رواية حرب الملايكة الجزء الرابع عشر 14 بقلم أروى طاهر المسلاتي
رواية حرب الملايكة الحلقة الرابعة عشر 14 بقلم أروى طاهر المسلاتي
رواية حرب الملايكة البارت الرابع عشر 14 بقلم أروى طاهر المسلاتي
 |
| رواية حرب الملايكة الفصل الرابع عشر 14 بقلم أروى طاهر المسلاتي |
رواية حرب الملايكة الفصل الرابع عشر 14 بقلم أروى طاهر المسلاتي
سكرت ليان تالفونها وشافت لي ادي وبصوت عالي قالت......خلاص عدي فهمت انك اسف لانك عيطت عليا قدامهم
واني طالعه حلوه بي الابيض اليوم ياسر صرعتني بي مسجات الماسنجر متعك قريب نديرلك بلوك!
توجهت نضرات العيله كلللللها على عدي مصدومين
عدي:يشوف لي نضراتهم المصدومه ومش عارف شنو يرد وشن يقول؟؟
ليان:كملت تاكل وهيا تشوفله بنضرات شماته قدامهم
عدي:استوعب يلي صار !
حس بي الحرج قدامهم وانهم خلاص صدقو ليان وطلع قدامهم بمنضر اخي هلبا
عقد حواجبه ووقف....شن تنبحي انتي شنو الكلام هوا ؟!
ليان:شافتلهم كلهم واستنتهم لين يشبحولها في صمت .....ابتسمت بي توتر
كنت نبصر خيرك ....وغمزتله
ساره:شافت لي ناهد وحاطه يدها ع فمها ادرق في ضحكتها 🤭
ناهد:حطت يدها على رقبتها وتحاول تبين انه عادي وطبيعي
جيداء:ضحكت بهدوء....هي ياجماعه ذوقو الخبزه درتها بي الخضره المره هاذي
نجيب :فهم كويس ان مرته حبت تتكلم باش تغير الجو
ليلى:تشوف من تحت لي تحت لي ليان ...تسلم يدك
مروان:قداش خاطري في خبزة الدشيشه والله
ليلى:تاكل....من عيوني نديرهولك نشربو بيها الشاهي في الليل
عدي:رغم ان بدو يهدرزو عشان ينسو الموضوع يلي صار بس هوا قاعده نضراته على ليان
ليان:بصوت هادي على اساس رغم ان سمعه الكل ....خلاص اسفه نسيت دويت قدامهم بس انت عصبتني 😌
عدي:قام الفوطه يلي كانت على رجليه وحطها ع الطاوله بخبطه قويه خلت الكل يشوفله
وسيبهم وركب
ليان:شبحتله وهوا راكب من الدروج بنضرة شر😈
مريم:خيرك يابنت عليه؟؟
هكي توقفيله اللقمه في حلقه ولدي مسكين متهناش بغداه ؟؟؟
ليان:طبست عليها.....توا ولدك لان سكنك في حوشه؟
ناسيه شنو كنتي اديري فيه زمان ولا نذكرك ياحناي !؟
مريم:غصت بي الاكل وبدت تكححح
ليان:شربت العصير في مره وحده وناضت من جنبهم
_________________________________
سكرت منى الباب ويديها يرجفو عقلها مش مستوعب شنو دارت ولا حتى كيف كذبت وعلاش !
سمعت نادر يلي بدي يحكي في قصته الطويله
اختصرها في 3 دقايق بس
نادر:شافلها وكل حكاية قاله في دقيقه.....خطبت وحده 7 مرات ورفضوني
لما خلاص هربنا مع بعض توفت في حادث ع الباص يلي كنا فيه وهاذم اهلها
انسي انك شفتيني ولا حتى سمعتي حرف مني
منى:مصدومه تشوفله ومقدرتش ترد!
ملحقتش منى حتى انها تحكي ولا تقول شي !
قعدت واقفه متجمده في مكانها وعيونها ع الحيط بس وساكته
اما نادر طلع وسكر الباب بسرعه ...
خشة نادر وطلعته محدش حس بيها الا شخص واحد
كان مراقب كويس خشته لي شقة منى وطلعته
والشخص هاذا كان جارتهم يلي في الدور الثاني
وكان اسمها (وفاء)
من يوم يلي سكن نادر وهيا عينها عليه ومش قادره تخليه دقيقه بدون ما تراقبه !
خش الشك قلبها وتأكدت ان في شي بينه وبين منى
وان فرصتها بدت اضيع من بين يديها
__________________________________
انفتح الباب بقوه لين رده الحيط :-
ليان:تلفتت بفزع
عدي:شنو العار يلي درتيه لوطه؟!
