رواية مجرد كارثة الفصل التاسع 9 بقلم أروى طاهر المسلاتي

رواية مجرد كارثة الحلقة التاسعة 9 بقلم أروى طاهر المسلاتي
رواية مجرد كارثة الجزء التاسع 9 بقلم أروى طاهر المسلاتي
رواية مجرد كارثة البارت التاسع 9 بقلم أروى طاهر المسلاتي
رواية مجرد كارثة الفصل التاسع 9 بقلم أروى طاهر المسلاتي

رواية مجرد كارثة الفصل التاسع 9 بقلم أروى طاهر المسلاتي

الكتمان أحياناً يقتل الشخص 💔
وأحياناً يخلو الشخص يقتل!⚡️
كترت الضغط يخلو الشخص ينهار !
وأحيانا يخلوه أقوى من قبل لكن!!!….قوي لدرجة الشر والطغيان 
في هذيك الليله تراجعت خطوات مياسين من المنضر يلي شفاته ونسحبت لي غرفة ساره وطول الليل محكتش حرف!
لين طلعت الشمس وطلع معاها خبر موت ربيعه في فراشها✨
ونقلبت الدنيا وتلخبطت كل الامور 👌
الكناين فرحتهم متنوصفش
اما رجالتهم كانو زي الاطفال ضايعين بدون امهم في الايام الاولى 
مر على قصتنا 3شهور ✨
خفت زحمة ثاني عزاء يصير في اقل من سنه 
ورجع الوضع طبيعي لكن احلى من قبل بألف مره❤️
الكناين خدو راحتهم في الحوش وكل حاجه كانت ممنوعه داروها⚡️
تحسنت اوضاعهم مع رجالتهم لان ببساطه مفيش حد يزن ع راسهم✅
بدو واخدين راحتهم في النوضه وفي الطلعه وحتى في الاكلات يلي يطيبوها❤️
_______________________________
مياسين:مقعمزه على الصالون لابسه قفطان صوف لونه موڤ هادي🌸
طوله لتحت الركبه بشويه 
قايمه شعرها وماده رجلها يلي قاعده متعافتش مزبوط وجروحها يلي قربت تختفي على وجها زايده جمالها البسيط✨
سارحه في زكيه كيف تهدرز وتضحك وجوها مليح وهيا قبل 3شهور بس قاتله عزوزتها وخانقتها بيديها الاثنين!
قاطع سرحانها عزام يلي شمت ريحته قبل ما يخش ❤️
وقفت والقيلات في يديها ..
مياسين:عزام 
عزام:مردش عليها ووقف يحكي مع امه …
رفيده:صدام ليه اسبوع بايت في المربوعه مفهمتش خيره 
امشي احكي مع خوك شوفه علاش مش مع مرته 
حسبت انا مرته لفعة ومش رح تريحه 
عزام:حط يديه في جيوبه …..حتى ولدك مش هوين شفته كيف يعامل فيها زي الحيوانات 
رفيدة:تستاهل خلي يربيها 
عزام:تنهد بملل من كلام امه المعتاد وجت عينه على مياسين يلي كانت محلوه بطريقه غريبه✨
مياسين:كانت واقفه تراجي فيه يكمل كلامه مع امه ولما جت عينها في عينه…عزام نبيك شوي 
عزام:قعد على نفس وقفته وشافلها بعدم اهتمام،….شني!
