القائمة الرئيسية

الصفحات

رواية ملكتني طفلة الحلقة الاولى - الكاتبة سرو

رواية ملكتني طفلة الحلقة الاولى - الكاتبة سرو
لقراءة باقي روايات الكاتبة سرو : اضغط هنا 
رواية ملكتني طفلة كاملة - رواية ملكتني طفلة الحلقة الأولى - رواية ملكتني طفلة الجزء الأول - رواية ملكتني طفلة البارت الأول
رواية ملكتني طفلة الحلقة الاولى - الكاتبة سرو


نُرشح لك هذه الموسيقى لتسمعها وأنت تقرأ رواية ملكتني طفلة الجزء الأول للكاتبة سرو 


رواية ملكتني طفلة الفصل الأول كاملة مكتوبة بقلم الكاتبة سرو

لقراءة المقدمة : اضغط هنا 
أصيل: انصدمت ولا مره توقعتت يصير شي زي هذااا وتناديني بابا مش عارف شن نوع المشاعر. اللي تكونتلي تواا فاللحظه هذه فرحان روريتي بدت تتكلم وفوقهاا تحبني لدرجه نادتني بابا! .... قعدت حاضنهاا .... 🥺منهوا بابا! !!!!


رؤى: تجمع ف الحروف من ذاكرتهااا وقت تسمع فيهم ينادو ف اصيل ... حطت يدها ع خده ونطقت ب صوت طفولي ..... أص يل 🥺😍😍

أصيل: شفتلها ب فرحه ..... حياااتي ❤️مش مصدق شن قلتي ☹️

رؤى: حاضنه أصيل وراسها ع صدره وتبكي ب غيره ...... 😭😭😭🥺

أصيل: قمتهاا ومشيت للكوجينه قعمزتهاا عالطاوله وقعدت عالكرسي قدامهااا ..... خلاص رورو علاش تبكي انتي لياا ني بس ❤️

علي: سمع اللي صار كله بس مباش يكلمهم لين يفهم .... دخل للكوجينه متصنع الحزن...... شن في!!!!!

أصيل: التفتتله ب لهفه...... سمعتهااا يا بووي شن قالت????? وينها عمتي!

علي: دار روحه زعلان قدام رؤى ..... عمتك مع سميه شويه وتجي ..... المهم رؤى 😭هكي يصيرر توااا كل تعبي وحبي ليكك وفالاخير تنادي ل غيري بابا??!!!

رؤى: نزلت من الطاوله ووقفت ورا اصيل ..... مبتش ترد عليه

أصيل: ههههه 😁خلاص خليهااا هي زعلت لان خليتوهاا ولهيتوا ف خوي الزغيرون 😂غيوره بسلامتهاا ..... رورو اقعدي معاه شويه ونجي

علي: جاها وقامهاا .... تعالي شوفي شن جبتلك اهيااااه شكلاطه معقوله تحبينيش!!!...... ونابشها بش تضحك

👑روايـات الكاتبـة سرو👑

رؤى: ابتسمتله..... 🤭
أصيل: مشيت ل عمتي نطمن عليهاا لقيتهاا قاعده ف دارهاا وخوي ناعسه النوم ..... المهم كويسه! !!!

سميه: اي الحمدلله ي ولدي وينها رؤى استاحشتهااا ☹️

أصيل: رؤى من اليوم شوري 😁متدوريهااش الهيي ف الكتكوت هذااا

سميه: معقوله هي مستاحشتنيش ومدورتش عليااا ?!!!
اصيل: ههههه شويه تو تجي المهم بنطلع وبنطلعها معاي هكي نتمشوا شويه نغيرو جوو وفنفس الوقت متسببلكش ازعاج وانتي قاعده مريضه 😊

سميه: به غلاي تقدر تاخدهااا المهم متعطلوش وتوا جيبهالي نشوفها ونغيرلهاا ملابسها ☺️

اصيل: تماام شويه بس 🔥

تسريع بش نوصل للاحداث 🔥

أصيل: من هذاكاا الوقت واني يزيد حبي وتعلقي بيهاا ❤️ وبدت ترقد معاي فالدار لان عمتي مشغوله ب خوي سماته وسيم 😂ورورو مش مخليتني حتى نحبه لانها غيوره فاتت السنوات ف لمحه ومحسينااش بالايام طبعا رورو وقتهاا بتدخل صف اول ابتدائي واني سنه ثانيه جامعه دخلت مجال هندسه ودراستي كويسه 🔥

👑روايـات الكاتبـة سرو👑

صباح يوم السبت 🕊️

أصيل: كيف مروح من القهوة دخلت لحوشناا طبعا عارف بوي طالع لخدمته ..... عمتيي!!!!