ليان:ابتسمت والتوتر ماليها .....وحده بوحده ولا عابي عليا نسكتلك ؟!
عدي:عقد حواجبه وهوا يقرب وهيا تباعد....شنو غيرك؟
فهميني شن خلاك هكي!
ليان:تباعد لين حست بي الدولاب ورا ضهرها !...شن قصدك؟!
انا لا تغيرت لاشي عيطت عليا قدامهم ورديتهولك بطريقه تانيه
عدي:حط يده جنبها وقرب منها....متخلينيش نكرهك ليان!
انتي الوحيده يلي في الحوش هاذا ممكن نرحمك شويه !
ليان:تغيرت نضرتها من حاده لي خوف ....شن قصدك؟
عدي:مش ضروري تفهمي قصدي
لكن افهمي كويس المكانه يلي انتي فيها
فيه امل نرحمك شويه ومتخربيش على روحك بي التصرفات هيا !
قاعد انبه فيك
ليان:حست ان عدي في وراه شي .....الوحيده في الحوش هاذا ممكن نرحمك شويه؟!
يعني الباقي شنو يصير فيهم؟
جت في بالي طووول صالحه ونوري كيف لزهم من الحوش بين يوم وليله وقعدو بدون مكان يأويهم؟!
عدي:رجع خطوات للخلف وعيونه قاعده عليها....كلامي امشي بيه يلي قلته
وخلي احتمال ان نرحمك يزيد يكبر
ليان:شن قصدك؟
ادوي مدامك راجل علاش قاعد تلمح لي شي مش مفهوم؟؟؟
عدي:وقف قدام الباب....الباين انك مصره اضيعي الفرصه يلي قدامك
يالله امورك اهم شي انا نبهتك....وطلع وسيبها
ليان:سكرت الباب بي المفتاح بعده طوول
اتكت ع الباب وهيا تحاول تفهم وتلاقي تفسير لي كلامه لكن بدون اي فايده!
______________________________
رسايل ع الواتس كانت تنبعت وع طول يرد عليها!
ضياء:غضوا عندك امتحان كملي قرايتك والساعه11تكًوني راقده
نلقاك اون لاين بعد الساعه11نتفاهم معاك
ناهد؛به
ضياء:عقد حواجبه بي استغراب ....به هكي بدون عناد؟
ناهد:اي
ضياء:قربيلي من الروشن نشوفك
ناهد:متغطيه في سريري مخاطريش انوض
ضياء:تحررركي اطلعي
ناهد:ناضت من مكانها واتجت لي الروشن
ضياء كان مدرس سيارته ومتكي عليها يراجي في عدي
قام عيونه فوق وشافها
كانو عيونها منفوخات واضح انها باكيه 💔
ضياء:كنتي تبكي؟
ناهد:مدخلكش في شنو يهمك؟
ضياء:علاش بكيتي ؟!
شن صاير معاك
ناهد:هه رافعني لي مكان الله اعلم متع منو ومسمعني كلام زي السم وتسأل فيا علاش نبكي ؟!
ضياء:سكر التالفون وقام عيونه يشوفلها ❤️
اما ناهد كانت تشوفله وسارحه وتحكي في كلام داخلها وتهدرز مع نفسها
ضياء زي اي شي يضر فينا في الدنيا !
رغم جماله وشخصيته الواضحه ❤️
لكن لسانه زي السم وعنده يجرح الانسان يلي قدامه عادي جدا بمنتهى البساطه
مشتحيل تقدر تتأقلم معاه او حتى تسمح لي نفسها انها تحبه او تحس بي شي اتجاها!
قريب 8دقايق مسكره وضياء يتأمل فيها من لوطه
وناهد تشبحله وتفكر في الكلام يلي فوق !
قاطع نضرات العيون هادي طلعت عدي من الحوش
واول ماشفاته ناهد طوووول بعدت من على الروشن
ضياء:عدل وقفته ....وين عطلت؟
عدي:متسألش ارجل
ضياء:ضحك....خيرك؟
عدي:ركب السياره وركب جنبه ضياء على طول ...
ضياء:شنو؟
عدي:شن هوا يلي شنو؟
ضياء:الجاي شنو؟؟
عدي:مريم ....وجودها منرفزني مضايقني
كل ما نشوفها
ضياء:سكت شويه وهوا مركز على روشن ناهد.....يعني؟!
عدي:معش تعطل حتى هيا
ضياء؛ولع السياره واطلع
خلينا في موعدنا لان وقت
عدي:ولع السياره وطلع وعيون ضياء مفارقتش الروشن
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو👑
رتال:كيف؟؟؟
احمد:شن هوا يلي كيف عدي ولد عمتك يا انسه ضحك علينااااا
قالي اهرب بيها وبنقعد نصرف عليكم وطلع وهمي !
