رواية تزوجت كبيرًا الحلقة التاسعة 9 بقلم ساندرا الطرابلسي
لقراءة المزيد من الروايات الليبيه : اضغط هنا
 |
| رواية تزوجت كبيرًا الحلقة التاسعة 9 بقلم ساندرا الطرابلسي |
رواية تزوجت كبيرًا الحلقة التاسعة 9 كاملة مكتوبة بقلم ساندرا الترابلسي
لقراءة باقي حلقات الرواية : اضغط هنا
-
عند أمل
مصدومه وشبحت لشخص أول مره تعرفه
راجل قدامها لابس بدله سودا وشكله يخوف هلبا...
أمل:انت منو !!!
سامي:اني مش ضروري تعرفني الايام جايه راح نتعرف
أمل:شن تحكي انت منو انت وشن تبي منى
سامي: اني مانعرفك لكن لم شحبتك قلت اكيد راج تزبط معي
أمل خايفه وقلبها يدق بسرعه من كترت الخوف بس ماتبي يكون واضح عليها الشي هدا...
أمل:نزبط نزبط في شنو
سامي:اني عجبني بصراحه جسمك وينفع لي شغلي
أمل وسعت عيونها من كترت الصدمه فهمت كل شي
سامي بدا يقرب منها وأمل قريب تموت من الخوف
سامي يده على فمها وحركها..
وأمل تحرك في راسها تباعد فيه
سامي: توا زي الشفايف هادي وكان يبي يحط يده على جسمها بس أمل قاطعته بصرخه منها
سامي ضربها كف..
كان الكف قوي هلبا ،لدرجه نزل دم من تحت شفايفها
سامي: ماتحاولي تصرخي ولاشي تمام ادا تبي تصرخي من توا لعند بكرا مش راح حد يساعدك..
أمل:ياواطي ياحقير منو انت وشن تبي منى..
سامي:هي كلمه وحده تمام اني لم نختار وحده معناها راح تنفد يلي طلبته وراح ادير كل شي..
قرب منها مسح دم يلي نزل من تحت شفايفها ..
سامي: تشبحي الدم هدا ،ادا رفضتي شي او درتي حركه غبيه راح تشبحي الدم هدا في كل جسمك تمام...
وطلع..
أمل:يارب ساعدني يارب اني وين وشن اندير يارب نطلع نحلم ياااارب...
شوي دخلت بنت....
فرح:هاااي ياحلوه
أمل:انتِ انتِ
فرح:يس اني اسمي فرح ماجت فرصه المره الفاتت نتعرف عليك..
أمل:شن تبي انتِ يلي دايره هدا كله منو انتِ وشن تبي منى
فرح:الشخص يلي يرد على فرح مازال ماولدته امه تمام..
أمل:انتِ شن تبي منى هاااااا فوكني ياناس ياعالم ...
فرح ضحكت ضحكه صايعه...
فرح:ارقدي وراح تحلمي انك مش موجوده ههههههههههههه
طلعت.....
أمل تمت تحاول تفك تفك تفك بس ماعرفت...
___________________________________
معتصم قريب ينهبل من كترت مادور على أمل مالقها...
رد لحوش..وقعمز في الدار..
نوره: معتصم
معتصم حاط يده على راسها.
مايرد
نوره قعمزت جنبه..
نوره حطت يدها على ظهر معتصم ..
نوره:علشاني اهدا اكيد راح تلقها وين راح تمشي
معتصم: حتي اني نقول فيها وين راح تمشي هلها مش في نفس المدينه ،هي المدينه هادي ماتعرف فيها شي وخايف ولد حرام داير فيها شي..
نوره:علاش هو قاعد هنا
معتصم:اي..
نوره خافت هلبا بس ماتبي توضح الشي هدا لي معتصم..
نوره:ان شاءالله خير راح تلاقيها وين تبي تروح
انت توا لازم ترتاح اهدا
معتصم هز راسها بمعني لالا
ناض ...
معتصم:اني لازم نكلم الشرطه خلاص الحكايه مافيها
وطلع..
