القائمة الرئيسية

الصفحات

رواية مجرد كارثة الفصل الثاني عشر 12 بقلم أروى طاهر المسلاتي

رواية مجرد كارثة الحلقة الثانية عشر 12 بقلم أروى طاهر المسلاتي
رواية مجرد كارثة الجزء الثاني عشر 12 بقلم أروى طاهر المسلاتي
رواية مجرد كارثة البارت الثاني عشر 12 بقلم أروى طاهر المسلاتي
رواية مجرد كارثة الفصل الثاني عشر 12 بقلم أروى طاهر المسلاتي

رواية مجرد كارثة الفصل الثاني عشر 12 بقلم أروى طاهر المسلاتي

كل وحده روحت لي حوشها 
البعض منهم كان يتمنى يحكي يلي شافه!
واما الباقيين كانو غارقين في التفكير ؟!
____________________________
ايات:اماى قالتهولك الكلام هاذا هدى ؟!
فاطمه:تبدل في ملابسها ……. في عرس صدام وسلطان
قالتها 
ايات:يعني في حد متحرش بيها ولا كيف !
فاطمه:تجهز في سريرها….وين نعلم انا؟
وبعدين خلاص البنت ماتت وشبعت موت ميهمش السبب 
ايات:وهيا سارحه….حسب رايك توا لو كان يلي نفكرو فيه صح!
منو يكون معتدي عليها؟او حاول يتحرش بيها؟
فاطمه:انا مدخلي في حد سادني يلي فيا 
انتي ان شاء الله تكوني راضيه بس بعد يلي درتيه !
وفوق هادا كله عزام مشافلكش بربع عين 
ايات:فاطمه خلاص زودتيها قتلك انا من البدايه رح نلقالك حل 
ومفيش داعي تحكي معاي هكي لان حتى انتي راك تنسي يلي دايرتيه قبل ….
رقدت فاطمه وغطت نفسها بي البطانيه وبدو الدموع ينزلو 
وايات مش هامها حد غير الهدف يلي تسعى ليه من سنين..
______________________________
سلطان:يسكر في التوب ويشوف لي بتول….خيرك!
بتول:مقعمزه ضامه رجليها وماسكه كوب الكاكاو بيديها الزوز ….شي نفكر 
سلطان:قعمز جنبها…..والله!
كنت متأكد ان معندكش عقل تفكري بيه من وين طلع فجآه هكي 
بتول:ضحكت……مبردك
لكن في حاجات هكي الواحد يقعد يفكر ومش لاقيلها سبب
سلطان:زي شنو مثلا!
بتول:يعني مثلا زي هدى بنوته حلوه وصغيره وخطبها حب حياتها علاش انتحرت؟
سلطان:تغيرت ملامحه وكانت علامات الضيق والخوف واضحه عليه !
سلطان:البنت ماتت وحتى عضامها بلو خلاص سكري سريبها معش تخممي فيه فيها 
بتول:قامت حاجبها….بسم الله وانت خيرك هكي انقلبت!
سلطان:تنهد……نوضي ديريلي شي ناكله جعان 
بتول:احمد ربك ان حتى انا جعانه لان كنهاذا وربي ما راي مني حاجه 
سلطان:ضحك….به ياواعره به 💖
___________________________
مياسين:مقعمزة على سرير صالون في غرفة ساره وغارقه فيه✨….علاش متكلمتيش ومقلتي شي بخصوص هدى قدام البنات؟
ساره:سكرت الكتاب يلي قدامها….شن تبيني نقول يعني؟
انتي علاش مصره عليا انا بدات وتسحابيني نعرف شي ومنبيش نحكيه!
مياسين:لان جديات انتي تعرفي 
ساره:نفعلتتت….منعرفشششش
مياسين:وقفت وقربت منها ابتسمت ابتسامه خفيفه….انتي تعرفي كويس انا وين ومع منو تربيت ياساره 
يعني ريتي تقوليلي اهلا!