رتال:الرجفه في صوتها وعيونها دموع
كككيف وهمي يعني
احمد يعني يا استاذه لا في فلوس ولا شي
انا منقدرش نعيشك بي شي معنديش حتى خدمه
يعني بحححححح
رتال:وقفت قدامه....شن يعني احمد ؟!
شن يعني احمد احكيلي
احمد:بعدي يدك من عليااااااااا
ضيعت روحي معاك وضحكو عليا النم اطلقيني في حالي
رتال:احمد اهدى حبيبي
سيوره نلقو حل ياقلبي انت نحبك
احمد:تكلم وتعابير وجها كلها تقزز ....حب شنووووو الزفت ندوي عليه
نقولك مفيش فلوس تقولي حب ؟!
بعقلك انتي ؟؟؟
رتال؛عيطت في وجها......شن دخلنا في الفلوووووس
قاعده نحكيلك نقولك سيوره ينحل مدام نحنا جنب بعض ونحبك تقولي فلوس شن تحكي انت !!!
احمد:ماشي جاي وهوا متوتر ....لالالا الموضوع هكي غلط
غلط هلبا مش شويه لا
رتال:شن تقصد
فهمني كلامك هاذا شنو تقصد بيه ؟
احمد:اطلعي برا
رتال:كيف؟!
احمد :بدي يدف فيها بطريقه غريبه ....اطلعي براااااا نقولكككك اطلعي برااااااا
رتال:بدت تصارخ وتبكي ....شن تحككككي انت احمد وين بتلزني في الشارع
احممممممد
احمد:دفها بقوه وطلعها برا الشقه يلي هما قاعدين فيها وسكر الباب
قعدت رتال تعيط وتخبط عليه كم مره في الباب لكن لا حياة لمن تنادي ولا حن عليها واسترها
______________________________________
كان الوضع هادي جدا!
جيداء وسلفتها ليلى منسجمين في الهدرزه لاول مره
ممكن لان الفتره هاذي مليهمش غير بعض مثلا!؟
ساره وناهد ك العاده كل مع بعض في غرفه وحده مره يهدرزو مره يقرو مره يتعاركو
وليان نفس العاده مسمعولهاش حس !
بين الاجواء العائليه المعتاده هاذي وفجآه اطيح عليهم كبيرة العيله مريم!
يغمى عليها وكل جسمها يصفررررر
تطلع رغاوي غريبه من فمها مش مفهومه وكل جسمها يتشنج
كانت لحضات مرهبه ليهم ومفيش حد فاهم شنو قاعد يصير
خدوها على المستشفى ومحدش رضي من السلفات يمشي معاها ولا حتى يسايرها !
خشت مريم للمستشفى بروحها !
مفيش حد حاس بيها ولا معدل لو ان هيا ماتت او عاشت
خشت وسط غرفه بارده وقاسيه زي فعايلها💔
كأن هاذي بداية محاسبتها في الدنيا على كل شي دراته في حياتها غلط !
______________________________
#تسريع_في_الاحداث
بعد مرور اسبوعين .❤️
عدي:بعد ما جت لي حناه جلطه خلتها مش قادره تتحرك من مكانها ومفي شي فيها حي غير عيونها يتحركو يمين ويسار رفض تكون حناه في مشفى بروحها بين 4حيوط بيضاء بارده!
وخدالها سرير طبي وممرضه خاصه ترعاها وترد بالها منها كويس باش تبدا قدام عينه ❤️
زاد حبهم ليه عيله كامله❤️
وزاد اعجابهم بيه وبي طيبته وحنيته على كل فرد في العيله !
محدش كان شايف شي تاني نهائي
ولا حد كان عنده شك في شي !
_________________________________
ساره:واقفه ع الحوض تغسل في الماعين ومركبه سماعات وتضحك....هههههه ونبي ؟
خالد:وربي كل شوي يا دكتور خالد يادكتور خالد نفختهم
ساره:دير بالك حبيبي🥺❤️
خالد:ياعمري انتي والله مفي بنت تملى عيوني غيرك❤️
نحبك يا بنت افهمي
ساره:نموت فيك يادكتوري انت ❤️
خالد:هي سكري توا وقت عليا
ساره:دير بالك ع روحك
خالد:حتى انتي ❤️
انتهى الخط والحب في المكالمه معبي الدنيا ❤️
وقفت ساره غسل الماعين وهيا سارحه في حبيبها وتفكر في اللحضه يلي بيخطبها فيها وشنو بيصير !
لكن فجآه !!!!!!
حست بي نفس وراها!💔
خلاها ترمي الصحن يلي كان فيدها لين انكسر !!!
تلفتت بفزع وخوف
ساره:شن في؟!
