القائمة الرئيسية

الصفحات

رواية مجرد كارثة الفصل العاشر 10 بقلم أروى طاهر المسلاتي

رواية مجرد كارثة الحلقة العاشرة 10 بقلم أروى طاهر المسلاتي
رواية مجرد كارثة الجزء العاشر 10 بقلم أروى طاهر المسلاتي
رواية مجرد كارثة البارت العاشر 10 بقلم أروى طاهر المسلاتي
رواية مجرد كارثة الفصل العاشر 10 بقلم أروى طاهر المسلاتي

رواية مجرد كارثة الفصل العاشر 10 بقلم أروى طاهر المسلاتي

الحسد أحياناً يخلي الناس تطلع من دينها👌🏻
وادير العمايل السود باش تاخد فرحة غيرها!
تخرب حياش  الناس وتنهيلهم حياتهم 
لكن يلي يحصدوه يكون أسوء مليون مره✨
أيات:فاطمه اهدي وربي رح نلقو حل خلاص ….
فاطمه:تبكي ومنهاره ….حل شنو يلي بتلقيه انا فيا الوررررم 
فيا الورم ع شنو تحكي انتي 
وقفت وهيا تحاول تستوعب الصدمه…..المشكله ان ان ال 
المرض هاذا مش حقيقي 
منقدرش نمشي نعالج لان كله ع الفاضي 
ايات:بملامح وصوت متوتر ….اسمعيني اكيد يعني رح نلاقو حل ساهل صدقيني غير اهدي انتي بس
فاطمه:حطت راسها بين يديها وهيا تراجع في ذكرياتها ….انا منبيش نموتت
منبيش نموت انا 
ايات؛ساكته وسارحه والدموع ينزلو منها 
فاطمه؛تكلممممي قولي شي 
ايات:مسحت دموعها بملامح جامده ….تعرفي هاذا شي يعني؟
فاطمه:شني!
ايات:من غير قصة ان جدك بيطلع قاتل شخص زمان 
لان الساحره قالت بي الحرف الواحد 
لفي الحاجات هاذي على أثر حد مش قاتل قبل ولا يده 
خاشه في دم!
مزال في شي أكبر هاذا وين تأكدت منه 
فاطمه:سكتت وهيا تفكر بعمق وعيونها في عيون اختها 
أيات:هدى ممشاش فيها السحر!
هدى انتحرت من شي تاني 
فاطمه:جتها لحضة ادراك وسرحت في عالم تاني 
وايات جنبها خاشه في لغز جديد مش معروف حله شنو!
_______________________________
سلطان:غرق في عالم حلو بمجرد ما سرح في جمال ملامحها✨
لسانها طويل وخوافه لكن مش قادر عليها!
دلوعه وتتباهى هلبا بي عيلتها لكن واضح انها تحب توقف هلبا مع الحق مهما كانت العواقب👌🏻
انقطع كلامه مع نفسه وفاق على روحه لما سمع تالفونه يرن في جيبه 
طلع تالفونه وتباعد مسافه بعيده شويه ورد وهوا يعدل في صوته 
سلطان:ايوا 
صدام؛متقوليش وين انت!
سلطان:يتكلم وهوا يلكلك في الكلام ومش قادر يجمع كذبه كويسه…..انا في ال 
المصحه هاذي 
صدام:مصحه هاذي؟!
مصحة شنو؟
سلطان:بتول جت بتشوف مريم وقعدت نراجي فيها 
ملحقتش نسألك شن صار وعلاش درت فيها هكي!
صدام:غير دقيقه دقيقه ….في المصحه؟
ورافعها؟
حكمة فيك ولا شنو؟….سلطان خيرك بديت ترفس انت مره راقد معاها ومره تسمع في كلامها شن القصه 
ناسي كلامنا والوعد ولا شني بزبط 
سلطان:يفتح في بطم سوريته وهوا مضايق لانه معنداش جواب ….تي مش هكي ياراجل خيرك!
كل القصه ان 
صدام:روووووح انت وياها وياسرك 
سلطان هاذي تاني مره نحدر فيك 
مدرتش هاذا كله باش تجي حضرة جنابك تلعبلي في كل شي قاعد نخاطر بيه 
سلطان:تنهد …اوووفف به تم اهو مروح 
صدام:سكر الخط وهوا متعصب وناسي مريم تماماً
_____________________________
التراب معبي وجهي وخصلات شعري  والوشاح يلي طاح مني بداية نزلتي من السياره  
