رواية مجرد كارثة الحلقة الحادية عشر 11 بقلم أروى طاهر المسلاتي
رواية مجرد كارثة الجزء الحادي عشر 11 بقلم أروى طاهر المسلاتي
رواية مجرد كارثة البارت الحادي عشر 11 بقلم أروى طاهر المسلاتي
 |
| رواية مجرد كارثة الفصل الحادي عشر 11 بقلم أروى طاهر المسلاتي |
رواية مجرد كارثة الفصل الحادي عشر 11 بقلم أروى طاهر المسلاتي
رفيدة:كانت متجها لي الطابق الارضي لكن رجعت خطوات للخلف وعلى وجها علامات الاستغراب !
بصوت معبي تساأل ….ضرار؟
ولدي شنو ادير!!
ضرار:ناض من مكانه منتفض…..شي شنو بندير يعني!
رفيدة:شافت لي مياسين ورجعت شافت لي ولدها
ضرار:نحسابها اختي ساره جاي بنوضعا نقلها ترقد داخل بدال ما قاعده هنايا ع خشت عزام ولا حد من الاولاد يشوفها هكي متجيش!
رفيدة:بانت على وجها ملامح الاقتناع💕….به سلم ولدي نوض من هنايا وخليها فكنا منها
ضرار:شاف لي مياسين يلي كانت غارقه في نومها لاخر مره…به تمام كلمي فرخه ساره اديرلي قهوة ☕️
رفيدة:به حاضر
طلع ضرار وهوا يفكر ويحلل ومطلعش بي ولا نتيجة!
رفيدة:فعدت في مكانها واقفه وتشوف لي ولدها وسارحه تفكر
ساره:ماما؟خيرك!
رفيدة:شافت لي ساره…..مخيرني شي
امشي ديري قهوة لي خوك قبل ميطلع
سارة:نقلبت ملامحها….منبيش يبي قهوا خليه ينوض يدير بروحه
انا بناخد اميه وبنرجع داري بنقرا
رفيدة:تشوف لي بنتها بي شك….انتي شنو يلي قلبك على خوك هكي؟!
كنتي 24ساعع حاشيه راسك في راسها وطالعه خاشه معاه
توا ليا من موتت هدى معش ريتكم حتى تهدرزو ع بعض
ساره:رجعت بيها الذكريات✨✨
الدنيا الريح وكانت الطريق ضباب🌬️
السياره وقفت فجآه وضرار وساره مصدومين
ساره:مات؟
ضرار:ش شش شن درتي !!!
ساره:ماسكه دومان السياره بقوه وترعش….انا قتلته!!!!!
ضرار:نزل من السياره بسرعه يجري لي الراجل
الراجل يلي كان مغمى عليه والدم نازل من راسه
وقف ضرار وحط يديه الاثنين ع راسه
اما ساره نزلت من السياره وقدمت خطوات ببطئ
ضرار:بعصبيه وخوف …..عمياء انتي !كيف مريتيشي
ساره؛تبكي وترعش وهيا تتكلم……منعلممممممش انا ضباب مريت شي مات الراجل صح؟
مات !!
ضرار:يشوف لي الراجل وخلاص من الخوف بيغمى عليه حتى هوا…..انا الغبي عطيتك تسوقي انااا مفروض مزال وقتتت
الزززززح
ساره:طاحت ع الارض جنب الراجل وتبكي
ضرار:فتح كوفيني السياره وطلع منها مجرفه وقعد يحفر بهستيريا
يحفر ويحفر وساره تشوف كأنها تحلم !
قرب عليها ضرار وهوا يقول…..وربي لو منضتيش توا ودرتي معاي ماليا علاقه بيك ره!
انتي يلي ضربتيه شبابك كلللله بيضيع في الحبس نوووضي
ناضت ساره نجري تحفر بيديها وتبكي تبكي تبكي
اخر شي حطو الراجل في الحفره
ولما بدو يدفنو شافو ضي سياره جاي من بعيد
سيبو الراجل في الحفره بدون دفن وهربو
رفيدة:هيييي يابنت نكلم فيك؟؟
سارة:عقدت حواجبها….انا راسي واجعني من القرايه بطلي اسئله زي هاذي امي …ومشت
رفيدة:ما احرف من خوك الا انتي ربي يهديكم وخلاص الواحد شنو بيقول
_______________________________
الساعه3في الليل✨
كانت مريم مقعمزه في سريرها وتفكر!