نعرفك علاش قلتيها وشنو قصدك بيها 
فـ بلاش كذب انتي تعرفي شي والشي يلي تعرفيه كبير بس ساكة 
وتو يجيك يوم وتحكي 
ساره:غيرت اتجاه عيونها طووول….لو سمحتي مياسين اطلعي برا بنقرا 
مياسين:اي ….اقري ليش لا 
زيدي حاولي تدفني روحك بي القرايه بالك تنسيك عذاب الضمير يلي تحسي بيه كل يوم 
ساره:شافتلها بصدمه وعيونها حمر 
مياسين:ببرود….براحتك 
وطلعت 
اللعب على الوتر الحساس💫✨
الطريقه هاذي اعتمدتها مياسين في اللعب على ساره
مياسين مكانتش تعرف ابدا لو كانت فعلا ساره مخبيه شي!
لكن الطريقه الصح يلي تخليها تتأكد هيا الاسلوب هاذا 
لما تحكي مع حد وتبينيله انك تعرفي هوا شنو دار وفي شنو غلط لكن بطريقة غير مباشرة!
وتحت الضغط بي الطريقه هاذي رح يعترف بروحه بروحه 
________________________________
صدام:يقطع في الخبزة بعنف ويخمس في طاجين الخضراء يلي قدامه وياكل 
انا مريم كانت تقيم فم وتقعد ساعه سارحه 
صدام:شرب الميه بدفعه وحده وشافلها….خيرك يامرا؟
سارحه مش موجوده بكل !
مريم:تحكي بعفويه….صار شي غريب بكل اليوم تعرف 
صدام:يمسح في فمه ….اي ؟شنو يلي صار؟
مريم:نهدرزو لا بينا لا علينا جونا مليح 
دوره جبنا سيرة بنية شفنت روحها زمان ع خاطر عمها تحرش بيها 
تخيل فاطمه بنت عمك شن قالت ؟
صدام:بهزوه وتعابير وجه ان راسه وجعه من الكلام….شن قالت؟
مريم:قالت ان هدى زمان قالت لو تحرش بيا حد نقتل روحي منقدرش نتحمل انا 
صدام:تغيرت ملامح وجها وضحكة الهزوه اختفت ✨
جي مكانها تعصب وتوتر وااااضح 
مريم:خيرك بسم الله لونك انخطف هكي ؟
صدام:مفيش داعي تجيبي سريب هدى من جديد 
ماتت وموضوعها تسكر خلاص 
مريم:انا ما قلت شي يلي صار…..
صدام:قاطعها…..قتلك خلاااااص مفيش داعي ينفتح السريب هاذا لا في حوش جدي ولا هنايا ولا حتى بيني وبينك 
مريم:خافت من تعصبه…..به خلاص اهدى شوي  
خلاص اسفه 
صدام:افففف….قيمي السفره من قدامي 
مريم:خلاص حاضر ….وناضت بسرعه 
اما صدام تنهد وقال في خاطره…..اياااااه علينا هوا الموضوع قاعد ينفتح لتوا !!
____________________________
مياسين:طقت مرتين وخشت 
عزام:مقعمز على الكرسي وعيونه في اللاب توب …
مياسين:به يلي لقيتك غريبه مروح بكري اليوم؟
عزام:نحى السماعات وشافلها من فوق لعند لوطه 
كانت لابسه سروال اسود فيه يستيك في اخره وشخشير وردي وتيشرت واسع وردي 
مياسين:خيرك تشوفلي هكي!
عزام:كيف تبيني نشوفلك بعد يلي درتيه اليوم مع امي ؟
احمدي ربك ان مكنتش فضيلك كنهاذا عرفت كيف نتصرف معاك 
مياسين:قاعد مدكر مسود قلبك؟
بعدين امك هيا يلي بدت تناشب مش اني والله😒
عزام:مهما كان تسكري فمك وتحترميها لانها اكبر منك 
مياسين:خلاص تمام ع خاطرك حاضر 
عزام:عقد حواجبه بي استغراب منها!…ومن الكلام الحلو يلي طلع منها 
مياسين:بوجه بريئ وعيون تلمع…..عزام في  شي نبيه 
عزام:تنهد بملل….قولي شن تبي واطلعي عندي خدمه 
مياسين:والله!
