رواية حرب الملايكة الجزء الثاني عشر 12 بقلم أروى طاهر المسلاتي
رواية حرب الملايكة الحلقة الثانية عشر 12 بقلم أروى طاهر المسلاتي
رواية حرب الملايكة البارت الثاني عشر 12 بقلم أروى طاهر المسلاتي
 |
| رواية حرب الملايكة الفصل الثاني عشر 12 بقلم أروى طاهر المسلاتي |
رواية حرب الملايكة الفصل الثاني عشر 12 بقلم أروى طاهر المسلاتي
ليان:فتحت الباب بهدوء ....نخش؟
عدي:يرتب في الاوراق يلي قدامه...انتي خشيتي خلاص
بيان:سكرت الباب وقعدت تشوفله وقت طوووويل
عدي:حط تالفونه ع المكتب يلي قدامه....في شي!؟
ليان:اي
كنت نبي نفهم علاش هكي صار ؟
شن دخلهم باش تلزهم؟
عدي:قعمز على الكرسي واستند عليه....وانتي شن دخلك جايه تسألي عليهم !
ليان:قرنت حواجبها....انا فاهمه كويس ان كل شي ادير فيه عشان توصل لي شي
حتى قعدتي هنايا عندك بسيف علياا ليها سبب
عدي:ناض من مكانه وقرب عليها.....انتي بروحك!
متقارنيش نفسك بي اي حد موجود هنايا
ليان:علاش؟!
عدي:حط يده على خدها بهدوء وهوا يشوفلها
ليان:بعدت يده بقووه من عليها ....بطل حركاتك الماسخه هاذي معاي
مفهمتش كيف واحد زيك كبير عيلللللله بحالها بشخصيتك يلي مستحيل تنهز قدامهم
كيف ادير حركات بايخه هكي معاي فهمني !!!
عدي:انتي يلي جيتيني برجليك ليان!
مدورتش عليك ولا جبتك من حوش خالتك بيدي
ليان؛ولو جيتك!!!؟
كنت نسحابك راجل بتوقف معاي وتساعدني مش تقعد كل شويه تجيني وادور في فرصه باش تقرب عليا بي الطريقه البايخه هيااااا
عدي:بيتكلم لكن تالفونه قاطعه وهوا يشريين❤️
داره صامت وكمل نضراته لي ليان
ليان:يالله امورك في النهايه !...حوشك وانت حر منو تخلي ومنو اطلع
بس حبيت انبهك بس ان يلي درته غلط
عدي:خدي جاكيته...ردي بالك مزال تعاوديها وتحاسبيني بي الطريقه هيا!
ليان:بي اي طريقه نبي رح ندوي ونحاسبك عدي
ولا تحلم نعاملك بي نفس الطريقه يلي هما يعاملو فيك بيها
قريب يعبدوك لاااااا مش هكي انا رد بالك
عدي:قرب عليها اكتر ويفصل فيها بنضراته....علاش مني انتي؟
ليان؛زادت قربت بكل جرئه....انا ليان!
عدي:متخشيش في حرب معاي انتي مش قدها!....حط يده على كتافها ومسح عليها بهدوء
خليك هاديه وكويسه احسن ما يوجعك راسك مني ياليان
ليان:هه شنو بدير؟!...بتلزني ؟!
الوحيده يلي هنايا نتمنى فيها اللحضه هيا
انت رد بالك عدي لان معنديش ولا حاجه نخسرها
عدي:قرن حواجبه يشوفلها وريان طلعت من الغرفة بدون ما تخليله وقت او فرصه يتكلم
عدي:رجع شعره للخلف وهوا ياخد في نفس عميق....شن يلي قاعد يصير؟!
سأل روحه وهوا يشوف حواليه
_________________________________
منى:ناضت من نومها وهيا تفتح في عيونها بصعوبه شمت ريحة غاز وكانت تسحاب روحها تتوهم!
طلعت من غرفة النوم وبدت ريحة الغاز قووويه اكتر من قبل
وصلت لي الصاله ومعش تحملت قوة الريحه وبدت تكحح
طلعت تجري من الشقه فتحت الباب وقعدت تحاول تاخد نفس وعيونها دموع
انفتح باب الشقه يلي مقابلها صدفه❤️
وطلع منها نفس الراجل يلي تلاقت معاه في الدروج!