مياسين:ليا فوق من 3 شهور مريتش امي 
والزياره بكرا الساعه4
رفيدة:شهقت ….ان شاء الله بتمشي للحبس تزوريها 
معليشي اسمحيلي ولدي منبيشي يمشي لاماكن زي هادي انا 
مياسين:شافت لي السلاح يلي كان باين منه شووووية على خصر عزام ….اي واضح مشاء الله متعود يمشي لي اماكن احرف من هكي بس 
رفيدة:شافت لي ولدها….انا شايفه الاحسن تتكلم معاك في الهاتف وخلاص 
مياسين:وانا يلي شايفاته انك تسكتي الحق 
عزام:عصب وفي لحضة غضب…..ضمي فمك  اعرفي كيف تدوي مع يلي اكبر منك 
وقصة الزيارات هيا انسيها لي مكانات زي هاذي 
مياسين:شافت لي ام عزام وفهمت كويس ان رفيدة وباقي سلفاتها خدو طبع عزوزتهم ربيعه ✨
وفهمت ان ربيعه قبل ما تموت خلت حوش فيه عائلات ميطيقوش بعض بسبب الفتنه وعبان الراس 
((أحياناً في عزايز من تعاملهم مع نساوين ولادهم تحسهم جايات من الجنه 
وعزايز تانيات تحسهم جايين من قلب قلب جهنم))
مياسين:النضرة البارده عندها كانت وراثه🔥
وردت على عزام بهدوء ….تمام 
وشافتله بنضره الاخيره ورجعت لي مكانها بهدوء تام 
رفيدة:اي خليك هكي معاها رد بالك تتساهل وتضحكلها 
راهو تركب علينا كلنا 
عزام:وهوا يشوفلها …ولا يهمك 
وتيلي حوايجي بالله غضوا طالع انا والاولاد الصبح عندي مشوار ومروح متأخر 
رفيدة:ان شاء الله حاضر 
مياسين:كانت تتسمع عليهم بس مخلتهمش يلاحضو 
_____________________________
بتول:طلعت من المطبخ بسفرة القهوة وحطتها على الطاوله …ها لي شنو وصلتو من حل 
عفاف:خدت فنجان….يسلمو يديك 
سلفتك متبيش تتكلم متحشمه 
مريم:شن بنقول والله نفسيتي تعبت منه الراجل هاذا اقسم بالله 
بتول:بنسبه ليا انا ….هذيك الليله يلي نصحتيني فيها مشت زي العسل لكن تاني يوم ماتت حناه معش ريته 
يروح يبدل حوايجه ويطلع لحوش جده ويروح يرقد طول 
مفيش اي اهتمام 
مريم:حالك اهون مني !
انا ليا اسبوع كامل مريتاش ولا جي حتى طق عليا باب الشقه 
عفاف:تكلمت وهيا رافعه حاجبها بي استغراب ….واخدينكم بي السيف الزوز ولا شنو القصه!
بتول:خدت رشفه من القهوة …بنسبه ليا معش يهمني خلاص  يدير يلي يديره معش فارقه معاي 
عفاف:شوفي انتي وياها …
لازم تفهمو ان المراءه عمود الحوش !
لو حاولت تصلح بيتها وعرفت كيف تتصرف رح تخلي حوشها جنه 
ولو رفضت وأهملت حوشها صدقوني رح يخرب 
مريم:صدقيني غلط كلامك 
انا مفيش طريقه الا وجربتها سمعت الملام خدمته بعيوني درتله كل شي يحبه وقاعد يتجاهل فيا 
عفاف:وانتي تسحابي ان هاذا كل شي!!
مريم:عقدت حواجبها….شن مزال في شي نعطيه اكتر من هكي !
عفاف:ابتسمت….مش لازم تكوني خدامه باش راجلك يحبك ويهتم بيك ره 
بنسبة لي زوج مريم خلاص 
الطريقه الاولى منفعتش معاه!
طريقة الحب والدلع وطلب الحب منه بطريقه مباشرة منفعش 
لازم تلجئي لطريقه التانيه 
بتول:خدت رشفه من القهوة…..يلي هيا؟!
عفاف:شوقيه وما اضوقيه 
مريم:وجها احمررر 
بتول:ههههههههههه حبيتها هيا بنديرها لي سلطان الكلاب🤌🏻غير يروحلي من حضن الماما😂
عفاف:مش في الحاجات يلي في راسك بس ياهبله 
اسمعي انتي وياها ……..
