القائمة الرئيسية

الصفحات

رواية خطيئة العشق الفصل الرابع 4 بقلم سولييه نصار

 رواية خطيئة العشق الحلقة الرابعة 4 بقلم سولييه نصار

رواية خطيئة العشق الجزء الرابع 4 بقلم سولييه نصار

رواية خطيئة العشق البارت الرابع 4 بقلم سولييه نصار

رواية خطيئة العشق الفصل الرابع 4 بقلم سولييه نصار

رواية خطيئة العشق الفصل الرابع 4 بقلم سولييه نصار

-ازاي دكتور يغلط غلط زي كده يا اسامة ...ده ضي*عني يا اسامة ...
بصلي أسامة وقال:
-لا يا روفيدة ..ده مش غلط ده كان قاصد يش*وه صورتك ...حد قاصد يب*وظ حياتك ...
بصيت لأسامة وانا ببكي وقولت :
-بس مين ...مين يا اسامة يجيله قلب يبو*ظ جوازي وحياتي ...مين بيكره*ني بالشكل ده يا تري ...أنا مش فاهمة ...
-انا شا*كك في حد ..
-مين ؟!!
قولتها بسرعة ...
بصلي أسامة بتوتر وقال:
-يفضل مقولش وزي ما قولتلك شاك*ك مش متاكد مين اللي عمل كده ...
فجأة خطر علي بالي حد ...حد ليه مصلحة في كده واظن أن أسامة كمان بيتكلم عن نفس الحد ده ...بصتله وقولت:
-والحد ده يبقي حماتي صح ...
-معرفش يا روفيدة  ..أنا مش حابب اظلم*ها ...بس انا فاكر إن كان فيه مشاكل بينكم ...
بصيت لأسامة بتفكير ...افتكرت كل اللي حماتي عملته معايا ...دي كانت عايزة تب*وظ الجواز بأي شكل من الأشكال ...عملت معايا خناقات كتير ...كانت بتكر*هني من غير سبب ...لحد ما في يوم عرفت من نزار أنها كانت عايزة تجوزه رحمة بنت اخوها ...عشان كده مكانتش طايقاني.  ...حاولت كتير اقرب منها وتخليها تحبني ...حاولت تخليها تغير وجهة نظرها عني بس فشلت ...كانت مش طايقاني وقالتها في وشي انها مش راضية عن نزار لانه هيتجوزني ...بدات اتاكد أنها اللي عملت كده ...هي الوحيدة اللي هتستفاد أنها تد*مر حياتي بالشكل ده ...
لسه همشي ...أسامة مسك أيدي وقال :
-استني رايحة فين ؟!
-رايحة ارمي الملف اللي هيثبت براءتي في وش نزار واقوله علي اللي عملته أمه ...هوريه الوش الحقيقي ليها ...دي شيطا*نة يا اسامة
مسك أسامة أيدي وقال:
-بطلي جنان يا روفيدة .. قولتلك مش متأكد ...مش هنظل*م الست وخلاص ...
-بس أنا متأكدة ...
-معندناش دليل 
زقيته وانا بقول بغ*ضب :
-مش مهم أنا هقوله صدق ماشي ومصدقش أن شالله عنه ما صدق يا اسامة كده كده انا مبقتش عايزاه ...
وبعدين سبت أسامة ومشيت وهو بينده عليا ...كنت غضب*انة اووي حاسة أن برك*ان بينف*جر جوايا  ...أنا معملتش حاجة وحشة معاها عشان تدم*رني بالشكل ده .. 
.....
وقفت قدام بيتها وانا بتنفس بصعوبة ...كنت ماسكة الملف يإيدي.  .خبطت جامد لحد ما هي فتحتلي.   من غير كلام رميت الملف في وشها وانا بزعق:
-عملتيها يا مروة وبو*ظتي حياتي ...
زقيتها ودخلت بيتها ولسه هتكلم ...جه نزار بسرعة ومسك أيدي وقال:
-انتي جيتي هنا تاني ليه ؟!!
شيلت الملف من الأرض واديتهولي وقولت:
-اتفضل اهو دليل براءتي اهو أنا مطلعتش حامل وكمان لسه بنت ...امك المحترمة هي اكيد اللي رشت الدكتور عشان يبو*ظ جوازتي منك ...
-ايه ده يا بت انتي ...انتي بتتبلي عليا ازاي كده 
مسك نزار الملف.و فتحه  ولقي كلامي صحيح. ..بصتلي ببرود وقال:
-وانا اعرف من فين أن الملف ده مش مزور ...انتي جاية تتبلي علي أمي وخلاص ...أمي متعملش كده ابدا 
عيوني دمعت وقولت:
-انا عملت اللي عليا. بلغتك ...وكده كده مستحيل ارجعلك حتي لو صدقتني فبراحتك ...
اخدت الملف منه ومشيت .....عرفت أن نزار ميستحقنيش بس ده غلطي اني مشوفتش اللي حبني بجد وهو أسامة 
...
بص نزار لامه وقال:
-انا هدور علي الموضوع ده ولو لقيت ليكي يد يا امي هقا*طعك مدي الحياة!.
.....
-انت مجنون ...عايز تب*وظ حياتي  ..ازاي اكدب واقول اخدت رش*وة من ام نزار  وانا اخدتها منك عشان ازو*ر حمل روفيدة ...كده انا هتطرد من النقابة 
-فكر في الفلوس اللي هديهالك يا دوك ...روفيدة لازم تبقي ملكي ...
قالها أسامة بتصميم!!!
يتبع...
لقراءة الفصل الخامس اضغط علي (رواية خطيئة العشق الفصل الخامس)
لقراءة باقي الفصول اضغط علي (رواية خطيئة العشق)
reaction:

تعليقات