نوره تمشي وراه
نوره:معتصم
فتحيه طلعت وهي ماسكه العكوز..
فتحيه:معتصم معتصم...
مايرد
فتحيه:خيره مازال يبحث في البنت هادي اخره
نوره:اي
فتحيه:والله من اول مادخلت البيت هدا ولدي ماقعد طبيعي بكل
نوره:يام هي مراته وفي الاخير هو يلي اخترها.
فتحيه :مراته مراته كل شوي مراته ،المراء يلي تبي تخلي ولدي مهبول هكي بلاش منها مانبيها..
نوره:شنو مانبيها ماتنسي انها عنده ولد
فتحيه:هدا يلي كاسر ظهري اخخ
ونزلت ....
____________________________________
عند اكرم
اكرم: منو اريج
اريج:اني قريبت رهف يلي ردت عليك
اكرم رفع حاجبه
اكرم: تفضلي؛
اريج:كيفك
اكرم:نعم تفضلي اكيد ما اتصلتي علشان تسالي كيفني صح؟
اريج:خيرك ترد عليه هكي
اكرم: شن تبي نرد عليك شن تبي نرد على وحده قريبت البنت يلي نحبها واخده رقمي وتتصل بيه من وراها شنو
اريج:نحبها البنت يلي نحبها..
اكرم:اي البنت يلي نحبها
اريج:تعرف شي ،اني مانعرفها رهف بش نشبح فيها من مناسبات بس،رهف حسب مانعلم عنها انها مستحيل ترتبط
اكرم: حلو طلعتي مش قريبتها ،شي حلو ،وانتِ شن دخلك ادا ماتبي ترتبط.
اريج:مش موضوع هكي بس حسب مانعلم انها ماتقدر لانها
اكرم: لانها شنو احكي لانها شنو..
اريج: لانها عندها اعاقه
اكرم:اعاقه اعاقه كيف يعني.
اريج:عندها اعاقه في رجلها..
اكرم:وباهي وادا
اريج :تحكي حق،تبي تاخد وحده ناقصه
اكرم:والله واضح يلي ناقص هي انتِ مش رهوفه تمام،
اريج:الواضح رهوفتك ماقالت لك انها عندها اعاقه
اكرم:الشي هدا يخص رهف تمام مايخصك علشان تقولية،ولا اهلك معودينك تحكي كل شي في يلي تخصك ويلي ماتخصك...
اريج:وسع بالك علاش متعقد،الواضح انزعجت علشان ماقالت اكيد حبيبي مش راح تقول لانه تتحشم واني بصراحه مش عارفه كيف راضيه على نفسها تحكي مع راجل وعارفه مش راح يرضاء بيها...
اكرم:اولا رهف ماقالت مش علشان تتحشم علشان شي يخصها تمام ،تانيآ رهف اني راضي بيها حتي لو كانت ماعند رجلين تمام .وتالتا اني لو ماخديت رهف مش راح ناخد وحده زيك ياناقصه العقل سلام
وصكر عليها وحطها في الحظر...
______________________________________
اريج:هههههه قال يبي ياخدها كلام..
وتلتفت.وتشبح لي رهف وهي واقفه قدامها ودموع ينزلوا منها...
رهف:لدرجه هادي وصلت بيك..
اريج وقفت قدامها وقالت
اريج: المفروض يعرف المسكين
رهف:وانت شندخلك هااا لك دخل في شنو..
اريج: هكي وجعني بصراحه
رهف:وجعك وجعك صح ،تمام
طلعت..
اريج:اوفراا الدراما؛؛
_________________________________
عند أمل
أمل تحاول تفك تفك لعند ماشبحت من الروشن طلع يلي اسمه سامي...
أمل تمت تحاول بس وقفت لعند مادخل ...
راجل وقف قدامها
أمل ماعرفت شن ادير لعند مافكرت في فكره وقالت
أمل:سامحني معتصم سامحني...
أمل بصوت رقيق:باهي اني كنت رافضه نشتغل بس لم شبحتك غيرت راي ،
الراجل رفع حاجبه وضحك ضحكه على جنب ...
