رواية قدري الحلقة الرابعة 4 بقلم ملك شكري
رواية قدري الجزء الرابع 4 بقلم ملك شكري
رواية قدري البارت الرابع 4 بقلم ملك شكري
 |
| رواية قدري الفصل الرابع 4 بقلم ملك شكري |
رواية قدري الفصل الرابع 4 بقلم ملك شكري
نزلو مراد وقدر وراحو مشوارهم وبعد كده خد قدر وقعدو في مطعم فخم وفضلو يضحكو بهستيريه وكانت قدر بتضحك ونسيت كل همومها ومراد على قد مايقدر حاول يبسطها وكان بيبص في عيونها وقال: قد اي انتي جميله ياقدر
قدر ببتسامه ساحره:وانت جميل اوي يامراد انا اينعم صغيره بس بحكم الي عشتو فاهمه كل حاجه وعارفه انك بتحاول تبسطني وتنسيني الي اخوك عيشهوني والي عشتو ف حياتي عموما انا بشكرك اوي
مراد ابتسملها وعيونه بتلمع: انا هفضل واقف في ضهرك لحد اخر يوم في عمري ياقدر وعارف ان انتي الوحيده الي هتقدري تغيري فهد
قدر: واي الي اكدلك كده
مراد: الي اكدلي ان هو اينعم حبسك في القبو بس شوفي هو دخل وشالك بنفسه وحطك في الجناح بتاعه وطلب الدكتور وده استحاله يحصل مع اي حد بيجيبو هنا ولا بيدخلو جناحه اصلا ف ده اكدلي ان فهد بيحس نحيتك ب شعور حتى لو بسيط احنا هنقدر نكبر الشعور ده بنفسنا
قدر ابتسمت وقالت في نفسها:معقول يكون فهد معجب بيا لا لا معتقدش الي زي فهد مبيحبوش
مراد قدر يفهم هي بتفكر في اي لان ده حكم دراسته وشغله
مراد: متخافيش هتقدري
بعد وقت روحو البيت والي مراد حسبو طلع صح كان فهد لسه مرجعش البيت خلا الخدامه تجهز اوضه ل قدر ولان جناح فهد كان في دور لوحده ف خلاها في الاوضه الي في وش اوضته
بعد ما نضفو الاوضه دخلت قدر وخدت الشنط الي جابوها من برا وكان ده مشوارهم كان بيجيب لبس ل قدر كتير اوي وبرفانات وفون جديد
دخلت قدى وقفلت باب الاوضه بالمفتاح وابتدت تفضي الشنط وبعد وقت خدت شاور وغيرت هدومها ل بيجامه رقيقه باللون البينك وعليها ورود بدرجه بينك افتح وطلعت فونها وجابت رقم الداده الي مراد سجلهولها عشان لو احتاجت حاجه تتصل بالداده تطلعلها وكمان سجلها رقمو ورقم فهد لان ده من ضمن الخطه
اتصلت ب الداده سعاد
قدر بهدوء: ممكن تجيلي ثواني ياداده
بعد دقيقتين كانت الداده بتخبط على فتحت قدر الباب ودخلتها
قدر برقه: داده ممكن لو سمحتي تضفريلي شعري
سعاد بحنيه: طبعا ياحبيبتي طلباتك اوامر
قدر بحترام: الامر لله معلش هتعبك معايا بس ماما الله يرحمها هي الي كانت بتضفرلي شعري ومن ساعه ماتوفت مضفرتوش لاني مكنتش بعرف
سعاد زعلت عليها اوي: طب ياستي اقعدي على كرسي التسريحه ده وهفكلك شعرك وهضفرهولك من عنيا
قعدت قدر ووقفت الداده وراها وبتفك شعرها الي كان على هيئه كحكه اول ما فكت شعرها انسدل بطريقه تسحر على ضهرها لحد ما لمس الأرض
داده سعاد بصدمه: بسم الله ماشاء الله تبارك الله ازاي
ابتسمت قدر على صدمتها:ورثاه عن امي ربنا يرحمها كانت اجمل مني بكتير كمان وكانت نفس طول شعري
سعاد: ياحبيبتي بسم الله ماشاء الله عشان كده من ساعه ماشوفتك مكنتيش بتعملي شعرك غير كحكه
قدر: اه عشان ده طلب بابا ان محدش يشوف شعري وهو مفكوك بيقول عشان الحسد وكده
سعاد: صراحه عنده حق
ابتدت تضفرلها شعرها على هيئه فرينش بريد(ضفيره من اول الشعر)
وفضلت تضفر لحد ماقعدت على طرف السرير عشان تكمل تضفير باقي شعرها الدهبي
خلصت وربطت اخر شعرها بتوكه بينك
سعاد وهي بتملس على شعرها: اهو ياستي خلصنا
قدر بعيون بتلمع بالدموع لانها افتكرت والدتها: تسلم ايدك ياداده
سعاد: حبيبتي يابنتي يلا عن اذنك
مشيت الداده وقدر قفلت الباب بالمفتاح تاني ونامت على السرير وهي بتفكر في الي حصل والي هيحصل
على الساعه5الفجر كان فهد بيفتح باب القصر ودخل وطلع فوق وكان فاكر ان قدر لسه في جناحه ف فضل يخبط على الباب عشان لو هي جوا بس محدش رد فتح الباب لقى الجناح رجع ل حالته الطبيعيه والسرير متروق افتكرها هربت جري على السلم وميعرفش ليه وقال: وربي يامراد لو انت الي هربتها ل تشوف وشي التاني