تذكر في نفسها كيف من اول كلمتين حلوات من صدام ناضت لمعت الحوش ودارتله احلى عشي
وفوق من هاذا كله بعد ما تعشى لقاها تراجي فيه بكامل زينتها في غرفة النوم وخدي حقه الشرعي ثالث ومثلث!
سألت نفسها
هل رح يقعد يعامل فيها كويس هكي ديمه!
ولا اليوم بس لانها روحتله ورجعت بيتها؟
شافت يمينها وكان صدام راقد في عالم تاني
تأملت شكله❤️
قربت منه ولمست خده بأطراف يديها ✨
لكن اول ما حس عليها عطاها بضهره وكمل نومه👌🏻
__________________________
بتول:فتحت عيونها بنشاط بعد تعب ومرضه قويه
حاسه بي شي ثقيل شويه ع بطنها
ولما شافت لقاته سلطان❤️
راقد وراسه على بطنها من التعب✨
راقد وماسك في يده الفوطه متع الكمادات💕
ابتسمت وهيا حاطه يدها على شعره✨
خدت نفس وحاسه نفسها عرقاااانه وعرفت ان العرق هاذي بعدها بي اذن الله رح تشفى
والفضل طبعا يرجع لي سلطان بعد ربي سبحانه
بصوت تاعب ومبحوح وهزت يد رقيقه❤️
بتول:سلطان سلطااان
سلطان:ناض مخلوع وهوا يقول…..المضاد اي توا وقته
بتول:ضحكت على رد فعله اللطيفه💕…..نوض ارقد جنبي
سلطان:وعيونه معبيات نوم❤️….انتي كويسه؟
بتول:وهيا مبتسمه هزت راسها ….اي الحمد الله
سلطان:حك عيونه بعفوية وناض رقد جنبها✨
حضنها بيديه الزوز ورقدو نومه حلوه الاثنين ما عاشوهاش قبل✨
____________________________
ايات:منسجمة في المكالمه…..اي !
فاطمه:تأشرلها بمعنى افتحي الماااايك
ايات:فتحت المايك والاثنين يسمعو
أسماء:والله خالتي قتلك من البدايه يا ايات راهو لو تغلطو في شي بيصير هلبا حاجات اخي
اهو العمل انقلب عليكم
ايات:نوحي اناااا؟؟
نوحي مثلا وين نعلم ان جدي قاتل قبل او اشبح شنو مهبب
اسماء:المهم يا ايات الغلط غلطكم مش غلط خالتي
ايات:عصبت…..اسماء متهبلينيش انا عارفه
مجيتش قتلك خالتك غالطه قتلك نبي حلللل
اسما:تنهدت بي ملل…..اسمعي معليشي
انتي غبيه ماعندي ما نديرلك
المره الاولى درتيه في اميه لي ولد عمك هاذا يلي تبيه ياخدك ومشرباش
درتيه مرشوش وتخطاه حد تاني
واخر شي تبي خطيبته تباعد عليه درتيه غلط واهو ولا على اختك
مش مستعده كل مره نديرلك شي واضيعيه بي غبائك
اختك برو ارفعوها لي شيخ يحللها الازمه يلي هيا فيها
ولو لقيت حد ع باب حوشنا او الكلام طالع ع خالتي متلوميش غير نفسك …..وسكرت الخط
فاطمه:حاطه يدها على فمها ونهاااارت بي البكي
ايات:لوحت التالفون وهيا متعصبه والتوتر مالي عقلها
_________________________________
عزام:درس سيارته وفصل تالفونه من شحن السياره
نزل سكر باب الحوش البراني وقعد يدور يسكر في الابواب الجانبيه
خش للحوش وهوا تاعب سكر باب الحوش الداخلي وفتح ضي الصاله عشان يدير تشك قبل ما يركب داره
شاف مياسين راقده زي الميته
شعرها حايس جنبها بطريقه فوضويه اضحككك
ونومتها غريبه😂
رجل في تركينه ويد في تركينه
ابتسم للحضه بعدين على طول خفاها ورجع لطبيعه
قرب منها وهوا ينادي…..انتي يابنت نوضي ارقدي في الدار
مياسين:في عالم تاني
عزام:شاف يمين يسار وزاد كلمها….مياسييين
نوضي ندوي معاك
مياسين:لا اجابه…..
