رواية قدري الحلقة الخامسة 5 بقلم ملك شكري
رواية قدري الجزء الخامس 5 بقلم ملك شكري
رواية قدري البارت الخامس 5 بقلم ملك شكري
 |
| رواية قدري الفصل الخامس 5 بقلم ملك شكري |
رواية قدري الفصل الخامس 5 بقلم ملك شكري
فهد وهو وشه اصفر من الصدمه: ت تيته ن نورتي اهلا وسهلا اتفضلي
خديجه: بنورك ياحبيبي كملت كلامها وبتمثل عدم الفهم: مين القمر دي
قدر بكسوف: انا قدر
خديجه قربت منها: بسم الله ماشاء الله ربنا يحفظك ياحبيبتي اي الجمال ده
قدر ووجنتيها احمرت من شده الخجل: ربنا يخلي حضرتك ياطنط
خديجه بمحبه: لا طنط اي انا تيته
قدر: حاضر ياتيته
خديجه: قمر يامراد ماشاء الله
مراد بيبص ل فهد بطرف عينه: انتي هتقوليلي دي قدر بتنور في الضلمه
فهد بصله بغيظ ومقدرش يتكلم عشان جدته
خديجه ضحكت: بقولك ياقدر ياحبيبتي تعالي وصليني ل اوضتي
قدر: حاضر
سندتها قدر وطلعو فوق اما عند فهد ومراد
اتكلم فهد بغيظ: هي جدتك من امتر وهي بتيجي كده ده احنا كنا بنتحايل عليها
مراد: البيت بيتها يافهد عن اذنك هطلع ارتاح شويه
طلع مراد وساب فهد مش قادر يتحكم في غضبه دخل اوضه الچيم بتاعته وابتدا يتضرب بشراسه وكأنه بينتقم من نفسه او الي بيضرب فيه ده عدوه
بعد وقت جيه معاد الغدا كانت قدر في اوضتها اما خديجه ف نزلت تحت وكان مراد قاعد وفهد في اوضته
خديجه: فين فهد وقدر
مراد: فهد في اوضته وقدر بردو في اوضتها
خديجه: طيب انا هطلعلها
طلعت خديجه ل قدر وخبطت على الباب
قدر فتحتلها وكانت لابسه فستان باللون الاڤندر(موڤ فاتح) وسايبه شعرها ولابسه شوز ابيض وكانت بدون نقطه ميكب
خديجه اتصدمت من طول شعرها وشكله ولمعته لما كان ملموم كان حلو ولكن كده اختلف خالص وكأنها طالعه من ديزني
خديجه بصدمه: بسم الله ماشاء الله ده شعرك بجد
قدر ابتسمت: اها اتفضلي
دخلت خديجه وقفلت قدر الباب قعدت خديجه على طرف السرير وقدامها قدر
خديجه: قوليلي ياقدر هو فهد اتكلم معاكي او اي حاجه من ساعه ما خرجتي من القبو
قدر: لا خالص هو مره بس كان فاكرني هربت فضل يخبط على الباب هنا جامد ولما فتحتله نزل
خديجه: ماشي خلي بالك انتي وراكي مشوار انتي ومراد بعد الغدا وفي كمان حاجه هتعملوها مش بعيد تخلي فهد يستسلم من اول الخطه وعيزاكي تفكي كده متخافيش من اي حاجه وتتحركي وتروحي وتيجي عيزاكي تتعرفي على العالم الخارجي فهماني ياقدر
قدر: حاضر
خديجه: يلا ننزل
نزلو سوا لقو فهد نزل وقاعد مع مراد فهد اول ماشافها قال في نفسه: لا كده كتير عليا والله انتي لو قصدك مش هتعملي كده
مراد بصله بمكر بعد كده قام واستقبل قدر من على السلم ومسك ايدها ومسك ايد جدتو وقعدو في اليڤنج
قدر ابتدت تفك وتضحك وتهزر مع مراد وخديجه وكانت بتحاول تتجنب فهد وهو كان هيطق كان عقله مشغول بضحكتها وطريقتها وصوتها وشكلها ورقتها ومرحها وخفه دمها وبردو بيقنع نفسه ان استحاله الي حاسس بيه ده يكون صح
جت سعاد: الغدا جاهز اتفضلو راحو وقعدو على السفر وخديجه قعدت جمب مراد ف بالتالي اضطرت قدر انها تقعد جمب فهد من الناحيه التانيه لان باقي كراسي السفره كانت بعيد
قعدت قدر بخجل
وفهد قال: يختاااي كمان جمبي بس هو في اي يافهد انت شاغل بالك ليه كُل وملكش دعوه
ابتدو ياكلو في اجواء مشاكسه قدر ومراد ل بعض وضحك خديجه عليهم وغيظ فهد
بعد الغدا كانو قاعدين في الرسيبشن قصاد ال TV
اتكلم مراد: جماعه عايز اقولكو حاجه
كلهم ركزو عليه وبالأخص فهد لان قدر وخديجه عارفين هو هيقول اي
مراد وعينه على قدر: انا عايز اتجوز قدر
فهد وعيونه اتحولت للأحمر من الغضب وعروق رقبته برزت: انت بتقول اي
واتصدم اكتر من رد قدر: احم اء انا موافقه
خديجه: على بركه الله
فهد وايده ابيضت من الضغط عليها: نعممم
يتبع...
لقراءة الفصل السادس اضغط على : ( رواية قدري الفصل السادس )
لقراءة باقي الفصول اضغط على : ( رواية قدري )