القائمة الرئيسية

الصفحات

رواية ملاكي الخائف الفصل التاسع والعشرون 29 بقلم دعاء أحمد

رواية ملاكي الخائف الحلقة التاسعة والعشرون 29 بقلم دعاء أحمد 

رواية ملاكي الخائف الجزء التاسع والعشرون 29 بقلم دعاء أحمد

رواية ملاكي الخائف اليارت التاسع والعشرون 29 بقلم دعاء أحمد

رواية ملاكي الخائف الفصل التاسع والعشرون 29 بقلم دعاء أحمد

رواية ملاكي الخائف الفصل التاسع والعشرون 29 بقلم دعاء أحمد

سلمي:اي اللي بيحصل هنا دا؟؟؟ 
وريث بعد عن لارين وبص لسلمى بهدوء
وريث:سلمي اي اللي جابك من القاهره غريبه يعني... حصل حاجه في الشغل؟
سلمي وهي بتبص ل لارين:ايه مكنتش عايزني اجي يا وريث بيه..... مش المفروض خطيبي
وريث:تمام يا سلمى... عايزه اي دلوقتي 
سلمي:في ورق تبع الصفقه بتاع المانيا لازم تمضيه النهارده
وريث:تعالي ورايا على المكتب
سلمي بنظرات استحقار ل لارين :اوكي
الاتنين خرجوا وفضلت لارين واقفه بتبص على الكوبايه اللي انك"سرت... مسحت دموعها و نزلت تلم الازاز
سعاد:في اي. 
لارين:انا اسفه انك"سرت مني 
سعاد:ولا يهمك الست كوثر مش بتقول حاجه بس خالي بالك بعد كدا
لارين:حاضر انا هاخدها الفطار دلوقتي 
اخدت الصنيه وطلعت على الجنينه
فارس بمشاكسه:صباح الجمال
لارين بجديه:صباح الخير 
فارس :احم شكلي دخلت الغلط المهم انا فارس الجنزوري اخو وريث و بدرس في كليه اداره اعمال
لارين:اهلا بيك
فارس:اعتبريني اخوكي لو احتاجت اي حاجه انا موجود 
لارين:متشكره جدا بعد اذنك
فارس :اي رايك نخرج سوا 
لارين:افندم؟؟ 
فارس:انا اقصد يعني افرجك على البلد المكان هنا جميل اوي و شكلك اول مره تيجي الشرقيه 
لارين:فعلا عمري ما جيت الشرقيه و بصراحه كنت خايفه اول ما نزلت البلد
فارس:لأنك نزلتي في الناحيه الغربيه إنما بقى البلد جميله جدا الكافيهات و في مولات و ملاهي و مصنع العيله و السوق المكان هنا تحفه
لارين:معليش انا مش حابه اختلطت بحد
مدام كوثر:صباح الخير يا ولاد 
:صباح النور 
لارين:فطار حضرتك عشان معاد الدوا
مدام كوثر:هي سلمي هنا.؟؟ سامعه صوت عربيه من شويه
لارين:هي مين دي؟ اسفه لو أدخلت بس عندي فضول... اصل استغربت نظراتها ليا
فارس:دي سلمي هانم الله يخربيتها
مدام كوثر:ولد احترم نفسك
فارس :انتي عارفه ان وريث مش بيحبها و هو هيخطبها عشان الشغل المشترك.... يارب يفوق قبل ما يتجوزها بدل ما يبقى غبي
وريث من وراه بغضب :هو مين دا اللي غبي يالا
فارس بارتباك:انا طبعا
وريث بصله بغيظ و رجع بص ل لارين اللي واقفه متجاهله النظر له
سلمي وهي بتمسك في ايديه :احنا حددنا معاد الخطوبه يا جماعه ليله راس السنه يعني كمان كم يوم
مدام كوثر:مبروك يا حبيبي... مبروك يا سلمي
لارين:دوا حضرتك.... 
مدام كوثر بضيق :تعالي نقعد في الصالون ماليش نفس افطر هنا
لارين بتحرك الكرسي و بتدخل الصالون
سلمي:هي والدتك متضايقه ولا اي يا وريث 
وريث:مالكيش دعوه بيها وخليكي بعيد عن امي يا سلمى اظن فاهمه
