج يسألون عن فهد بيه وإبنه زين
دلفت ليالى ومعها السيده بهيه وباقى الفتيات إلى إحدى الغرف وظل فهد فى الخارج لإستقبالهم ومعه أبنائه واخبر العامله ان تدعهم يدلفون .
دلف رجل ومعه زوجته وألقوا السلام
أجاب فهد وولديه السلام
هتف الرجل قائلا : حضرتك فهد باشا ؟
فهد : أيوه انا أؤمرنى يا حاج
الرجل : الأمر لله يا باشا ، إحنا بس جينا نسأل حضرتك عن بنت سوريه إسمها جنه
فهد : أيوه يا حاج حضرتك تعرفها منين ؟
الرجل : انا يا بيه عبد الراضي ابو الست جنه كان مأجر عندنا ولما اتوفى رجعت الست جنه على البيت عندى وإللى فهمته الحاجه منها انها بتدور على ابن حضرتك زين بيه .
فهد : أيوه يا حاج
هتفت زوجة عبد الراضي : اصل احنا يابيه إستعوقناها وهى يا حبة عينى بنت بطولها وهى كانت سايبه ورقه فيها العنوان قولنا نيجى نسأل عنها ونشوفها راحت فين
ألا ولاد الحرام يئذوها .
إبتسم فهد: متقلقيش يا حاجه طول ما فيه ولاد حلال وطيبين زيكم كدا الدنيا لسه بخير ،ومتقلقوش جنه موجوده عندى .
أخبر فهد سليم ان يدلف وينادى والدته والجميع
وبالفعل خرجوا فأخبرهم فهد عن هوية ذلك الرجل وزوجته واخبر ليالى انهم يسألون عن جنه .
ليالى : اتفضلى يا حاجه
روحى يا نور انتى ولمياء هاتوا الضيافه
عبد الراضي: ولا أى حاجه ياست هانم احنا بس نطمن على البنيه ونتوكل على الله على طول .
فهد : لا إزاى بقا ياحاج انت عايز تيجى المشوار دا كله وترجع من غير ما تاخد واجبك .
فى المطبخ تسائلت الفتيات عن هوية تلك الفتاه ولم يفهموا اى شئ الا بعد ان خرجوا بالضيافه ، وهنا كانت جنه قد أفاقت وهندمت ملابسها وخرجت لتتفاجئ بهم
جنه : عمو عبد الراضي
عبد الراضي: بركه انك بخير يا بنتى ، احنا قلقنا عليكى وخالتك سميحه ادتنى العنوان اللى كنتى كتباه فى ورقه وإستدلينا عليه وجينا نطمن عليكى .
جنه : فيكوا الخير يا عمو
عبد الراضي: هتيجى معانا يابنتى ولا لسه قاعده
فهد : بصراحه كدا يا حاج عبد الراضي جنه إحتمال تفضل معانا وعلى طول .
تحدقت عيناها وعين الجميع ماعدا ليالى وزين
عبد الراضي: مش فاهم يابيه
فهد : ابنى زين طالب إيد جنه ولو وافقت كتب الكتاب هيبقى الجمعه الجايه ان شاءالله مالوش لزوم التأخير
زوجة عبدالراضي : ألف بركه واحتضنت جنه : ألف مبروك يابنتى ربنا يفرحك ويسعدك يارب .
تحدقت عيناها وتاهت فى عين زين تريد أن تسأله ألف سؤال ولكنه كعادته بعد ان تاه فى عينيها هرب بعيناه وظل يستغفر .
عبد الراضي: طيب يلا بينا احنا يا حاجه
ليالى : على فين قبل ما تاخد واجبك
عبد الراضي: لا واجب إيه بقا يا ست هانم إسمحيلى يعنى احنا هنبقى أهل وبنتنا هتبقى عندكوا
فهد : أكيد طبعا والبيت مفتوح ومرحب بيكوا فى أى وقت تشرفونا فيه .
عبد الراضي: يلا يا حاجه
الحاجه : يلا يا حاج
عبد الراضي: انا همشي يا بنتى وبعد ربنا طبعا وسعادة البيه لو إحتاجتى أيها شئ تجيلنا إحنا أهلك
إبتسمت جنه بدموع : أكيد طبعا يشرفنى يا عمو
عبد الراضي: ربنا يسعدك يا بنتى ويهدى سرك .
ذهب الحاج عبد الراضي وزوجته وبدأت نور ومعها سليم ولمياء يلتفوا حول فهد وليالى وزين وجنه التى بشعرت بالقلق والحرج .
كانت نظراتهم وتساؤلاتهم مضحكه وأيضا نظرات زين المحذره والمتوعده لهم .
