القائمة الرئيسية

الصفحات

رواية قدري الفصل السادس 6 بقلم ملك شكري

رواية قدري الحلقة السادسة 6 بقلم ملك شكري
رواية قدري الجزء السادس 6 بقلم ملك شكري
رواية قدري البارت السادس 6 بقلم ملك شكري
رواية قدري الفصل السادس 6 بقلم ملك شكري

رواية قدري الفصل السادس 6 بقلم ملك شكري

فهد وايده ابيضت من الضغط عليها ورفع ايدو اليمين على راسه وكأنه بيفكر: نعممممم
مراد وفكر يتراجع بسبب غضب اخوه وحركته دي الي مبيحصلش وراها غير المصايب رد بتردد: اي يافهد انا مقولتش حاجه غلط انا عايز اتجوز قدر وهي حكتلي ان معندهاش حد من عيلتها ف بطلبها منكو انتو انا حبيت قدر من ساعه ماشوفتها ومقدرتش استنى وعايزها تبقا مراتي على سنه الله ورسوله اي المشكله 
فهد وحس للحظه ان دموعه هتنزل: تمام الف مبروك عن اذنكو عايز ارتاح شويه
قام من مكانه وطلع على فوق بسرعه عند قدر عيونها لمعت فيها الدموع بندم: مابلاش الموضوع ده انا حساه عيونه دمعت ياتيته بلاش
خديجه بحزن على حفيدها: عارفه وشوفتو انا حافظه فهد اكتر من امه الله يرحمها من وهو صغير دموعه عمرها ما نزلت قدام حد وكان قليل اوي لما يعيط وكان لما بيتزنق اوي ف دموعه بيطلع اوضته على طول وده الي حصل دلوقتي 
قدر دموعها نزلت: لا ياتيته انا هقولو ان كل ده خطه حرام كده
مراد بحزن على اخوه: لو قولتيلو دلوقتي ياقدر هيقولك انا مالي وهيجرحك وحتى لو معملش كده هيبقا كويس فتره وهيرجع فهد تاني ابو قلب زي الحجر وعمرو ماحب حد بعد الي حصلو
قدر بستغراب: اي الي حصلو
مراد: متأكد انه هيقولك مع الوقت
قدر تعبت من الي حصل وطلعت اوضتها ترتاح 
جيه معاد العشا وطلعت الداده خبطت على فهد: فهد بيه خديجه هانم بتقول ل حضرتك العشا جاهز ومستنياك تحت
فهد ومسح دمعته: ماشي ياداده جاي
راحت الداده وعملت نفس الموضوع عند قدر
نزلت قدر على السلم وكان فهد نازل جمبها بصلها فهد نظره مفهمتهاش بعد كده مد بسرعه على تحت
قدر بصت مكانه ل ثواني بعد كده نزلت هي كمان
قعدو يتعشو في جو صامت وفهد الي مرفعش عينه من طبقه وقدر الي بتلعب بالأكل ومراد الي باله مشغول ب اخو والي هيحصل وخديجه الي خايفه من حاله حفيدها دي وخايفه يحصل معاه زي ما حصل قبل كده
بعد العشا قعدو مع بعض وعملت الداده قهوه ليهم وخرجتها
فهد كل ده منطقش بكلمه واحده حتى تحت انظار قدر 
مراد: قدر
قدر انتبهت ليه: نعم
مراد: احم عايز ابقا انزل انا وانتي اجيب شويه حاجات
فهد بيشرب القهوه ومره واحده كح جامد: كحح كححح
قدر اتخضت وراحت ناحيته وفضلت تخبط على ضهره براحه: انت كويس
فهد بدون ما يرفع نظره ليها: اه كويس خد كوبايه المايه الي قدامه وشربها على مره واحده من غضبه
قعدت قدر مكانها بهدوء وبصولها مراد وخديجه وبيكتمو ضحكهم وكأن بيقولو واقعه اوي ياقدر
قدر: تمام يامراد مفيش مانع
مراد: خلاص الصبح بعد ما نفطر ننزل
قدر: تمام
قدو قعدتهم وكل واحد طلع على اوضته 
بقلمي/ملك. شكري