سلمي بتوتر:حاضر 
بعد مده 
لارين واقفه في الجنينه وهي بتتفرج على جناين الفاكهه
وريث:تحبي تخرجي 
لارين:ها؟ 
وريث:تخرجي.... افرجك على البلد
لارين:لا متشكره
وريث بامر:ياله بينا
لارين بصتله باستغراب و خرجت وراه
بعد شويه 
كانت ركبه معه في عربيته وهي بتتفرج على كل حاجه و هي سرحانه
ودا اللي لافت انتباه وريث ليها
....................... 
في البدو
أسد كان بيبص لنسمه باعجاب مش قادر يخبيه و خصوصا شكلها بالبس البدوي
أسد :نسمه لازم نرجع مرسي علم دلوقتي 
نسمه :حاضر 
كانت بتحاول تقوم لان جرح رجليها لسه ملمش 
أسد شالها وهي لفت ايديها حوالين رقبته راح ناحية العربيه ركبها ورجع سلم على الشيخ سالم وودعهم
في العربيه
نسمه :سرحان في اي؟ 
أسد بابتسامه :متشغليش بالك.... بس انتي متأكده انهم كانوا عايزين تالين
نسمه :ايوه طبعا الراجل دا كان بيشدها مني و انا صر"خت ضر"بني وبعد كدا مش فاكره حاجه 
اسد بتفكيز:معقول تكون هي.... بالحقا"ره دي.... حسابك تقل يا لورا
نسمه:لورا 
اسد:متخافيش المهم انك تبقى كويسه عشان بعد المهمه اللي شغال فيها محضرلك مفاجأه اتمنى تعجبك... بس لازم تكوني كويسه
أنهى كلماته بغمزه شقاوه وابتسامه زادت من وسامته
نسمه بصتله باستغراب و رجعت بصت للشباك 
بعد كم ساعه
أسد وصل الاوتيل و طلع وهو شايل نسمه اللي بلبس البدوي وكانوا ملفتين للانظار
دخل الجناح بتاعهم....
أسد طلع السلسله بتاعه نسمه من جيبه و لابسها لها 
نسمه :كنت خايفه ملقيهاش
أسد بأس راسها و مسك ايديها بحنان :خالي بالك على نفسك دايما وخليكي واثقه اني معاكي و لو بعدت اعرفي اني هرجع... اوعي تصدقي اي حد... فاهمني
نسمه بخوف:ليه بتقول كدا
اسد :بكرا تفهمي.... تحبي اعملك حاجه قبل ما امشي؟ 
نسمه :انا عايزه تالين... لو سمحت
اسد :حاضر هجيبها لك.....
خرج و راح ل لورا اخد تالين اللي كانت بتعيط وبترتعش و هي خايفه
أسد شالها وخرج من الجناح
اسد:لورا انا مش غبي.... و خطتك دي فاشله.... عشان انا عمري ما هرجعلك و اللي عملتيه في نسمه وتالين هدفعك تمنه غالي اوي
لورا بارتباك:عملت؟ عملت اي يعني
اسد مسك شعرها بايديه التانيه وهو لسه شايل تالين:ممكن اسمحك على اي حاجه الا تالين يا لورا... فاكره انك لمآ تخط"فيها و تخليني اشوف نسمه مهمله.... اني ممكن كدا اسيبها......
اهي خطتك فشلت و نسمه كانت بتحمي تالين..... نفسي افهم اني مخلوقه من اي في ام بالجبروت دا.... بتخطفي بنتك.... ههه انا لو فيها موتى يا لورا مش هرجع لواحده ممكن تعرض حياه بنتي للخطر عشان مجرد هوس..... واه صحيح انا مش بسيب حقي وانتي عارفه دا كويس شاو .... بس هتشوفيني تاني وخافي على نفسك
قال كلماته وهو بيخرج من الجناح و بيروح لنسمه
تالين اول ما شفتها سابت أسد وجريت عليها وهي بتعيط
نسمه :هههههششش خالص متزعليش انا معاكي دلوقتي
تالين:انتي كويثه؟