نادر:شافها قدامه طالعه من الشقه وتكح وواضح من علامات وجها انها مش بخير ابدا لكن زي العاده
حب ميدخلش وحتى لو ناداته مستحيل يشوفلها
سكر باب شقته بي المفتاح واتجه لي الدروج لكن اول ما حط رجله على الدرجه الاولى سمع صوتها وهيا ترجف تنادي فيه!
منى؛عفوااا لو سمحت لو سمحتتتت يا اخ
نادر:قرن حواجبه وهوا عاطيها بضهره وميبيش يلتفت ابداااا وكمل نزوله
لكن لما سمعها تكح هلبا وزاد شم ريحة الغاز رجعلها❤️
منى:عيونها حمرررر...الله يخليك
ريحة الغاز متسرب في الحوش كله خايفه ندير اي حاجه يتفجر عليا ديرلي حل الله يخليك
نادر:مفيش حد في الحوش؟
منى:لا انا بس
نادر:قام طرف الشال يلي كان لابسه على رقبته وحطه على خشمه وفمه وخش بسرعه
استوعبت منى انها طالعه بدون ما تغطي شعرها ولا حتى حنتها !
جبدت طرف الشنترو يلي كان موجود على البوفي وحطاته ع راسها وهيا واقفه قدام الباب وحاسه ان خلاااااص نفسها رح يوقف !
______________________________
ساره:انا مصدومه كيف لزهم المريض هاذا!!
ناهد:صدمه وربي زعمى وين بيمشو وكيف بيديرو !
ساره:قامت شعرها وعلامات التوتر على وجها....تخيلي حتى انا يرفضو خالد؟؟!
ناهد:علاش بيرفضوه دكتور محترم!
ساره:انتي متعرفيش امي ميهمها كان الفلوس
وربي نهبل لو رفضوه يمين بالله نموت
ناهد:لو رفضوه؟!شنو بلي بديريه مثلا
بديري نفس ما دارت رتال وتهربي معاه؟
ساره:تكلمت وعيونها تلمع....نديرها
ناهد:هبلتتتتتي ساره؟؟؟
اصحي ع روحك شن تقولي خيرك انتي؟
ساره:تكلمت ويديها يرجفو وعيونها حمرر يلمعو ....نحبه يا ناهد نموت في الارض يلي يمشي عليها منتخيلش في حياتي بدونه
ناهد:شن ولا هوا ؟؟
شن ولا ياساره اصحي على روحك مجرد شخص عندك عليه شوية مشاعر يومين وتنسيه!
ساره:مجرد شخص؟
كان معاي في كل شي ❤️
يعامل فيا اميرته في يوم عيد ميلادي مرقدش خدم 3توكات متواصلات باش يطلع حق هديه ليا
انتي متعرفيش شنو تعني كلمة حب كنهاذا متقوليشي الكلام هوا
ناهد:سكتت وهيا تشوفلها.....
ساره:حطت يديها على وجها .....منعرفش شنو ممكن يصير فيا لو رفضوه وربي
ناهد:مش رح يصير شي ايام وتنسي وخلاص
ساره:نوضي اطلعي من قدامي
ناهد:بلا جو اعقلي
ساره:اطللللللعي ناهد
ناهد:قلبت عيونها وتنهدت بملل وطلعت
مرحلة العشق❤️
المرحله هاذي صعب يوصلها اي حد ❤️❤️
المرحله هاذي من احلا مراحل الحب
معش يهمك لا فلوس لا شكل ولا شي يهمك بس معدن الراجل يلي تحبيه✅
__________________________________
رغم كل الصدمات يلي صارت والكلام يلي انحكي داخل الغرف المسكره!
لكن انتهت الليله على خير ❤️
وطلعت الشمس من جديد⛅️
وبدي يوم جديد كأنه مفيش شي صار!
كل حد نزل يفطر هوا وصغاره كأن معندهمش اخ في الشارع مش فاهم وين يبات!
بدي اليوم بي عياط وصراخ عدي...