البرد وصل لي عضامي والصقع لقاها فرصه لما المطر غمرتني بي قطراتها وخلاني نرعش من البرد….
نشوف لي الجاكيت يلي تمزق بدون اي سبب  
ساكته مطلعش مني اي ردة فعل وهاديه نشوفله رغم سنوني يلي يتخبطو في بعض من الصقع 
وصوت الرعد يلي كان يضرب مره مره يخلع فيا  
صوت الهدوء عم المكان بعد عياااااط وصريخ طويل وهستيري من عزام 
عزام:وريني 
وريني بي حالتك هاذي شن يلي قادره اديريه وريني 
امك بين4حيوط وسمعتها سابقتها 
منو بيلمك؟
منو بيستر عليك وبيرضى يعيشك معاه حتى لو جيتيه بفلوسك 
مياسين:عضت شفتها بتوتر وتشوف لي رجلها المصابه يلي زاد وضعها سوء من الطيحه 
عزام:قرب عليها ……ملابس مقطعه 
ودينار تحتك لا ومعندكش حد في البشرية هاذي كلها 
شفتي كيف الدنيا ادور؟
شفتي كيف انك خلاص لازم تودعي حياتك قبل وتستقبلي الحياة الجديده 
مياسين:ردة بصوت يرجف ومتوتر….حياة شنو؟
عزام:ابتسم ….الحياة يلي ماشيه على كيفي انا 
الحياة يلي فيها كلمة عزام متصيرش اثنين 
رفضتي بتقعدي بي المنضر هاذا عمرك كله 
وامك وربي معاد شايفتيها لو تموتي 
وافقتي تعيشي حياة زي حياة اي بنت مستوره في حوشها بدون ما تعرف شكالات توسخ سمعتها زي امك 
مياسين:بادلاته نضرات أقوى من نضراته بألف مره 
وسكتت !!!
رضت في امها كلام زي هاذا!
ولا كان عندها راي تاني؟
عزام:مررت صوابعه على خصلات شعره تحت المطر 
ومدلها يده وهوا يقول 
بتقعد في المكان هاذا بي المنضر هاذا ولا بتختاري الطريق التاني وامك تنسيها؟
مياسين:مدت يدها ليه 
وجبدها من على الارض 
وقفت ناسيه اصابت رجلها وعلى طول طاحت على الارض وهيا تتألم بشكل كبييير
عزام:مسح وجها من مية المطر يلي عباته وقامها ❤️
يمشي بيها في اتجاه السياره وعيونه في السياره وبس 👌🏻
اما مياسين كان في دماغها الف حاجه وحاجه✨
بيئة الانسان يلي تحيط بيه تأثر على كل شي 
ربايته وعاداته وتصرفاته وحتى ذكائه👌🏻
    🔥 يوميات بنوتــــــــة شيــــــــخ  🔥
رفيدة:ربي يستر ان شاء الله أهل مريم  ميكبروش القصه 
بدرية:تنقي في العدس …..ريحي بالك اعلها ناس راقدين ريح 
كان جت في المفقوصه التانيه راهو قتلك اي ممكن 
لكن هاذي لالا 
زكيه:بعيده عليهم شويه ….
وبيطلقها ولدك ولا شنو؟
بدريه:بثقه زايده على حدها…والله كان وليدي معش راغبها يطلق 
نجيبله سيدتها وخير منها 
زكيه:قلبت عيونها وتنهدت وهيا اتمتم…..ههو والله وكان يبدا ولدك ملبس بي الذهب مانعطيه بنتي ونأمنه عليها 
بدرية:لما يشوفلهم ولدي بربع عين بعدين ساهل 
زكيه:بناتي غاليات منعطيهمش الا لي الناس يلي تعرف قيمتهم👌🏻✨
زكيه:هاذا باش قاعديلكم في الرقبه 
رفيدة:خلاص عاد انتي وياها ياسركم من العراك راكم قريب تبدو بي احفادكم …ياسر 
(كل قرد في عين امه غزال)
المثل هاذا انقال ايام القلوب صافيه والنبه طيبه👌🏻
لكن توا كل شيطان امه تشوف فيه ملاك منزل من السماء✨
لا زكية تعرف حقيقة بناتها وخطورتهم 
ولا بدريه تعرف حقيقة ولادها وتفكيرهم المنحط!
________________________
ساره:تفضلي الدوا 
خوديه المره هاذي على الاقل 
مياسين:خدت الحبه بدون ما تعاند 