والخدمه هيا التفريج ع الكوره؟
عزام:شافلها بصدمه كيف عرفت؟لان مكانش فيه صوت اصلا 
مياسين:ضحكت واشرت على دولاب المرش يلي كان عاكس عليه 
عزام:ابتسم وفي خاطره يقول…ذكية الفرخه 
مياسين:توترت شويه….بكرا زياره و
عزام:قاطعها …..الفزمره قتلك الموضوع هاذا معش ينفتح 
امك تنسيها 
مياسين:كان في شوية حاجات نبي نشريها ولقيت الكرت متعي واقف 
نبي نمشي نحكي معاها باش تبعتلي المحامي متعها ويفعلهالي 
عزام:وقف وسكر اللاب توب …..قتلك لا 
كان في حاجه تبيها غضوا نرفعك خوديها
مياسين:اوك تمام …صحيت🫶🏻
وقف عزام دقايق يشوفلها وهوا مش فاهم!
الصبح مسحت فيه الارض هوا وامه قدام العيله كلهم
وتوا سمعت كلامه وتقبلت رفضه عادي !
ضرد الافكار يلي في راسه كلها 
مهما كانت المكان يلي متربيه فيه هيا في النهايه بنت 
وصغيره شنو اكبر شي ممكن اديره يعني !
عزام:اطلعي بري ارقدي ليل 
مياسين:گ العاده ساره تقرا في دارها ومتبينيش قالت بنشوش عليها 
عزام:عطاها بضهر ورجع كرسيه….انزلي الصاله ولا بري لي ايات وفاطمه 
مياسين:اكيد راقدين والصاله ضلام تخوف 
عزام:شن يلي تبيه يعني؟
مياسين:قربت منه وقعمزت على السرير…..يعني توا انت جديات ولي امري؟مش مفروض يكون جدي؟
عزام:يتفرج ع الكوره….اي انا 
لان جدك مدايرلي توكيل عام 
مياسين:عيونها لمعت….تت ت توكيل عام يعني 
يعني كل شي تقدر اديره؟
عزام:بدون اهتمام….اي 
مياسين:سكتت شويه….مفروض اني لازم نعرف وكيلي ولا؟
عزام:تنهد …..افففف عزام ولد عمك 
شن تبي تعرفي تاني ؟
مياسين:قداش عمرك🙃
عزام:رجع عيونه على المبارك 27
مياسين:مدت نفسها على السرير بي ارتياح….وشن فيك زايد ع خوتك باش جدك يديرلك توكيل؟
عزام:شافلها وجاوب وفي عيونه نضرة غرور…..لان الجو هاذا صاعب يقدروه 
التوكيل ميبيش واحد قلبه رهيف وعاقل 
يبي واحد قلبه حاااار وميوليش خطوه بكل 
مياسين:مجرم يعني!
عزام:جاوب بفخر….اي 
مياسين:تكلمت بدون مقدمات….يعني انت يلي قاتلها هدى؟
عزام:شافلها وهوا مصدوم!
مياسين:خليتها تنتحر صح ؟
ضغطت عليها؟ولا مكنتش تحبها وكنت تبيها هيا يلي ترفضك!
ولا…..
عزام:بردة فعل عنيفه……ضممممي فمك 
هدى مدخلكش فيها واخر مره نسمعك تتكلمي عليها 
اطلعي اقلبي وجهك من الدار 
مياسين:تغيرو ملامحها من وحده كانت تشوفله بنضره واعره وتحقق معاه لي نضرات بنت بريئه وقريب تبكي لانه كشخ عليها ….انا مقلت شي خيرك عليا انت!
يكفي ان قاعده بدون اي حد من اهلي ومحبوسه معنديش اي مكان نمشيله ولما نجي لي الشخص يلي بدي مسؤل عليا هكي تعاملني!