أمل تمت ادير في حركات وتقول في خاطرها سامحني معتصم هدا الحل الوحيد علشان نشبحك اخره
لعند ما الراجل قدم ليها وقرب عليها..
أمل:لا مايصير فكني قبل
الراجل: تم.
تما يفك فيها..
جت تبي تحضنه وهي تحضنه..
خدت السلاح يلي في خسرها وجهت عليها
انصدم ورفع يديه..
أمل:كلمه وحده واقسم بالله نفرغ فيك ...
الراجل :تمام تمام ..
أمل تمت تمشي موجها السلاح عليها وطلعت عرفت المكان فاضي..
ركضت وهي كل شوي تلتفت الراجل اتصل بي سامي ركب سيارته وطلع وراها...
أمل طلعت على طريق رائسيه ..
ومافي ولاسياره...
(ربي هو المنقد الوحيد لم تكوني في مكان تبي تطلعي منها واي شي اخر💗)
طلعت سياره قدامها فيها شيباني ركبت وطلع
أمل:ارجوك ياحاج ساعدني
الشيباني:خيرك يابنتي شنو صايرك
أمل:اني مخطوفه واني مانعرف المدينه هادي لاني مش منها.ارجوك ساعدني
الشيباني: باهي انتِ اول مره تجي هنا
أمل:اني مرات معتصم ال........ نبيك توصلني لي الفيلا
تعرفها ياحاج..
الشيباني:اي اي اي معقوله مافي حد مايعرف معتصم ال...........
طلع الشيباني لي فيلا
_____________________________
معتصم وصل لشرطه...
المحقق:تفضل يا استاد معتصم ان شاءالله خير
معتصم حكا ليهم كل شي
المحقق:تمام ماتخاف نحن راح نديروا دوريات في كل مكان وراح نحقق عليها ماتخاف يااستاد معتصم..
معتصم منهار مسك المحقق من سوريته..
معتصم:اليوم اليوم نبي نشبحها قدامي فاهم والا الله نمحيك انت ويلي في المكان هدا كله
وطلع.............
ركب السياره هو مش قادر يمسك اعصابه ...
وطلع ....
_____________________________
عند رهف طلعت لي الصاله وهي تبكي تلاقت مع نسرين.
نسرين:رهف خيرك شن فيه..
رهف:بعدي عني نسرين.
نسرين مسك رهف وطلعت بيها لدار وصكرت الباب
نسرين:شنو صاير وعلاش تبكي.
رهف:اني مليت يانسرين مليت من الدنيا هادي خلاص كل شي راح نمتع عنه علاش هااا علاش.
نسرين:رهوفه خيرك شن صاير.
رهف:اهانه نسمعها من شخص معقوله اني مايحق عليه انه نتزوج معقوله
نسرين:لاياعمري يحق علاش مايحق
رهف:في حد في الدينا هادي يرضاء بيه.
نسرين:خيرك تفكري هكي ومن امتى تفكري هكي
رهف:اني فعلا مش راح نتزوج متل ماقالت اريج.
نسرين:اريج اريج شن قالت..انتِ علاش تبكي وشن قالت اريج علشان تبكي..
رهف بدت تحكي لي نسرين كل شي.....
____________________________________
عند الشيباني وصل أمل بعيد شوي عن الفيلا قبل ماتنزل قال
الشيباني: اني مانبيك تقول منو وصلك تمام
أمل استغربت بس قالت تمام ونزلت....
الشيباني عارف العائله هادي هلبا ومايبي يدخل قي مشاكل لانه شيباني في حاله وطيب.......
نزلت أمل تمشي شوي شوي وصلت عند البوابه وقفت قدامها
شوي تجي سياره معتصم...
أمل تشبح لي سياره
نزل معتصم وركض ليها
معتصم مسك وجها
معتصم:أمل أمل انتِ كويسه
أمل نزلوا دموعها وحضنت معتصم..
معتصم تما يهدي فيها..
معتصم:وين كنت ياأمل خفت عليك هلبا
أمل ماترد وتمت تبكي..
معتصم بعد عنها..
معتصم :تعالي ادخلي.