عدي:كيييييييييف ولد غريب يخش حوشي كيف
منى:ترعش...عدي اسمعني
كنت رح نموت من الغاز وانا اقسم بالله ما عرفت نتصرف خفت الغاز ينفجر عليا 😭
عدي:قعمز ع الكنبه وحاط يده على خدعته وقارن حواجبه
قربت منى ع الارض وارتمت جنب رجليه وهيا تبكي....سامحني حقك عليا 😭
انا خفت والله كنت رح نموت والله كنهاذا مندخل بني ادم للحوش
عدي:شبك يديه في بعض وهوا يشوف لي السقف
منى:عدي بالله عليك نترجاك سامحني خلاص اسفه غلطت ها المره اسفه حقك عليا
عدي:قرن حواجبه نوضي من قدامي وتيلي حوايجي تحركي
منى:مسحت دموعها وعلامات الفرح على وجها
يعني راضي عليا عدي صح؟؟؟
عدي:متكتريش دوه راسي مصدع وتيلي حوايجي بنرقد
منى:ابتسمت .....حاضر من عيوني ❤️
مرحلة الذل &
مرحلة الذا في الحب تكون بسبب الحب من طرف واحد
المرحله هاذي من ابشع واحقر مراحل الحب
الطرف يلي يحب مستعد يقدم كلللل شي في سبيل راحة واسعاد الطرف الثاني دون اي اهتمام لي الذل يلي قاعد يتعرضله
لكن كل قوي فيه من اقوى منه❤️
_______________________________
ساحة الجامعه طالعين ساره وناهد مع بعض:-
ساره:معش عارفه شنو ندير نخاف نلغيها الماده هاذي تقعدلي لبعدين
نقعد حاله فمي الزفت
ناهد:تشرب في العصير وعيونها في تالفونها....قتلك يقرينا خوي طلال انتي متبيش
ساره:هاذا شن قصته كل يوم هنايا
ناهد:قامت عيونها وجف ريقها من الصدمه....اياه عليااا
ساره:شن قصتك معاه علاش متبيش تحكيلي بس
ضياء:اشرلها بيده من بعيد بمعنى تعالي
ساره:مصحححح وجها التافه تقول عبده عنده
ناهد:قامت حاجبها واشرت براسه بمعنى لا
ضياء:فتح باب سيارته العاليه ونزل رتب ملابسه الكلاسيكيه وقرب عليها وهوا يتمشى بتكبر بين البنات لين وصل فيها ونضرات الطلاب كلها عليهم
ضياء:شاف لي ساره....كيف الحال
ساره:مصدومه في ستايله وشكله❤️...الحمد بخير
ضياء:ابتسم ....كويس
معناها نخطف بنت عمك شويه نبيها في موضوع
ساره؛اهاا اكيد اي علاش لا
ناهد:شافتلها وقامت حواجبها بصدمه
ساره:قربت على ودانها....سحرني بريحته🥲
ناهد:عقدت حواجبها في بعض ....يا واطيه
ضياء:شاف لي ناهد ....مشينا؟
ناهد:سكرت تالفونها ....لا ممشيناش
احكيلي علاش ووين ؟
ضياء:ابتسم وقرب عليها
يحكي وهوا مبتسم....انتي توا بتمشي ولا نديرلك العار هنايا !؟
ناهد؛خدت نفس عميق وتكلمت بغضبببب....اقل من نص ساعه يا ضياء
ومشت وهيا متكنطيه لي السياره
ضياء:ابتسم لي ساره....فرصه سعيده
ساره؛سارحه فيه وهوا ماشي....اه يا ناهد مقوى حضنك يا كلبه
________________________________
سرير كبيييير فخم وراقي ❤️
ناضت منه رتال وهيا تتكسل لابسه روب ابيض مفيش تحته شي !
ابتسمت لما شافت راجلها خاش من الباب وماسك سقرة الفطور في يده❤️
احمد:ياصباح العسل على مرتي حبيبتي
رتال:صباح النور يا قلبي
احمد:حط السفره وعلى طول قرب عليها....هي نفطرو
رتال:حاسه روحي دايخه مش قادره نوقف
احمد:ياسلام وانا شنو ندير هنايا!؟
رتال:شنو يعني ؟
احمد:قامها ونفجرت رتال بضحك وصدمه ....خلااااص احمد نهاري
نطييييح خلاص بعد 😂😂😂😂
احمد :وقف يدور بيها وهيا ميته ضحك ❤️
ضمها ليه بحب ❤️
وقعمزها معاه على سفرة الفطور
بدت تفطر هيا وياه والحب ماليهم لا فكرت في اهلها يلي تشردو ولا حتى هوا فكر في المرا يلي طلعاته من الميتم ورباته شن صاير فيها
قاعده بروحها ولا لا؟
واكله ولا شاربه ولا شنو بزبط؟
مرحلة الحب الاعمى:-
المرحله هاذي يوصلها الشخص ويدير حاجات مكانش مفكر فيها ابدا ولا يحاسب في نفسه هوا شنو كان يدير ؟
يطيح في اغلاط زي الرز ويضيع في حياته لكن مش حاس بي شي لين يطيح الفاس في الراس ..