عزام:لما تتعلمي تسكري فمك تو تشوفي كيف يعاملوك الناس 
مياسين:ناضت من فوق السرير….فكت شعرها يلي طاح على ضهرها زي الحبل ✨
ورجعت لفاته…..اسفه اني جيتك تصبح ع خير 
مشت خطوات لعند الباب بعيون مدمعه 
عزام:وقف وهوا مش عارف كيف يتصرف 
للحضه انبه ضميره يلي كان ميت !….
مياسين:حطت يدها على مقبض الباب 
عزام:نادا عليها بدون عقل ….تعالي 
مياسين:قبل ما تتلفت….ضحكت بنضرة شر😈
يعني كل شي ماشي كيف ماتبي👌🏻
    🔥أروىى الطـــــــــــاهرالمــــــــســـــــــلاتـــــي🔥
🔥روايــــــات بنوتــــــــة الشيــــــــخ400الف عضو🔥
ثاني يوم🌤️
بدريه :تحكي  وفي صوتها نبرة استغراب …..عزاام؟
عزام ولدي نوض 
عزام:فتح عيونه ع طول وناض من نومه 
بدريه :بسم الله ولدي شن جيبك لي الصاله؟
خيرك مش راقد في دارك؟
عزام يحرك في رقبته بألم ….نت ضعيف شويه فوق نزلت نتفرج ع المبارة وخداني النوم 
بدريه :به نوض ياغالي لدارك بدل حوايجك وصحصح مابين وتيتلك احلى فطور 
عزام:ابتسم لي امه….يلسمو يديك 
بدريه :ابتسمت بخجل وبدت تدعيله زي كل صبح✨
_______________________________
سلطان:قعمز على المفرش يلي فرشاته بتول وبدي يفطر وهوا يحكي ع التالفون ❤️
صدام:يعني فهم يلي عندك مفيش داعي كل شويه فاتحين سريب هدى البنت ماتت خلاص 
سلطان:ياكل وميبيش يوضح قدام بتول….به  به
صدام:بوك اليوم مروح  بالله كلم البنات وامك يوتوبه مربوعته 
سلطان:ان شاء الله حاضر 
صدام:هي سلام توا 
سلطان:سكر الخط 
بتول:شافت لي التالفون ….سلطان 
سلطان:ياكل…عيونه 
بتول:خدت رشفه من العصير…..علاش ديمه نحس ان صدام متحكم فيك!
هوا في كل شي يقولك دير وهكي وقول هكي 
سلطان:جاته لحضة ادراك!
بتول:اسفه ع كلامي بس من يوم تزوجنا وانا نشوف فيك هكي!
سلطان:اءء انتي يتهيألك مش صح 
بتول:ابتسمت…..اي ياريت❤️
لان بجد احلى شي في الراجل لما تكون شخصيته بروحه 
وفاهم روحه شن يبي يعني ميتبعش حد
قراراته ياخدها بروحه وتكون شخصيته بروحه مستقله ع الناس كلها✨
سلطان…خذاته الذكريات ليوم دخوله💕
صدام:لابس البدله واعصابه تالفه منه…..فاهم عليا ولا؟
سلطان:يضحك لي ضحتبه ويحكي بهدوء 
به انت بدير العار لين تطلق منك بنت الناس باش تاخد البنت يلي مش موافق عليها جدك 
وانا علاش بنكره بنت الناس في عيشتها ونخرب زواجي؟
صدام:قام حاجبه….ع اساس انت راضي عليها البنت؟؟
مش من الاول تبي تتزوج بنت تحبك وتحبها؟
سلطان:ومصدفتش معاي ولقيت بنت هكي لين امك وجدك خطبولي 
صدام:طول عمري خوك مساندك معقوله ع خاطر مرا تخسرني؟
سلطان:خدي نفس ….ياودي حاضر 
حتى المسان اليوم مش ماسها خلاص 
صدام:ابتسم ….ايواه 
وصدقني يلي واعدتك بيه كله تاخده حاضر 
بتول:سلطان؟
سلطان:شاف لي بتول وعيونها💖
بتول:ضحكت….خيرك سرحان هكي زي البيبي؟😂
سلطان:بتول انتي تحبيني؟
بتول:استغربت من سؤاله!…..في الاول لا الحق😒
لكن توا انت راجلي وحبيبي وكل شي حلو في حياتي 
علاش منحبكش ؟
سلطان:سيب يلي في يديه وناض حضنها❤️
اما بتول كانت طول الوقت مش فاهمه شي !