وبدت الخطة الحربية تشتغل✨
    🔥أروىى الطـــــــــــاهرالمــــــــســـــــــلاتـــــي🔥
🔥روايــــــات بنوتــــــــة الشيــــــــخ400الف عضو🔥
طق طق طق 
عزام:فاتح شنطة متوسطه ويحط فيها في حاجاته…ادخل 
ايات:فتحت الباب ببطئ وهيا مبتسمه….عزام كيفك 
عزام:شافلها ورجع يرتب في شنطه….مليح 
ايات:خشت ….قتلك نبي نطلب منك شي 
عندي اوراق ناقصه بسببها منقدرش نحضر الامتحان 
لو في امكانيه تكلمهم 
تعرف في العيله هاذي معندناش الا انت😅
عزام:تو نكلم من صحابي يتم موضوعك انا غضوا طالع للقره بوللي مش فاضي 
ايات:قعمزت على الكميدينو …..علاش ماشي🥹
عزام:شافلها شن السؤال هوا!
و اوقفط لمي روحك بلا حركات مايعه 
ايات:وقفت طول وعدلت  نفسها ….به ترفعني انت بعد بكرا الكليه تكلمهم؟
عزام:فتح دولابه…..يصير خير 
اطلعي بنغير حوايجي 
ايات:تمام❤️
وطلعت وهيا مبتسمه وتسأل في خاطرها 
امتى بيجي اليوم يلي جده  يعطيه امر انه يتزوجها❤️!
ثواني معدودة ورجع طق الباب ونفتح طول 
عزام:تلفت وهوا فاصل….مش قتلك بن……
مياسين:خشت وسكرت الباب بي القيله يلي في يدها 
عزام:كمل لبس تيشرته وشافلها بي اهتمام …..خير!
مياسين:هيبتك قدام امك برا مبيتش نطيحها 
اخر مره تكلمني بأسلوب زي هاذا قدامهم 
وامي بنمشي نزورها 
بسيف بي الكيف بنمشي 
عزام:قرب منها…..وريني السيف متاعك يلي بيخليك تمشي غصب عليا 
مياسين:قعمزت على سريره وابتسمت….مش رح يعجبك مرات!
عزام:متمالك اعصابه ……
مياسين:انت مش ملاحض ان هلبا عليا يلي قاعد يصير!
3شهور تامات برا باب الحوش مطلعتش !
ماما مريتهاش كلمتها 4مرات بس بتالفون 
لعند وين الضغط هاذا؟
عزام:قعمز على الكرسي مقابلها …..شنو تشكيلي في همك  شن تبيني نديرلك؟
مياسين:والله ملقيتش حد في الحوش هاذا يدير الا انت 
تؤمر وتنهي فيهم والباقي صور بس 
عزام؛ابتسملها بشر…..اهم شي انك عارفه 
مياسين:وقفت…..ديمه خليك مدكر ان جيت دويت معاك بلغة لطيفه وطلبت منك بهدوء 
عزام:شافلها بتحدي ….علاش عندك لغة تانيه؟وكيف شكلها!!
مياسين:ابتسمت….اي في 
لغة الحبوس يلي تعلمتها وموريتلكمش 1‎%‎منها 
قربت منه وهمست في وذنه….فـ متخلينيش نوريهولك⚡️
عزام:كلامها دارله خط في راسه✨
وعيونها يلي كانت فيهم نضرة قويه خلاه يفكر !
مياسين:مشت خطوه والثانيه تكعبلت القيلة وكانت رح اطيح وعزام مسكها❤️
ولما تلاقت عيونهم في بعض وكل حد فيهم حضناته ريحة التاني !
عزام تكلم وخرب المشهد يلي كان رح يصير رومنسي 
عزام:لغة حبوس صار وانتي متعرفيش تمشي خطوتين على بعض!😉
مياسين:زيد غادي بلا ادحنيش وحركات مايعه …وخدت بعضها وطلعت 
وقف عزام وعقله يحكيله ….
الارلى خشت ومعطيتهاش وجه!
حاولت تقعمز وتفتح موضوع طردتها وقتلها لمي روحك بلا حركات مايعه!