ساره:قعمزت جنب مياسين على السرير….قتلك متوثقيش في خوي من الاول 
مياسين:تقدري تساعديني؟
ساره:قرنت حواجبها….في شنو؟
مياسين:بصوت هادي وملامح متوتره……نبي نهرب !
ساره:تنهدت….حاولي تفهمي 
وربي متقدري تطلعي من هنايا مدام جدي كلف عزام بيك
مش رح تطلعي الا لو تزوجتي او توفيتي 
مياسين:نقدر
عندي حد برا يساعدني وعندي فلوس نقدر نتحرك بيها 
محتاجه مساعده من شخص داخل الحوش بسس
ساره:رح نقولك ع سر 
مياسين:احكي!
ساره:تعبو عيونها دموع وهيا تحاول تتكلم….هدى 
مياسين:قرنت حواجبها في استغراب …خيرها؟
ساره:جت بنفس الطريقه 
وعانت كل شي زيك وفي النهايه تقبلت وعاشت
مياسين:هاذا باش نتحرت!
ساره:لا…..كانت تموت في عزام 
لكن منعرفش شنو صار يومها 
مياسين:شن تقصدي بي انها جت زيني !!
سارة:ابتسمت ….يالله انا صار لازم نرقد بكرا اول دوام ليا 
ونبي نحاول نطلع من اكتئابي ❤️
تصبحي ع خير 
مياسين:انا نحكي معاك 
سارة:سكرت الضي ورقدت 
اما مياسين:سكرت عيونها وهيا تذكر في مقابلتها مع امها❤️
وكل الكلام يلي حكتهولها بي الحرف وتفكر!
تكون شجاعه واديرها؟
ولا توخر وتهرب وتسيب كل شي!!
_______________________________
مر أسبوع✨
والحو بدي يتغير❤️
بدي الربيع يخبط على الابواب 
بدي العشب يبان لونه والشمس معش تتخبى بين السحاب✨
زي هلبا اسرار معش رح تتخبى اكتر من هكي!
درست سيارة سوداء مضلمة قدام الحوش بدون طارقات 
نزل منها عزام وجده 
ونزل منها كائن لطيف مكسور وجاي للموت برجليه من جديد✨
مريم!
وقفت قدام حوشها وهيا تشوفله وتذكر في كلمات امها!
معندكش مكان غير بيتك 
كلمة مطلقه رح تتعبك وعمرك كله رح تكمليه وانتي مشرده 
وغيرهم من كلام تاني  خلاها ترجع تحت ضغط 
بدون حتى راجلها ميكلف نفسه ويروح بيها 
خشت لي حوشها وأثار الضرب قاعده مختفتش 
خشت ونفسيتعا مشوها اكتر من جسمها 
في شي داخلها انطفئ ومعش يرجع زي قبل !
وكل حماس جوازها والعائله السعيده يلي بتبنيها ضاعت!
وجي مكانها احساس وشعور ان هيا بتعيش وبس 
بدون هدف 
اهم شي متقعدش عبئ على امها وبوها يلي متحملوش فكرة طلاقها 
مشهد الذل هاذا كانت تتفرج عليه ايات من الروشن وتحكي مع اختها يلي كانت راقده على السرير وطول الوقت حاسه بتعب بدون سبب 
ايات:مفهمتش كيف رجعتله وربي!
فاطمه:بتعب…..من نوعية الناس يلي تتمسك بي حوشها والدوه الفارغه هذيكه 
ايات:خذت نفس عميق…..يالله مش موضوعي 
وين مياسين اليوم مريتهاش 
قبل ديمه مقعمزه في الصاله وراسها في التالفون 
فاطمه:اكيد عند ساره 
ايات:كيف بندير !
عزام هلبا يراقب فيها وبدت شغله الشاغل 
فاطمه:قامت راسها…..بطلي انانيه ايه 
انا مريضه بسببك خلاص لو عزام ميبيش ياخدك مش بسيف 
ايات:وقفت وهيا معصبه……والله!!!!!!
نذكرك السحر في الاصل كان لي منو ولا نسيتي ؟
خليني ساكته فاطمه لان وربي لو تكلمت تنقلب الدنيا 
فاطمه:تعصبت اكتر….والحل شنوووو
اي حد يقرب من عزام تقتليه؟؟؟
انا وربي معاد فهمت 
جدي قاتل وهدى منعرفش منو خلاها تقتل نفسها 
شنو العيله هاذذذذذي كلهم مجرمين 
ايات:ابتسمت بشر…..الوقت هاذا لازم تحاربي باش توصلي لي حاجتك 
فاطمه نذكرك؟؟