دخلت أمل ومعتصم لفيلا...
نوره:أمل وينك
أمل ماترد واضح عليها تعبانه...
معتصم ماسك أمل ويمشي ...
طلعوا لفوق...
فتح الدار...
دخلوا..
معتصم: ارتاحي
قعمزت أمل ...
معتصم قعمز قدامها..
معتصم: أمل احكي وين كنت قاعده كنت نبحث عليك في كل مكان وين كنتي قاعده
أمل مسحت دموعها.. وشبحت لي معتصم..
أمل:اني كنت مخطوفه وانت وين كنت هااا وين كنت..
معتصم انصدم
وناض ليها
معتصم:شنو مخطوفه كيف كيف هدا..
أمل بدت تحكي لي معتصم الحكايه كلها...
معتصم ولعت فيه نار وكيف مرات معتصم ال...........
تنخطف ويصير فيها هدا كله ..وطلع لشرطه وعرفوا من هما وتما يبحثوا عنهم...
أمل ماقدرت تتحمل لانها فعلا ضاقت بيها الدنيا كلها...
_____________________________________
عند رهف
رهف تمت تحكي لي نسرين كل شي..
نسرين :باهي اريج قالت له وعلاش تبكي.
رهف:اكرم اول حب بنسبه ليه اني خايفه يتركني..
نسرين قربت ليها..
نسرين:اشبحي اشبحي فيه.
نسرين:حتي لو كان اول حب اكرم عرف والشي هدا كاعندك علاش تتحشمي منه الشي هدا من عند ربي وفي الاخير اكرم مش اخر راجل تمام وادا سيبك لم عرف راح يكون مش راجل تمام..
رهف:اني اني يانسرين..
نسرين مسحت دموع رهف.
نسرين:الدموع هادي رد بالك تنزليها علشان راجل تمام...
رهف حركت راسها..
نسرين بدت تحكي لي رهف ونصائح تعطي فيها..
بعدين طلعن..
_________________________________________
بعد مرور شهر ..
نسرين ورهف ردوا لحوشهم
عصام طلع لحوش صاحبه لانه مايبي يشبح شي في الحوش ومش مصدق انه بوه مات
رغد عرفت انها عمها مات ردت تالت يوم من العزاء...
أمل قاعده في الفيلا ماطلعت من دارها ، وديما مع ولدها
ايمن حدود موعد العرس...
نوره تطلع مع نور تشري في حوايج عرسها ونور كل يوم تموت لم تطلع وتبكي..
معتصم يحاول انه يتقرب من أمل بس مافي فايده كل يوم تصد فيه...
نسرين كل يوم تمشي لحوش عمها وعصام مارد..
رهف لعند توا ماتبي تفتح تلفونها. واكرم قريب ينهبل لانه مقفل .....
رغد وفارس راح نحكوا عليهم حتي هما ...❤
___________________________________________
(بنات حسيت روحي لم حكيت كيف أمل انخطفت حسيت روحي درت مسلسل تركي😂😂😂متاتره هلبا بمسلسلات الاتراك😍😂❤)
_____________________________________
في يوم عرس نور...
يوم الحنه....
في الصبح...
أمل طلعت نزلت شبحت اشكال جديده في الفيلا كلهم يشبحوا ليها...
أمل لابسه
قميص احمرا قصير عليه بنطلون واسع لونه اسود..
وعملت شعرها كعكه فوق وعملت ميك اب بسيط ..
وطلعت تهبل😍😍💗
دخلت لمطبخ تشبح تلات بنات مقعمزات
أمل:تبي مساعده
أنوار( بنت خالت معتصم):لا حبيبتي مافي شي..ادا فيه راح تساعدي وانتِ هكي..
حركت اصبعها عليها
أمل شبحت شن لابسه..
أمل:خيرك شنو فيها.
تمن يضحكن أنوار،و هيفاء و رانيا..
أمل رفعت حاجبها
أمل:ضحكوني قلت نكت بدون مانعلم..
أنوار ناضت.