_______________________________
صدام:يلبس في كندرته …..وباش تمشي حوش جدي تساعديهم 
نبي جدي يروح يلقى كل شي في مكانه نبي عليهم 
مريم:بدون اي تعبير وجه….حاضر
صدام:وقف وقرب منها….انتي العاقله الرزينه يلي معتمد عليك ره!
مريم:الابتسامه شقت وجها شق❤️
وبدت الضحكه من الوذن للوذن✨👌🏻
صدام:تمام؟
مريم:من عيوني ياتاج راسي❤️
صدام:ابتسملها وطلع 
طلع وخلى مريم فرحانه بي كلمتين قالهم صدام وهيا متعرفش شنو يلي يستنى فيها!
___________________________
مياسين:نزلت وكانت لابسه سروال جيز بيج وفانيلية رقبه قصيره بيضه 
وجاكيت فرو ابيض والوشاح البيج على كتافها 
قعمزت على سفرة الفطور وحطت شنطتها السواء على جنب قريبه من بوتيلها الاسود 
مياسين:صباح الخير….وبدت تفطر 
زكيه:مياسين حبيبتي 
انتي خلاص بديتي من اهل الحوش ومش غريبه لازم تتفاهمي مع البنات وتاخدي دور في الكوجينا ودور في الحوش وفي التطييب 
الحوش هاذا لينا كلنا ولازم كل حد يدير جهده….
مياسين:شافت لي عزام يلي مقعمز على الكرسي ويشرب في قهوته ….اي حاضر ليش لا
بدريه :شافت لي زكيه بي هزوه….سعدك قوي معاها يازكيه 
ديمه انتي يلي أعطيها الأوامر باش تسمع الكلام 
مياسين:له له ياعمتي رفيدة كلكم زي بعض عندي 
بدريه :ضحكت…..مشاء الله الادب 
باهي عزام رباك بين سوم وليله 
ساره:صباح الخير ….ماما مديلي طاسه 
زكيه:هاك بنتي 
ايات:ساره كلمي ضرار خليه يوصلنا في طريقه 
ساره:تصب في العصير….به 
عم الهدوء بينهم  وكل حد يفطر ولاهي في حاله 
مياسين:عزام غير فراش سريرك بجد مرتحتش امس تحسه يابس هلبا ولا كيف معش نقدر نرقد عليه 
صدمه✨
كلهم شافو لي عزام وجميع التفكير الغلط جي في دماغهم!
مياسين:كملت اكلها كأن مفي شي صار 
عزام:شني شني تشبحولي؟
ساره:تقرا والبنت معندهاش وين ترقد 
عطيتها الدار ورقدت في الصاله 
ايات:مصدومه وتشوف لي اختها 
انا ساره ضحكت بهدوء وطلعت 
وبدريه تشوف لي سلفتها رفيده وهيا بتتفجرررر 
________________________________
الساعه2الضهر:-
ساره:ركبت السيارة وعلى طول وجهت راسها لي الروشن 
ضرار:مفهمتش امتى بترجعي زي قبل!
راك زودتيها بكل 
ساره:ضرار روح بيا وانت ساكت لان حتى صوتك مش قادره نسمعه تربح 
ضرار:مكانش بقصدي 
خلااااص موضوع ليه قريب 5شهور انا الغلط مني عطيتك السياره ومعرفتش كيف نتصرف وقتها 
ساره:شافت لي ضرار وعيونها معبيات دموع ….ويلي درته في هدى؟
حتى هوا مكانش بقصدك؟
________________________________
عزام:نزل من السياره ويشرف لي صفة محلات الملابس والمكياج والعطور يلي كانت قدامه…..شنو يلي ناقصك بتاخديه 
مياسين:وهيا مبتسمه وفرحانه…..دار نوم ☺️
عزام:شافلها بصدمه….نعم !