__________________________________
عدي:يمسح في شعره من الاميه وماسك تالفونه
منى:مغطيه نفسها بي الشرشاف ...كانت سعيده بعلاقه زوجيه ما كملتش دقايق !
بدون اي مشاعر !!
بس شي زي هاذا يوضح ان عدى رضي عليها اخيرا !
منى:مغطيه نفسها وتحكي ....مقتليش وين طالع؟
عدي:لاهي في تالفونه....راجع للحوش
جايني ولد بنعطيه فلوس
منى:عدي 🥺
عدي:عيونه بيطلعو في التالفون وسارح....ها
منى:امتى بطلعني ؟
عدي:قام عيونه.....الموضوع هاذا مسكر !
منى:بس انا مش .....
عدي:بصوت عالي ....مسكرررررر
منى:تمام
عدي:وقف يكمل في ملابسه ويرتب في نفسه ع المرايا
منى:نزلت من السرير بعد ما لبست روبها وحضناته من الخلف ❤️....اسفه اليوم عصبتك هلبا 🥺
عدي:كمل مشط شعره بدون اهتمام....ديري بالك في الجديد
منى:جت قدامه وقربت منه يدها على كتف عدي ترنبله في ملابسه.....حبيبي انت
عارف معنديش غيرك ❤️
عدي:عارف
منى:قربت وخطفت منه بوسه ....سامحتني ❤️
عدي:ابتسم بدون نيه....امشي ديري قهوا قببل منطلع
منى:حاضر ياقلبي❤️
__________________________________
ضياء:درس قدام البحر ونحى نضراته
ناهد:علاش جايبني هي ؟
ضياء:شافلها....بنتفرج عليك
ناهد:قلبت عيونها.....لي شنو تبي توصل من تصرفاتك البايخه هيا
ضياء:جيتك هنايا نعترفلك بحبي ليك
ناهد:هه ...مفهمتش علاش هكي شباب ها الايام كللللكم خفاف كلكم
نفس الصنف
ضياء:يشوفلها وساكت
ناهد؛رجعني للجامعه ضياء وبطل مسخره وكذب
ضياء:يشوف للبحر ....لو شفتي علاش جايبك كنتي تتمنى لو اعتراف حبي كان حقيقي
ناهد:ضحكت....لا والله؟!😅
ضياء:فتح تالفونه وخش على ملف.....شوفيه
ناهد:مسكت التالفون وعلى وجها علامات الاستغراب !
فتحت المقطع الاول والتاني والثالث وحتى الرابع ومعش قدرت تكمل ويديها يرجفو من الصدمه
ضياء:اتكى على الكرسي وهوا يشوفلها....شن هاذا؟
ناهد:حطت التالفون وهيا ترعش ومش قادره تبلع ريقها
ضياء:خليني انا نقولك شن هاذا!
هاذا ياستي مقاطع فيديو انتي وفرخ الحرام يلي حلفتي وقسمتي ان مدرتي معاه شي
لا طلعتي ولا شافك ولا تقابلتو ومفيش اي شي غير صور
فجآه يطلعو الفيديوهات هاذي
وانتي في حضنه
وانتي تبوسي فيه
وانتم ع الشط
ناهد:انخطف لونها وزادت دقات قلبها
كل الكلام يلي بتحكيه اختفى
ضياء:احكي
ناهد:مطلعش شي في بالها وقالته غير كلمة...تركيب كله
ضياء:مسكها من رقبتها وعلامات الغضب على وجها.....متكذبييييييييش عليااااااااا
منحبش حد يضحك عليا ونكشفه اناااا وربي نقتلك هنايا ونلوحك في البحر ومفيش واحد داري على اصلك
ناهد:مخنوقه وهيا تسأل.....انت علاش مهتم لدرجة هيا شندخلك فيا شنو ندير وشنو منديرش
ضياء:حط يده خلف رقبتها وقربها بعنف....محد يضحك ويفوته علياااا
جيت سألتك بهدوء كذبتي شن تسحابي مش رح نعرف يعني ؟
ناهد:باعدت يده بقوه....واهو عرفتتتتتت
اهو عرفت شنو تبيني ندير
ضياء:ولع سيارته وطلع بقووووه
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو👑
ليان:وقفت قدام الشناطي يلي كانو مكومات فوق بعض !