حناك ماتت وجدك في الطريق 
كل شي راهو لي ام الاولاد 
لي بدريه وولادها ولان بوي معنداش ولد حاقدين عليه ومش رح يعطوه شي لا من ورث ولا من فلوس عمتك المحبوسه 
فاطمه:اي!!
والحل انك تاخدي عزام وتخليه يموت في غرامك ويطرد عمامه ويخليك انتي وعيلتك ست الكل ؟
تسحابي روحك في فيلم 
اصحححححي 
جربتي كل شي معاه ومنجحش ياسرك 
ايات:سكتت وشافت لي اختها بنضرات فيها هلبا كلام 
ايات وفاطمه مش شخصيات شريره عاديه زي اي قصه 
هدفهم يخربو ويبو الحاجه الباهيه ليهم وبس لا!
ممكن يكون عندهم جانب شرير لكن ببساطه 
جانب كبييييييير من حياة فاطمه وايات نحنا منعرفوشي عليهم✨
_____________________________
زي كتاب قديم معبي غبرة وجي حد نفخ عليه✨
بان غلافه وبان عنوانه ومحتوياته الحلوه 
مع كل يوم ينقلب صفحه ونتفاجئو بهلبا حاجات 
الشي يلي نتكلم عليه بي اختصار هوا قلب سلطان❤️
قلبه تحرك لما شافها لابسه بيجامه سوداء وراقده بين البطاطين وشبه غايبه على الوعي ✨
ترعش وتقول في كلام مش مفهوم وخدودها حمرررر كأنهم محروقات من الحراره 
قرب عليها وهوا يلوم في نفسه كيف طلع وخلاها الصبح ومرجعش الا اخر الليل وهيا بروحها💔
قامها وهوا ينتدي عليها زي البيبي الصغير يلي خايف على لعبته 
ينادي فيها بي اسمها كل شويه بخوف وهيا متجاوبش 
قامها للحمام ونزعلها بجامتها وحطها على البانيو 
صب اميه مصقععععه عليها وهوا ماسك راسها بكل رقة 
الرقه يلي معمراش تعامل بيها في حوش معودوهمش عليها ولا عمره شافها !
نفس احساس الرقه الغريب يلي كان  اول مره يزور عزام!
لما خش وتفاجئ بي مياسين راقده في سريره ومغطيه نفسها كويس 💕
هاربه من ساره يلي هلكت نفسها قرايه عشان تنسى كل شي مرت بيه 
وجت لاكتر غرفة مريحه في الحوش ومفيش حد قادر يهوب ناحيتها !
قرب منها يشوفلها 
مستغرب ومش فاهم سبب رقدتها هنايا !
ويتأمل في هلبا حاجات ميقدرش يركز فيهم وهيا نايضه 
زي ملامحها مثلاً❤️
يلي كانت غريبه لكن مميزه❤️
مياسين:حست بيه خش وناضت كأنها مش مدايره شي 
النوم واخدها وهيا تقوله….اسفه ساره تقرا وانا كنت نعسانه هلبا 
عزام:مردش عليها وهوا يشوفلها وهايم فيها وفي صوتها الناعس❤️
نزلت من السرير وكنت تمشي يمين يسار من اثر النوم 
مسكها قبل ما اطيح بس المره هاذي برقة 
زي رقة خوه سلطان والجو كان غريب عليهم الاثنين❤️
سلطان:نشفها كويس وغيرلها ملابسها 
كان يتعامل معاها بصعوبه لان معمراش داره مع حد الشي هاذا❤️
رقدها في سريرها وحريص كل الحرص انها تكون مرتاحه 
خش للمطبخ وشقلبه فوقي لوطي 
بس في الاخر طلع منه بي حاجات مفيده تساعده 
جي بحداها وعبا شعرها زهر 
وبدي في الكمادات لساعات متواصله في الليل ❤️
وكل مايقيس في الحراره يقيسها بي بوسه على جبينها❤️
مكان البوسه والموقف 
خلاه يحس ان ممكن الزواج يكون حلو!
والاحلى لما نصيبك يكون من اختيار ربي ليك❤️
طلعت مياسين وارتمت في الصاله كملت نومها 
لوحت نفسها ع الفراش ورقدتها كانت اضحك 
هيا رقدت وامورها تمام 
بس  خلت وراها عيون وعقل متلخبط وحايس 
خلت وراها فوضى صعب يلموها✨