مياسين:اي ☺️حناك ماتت وجدك طوول وقته في المربوعه 
والدار عاجبتني قداش ليها 
ومقابله دارك يعني نبي حاجه نجيك طول 🥺
عزام:لالالا
مياسين:ونبببببي
عزام:قلت لا يعني لا 
    🔥 يوميات بنوتــــــــة شيــــــــخ  🔥
مريم:هههههههه وربي انتي فضيعه 
بتول :تخلط في السكر داخل بكرج القهوه ….حاله تعرفي 
بدريه:شنو ياكناين القهره فتحتولي ميعاد في المطبخ ؟!
بتول:اخ يا ميرو لو القتل الحلال وحق ربي اول من وحده يلي تنادي توا ووراها سلفاتها 
مريم:تجهز في السفره…..نسحابك بتقولي ولدها
بتول:عيونها بدو قلوب….انلا ولدها مولي سموح وكيوت معايا🫶🏻😭
مريم:تنهدت بحب….حتى انا بجد يجنن كيف بدي حنين ❤️
ساره:خشت للحوش وركبت بسرعه غرفتها وحاولت تخفي عيونها عليهم كلهم كانو مقعمزين✨
بدريه:بصراحه بنتك بدت قليلة ادب بشكل ع الاقل تطلق السلام !
رفيده:بنتي مضغوطه من القرايا وسادها يلي فيها 
بدريه:عشنا وشفنا وخلاص 😒
مياسين:السلام عليكم ☺️
رجب:وعليكم السلام اهلا اهلا 
عزام:خش وعلى طول سلم على جده وحضنه
بدريه:وين كنتو؟
عزام:كن…
مياسين:عزام شرالي غرفة نوم☺️
بدريه:شافت لي عزام …..كيف!؟
قاطع سؤال بدريه طيحة مريم بسفرة القهوة ونحرقت 
كلهم ناضو بسرررعه عليهم وبتول جتها تجري خايفه عليها
صدام:غبيه انتتتتتي ولا حماره ؟
متهنيش ع سفرة بين يديك هكي؟؟
بتول:البنت مش قاصده خيرك معاها !
سلطان:ضمي فمك انتي معش تردي مدخلكش بين الراجل ومرته 
صدمه!✨
مريم وبتول انمسح بكرامتهم الارض قدام عيله تامه!
كيف رجالتهم تغيرو هكي ؟!
في لحضات 
يعني في الحوش شكل وقدام العيله شكل!!!
وقفو عياطهم على صوت جدهم وهوا يقول 
رجب:خلاص حصل خير حصل خير 
بتول:مسكت مريم وناضت تساير فيها شوي شوي 
مياسين:مشاء الله عمتي زكيه 
شنطك معبيه ذهب الله يبارك اغلبيته كانت حناي لابساته
شريتيه منها؟
انخطف لون زكيه وكل العيون جت عليها !!!!
انسحبت منهم مياسين بهدوء تان وخلتهم عيله تتخابط في بعض ….
ثواني ورجعت بتول خشتلهم غوله وفي يدها غربال 
خشت عليهم وتبي توري راجلها حجمه قدام اماليه وتوريه الزنباع وين ينباع👌🏻
يتبع...
لقراءة الفصل الثالث عشر اضغط على : ( رواية مجرد كارثة الفصل الثالث عشر )
لقراءة باقي الفصول اضغط على : ( رواية مجرد كارثة )
reaction:

تعليقات

4 تعليقات
إرسال تعليق

إرسال تعليق

ستصدر قريبًا على مدونة يوتوبيا رواية المتداول التي تم طلبها مِنا كثيرًا وهي أول رواية مصرية تدور أحداثها حول تداول الـ فوركس والعملات ستتعلم من خلالها تداول العملات بأقل خسائر مُمكنه وكيف يُمكنك الربح من خلال شراء وبيع العقارات رواية بإمكانها تعليمك كيفية الربح من تداول الذهب والعملات والفوركس كيف يُمكن لشخصًا في بداية حياته مثل (عيسى) في الرواية أن يُحقق ثروة مالية كبيرة فى مدة قصيرة.