عدا اليوم على الجميع قدر على سريرها وبتفكر بندم وبتقول ف نفسها: معقول يكون حبك ياقدر بس باين اوي انه بيحبني من تصرفاته لما مراد قال انه هيتجوزني كل حاجه بتدل انه بيحبني يااارب يبقا بيحبني بس من امتى وانتي بتحبي ياقدر ولا مهتمه بالحب ولا ب اي راجل اصلا ضحكت وقالت: ههه الله يسامحك يافهد هتجنني قريب
عند فهد كان بيفكر ف قدر بحزن وبيقول: ده انا خلاص حبتها بعد ما قلبي الحجر حب حد الحد ده هيبقا مرات اخويا ليه ليه ياقدر كل تصرفاتك مكانتش بتدل ان في حاجه بينك وبين مراد حتى ملحقتوش تتعرفو على بعض كنت قربت اتأكد من مشاعري واعترفلك وابدأ صفحه جديده معاكي من غير قلق وحزن ومشاكل ياخساره قلبي الي اتكسر مرتين ياخساره ياقدر
قال جملته الاخيره ودمعه نزلت من عينه مسحها بسرعه وكأنه بيكدب كل حاجه وعايز يمسح اي حاجه ف باله وبيردد جمله: دي هتبقا مرات اخوك فوق يافهد مينفعش مينفعش فوق فوق يااارب يااارب مش قادر اتنفس قلبي اتكسر للمره التانيه انا بعشقها يارب لا انا كنت بكدب نفسي كل الايام الي فاتت دي بس لا انا بحبها بجد انا مش بحبها انا بعشقها سيطرت على تفكيري وعقلي ف اسبوع مبقتش عارف اشتغل او اعمل اي حاجه بسببها ليه كده فضلت اقول طفله طفله لحد ما اخويا خدها وضاعت من ايدي
كان بيتكلم ودموعه نازله زي الشلال وكأن كل الي عدا ف حياته اتراكم عليه وانفجر مره واحده وكأنه خزن كل حزنه السنين الي فاتت وكان فاضل تكه وينفجر وبالفعل حصل وكان اول مره يحس بوجع كده مع انه من وقت قصير شافها ولكن من اول يوم شافها فيه وهو بيحبها من اول ما لمحها وكأنه قال هي دي الي بدور عليها هي دي ملكه قلبي ولكن ملحقش يفرح بعشقه ليها 
قام وايده بتترعش واتحرك ناحيه الحمام بتردد ودخل وابتدا يتوضى وهو بيغسل وشه حس وكأن اول مره مايه تيجي على وشه هو بقاله فتره كبيره جدا مبيصليش وبعد عن ربنا بعد ما كان قريب جدا منه ابتدا يتوضى وايده بتترعش لحد ما خلص وخرج وحط المصليه وابتدا يصلي وقال بصوت مرتعش: ا الله اكبر
ابتدا يصلي واول ما سجد ابتدا يبكي ويدعي:اللهم ردني اليك رداً جميلاً يارب ساعدني انساها يارب 
خلص صلاته وفضل على سجاده الصلاه ل وقت بيدعي ويسبح بعد كده قام وحس ان كل الهموم الي ف قلبه اتشالت بعد ما سجد ل ربه وطلع كل همومه ومتأكد انه مش هيخذله ابدا 
نام على السرير وف باله حاجه واحده بس وهي قدر بيحاول يشيلها من تفكيره بس مش بأيده زي ماقالو(ولا كان الحب عمرو بختيارنا لا ده كان قدرنا وبأيدنا اي) 
عدا اليوم على جميع ابطالنا
جيه تاني يوم صحي فهد لعب رياضه ودخل خد شاور ولبس بدله سودا وقميص اسود وفتح اول زرار ولبس جذمته السودا الفخمه وساعته  الروليكس السيلڤر الفخمه ورش برفانه الساحر وسرح شعره بطريقه جذابه ونزل لقا جدته ومراد قاعدين بيضحكو مع بعض
فهد: صباح الخير
خديجه ومراد: صباح النور
فهد بيبص حواليه ملقهاش
وقف على اخر درجتين ف السلم لما شم برفانها الساحر
بقلمي/ملك شكري