أنوار:حوايجك حبيبتي...اشبحي شكلك ماشبحتي روحك في المرايه قبل ماتطلعي صح
اي ياربي معتصم خدا وحده ماتعلم في الاصوال شن ندير
أمل مافهمت شي..
هيفاء :شوي شوي ياأنوار ،حبيبتي حواجيك هادي مش وحده تبي تساعد تمام..
أمل طلعت ماتبي ترد عليهن ندمت انها سالت...
طلعت لحديقه شبحت زياد وتمت تبحث عيونها على معتصم بس مش قاعد...
طلعت
نوره:حبيبتي أمل واخيرا طلعتي.
أمل ابتسمت :تبي نساعدكم
نوره:لامافي داعي..
أمل:شن تحكي انتِ توا راح نساعدك..
نوره:تمام اعملي قهوه اصلا معتصم طلب منى مبدري وزياد قاعد فوق راسي يبي قهوه تمام
_________________________________
رغد ناضت الصبح..
دخلت لحمام (حشاكم) وتمت تمشط في شعرها
فارس:صباحوا حبي.
رغد:اهلين حبيبي..
ةحضنها من وراء
فارس:اخخخخخ منك ومن ريحتك ومن كل شي فيك..
رغد ابتسمت..
حست بدوخه..
فارس مسكها..
فارس:رغد خيرك شنو فيك
رغد:ولاشي دوخه بسيطه
فارس:اول مره تجيك
رغد:حبيبي عادي وناضت
رغد:تعالي نفطروا
فارس:تمام...
طلعوا يفطروا..
طلع فارس لعمل
رغد قعدت ترتب في الشقه ونزلت تحت
رغد:اهلين
وسلمت على عزوتها وتنسيم..
تمن يهدرزن...
رغد:تصدقي ياتنسيم
تنسيم:شنو
رغد:اني لي فتره نرجع وندوخ مشعارفه حامل ولا
تنسيم فرحت:اني صح ماتزوجت بس على ما اعتقد اعراض الحمل هادي.
رغد:مانبي نقول لي فارس مرات مايطلع حمل
تنسيم: خلاص راح نطلع اني وياك لدكتوره.وتكشف عليك
رغد:بس كيف وفارس
تنسيم:ساهله...
_____________________________________
عند أمل دخلت لمطبخ
وعملت القهوه...
وطلعت تبي تدخل لمربوعه بس شبحت معتصم يحكي مع أنوار
أمل ولعت فيها نار الغيره...
بس دارت روحها مش معدله ومشت
تبي تطلع قبل ماتطلع..
خطمت جنب معتصم..
وقفت لم معتصم حط يده قدامها وقفها
أمل شبحت لم معتصم..
معتصم:ادخلي وحطي غطاء على راسك..
أمل قربت منه.
أمل:مالك دخل فيه..
معتصم المسكين يدوب من نظراتها وكيف مقربه عنه 🤤❤️
اعطت السفره لي انوار بلي واقف جنبه وتشبح
دخلت داخل...
__________________________________
في اليل بدء الخوش زحمه..
لابست أمل فستان اسود نازل من كتوف..ورفعت شعرها فوق منزله خصلات وعملت ايلاينرا روج احمرا...
وطلعت...
صارت الحنه طبعآ مانبي نحكي شن لانكم عارفين شنو مانبي نطول...
في اليل دخلت أمل..
وكانت تبي تغير حواجيها بس دخل معتصم ..
وتما يشبح وفاتح فمه 🤤❤️
أمل زمطت ريقها
خدت حوايجها وتبي تمشي لحمام (حشاكم)
مسكها معتصم وقرب منهت واعطها بوسه...
______________________________
تنسيم مشت مع رغد لدكتوره وفعلا طلعت حامل ..
في اليل رغد مجهزه روحها ولابست وحركات شوي يدخل فارس ...
فارس:اوووو وو قرب منها...
رغد حطت ايدها وراء رقبته..
فارس باسها..
رغد:فاارس.
فارس:عيونه
_________________________
عند نور راقده بالحنه وهي تبكي وايمن يفكر في بكرا ويلي داره صح ولاغلط
____________________________
يتبع........