عزام:حط يده على راسها بيهزها عشان تنوض
لقي نفسه يمسح على شعرها واصابعه تشابك فيه✨
مياسين:اضايقت من حركة جنبها وفتحت عيونها
عزام:تراجع خطوات وهوا يحكي بجديات…..نوضي دار ساره معش تعاوديها وترقدي هنايا
مياسين:ناضت وهيا لابسه فردة شخشير وفرده لا مسكت بطانيتها يلي كانت اكبر منها وتمشي وشعرها حايس
عزام:خدتله قلبه وهيا بي المنضر هاذا❤️✨👌🏻
عفويتها وكيف مش فايقه ليه ابدا ومش عاطياته وجه خلاه ينشد ليها اكتر ✨
(خليها ديمه في راسك عمره الراجل مايفضل البنت يلي طايحه عليه ووقت ما يبيها يلقاها👌🏻
ديمه الراجل ينشد وينجذب للبنت يلي مره تشد معاه ومره ترخي
لان يحس نفسه في تحدي ولازم يفوز )
انفتح الباب بطريقه همجيه….وخشت مياسين والنوم معبيها
ساره:مقعمزه جنب كتاباتها…..مياسين شن صايرلك؟
مش معقوله راقده من المغرب لعند توا؟
مياسين:ترا ضمي عليا فمك انتي التانيه ….ولوحت نفسها ع السرير
ساره:وجعتها كيف كل مره تحاول تتقرب منها تصدها!
سكتت وكملت قرايتها
دقايق ومياسين ناضت من على السرير
خدت بطانيتها وطلعت من الدار
ساره:ناضت سكرت الباب وهيا تقول ربي يهدي
_________________________________
عزام:وقف وطبس يقيم في الصلايه ويطبق فيها
فجآه انفتح باب الدار
وخشت مياسيم وهيا تتكعبل في بطانيتها
مياسين:ساره نفختهم وانا بنرقد ….وارتمت على سريره
عزام:بعصبيه……تي شنو الوقاحه يلي انتي فيها هيا ثالث مره تخشي ترقدي طول احترمي نفسك وامشي شدي فراشك
مياسين:ساوت نفسها وغمضت عيونها….مش انت المسؤل عليا؟!
سكفمك امالا وتحمل مضربتكش على يديك انا
عزام:تعصب اكتر…..نوضي تمرقدي زيك زي بنات عمك تحركي
مياسين:مردتش
عزام:نكلم فيككككك
مياسين:تلاقي الخير
عزام:تنهد وهوا يشوفلها وسكر الباب وطلع ….
ثاني يوم✨🌤️
تغير الجو على الايام يلي فاتو💫
والشمس طلعت وكانت قويه شويه❤️
لكن النسمه البارده قاعده هيا هيا🌬️
زي هلبا علاقات وهلبا قلوب
مهما يتغير عليهم الحال يقعد اصلهم هوا هوا💕
بتول:قعمزت على سريرها وهيا تحرك في رقبتها يمين صار وشعور الراحه ماليها💕
نزلت من سريرها وهيا حاسه روحها تحسنت من المرضه
طلعت من غرفة النوم وشافت سلطان واقف على الطاوله ويحاول يجهز الفطور
منضره كان يضحك كيف مش عارف يخش ويطلع في روحه
😂😂
ابتسمت بتول وبدت كلامها معاه❤️
بتول:صباح الخير
سلطان:يقطع في الجبنه…..صباح الفل والياسمين انا وقت عليا اليوم العمل تعالي افطري ونعطيك الدوا قبل ما نطلع
بتول:قربت منه وحضناته وهيا تبتسم ❤️….صح انت بارد ودراه كبد ومتخلف
بس طيوب جديات صحيت ع كل شي امس
سلطان:ذاب من الحضن✨…..مسمعت شي انا الا طيوب
بتول:بعدت راسها وشافتله
ضحكت وضرباته بخفه على صدره….بارد😂❤️
سلطان:هيا الشاهي بيبرد
بتول:شافت لي السفره…..اوووه مشاء الله مشاء الله
____________________________
عزام:دار أخر لمساته لبس خاتمه ونزل وهوا يسكر في جاكيته
بدريه:صباح الخير وليدي الغالي ❤️
عزام:شاف لي مياسين يلي كانت مقعمزه تاكل وعيونها في التالفون….صباح النور
بدريه:بنبرة تقهر بيها في سلفاتها يلي كل وحده لاهيه في حاجه ….سلم ها الغزال ياربي ماجابه حد ❤️
سيد التريس وعمود العيله ربي يحفضك ويرزقك بي عروسه تليق بيك وبي مقامك واخلاقك
مياسين:ضحكت ونخنقت بي الخبزه وقعدت تكح
بدريه:شافتلها وقامت حاجبها…..شن في يضحك ضحكينا!