عدي:ببرود كأن مدار شي....شن بيكون في؟
تقدري اديريلي قهوا؟!
ساره:مرتبكه وخاشه بعضها....اءءء اي نقدر
عدي:خلاص تمام ديريلي فنجان وركبيهالي بالله
ساره:تبلع في ريقها بصعوبه ....اي حاضر
عدي:ابتسملها وطلع
كانت ساره فاهمه كويس عدي على شنو ناوي
بس هيا مش سهله زي رؤى
وحبيبها يلي كانت ناويه معاه الحلال مالي عينها هلبا مش شويه!!
شاطره وتعرف كويس كيف على الاقل تتباعد من عليه!
_________________________________
طلع عدي من المطبخ وركب لي غرفته
وهوا ماشي طريقه لمح الباب مردود
مقدرش يمنع نفسه من انه يشوف شويه ويستمتع بي المنضر يلي يحب يشوفه كل يوم!!
فتح الباب وقرب من السرير الطبي الموجود قدامه
نزل شويه وهوا يقول بصوت وااااطي .....انتي متخيله انك تحت رحمتي ؟؟
لو قلت مفيش ماكله متاكليش؟!
لو قلت مفيش شراب تقعدي عطشانه؟!
لو ضربتك مفيش حد يعلم ولا يقدر يوقفني اصلااا!!!؟
نفس ما كنتي اديري لما انا صغير بزززززبط مفيش فرق
انتي متخيله الدنيا كيف ادور هكي !!!
مريم:كانت تحرك في عيونها ودموعها يطيحو
كأنها تتوسل وتترجى فيه عشان يرحمها
كأنها تتأسفله على كل موقف مؤذي كانت ادير فيه 💔
في طفولته !
عدي:ابتسم....يكفيني شعور الخوف يلي تحسي بيه كل ما نخش عليك
نفس يلي كنت نحس فيه بزبط
بزبط!.....وطلع
____________________________________
ناهد:الو
ضياء:قاعده تبكي؟
ناهد:مسحت خشمها بتعب....يهمك؟!
ضياء:عدي يهمني
ناهد:حتى في هاذا عدي يهمك ؟؟؟؟؟
حتى في البكي متعي ؟!
ضياء:ابتسم.....خيرك عصبتي؟
خلاص انتي تهميني
ناهد:سكتت وهيا تمسح في دموعها
ضياء:عارف اني ثقلت في الكلام عليك مبكري
اسف
ناهد:نصدمت ووقفت بكي تسمع
ضياء:فكرت لو ثقلت الكلام ممكن تحسي الشي هاذا ومعش تعاوديه
ناهد:اكيد مش رح نعاوده سوا حسيت كلامك او لا
ضياء:انتي جربي عاوديه وشوفي كيف نقتلك
ناهد:خلي عدي يقتلني اهون
ضياء:وعلاش!
ناهد:ع الاقل قريبي انت من تكون
هاني:استاذ ضياء قالو ان الاوراق ال3الاخيره مش موقعه
ضياء:تغير صوته....لعند امتتتتتتتتتى متعرفوش تخدمو بروحكم
اطلع برااااااا الف مره نقول انا نتكلم محدش يخش عليااا
هاني:خدي الورق وطلع يجري
ضياء:بلع ريقه وهوا يساوي في روحه ورجع تكلم....ايوا
ناهد:ضحكت لما سمعت صوته كيف تغير معاها❤️
__________________________________
طق طق طق
عدي:ابتسم بشر وفتح الباب
كان متوقع يشوف ساره ماسكه القهوا وكان في شي في راسه يديره!
لكن لما فتح الباب شاف فنجان قهوا ع الارض
ضحك بهزوه وحقد....خداه ورجع لغرفته !
فتح تالفونه اول ما سمع مسج الواتس يلي وصله
ليه شهور وايام يراجي فيه
فتحه وشاف يلي مكانش يبي يشوفه
لوح فنجان القهوا ع طرل يده ونهااااااااار💔💔💔
كسر كل شي قدامه وقعمز ع الارض دموعه نزلو!
دموع عدي يلي ليهم اكتر من23سنه مليهمش اقر اليوم بدات نزلو؟؟!
انفتح الباب وخشت ليان شفاته بي الحاله هادي
تلقائيا قربت منه بسرعه تهدي فيه وتحاول تفهم شن صار!؟؟؟؟؟
قلبها تحطم لما شفاته يخبط ودموعه في عيونه!
حضناته ❤️
والحضن هاذا رجعه لي موقف قبل 18العام!!!..
يتبع..
لقراءة الفصل الخامس عشر اضغط على (رواية حرب الملايكة الفصل الخامس عشر)
لقراءة باقي الفصول اضغط على (رواية حرب الملايكة)