ولما خشتلك هاذي قعمزت وسط سريرك وقتلك دحناس وحركاتك مايعه وانت مفتحتش فمك بحرف !!!
شاف عزام لي نفسه في المرايه ووصلاته فكرة انه تهزب 
وصل للباب بس رجع !
لان منضره رح يطلع عبيييييط لو طلع عيط عليها بعد دقايق فاتو من كلامهم 
___________________________
✨الشك
الشك اول حاجه يحرك غيرة الراجل ويخليه ينتبهلك 
وهاذي اول خطوه اخدمي عليها 
صدام:خش لي حوشه وهوا يحكي ع التالفون ….تمام ياراجل خلاص فهمت 
اهو كيف روحت 
عزام:معش تشغل بال امك عليك مش ناقصكم انا عندي الف حاجه نهتم بيها 
صدام:به تمام وانت تقول الكبير فينا مش اخر العنقود 
قال كلامه ولمح مريم فايته لغرفة النوم بلبس اول مره يشوفها بيه 
وصوت ضحكها واصل لي الممر 
صدام:تم عزام نتلاقو هي …وسكر الخط قبل حتى ما يرد عليه!
خش لغرفة النوم وشاف مريم لابسه شورت نوم قصير وصدريه لعند نص البطن 
وتحكي ع التالفون وميته ضحك 
بدون ما يحس نهب منها التالفون ….
صدام:ايوااااا ايوااااااا تكلم 
جاوبه صوت مرا كبيره وهيا تقوله….اهلين صدام 
كيف كنت نسأل في ميرو عليك كيف حالك وليدي 
صدام:وجها تغير ….الحمد الله بخير يا عمتي كويس 
به وليدي هي مدامك روحت منعطلش عليكم تصبحو على الف خير 
صدام:الله يسلمك تلاقي الخير …. وسكر الخط وهوا متنح عيونه في مريم 
مريم؛تجاهلاته ….سكرت تالفونها ورتبت نفسها في السرير ورقدت 
صدام:شنو لابستيه هاذا!
مريم:شن تشوف فيه!
صدام:معش تلبسي حاجات زي هاذي مش طالعات عليك 
مريم:محسبتش للكلمه يلي طلعتها من فمها وقالت بدون تفكير…..غريبه!
غيرك قالي ان اللبس هاذا طالعه فيه نهبل✨
صدام:سمع ها الكلمتين ومعش يشوف في شي قدامه⚡️
جت في راسه هلبا افكار!
طاح فيها ضرب بدون توقف وبدون وعي !
مسكها من شعرها ويشح فيها وهوا ينعت فيها بي ابشع شتائم ممكن انك تسمعها في حياتك 
جرها من شعرها وهيا تبكي وتعيط تحت يده وطلعها برا الشقه 
كركرها من الدروج بملابسها الفاضحه يلي كانت لابستهم لين وصل لباب العماره يلي فيها شقته وشقت خوته 
وقعد يضرب فيها قدام الباب ⚡️
طلعو نساوين عمه من حوش جده وطلع جده ومعاه نصر
كلهم وقفو مصدومين وحسب تقاليد العيله الراجل لما يضرب مرته مفيش حد يدخل لين يكمل ويفهمهم!
بس كان في شخص ميعرفش الشي هاذا !
نصر:انطلق جري بدون تفكير ودف صدام بقوة لين طالح 
نحى جاكيته وستر بيه مريم ووقف من جديد 
صدام:قرب على اساس بيكمل حتى على نصر وبيضربه 
لكن نصر طبعا مسكتلاش ورقده بي بوكس ينسيه حياته👌
خشو ولاد العيله يحزو بينهم ويهدو فيهم 
ومريم مرميه على الارض وبدت اطلع في الدم من فمها من قوة الضرب ومعش تعلم بي شي …..
_____________________________
ثاني يوم✨🌸
كأن المشهد يلي صار في الليل  عادي …
وصاير قبل هلبا مرات وفات عادي 
ديمه الحق على المراءه والراجل مش غالط 
الغلط فيهاهيا نرفزاته وخلاته يتعصب وتستاهل الضرب !