مياسين:شربت عصير وهيا كاتمه ضحكتها…..لا شي
بدريه:ادور في الشر……ادوي ادوي خيرك وليتي في كلامك
مياسين:مقامك صار؟
اما مقام واخلاق تحكي عليهم وهوا كان ما سبش خمسه مرات في اليوم ميعيشش
زكيه ورفيدة ماسكين نفسهم على الضحك بسييييف
عزام:احترمب نفسك واعرفي شن تقولي وكيف تتكلمي مع امي
مياسين:وقفت وهيا تاكل في التفاحه….والله انا مقلت شي
لكن جلالة الملكه الوالده هيا يلي شدتها جرتي احكي احكي
بدريه:اخر الزمان تجيني وحده متربيه في حبوس وتقييم تربيت ولدي
مياسين:بدت تمضغ ببطئ وتشوفلها ….رشقت الموس يلي كانت تقطع بيه في الطاوله وقالت وعيونها ثقه
مياسين:مدامك عارفتيها تربية حبوس حاولي تتباعدي عليا
لان كان عاملتك زي ما نعامل في صحابي غادي مشكله
وقتها لا يفيدك ولدك لا اخلاقه ….به ياااا مرت عمي!
وعطتها بضهر وجت راكبه
عزام:ساكت مصدوم فيها وفي اسلوبها
لكن فيقاته امه وهيا تقول …..مش سامعهاااااااااا انت كيف تهين فيا!!!!؟
عزام:لحقها وجبدها من يدها……شن صايرلك انتي ؟؟؟
شن الاسلوب هاذا
ضرار:وقف جنبهم….شن في!
مياسين: عيونها في عزام …..ايدك غادي لنكسرها
مش كان يومين فاتو سكتلك معناها خلاص !!!
لم امك من عليا خير ما نلمها في حفره في جنانكم
ضرار:اووووه😯
عزام:مسكها من شعرها……اقسم بالله مزال تتكلمي بي الاسلوب هاذا ننحرك
مياسين:ضحكت…..ع اساس النحر حاجه واو عندكم هنايا
ودفاته وهيا تلم في شعرها
في الحوش مخصكش فيا مدامني مش دايره شي من يلي متفقين فيه
زيد غادي انت واخلاقك …..ومشت
ضرار:يضحك بتسهويك وهوا يكتم في صوته…..عرق امها والحبوس بدي يطلع😂
قدامك طريق طوووويله باش تربيها الحمد الله يلي طلعت منها القصه هيا ناقص تقعد تمسح بيا الارض قدام امي والباقيين😂😂💔…..وطلع يجري
اما عزام قعد واقف دقايق يحاول يستوعب الشخصيه يلي كانت عليها قبل ايام
كبف هاديه وساكته وخاضعه!
وتوا كيف تحولت!
وهنايا بدات فهم ان مياسين مكانتش هاديه وساكته
كانت تستجمع في قوتها باش توريه الزنباع وين ينباع🤌🏻😂
_______________________________
مريم:حطت سفرة الغدي وكانت مدايره كسكسي بي البصلة ريحته تفحفح من بعيد 🫶🏻
ومدلعه الجو بي شوية سلاطه زي العسل ومشروب ❤️
قعمز صدام بياكل ومن كثر ما عجباته الريحة مسك يدين مريم وباسهم❤️
صدام:يسلمو يديك على الغدي المتكم هاذا👌🏻✨
مريم:نصدمت من اللقطه الحلوه يلي دارها💕
ورجعت احلامها ورديه من اول وجديد✨
ابتسمت في خجل وتغدت هيا وراجلها واول مره على سفرة غدي يفتح معاها موضوع وهدرزه
وكانت الارض مش شايلتها من الفرحه❤️
سلطان:كان مقعمز على الصالون ويلبس في كندرته
جت بتول هيا وروبها يلي زي البطانيه لابساته
قعمزت في حجره وحضناته
سلطان:يشوفلها وهوا مصدوم……خيرك!
بتول:اقعد اليوم متمشيش ….محتاجه حنان انا مريضونه🥲❤️
سلطان:حضنها❤️…..وربي لازم نمشي اليوم ضروري
عندي فلوس لازم نستلمهم وفي ناس تراجي فيا
بتول:بنكسد بروحي
سلطان:شن رايك تلبسي ونوفعك حوش بوي تكسدي مع البنات
بتول:هزت كتافها بمعنى لا
سلطان:نكلم صدام يجيب مريم من لما رجعت متلاقيتوش
بتول :شافتله…..يقول باهي؟!