ونزل على الدور الي تحت الي كان فيه اوضه مراد والاوضه التانيه الي فيها قدر فضل يخبط على باب اوضه مراد الي كان في التويلت بياخد شاور ف مسمعش الباب وهو بيخبط راح على الاوضه الي قصاد اوضه مراد ومخبطش فتح على طول على اساس ان مفيش حد جوا لقى الباب مبيفتحش لان قدر متربساه فضل يحاول يفتحو وبيخبط جامد على الباب
قدر من جوا الاوضه اتسرعت من صوت الخبط وان حد بيحاول يفتح الباب قامت بسرعه من نومها وفكت ترباس الباب
وهي عيونها مغمضه من اثار النوم: اي في ايهه
مكانتش فايقه ف مكنتش مركزه مين الي قدامها
اما عن فهد ف هو كان في عالم تاني اصلا هو الي شايفه قدامه ده بجد هي الحوريه دي حقيقه ولا خيال وهي خدودها حمرا من اثار النوم وشعرها الي متضفر وجايبه الضفيره على قدام والبيجامه الي كانت شكلها حلو اوي عليها
فهد بدون وعي: ده بجد
اتنفضت قدر لما سمعت صوت فهد بصت على البيجامه وقفلت الباب في وشه بسرعه وتربست
اما برا عند فهد ف لأول مره ف حياته يضحك بصوت عالي كده: هههه مجنونه
مراد سمع صوت برا خرج من جناحه: اي ده فهد بتعمل اي عند اوضه قدر
فهد رجع ل جديته وغضبه: هو انت بقا الي نقلتها هنا
مراد ببرود: لا اسيبها في جناح راجل غريب مش كفايه انها قاعده هنا مع شابين لولا الداده والخادمين الي كانو هنا عشان متبقاش لوحدها كنت هربتها منك بس احمد ربك يلا تصبح على خير وقفل الباب
فهد فضل باصص مكان ماكان مراد واقف ل دقيقتين بعد كده طلع تاني على جناحه تاني يوم الصبح صحي فهد الساعه9خد شاور ونزل يجري كعادته ساعه ونص ويجي تاني
اما عند مراد ف صحي من نومه خد شاور ولعب رياضه بعد كده غير هدومه ونزل وعارف ان فهد بيجري في الوقت ده ف طلب منهم يجهزو الفطار وبعد ما يجهزو يصحو قدر
بعد وقت جيه فهد
فهد: صباح الخير
مراد بهدوء: صباح النور
فهد طلع على اوضته ياخد شاور ويغير هدومه
اما تحت عند مراد بص مكان مافهد طلع وبيكتم ضحكو: جاي الي هيربيك يافهد يامرشدي
جهزو الفطار وقعد فهد على رأس الترابيزه وجمبه مراد
فهد كان عايز يسأل على قدر بس كبريائه مانعه تماماً
مراد لاحظ ده وبيكمل اكله وهو هيموت ويضحك من منظر اخو
مراد نده ل داده سعاد: اطلعي صحي قدر ياداده
فهد اتنهد ومراد مقدرش يكتم ضحكته: هههههههه
فهد بصله بستغراب: في اي
مراد وهو بيكتم ضحكته: ها لا افتكرت حاجه بس ههه احم
بعد ربع ساعه تقريبا نزلت قدر وهي لابسه فستان ابيض عند الركبه وفي ورد اصفر ورافعه شعرها كحكه فوضاويه وحاطه فيها فيونه صفرا رقيقه وسليبر رقيق اوي ابيض
نازله بخطوات انيقه وهاديه غافله عن عيون هذا الفهد التي كان مصدوماً بشده ف في كل مره ينصدم من جمالها وبتبهره اكتر واكتر
ومراد بيبصلها وهو مزبهل بيقول في نفسه: احنا متفقين نوقع فهد بس
نزلت قدر وهي محرجه وبتبص ل فهد برهبه وخوف وقعدت على الكرسي الي جمب مراد
فهد حاول يتصنع الامبالاة وبص في طبقه وعقله مشغول بيها
مراد وهو بياكل: هتروح الشركه انهارده
فهد وهو باصص في طبقه: لا ممكن ابقا اعدي اخر النهار بس اشوف اوارق الصفقه الجديده وخلاص
مراد: تمام كلي ياقدر مبتاكليش ليه
قدر بصوتها الرقيق الانوثي: باكل اهو
فهد في نفسه: ياريتك منطقتي اي الصوت ده هو في كده
بعد ما فطرو قعدو في اليڤنج
فهد نده على داده سعاد
داده سعاد: نعم يافهد بيه
فهد: هاتيلي قهوتي انا ومراد وعصير فراوله
سعاد: حاضر
ومشيت دخلت على المطبخ تعمل القهوه والعصير
بعد خمس دقايق جت بالقهوه والعصير ادت الفنجان ل فهد بعد كده مراد وراحت ناحيه قدر: وده العصير ل ست البنات
قدر ببتسامه بينت غمزاتها: تسلميلي يارب
فهد ف نفسه: دي طفله يافهد الي بتحس بيه ده استحاله يكون صح
كانو بيشربو القهوه وسمعو صوت خلا فهد يشرق
خديجه جده فهد: وحشتوني ياولاد
فهد القهوه وقفت في زوره وفضل يكح: كححح كححح
مراد بصله بمكر وبص ل قدر وحاول بقد الامكان يمنع ضحكته
يتبع...
لقراءة الفصل الخامس اضغط على : ( رواية قدري الفصل الخامس )
لقراءة باقي الفصول اضغط على : ( رواية قدري )