سميه: سمعاته ..... هيااا هي
رؤى: متبيش تلبس ..... انلااااا ☹️
سميه: هياا ي عمري اصيلل بنطلعوا بيرفعنا اصيل نشروا حجات حلوه 😎
رؤى: بصوت رقيق.... هو يلبسني 😁

سميه: رؤى 😑خلاص توا انتي كبيره هذيكا زمانن توا عيب 🙂

اصيل: نسمع فيهم يتناقشوا ..... وقفت ف باب الدار .... خيرهااا رورو 🤨

رؤى: كانت لابسه سروال ونص كم ومبتش تلبس البلوزه ..... شافتله ب خوف .... 🥺نبيهااش تلبسنيي

سميه: شافتله .....اصيل متدورهااش شويه ونجيك نحطلك فطورك منعطلش دقيقه بس 😊

اصيل: رديت عليها ب اهتمام ..... لا لاا خودي رااحتك بس خليني مع رؤى نتفاهم معاهاا

سميه: بصوت حاد وشافت ل رؤى ..... 😑قداش مره قلتلك معش تسااايرهاااا

رؤى: لقت فرصه وهربت ل اصيل وف يدها البلوزه ..... هياا اصيل لبسني ☹️

اصيل: ابتسمت.... ههههه عمتي تعرفيني منطيقش فاهااا خلاص خليني تو نكلمها 😅هيا عخاطري

سميه: به تماام هياا بسرعه نستنى فيكم بنفطروا مداما وسيم راقد 🤭

اصيل: تماام
رؤى: 😌👋... هيا اصيل
اصيل: قعدت قدامها شذيت ف ملامحي بش تخاف..... رورو انتي كبرتي تعلمي تلبسي بروحك علاش تتعبي ف ماما هاا!!???

رؤى: قعدت تشوفله شويه وقربت باساته ع خذه بلمحه سريعه..... 🥺🙈خلاص بابا

👑روايـات الكاتبـة سرو👑

اصيل: ياربي مقدرتش حتى نتعصب منهاا 🤭 ..... تماام هذه اخر مره اتفقنااا!????

رؤى: اه اي اي😁😌

اصيل: لبستهاا .... تماام هكي ❤️
رؤى: شذت ف يده وطلعت معاه

سميه: حطت الفطور عالطاوله وتستنى فيهم 💓
اصيل: اول مشفتها صبحت عليها..... صباح الخير 😂😴ديريني كيف نضتت

سميه: ههههه صباح النور ❤️
اصيل: قعدت عالكرسي وحبيت ننابش رورو ..... وينه وسيم مزال مناضش 🤤😑

رؤى: شافتله ب غيره ..... 😑🤨
سميه: قعدت جنب اصيل .... تعالي رورو هي وقتت 🤭

اصيل: 😌👋
رؤى: عارفه غاية اصيل طنشاته ومشت ل امهاا قعدت جنبهاا بتفطر ..... ماماا! !! وينه بابا علي! !
سميه: مدتلها دحيه ....طلع للعمل من بكري وقتها راقده انتي كولي هي

اصيل: منسجم بروحي ناكل ونخطط قاطعني صوت رؤى .....
رؤى: باهي به 😒
اصيل: هياا بسرعه وقتت كان بتطلعوا رورو بتبدا تمشي للمدرسه 😁وهذه اول سنه نبي نجيبلها حجات

سميه: هيا هي اني شويه ونرن ع معتز يجي ياخد وسيم معاه بش نقدر نطلع معاكم 😊

وسيم: كيف نايض جاهم للكوجينه وهو يمسح ف عيونه قعد واقف يشوفلهم ..... ☹️

سميه: ناضتله .... وسيموو 💓🙈حبيب ماما ثباح خيرر
وسيم: ابتسملها..... 😊

رؤى: ناضت ..... حمدلله شبعت 😕
اصيل: بسرعه!!!!
رؤى: اي وحتى انت قول الحمدلله ونوض نطلعوا 😒

اصيل: خيرهاا حبي زعلانه 😁!!!
سميه: قايمه وسيم ف حضنها...... رورو مش توا خل يجي عزو ياخد وسم معاه ونطلعووا

رؤى: علاش! !! خليك انتي مع وسيم انتي كبيره تقدري تقعدي بروحك معاك لكن اني صغيره نقدرش نقعد بلا بابا اصيل 😁🥺🙈

👑روايـات الكاتبـة سرو👑

سميه: روروووو 😡 لسااانك اكبر من عمرررك كله اصيل يساير فيك اسمعيي اني غيير ره 🤨

اصيل: هربت..... شويه عمتي ماشي نولع السياره 🤭
سميه: استنى اصيل
اصيل: نعم ❤️
سميه: مش عاساس بنمشي معاكم 💔
اصيل: شفت ل رؤى.....اي اكييد عمتي اصلا رورو تبصر عارفها 😁ولاه ?!!!

رؤى: منبصرش اني 😑.... خل تقعد مع وسيم شوفه قداش يحبهاا حرام يزعل هيا بابا 😭

اصيل: معرفتش من نساير 🤦‍♂️..... عمتي خلاص عندي حل نطلع اني وياها تواا وبعدين نطلع اني وياك تمام هكي!!!?? ☹️منبيهاش تزعل مني

سميه: اصلااا مفيش غيرك مدلشهااا تو تشوف كان صار منهااا 😕

اصيل: حط يدها ع راس رؤى ومسح ع شعرهاا ..... وقداش عندي رورو!!!??