سلطان:اكيد
بتول:به خلاص…..باساته على خده وناضت تجري تبدل في ملابسها
انا سلطان مسح بوتها وهوا يردد ….. ان شاء الله خير بس
جهاد:واقف قدام الحوش هوا وخوه خدتهم الهدرزه….ايواه ايواه
هاذا شنو بيبدا كل شويه يجي ولا كيف
مفتاح:خل يجي الحوش حوشه بالك الواحد يستفيد منه حاجه
شوف شوف العز كيف باين عليه ✨
جهاد:اخخخخ اي والله
نصر:السلام عليكم
جهاد:وعليكم السلام اهلا اهلا بولد خوي الغالي كيف حالك
نصر:ابتسم….بخير الحمد الله تمام
مفتاح:كيف الشغل ان شاء الله تمام
نصر:الحمد الله كويس
اءء جيت نشوف جدي قاعد ؟
جهاد:لا والله جدك معزوم الايام عادي في الزنتان مزال مش مروح
نصر:بملامح استغراب…..غاااادي!
مفتاح:اي والله جدك معارفه من كل مكان ره قريب حاى الصين عنده😅
نصر:ضحك….مشاء الله ربي يارك
مفتاح:الا قولي يا نصر ….شن تخدم
نصر:حط يديه في جيوبه….عندي شركة مواد غدائية ومجموعة محلات مأجرهم
جهاد:شاف لي خوه بي اعجاب….. مشاء الله مشاء الله وبي يبارك
مفتاح:ومن وين ليك هاذا كله خوي الله يرحمه كان منتف
جهاد:شاف لي مفتاح بنضرة غضب….تحشم باراجل شنو ها السؤال!
نصر:ضحك….عادي ياعمي خليه يسأل
الحمد الله كله من رزق امي ربي يرحمها وانا زدت اشتغلت من صغري عليه
جهاد:به ولدي ربي يباركلك
نصر:الله يسلمك
استمر مفناح وجهاد يهدرزو جنبه وهوا عيونه داخل الحوش
يحاول يشوف ممكن تلاقيه❤️
ممكن يشوفها ولو بلغلط
______________________________
ولأول مره تصير وصارت صدفةوبدون تخطيط!
تجمعو بنات العيله والكناين على تقعميزه وحده❤️
بتول:ههههههه ياحسرة والله ايام المراهقه
ساره:تمسح في عيونها من الضحك….بجد هكي كنتي اديري
بتول:وربي 😂
مع ان كنت ناكل في طرايح زمان هلى خاطر المكياج لكن منحكيلكمش معنديش الروح
ايات:زيني 😂
انا لما نطلع عزام نفاااخ يشدها في جرتي اغسلي اغسلي
تقول انا بس بنت عمه الوحيده
ساره:شافتلها بي استغراب لان مش مذكره ولا مره عزام قاللها هكي!
مريم:انا عكسكم زمان حتى الروج كنت نخاف نديره مستحيل
مياسين:ماسكه تالفونها ومش مدورتهم
واستمرت الهدرزه والضحك
ونسجمو مع بعض وحتى فاطمه وساره يلي كانو ضاربهم الاكتئاب انسجمو وضحكو
استمرت الهدرزه وموضوع يجيب موضوع لين وصلت لنقطه نعينه
بتول:والله زي ما نحكيلكم
ايات:كيف يعني ؟
علاش شنفت روحها معقوله ع خاطر موضوع تافه هكي!
مريم:اما موضوع تافه تقولك تحرش بيها عمها!!
يعني تخيلي اكيد خافت وكرهت عيشتها
بتول:اي يعني سبب اكيد شنقت روحها ع خاطره مسكينه والله كانت البنت هيا من اعز زميلاتي زمان
فاطمه:حكت بعفويه وهيا تضحك وقالت….زي هدى زمان قالت لو يتحرش بيا حد اقسم بالله نقتل روحي منتحملش😂😂
لحضة ادراك!!!!!!
وكل الموجودين خطرلهم نفس الشي!
سكتت فاطمه لما شافت الكل مصدوم!
ومياسين نزلت تالفونها وتشوفلهم بصدمه حتى هيا !
شن يلي صار!….
يتبع...
لقراءة الفصل الثاني عشر اضغط على : ( رواية مجرد كارثة الفصل الثاني عشر )
لقراءة باقي الفصول اضغط على : ( رواية مجرد كارثة )