من لما جابهم عدي من حوش خالتي مفكرتش نفتحهم
ونطلع حجاتي !
قامت شعرها ع هيئة ذيل حصان ❤️
ونحت جاكيتها ربطاته في خصرها وبدت تفتح فيهم بشويه واطلع في حاجاتها وترتب فيهم بشويه عليها
حست بشوية ملل
دورت بين غراضها وطلعت سبيكرا صغيره لونها اخضر
فتحتها ووصلت بيها تالفونها وبدت تقرب في الاغاني لين وصلت للاغنيه يلي تحبها❤️
آه لو لعبت يا زهر واتبدلت الأحوال
وركبت أول موجة في سكة الأموال
أروح لأول واحد احتاجتله في سؤال
كسر بخاطري ساعتها ودوقني ضيقه الحال
أعمل معاه الصح انا وأسنده لو مال
وأقف جنبه فى المحن وأكون طويل البال
وأعرفه ان الفلوس مبتعملش رجال
والحوجة مرة وياما بهدلت أبطال
وقفت بين اغراضها المكركبه والحايسه ترتب فيهم وتتمايل على الاغنيه مره مره وترقص❤️
لين شافت في المرايا عدي واقف ع الباب ومتكي ع الحيط يتفرج عليها
ليان:تلفتت....الناس يطقو ع الاقل!؟
عدي:جاي نقولك اصوات الاغاني العاليه ممنوع في حوشي
ليان:ابتسمت بسخريه...لا والله؟
عدي:منبصرش للاسف
ليان:مسكت تالفوني وزادت قوت الاغاني وعيونها متحركتش من عليه
عدي:يحكي بهدوءطفي ليان احسن ما....
ليان:بدت تغني مع الاغنيه وترقص
تتمايل وشعرها يغطي في وجها وتباعد فيه وهوا واقف مذهول قدامها من تصرفاتها يلي اول مره يشوفها
عنادها يلي كان واضح وصريح !
عصب عدي !
كان موجود عند وحده ذاله نفسها عشانه !
مقعمزه تحت رجليه تتأسفله على شي مدارتاش !
وتوا قدامه عيله قاعده تستفز فيه وتقوله لا
خش وسكر الباب وهوا يشوفلها في نضرات كلها حقدددد
ليان:وقفت وهيا داهشه....نغير الاغنيه؟!
عدي:تلعبي معاي انتي ؟!.....ودفها
______________________________
منى:وقفت قدام الباب وكل شويه تشوف من الشق
لين اخيرا سمعت باب الشقه قدامها انفتح ❤️
فتحت الباب وهيا لابسه بدلة الصلاة ....
منى:يا اخ
نادر:تلفت
منى:اسفه بجد مشكرتكش على يلي درته معاي ❤️
شكرا من كل قلبي
نادر:بدون ولا ربع ابتسامه....الرسول وصى على سابع جار ولا يهمك
منى:ابتسمت ...ربي يخليك
وعطاته بضهر خاشه لشقه
نادر:مشي خطوتين بي اتجاه الدرج
ومن اول درجه رجع طوووول لي شقة منى دخلها وهوا مسكرلها فمها وسكر الباب وقلبه بيطلع منه!
___________________________________
ناهد تبكي .... اسمعني
خلاص برا قول لي عدي معش نبيك تستر علياااا
عشت معاك في ضغط نفسي احرف من التهديد يلي كنت فيه
خلاص ارحمني
ضياء:خش من بوابه كبيرررره ودرس سيارته بقوه لين ناهد رجعت بقوه على الفودره !
ضياء:انزلي
ناهد:تتفحص في المكان بعيونها ووشاحها طايح وشعرها متبعثر ....وين!!
ضياء:انزززززززلي متكفرينيش...ونزل وقربع الباب ..
يتبع..
لقراءة الفصل الثالث عشر اضغط على (رواية حرب الملايكة الفصل الثالث عشر)
لقراءة باقي الفصول اضغط على (رواية حرب الملايكة)