صباح رايق وطبيعي ✨
الفطور الحلو والشاهي الساخن وضحك جعفر وخوته مع بوهم معبي الحوش 
ولا كأن في بنت في المشفى بين الحياة والموت بسبب ولدهم ✨
___________________________
ساره:مياسين لا 
لا وربي ضرار خوي ونعرفه ردي بالك تستندي عليه ولا تعبي عليه في شي صدقيني 
مياسين:تلبس في شنطتها …..انتي بس لو تقعدي ساكته وتبعدي عليا تمام 
معش تنصحيني في شي وعمرك ما رح تكوني صاحبتي افهميها هاذي 
ساره:سكتت وهيا تشوفلها…..انا منبي منك شي 
لوتسحابيني طامعه فيك ولا في فلوسك نحبها الفكره هاذي من راسك لان عندي هموم نفكر فيها اولى من القصص هاذي 
لكن انا منقدرش نشوفك ماشيه للهاوية برجلك ومنحذركش 
مياسين:احتفضي بي تحذيراتك لنفسك ولي الاسرار يلي مخبيتيهم ومش راضيه تحكيهم 
             🔥 أروىى 🔥
🔥 يوميات بنوتــــــــة شيــــــــخ 🔥
سلطان:بنضرة لهفة ….شن صاير؟
بتول؛ماسكه نسكافي وتمشي ….ترا نحي من قدامي  
شن متوقع يصير يعني بعد يلي داره خوك!!!
سلطان:اوقفي وانا ندوي معاك 
بتول:وقفت ….وكان منبيش نوقف!!!؟
تمد يدك زي خوك عليا؟
ودخلني للعنايه حتى انا !!!
يمين بالله ياسلطان تفكر اديرها وربي نطلق عليك خوتي ياكلوك ماكله 
خوك يلي يسحاب روحه ذكر 
لكن يالله (أسدٌ عليها وفي الحروب نعامه)….وكملت مشيها 
سلطان:يشوفلها  وهيا تمشي ……يارب راضي بكل ابتلائات الدنيا 
لكن متبلينيش وتخليني نحبها بس 
لان بديت نحس هكي كنهاذا شنو يخليني نسكتلها وهيا تدوي في الكلام هاذا يمين بالله راهو شلطها كف ورقدتها جنب سلفتها 👌
لكن ربي يستر وخلاص …
_____________________________
فاطمه:ماسكه ورق التحاليل ومصدومه !!!
كيف هاذا صار؟
يلي كانت بديرله لي الناس ربي رده فيها!
لالالا في شي غلط !
طبقت الورقه وحطتها في الشنطه وهيا تقول ….بس نحنا طبقنا تعاليم الساحره بلحرف !!!
شنو يلي صار؟
____________________________
ضرار:متكي كرسي السياره قدام الحبس ولاهي في تالفونه بعيد هلى زحمة الناس يلي جاية تزور في اهلها والاجواء كانت هاديه ورايقه لين انفتح باب السواق وضرار ولا كلمه🤌🏻
عزام:شافله وعض فمه…..جبتها ولا!
كسرت كلمتي وجبتها!!
ضرار:استجمع قوته…..امها وحقها تجيها ياراجل شن يلي ادير فيه من يوم خشت حوشنا ماجتش زياره 
عزام:انزل انزل 
ضرار:شنو ؟
عزام:بصوت عالي…..انززززززل قتلك 
ضرار:نزل من السياره 
عزام:عطاه مفتاح وركب بدله….روح بسيارتي وحسابك معاي بعدين 
ضرار:سكت غصب عنه وركب سيارة عزام 
________________________
ام مريم وبوها كانو واقفين على باب العنايه ✨
أنا من عيلة صدام مكانش في حد غير بتول وراجلها 
طلع الدكتور وملامحه متعصبه وقبل ميتكلم اي حد سأل طول 
الدكتور:من يلي دار فيها هكي 
سلطان:يا دك….