كانت نازله بخطوات انيقه وهاديه ولابسه فستان احمر في نقوش بسيطه وبعد الركبه بأشياء بسيطه وشوز ابيض ولما جزء بسيط من شعرها وسايبه الباقي وكانت فعلا ملاك كانت حاجه ملهاش وصف فضل فهد يبصلها بدون وعي ان مراد وخديجه بيبصولو وبيضحكو
وقدر بتبصله بأحراج
فهد فاق على خديجه وهي بتتكلم بسخريه: انت لزقت يافهد ولا اي
فهد بصلها بأحراج: ها لا ابدا ياتيته افتكرت اني ناسي حاجه بس
مراد بيكتم ضحكته: ولقيتها
فهد بغيظ: لقيتها اه
نزلت قدر وصفر مراد: واااو خطيبتي قمر ياناس
فهد عدل لياقه قميصه بضيق وغيظ وحاول يتكلم بهدوء ويداري غيرته: احم ا اي يامراد مش مينفعش بردو ان تنزل مراتك المستقبليه بفستان قصير كده
مراد وقصده يتستفزه اكتر: ليه بس يافهد وبعدين ده مش عريان يعني مهو كويس اهو وبعدين مراتي حبيبه قلبي تعمل الي هي عوزاه
قدر ابتسمتله بكسوف
وفهد بصلها ولو النظره بتتكلم كانت قالت: اتكسفي يختي اتكسفي ده انا عايز اقت*لك
فهد بضيق: الفطار جاهز ولا امشي
خديجه:لا ياحبيبي بيحطوه اهو على مانقعد يكون اتحط
راحو قعدو على السفره وابتدو يفطرو ف صمت
بعد الفطار قام مراد وقدر: يلا احنا بقا
فهد هو كمان كان خلص وهيمشي
مراد: استنى بقا نخرج معاك
فهد: تمام
خرجو مع بعض وراح مراد ناحيه عربيته وكان فهد واقف على ما السواق يجي
بيبص وراه لقا البودي جارد بيبص ل قدر بوقاحه 
فهد جن جنونه وهجم على البودي جارد ونزل فيه ضرب: بتبص ل مين يابن....  يازباله
خدولي الحيوان ده على المخزن
البودي جارد:اسف يافهد بيه والله اخر مره
فهد بشر:فهد ياروح امك معندوش اسف والغلطه عندي بفوره والي يبص ل حاجه تبع عيله المرشدي نهايته المو*ت
بقلمي/ملك شكري
 وفعلا خدو على المخزن
مراد جري على فهد هو وقدر
مراد: في اي يافهد عملك اي
فهد بغضب حارق: اسكت يامراد وبص ل قدر وقال بغضب: وانتي ادخلي غيري الزفت ده خليتي الي يسوى والي ميسواش يبصلك
قدر بغيظ: انت في اي وبتتحكم بصفتك اي اصلا
فهد ومكانش عارف هو بيقول اي من غضبه: اهه قولي بقا ان انتي عجبك نظراتهم ليكي صح مفيش حد فيكو عدل كلكو صنف زباله
قدر اتصدمت من كلامه وعيونها فضلت تنزل ف دموع بدون ماتحس بصتله بعتاب ودخلت تجري على جوا وهي منهاره
مراد بصله بعتاب: صدقني يافهد دي مش اي واحده 
ومشي وسابو
فهد فضل واقف وفضل يفكر ف الكلام الي قاله وندم ندم شديد وفضل يشتم ف نفسه: حيوااان متخلف ازااااي تجرحها بكلامك يامتخلف ازااااااي
يتبع...
لقراءة الفصل السابع اضغط على : ( رواية قدري الفصل السابع )
لقراءة باقي الفصول اضغط على : ( رواية قدري )
reaction:

تعليقات

ستصدر قريبًا على مدونة يوتوبيا رواية المتداول التي تم طلبها مِنا كثيرًا وهي أول رواية مصرية تدور أحداثها حول تداول الـ فوركس والعملات ستتعلم من خلالها تداول العملات بأقل خسائر مُمكنه وكيف يُمكنك الربح من خلال شراء وبيع العقارات رواية بإمكانها تعليمك كيفية الربح من تداول الذهب والعملات والفوركس كيف يُمكن لشخصًا في بداية حياته مثل (عيسى) في الرواية أن يُحقق ثروة مالية كبيرة فى مدة قصيرة.