سليم : بت يا نور
نور : نعم يا معلمى
سليم : بت يا لمياء يا شقى عمرى
ضحكوا جميعا ثم كتموا الضحكه واجابته لمياء : نعم يامعلمى
سليم : أنا شامم ريحة خيانة فى البيت دا
نور : وانا شامه يا معلمى
سليم : انتى شمامه قد الدنيا
لمياء : انا شامه ريحة جوازه بطعم الحب
غمز لها سليم : يا واد يا بتاع الحب انت
نور ولمياء بتحذير : سليييم
احممم : اه كنا بنقول ايه ؟
نور : كنا بنقول ان فيه حاجات بتحصل فى البيت دا من ورانا يا عم قيس .
ليالى : طيب ما تقعدوا بدل ما انتوا عمالين تلفوا حوالينا وعاملين فيها ريا وسكينه وعبد العال واحنا نفهمكوا
نور : ها فهمينا ياست ماما
ليالى : أولا دى جنه عروسة زين هى سورية الأصل وجت عاشت هنا فى مصر
نور : يا أهلا يا أهلا بأهل سوريا الغاليين
ليالى : ثانيا هو فى تفاصيل وطبعا مش ضرورى أحكيها لأنها متخصش حد غير زين وجنه مع انى عارفه انكم هتفتحولها تحقيق ومحضر واتنين شهود
أخفوا الفتاتان نور ولمياء وجههما بالحجاب ونظروا لبعضهم بنظرات أضحكتهم
ليالى : ثالثا بقا عشان متتفاجئوش تانى
زينه متقدملها عريس وان شاء الله ممكن يكون فيه قبول ومنتظرين ردها بعد ما تصلى إستخاره وطبعا الكلام ليكى يا جنه هو أينعم متأخر شويه أو خطوه المفروض انها كانت أول حاجه لكن دى ترتيبات ربنا وبرده خطوه لابد منها ،أومأت لها جنه .
نور : ماما هى ليه جنه مبتتكلمش انا قلقانه عليها
ضربتها ليالى على يدها : ملكيش دعوه وبعدين خلاص دى هتعيش معاكى يعنى ربنا يسترها عليها وعلى الفيوزات إللى فى عقلها .
زين بتحذير : لااا يا نور انتى بالذات بلاش جنانك كفايه سليم جنن لمياء الهاديه والسلوك عندها ضربت
لمياء: كدا يا زين !
زين: دى حقيقه يا لمياء
جنه : انا حقيقى مش مصدقه نفسي ان ربنا عوضنى بعيله متلكم ومبسوطه بيكم جدا
إحتضنتها ليالى : إحنا إللى فرحانين جدا بوجودك معانا .
فى الجامعه خرجت مياده فى وسط صديقاتها لتجده يقف أمام الجامعه ينتظرها بسيارته ليخطق قلوب الفتيات بطلته فمنهم من شبهت عليه ومنهم من لا تعلم عنه حقيقته شيئا ، جرت مياده عليه وإحتضنته بفرحه
وتفاجئت بالصندوق الأبيض ذات الشرائط الناعمه باللون الوردى.
مياده : دا ليا أنا ؟
أومأ لها إبراهيم بابتسامه ففتحت مياده الصندوق لتجد العديد من أنواع الشيكولاته الغاليه و إسواره جميله إرتدتها بفرحه وإحتضنته .
إقتربت منها بعض الفتيات وسألوها عن ذلك الشاب الوسيم .
مياده بفخر : دا إبراهيم أخويا ، أخويا الكبير وكان مسافر بره
إحدى الفتيات : بجد إحنا فكرناه خطيبك ولا حاجه حيث كدا بقا ممكن نكراش عليه؟
إبراهيم: للأسف أنا خاطب
الفتاه : إيه دا بجد ياخساره ، طيب بقولك إيه ما تفكك منها أنا أحلى .
إبراهيم: خدى بالك لو سمعتك هتعملك قضيه توديكى ورا الشمس .
مياده: خدى بالك بقا عشان خطيبة أخويا رتبه عاليه وانتى مش قدها ههههههههه
الفتاه : هههههه لا يا ستى مبروك عليها
إبراهيم: يلا يا دودو
مياده: يلا يا هيما
إبتسم إبراهيم لمناداتها بذلك الإسم فهو يذكره بنور
يتبع...
لقراءة الفصل السادس والعشرون اضغط على : ( رواية أعادت لي هويتي (ليالي الفهد الجزء الثاني) الفصل السادس والعشرون )
لقراءة باقي الفصول اضغط على : ( رواية أعادت لي هويتي (ليالي الفهد الجزء الثاني) )