بتول:راجلها …امس في الليل هوا يلي تعدى عليها 
سلطان:شافلها وعيونه بيطلعو 
ام مريم كانت تبكي منهاره وتكلمت بصوت مهدود…بب بنتي كيف وضعها يادكتور!
الدكتور:بنتك ياحاجه عندها نزيف داخلي وادعو ربي يوقف لان نحنا درنا جهدنا 
ويلي دار فيها هكي لازم يتحاسب 
ياريت تخلو معلوماته لان الشرطه شوي وتوصل ورح ينفتح المحضر لان حالة البنت واضح انها اعتداء 
بتول:اسمه صدام وهاذا يلي جنبي خوه 
الزوز حاسبين روحهم مزيهم حد يسكنو ورا المصحه لقبهم ال……
سلطان:مسكها من يدها لين توجعت …..ضمممممي فمك 
وجبدها على جيها 
سلطان:من الصبح متحملك وربي متسكريش فمك بنتصرف معاك تصرف تاني !
بتول:اي بتضرب بتضرب شن يلي قادر عليه غير هكي!!!
راضعينه في الحليب انت وخوه جينات حقيريه هكي تمدو في يدكم ع النساوين 
شوف يابابا كان امك وباقي بنات العيله عندكم رخاص وعادي يضربوهم رجالاتهم حنى نساوينا غاليات 
وهاذا وجهي كان مخديتاش حق مريم من خوك 
ورد باااااااااال تفكر تمد يدك ياسلطان 
سلطان:حاول يتمالك اعصابك وخنقها من رقبتها…تعرفي اضمي فمك انتي ؟
بتول:جاوباته برقه….اي اي 
سلطان:متخلينيش نفقد اعصابي يابني ادمه اعرفي شنو اطلعي من فمك 
بتول:نحي يدك …..اححححو احووو
سلطان:نحى يده 
بتول:ايوا هكي خليك تسمع في الكلام …..وقلبت عيونها ومشت 
سلطان:الصبر يارب الصبر بس🤌🏻
_____________________________
مياسين:طلعت من باب السجن وهيا تعكس بي القيلات متاعها 
لين وصلت في السياره 
ركبت وهيا مش منتبها لي عزام وتشوف لي باب السجن بشوق💔
لبست نضارتها الشمسيه وهيا سارحه في روشن الباب والسياره تحركت 
____________________________
ايات:ماسكه ورقت التحليله وعيونها مفتوحات على وسعهم ومعبيات دموع بصدمه !
بس نحنا نفذنا تعليمات الساحره بلحرف !
فاطمه:تبكي وتخبط في رجليها …..ماهو انا هاذا يلي مهبلني 
كيف يجي المرض فيا وانا ناوياته لي غيري 
ايات:بدت تحكي بصوت هادي …..جبتلها من شعرها 
ومن دمها 
وجبتلها أثر من شخص معمره قاتل ولا خانب و……
شافت لي فاطمه 
فاطمه بادلتها نضرات الصدمه !!!!
ايات:فف ف فاطمه!
فاطمه:سبقتها في السؤال ….ج جج جدك من قتل قبل ؟
_____________________________
مياسين:فاقت من سرحانها لما لاحضت ان الطريق يلي قاعده تمر فيها كلها اشجار سرول وفاضيه 
شافت يسارها وقبل ما تنطق عزام درس السياره ونزل فتحت باب الكرسي متعها ونزلها من يديها 
طاحت مياسين ع الارض وسط غدير امبه 
والمطر تصب 
قربلها عزام وهوا يعيط عليها ومزق ملابسها يلي كانت لابستهم …
يتبع...
لقراءة الفصل العاشر اضغط على : ( رواية مجرد كارثة الفصل العاشر )
لقراءة باقي الفصول اضغط على : ( رواية مجرد كارثة )
تعليقات



حجم الخط
+
16
-
تباعد السطور
+
2
-