_____________________________
عكس الحب والحنان يلي كنتو غارقين فيه فوق 
كانت مريم راقده على سريرها متغطيه وصقعانه 
تشوف لي حوشها💔
مغطياته الغبرة وحايس💔
صقعععع في كل الغرف وواضح انها من اول يوم طلعت فيه حزن الحوش على بعادها بدل راجلها 
خش صدام ومريم كأن حد كب عليها اميه سخونه من الخوف كانت متوقعه يلزها!
يعيط عليها 
يعاود يضربها 
لكن صار العكس!!؟؟؟؟
صدام:وقف قدام السرير ومسك يدها ومريم ترجفففف 
مريم:نزلت راسها وكلمة اهلين توصل لفمها وترجع 
صدام:الحمد الله على السلامة 
مريم:الله يسلمك 
صدام:الكلام يطلع منه بسيف ….نورتي حوشك 
مريم:قامت عيونها فيه ….بنورك 
صدام:يالله نوضي شدي حيلك خلي حوشك يرجع زي قبل وديريلي غدي من تحت يديك 
مريم:حاضر 
صدام:اسمعيني يا بنت الناس 
لو بتكملي تعيشي معاي حركات الاستفزاز وطول اللسان مش عليا 
باش يلي صار ميتكررش 
تمام؟
مريم:ابتسمت….ان شاء الله 
زي اي راجل جاهل عايش طول عمره حبيب الماما 
كان مقتنع تماما ان هوا الصح !
وهوا مغلطش 
ومدت يده على مريم هيا ردة فعل بس 
وزي اي بنت غبية تربت على عادات غلط!
ناضت مريم ترتب في كل شي وقلبها شبه فرحان بي المعامله يلي اقل من عاديه وعندها امل كبيررررر لهلبا حاجات 
____________________________
بنفس قساوة قلب صدام كان رجب مقعمز ويفكر 
سكر القرآن وهوا يراجع في نفسه والضمير بيقتله 
سكر عيونه ورجع يذكر في هذيك الليله!
لما بنته الوحيده كسرة كل العادات والتقاليد !
لما بنته مسكتتش على هلبا حاجات ميعرفوهاش !
رجع بيه الزمان لي وقفته 
لما وقف وبنته الوحيده مطلعينها الشرطه وهيا حامل والسلاسل في يديها 
الدم مغرق حوايجها وطالعه وراسها مرفوع كأنها مفتخره!
طالعه مع الشرطه ولما جت عينها في عين بوها قتله 
(سلفي يلي قعدت4سنين نجي ونشكي منه انه يتحرش بيا  ومحدش عبرني وكلكم تقولولي اصبري ومش هامكم شرفكم 
اهو قتلته ولو رجع بيا الوقت نعاود نقتله طز فيكم وفي كلمة عيب واصبري وتحملي ومتقوليش لي راجلك تسببي مشاكل )
وركبت السياره بكل فخر👌🏻…
يتبع...
لقراءة الفصل الحادي عشر اضغط على : ( رواية مجرد كارثة الفصل الحادي عشر )
لقراءة باقي الفصول اضغط على : ( رواية مجرد كارثة )
reaction:

تعليقات

8 تعليقات
إرسال تعليق
  1. الرواية حلوة نبي الحلقة 10

    ردحذف
    الردود
    1. الرواية حلوة ومشوقة

      حذف
    2. حلوه وين الحلقه ١٠

      حذف
  2. نبو حلقه10حلوه الصراحه.. يعطيك العافيه حبيبتي

    ردحذف
  3. حلوه نبي الحلقه ١٠

    ردحذف
  4. بتوفيق نبي الحلقه ١٠

    ردحذف
  5. الروايه حلوة ومميزة

    ردحذف

إرسال تعليق

ستصدر قريبًا على مدونة يوتوبيا رواية المتداول التي تم طلبها مِنا كثيرًا وهي أول رواية مصرية تدور أحداثها حول تداول الـ فوركس والعملات ستتعلم من خلالها تداول العملات بأقل خسائر مُمكنه وكيف يُمكنك الربح من خلال شراء وبيع العقارات رواية بإمكانها تعليمك كيفية الربح من تداول الذهب والعملات والفوركس كيف يُمكن لشخصًا في بداية حياته مثل (عيسى) في الرواية أن يُحقق ثروة مالية كبيرة فى مدة قصيرة.