نسمه :انا كويسه ياستي.... انت يا ولد عايزين برجر و بطاطس وكوكاكولا
اسد:دا اللي هو انا الولد دا
نسمه :هو في حد غيرك
اسد:اخدتي عليا اوي بس وماله هطلب اكل
بعد مده طويله
أسد واقف و جواه نا"ر وهو شايف الياس الشاهد الوحيد على الخا"ين اللي اتسبب في مو"ت اهله
عز:أسد اهدى لو سمحت.... احنا هنفضل وراه
اسد:الياس و كارولين ميغبوش عن عنيكم وانا هدخل اكمل مهمتي
عز:تمام
بتظهر بنت في بدايه التلاتينات خارجه من الاوتيل مع الياس و بتكون هي كارولين
في ممر الاوتيل
أسد بيفتح باب اوضه الياس و بيدخلها بيركب كاميرات صغيره جدا جدا في كل زاويه في أماكن محدش يقدر يشوفها و خصوصا انها أصغر كاميرات اتصنعت لحد دلوقتي
دخل اوضه كارولين وعمل نفس الشي
عند عدنان
فتح اوضه تيا لقها نامت ولسه بتعيط و هي ماسكه الموبيل بتتفرج على الفيديو كأنها مش مصدقه ان اللي في فيديو دي هي.... او بتحاول تفتكر ازاي هي عملت كدا
عدنان :ليه ليه انتي بالذات... فيكي اي مميز...... بس اللي هيحصل الفتره الجايه انتي السبب فيه...... كل واحد غلط هيتحاسب وانتي اول واحده هتحسبي على المشاريب
و قرب منها وهمس بكلام لكن هي كانت نايمه
عدنان سابها مكانها ودخل اخد شاور و نام وهي لسه على الأرض و بتعيط
عند اسد
أسد :في معلومه وصلت من سيف في تركيا بيحددوا معاد الانف"جار
عز :امتى؟
اسد:ليله راس السنه..... المشكله انها كمان كم يوم ولحد  دلوقتي معرفنش المكان اللي هيحصل فيه
عز:كارولين لسه تحت عنينا لكن مفيش اي معلومه بنقدر نوصلها...لانها ذكيه جدا
اسد :الناس اللي برا هما اللي معهم المعلومات الكافيه.... و هما اكيد هيدخلوا السلا"ح في نفس اليوم اللي هيحصل فيه الانف"جار......اللي هو راس السنه
كدا محتاجين نعرف المكان اللي هيف"جروه و مكان تسليم السلا"ح.... لازم نكون قريبين كدا من كارولين... لأنها الوحيده في مصر اللي تعرف كل الخطط بتاعت الناس اللي برا 
في مناسبات هتحصل ليله راس السنه
عز :نهار ابوهم اس" ود........ 
اسد: اخيرا فهمتني....... انا لازم امشي دلوقتي.... وبكرا عايز اجتماع لكل الفريق
عز بسرعه:تمشي فين انت مجنون الاداره لازم تعرف اللي انت بتقوله دا
أسد ببرود:سلام.... خالي في علمك ان لو على مو"تي مش هسمح انه يحصل 
خرج من الاداره و طلع على اتيليه خاص بفساتين العرايس 
بعد مده 
كان واقف أدام فستان ابيض شيك جدا 
بنت:تحب اساعدك في حاجه يا فندم
اسد :لا شكرا بس كنت بشوف الكوليكشن الموجود لان بجهز لفرحي و حابب انا اللي اختارلها الفستان
البنت:واضح ان حضرتك بتحبها مش كتير كدا الايام دي
اسد بتنهيده:لو ليا عمر هيكون دا فستان الفرح....... 
ترى؟ هل ينصر العشق ام ان القدر سيلعب دوره الخاص؟؟ 
لنري....... 
يتبع...
لقراءة الفصل الثلاثون اضغط على : ( رواية ملاكي الخائف الفصل الثلاثون )
لقراءة باقي الفصول اضغط على : (رواية ملاكي الخائف)
reaction:

تعليقات

تعليقان (2)
إرسال تعليق

إرسال تعليق