رؤى: 😍😍🙈👋😌
سميه: باهي به تماام ربي معاااكم خلاص معناها مش حنقعد بروحي اول ميجي عزو بنمشي لحوش اهلي شويه وانتوا لما تروحو اخطموا علياا نروح معاكم تمام! !!

اصيل: تم ... متنسيش تتصلي ب بوي قوليله
سميه: اي اكيد ❤️
اصيل: اسف
سميه: على شن!!!!
اصيل: لو انزعجتي
سميه: اني منزعلش منك اصولي 😊عادي بجوهاا

وسيم: ساكت يتفرج وخلاص نوعيته هادي

👑روايـات الكاتبـة سرو👑

تسريع بسيط 🔥

اصيل: طلعت اني ورؤى تدهورنا وغيرنا جو وخطمتها ع محلات خديتلها زي مدرسي وشويه لباس تاني وخطمنا ع مكتبه خدينا قرطاسيه بالشنطه وكمالياتهاا اخر شي وقفنا ع الاحذيه 😩تعبتت قداش بوي كان متحملني لما كنت ف عمرها 😂😅

رؤى: اول 3 ايام مدرسه مبتش تسيب اصيل ف يضطر يقعد معاها ويسايرها شويه شويه بدت تتعود وخلاص بدي يحط فيها ويمشي لجامعته ويجي يروح بيها بعدين 🔥

اصيل: طبعا ب هكي انضاف شي جديد ل مسؤولياتي وهي دراسه رؤى اهتميتت بيهاا وقعدت مسؤول عليهاا وكأنها بنتي ❤️ربيتهااا ني وحتى فرحها وزعلها ومرضهاا اني وياها جميع لدرجه قررت اول منتخرج من الهندسه نبي ناخد حصص ندرس رياضيات بش نقعد معاهاا ومنكونش بعيد عليهاا نبي نكون استاذها 💙

👑روايـات الكاتبـة سرو👑

يوم الاحد مع العصر 🔥

علي: قاعد يتفرج عالتلفزيون ورؤى جنبه .... تعالي بابا 🤗
رؤى: مشتله.... شوف واجب بتع مدرسه
علي: وينه اصيل مالا!
رؤى: يصلي ف العصر تو يجي 🙂
علي: تعالي نحل معاك اني
رؤى: تو نحل بروحي ني شاطره 😌👋
سميه: جت وشاذه يد وسيم .... سلمهاا بنتي تو تنجح نديرولها زرده 💓

وسيم: ات 😍
اصيل: ههههه مسرع شفتني تعالى
وسيم: مشاله يجري
رؤى: تعصبت..... باباااااا اصيلللللللللللللل 😡😡😡😡😡
اصيل: حاضن وسيم....... بسرعه كبرت زغيروني 🤭
وسيم: اه 😍😋

علي: 🤦‍♂️🤦‍♂️🤦‍♂️
سميه: واااه رؤى مش متحمله وسيم بكللل 😡

اصيل: معدلتش عليهاا......😌👋

رؤى: مشتله..... 🥺🥺🥺🥺 انت زعلان مني!!!!
اصيل: عارفه روحك شن دايره ولاه 🤨!
رؤى: 🥺سامحني بابا
اصيل: يعني عارفه!!!!
رؤى: لا 😂
اصيل: 😒😂حوينطه بسلامتك هيااا احفظي السوره اللي مبيتيش تسمعيها للابله 🤨

رؤى: وانت كيف عرفت 😳☹️
اصيل: العصفوره قالتلي وهذه اخررر مره نسمع كلام زي هذا مالا لشن مسلم ف روحي بش نقريك وفالاخير هكي!!!! هيااا روروو شنطه بسرعه بش نقعد حنون معاك ومنتعصبش تعرفيني 😑

رؤى: بابا نحبك تزعلش باهي!!!! وعد نحفظها توا انت اقراا ف الدار واني بابا علي يحفظهالي ولاه! !!!

👑روايـات الكاتبـة سرو👑

علي: فرح .... 😂😍😍اي اي تعالي بنووتي هي

سميه: اه واخيراا بترجع للطريق .... همست ل اصيل.... كويس بكل اصولي مش ديما تسايرهاا لازم تخلط شويه بش ميفسدش اسلوبهاا ❤️

اصيل: اها كوني هانيه 😂توا بنمشي نهرب متعشي براا مع صقر اللي قلتلك تعرفت عليه الايام اللي فاتت عندي شيتاات بنصورهم منه متدورينيش 😊

سميه: تمام المهم رد بالك ع روحك وروح قبل الساعه 11 دنيا تخوف ومتخليناش مشغولين 😊

علي: برا فالسياره الصغيره لان السياره التانيه فاها حجات منزلتهمش 🔥

اصيل: تمم ❤️

الساعه 10:30 فالليل ❤️

سميه: راقده فدارها ومطفيه ضيات الحوش بش يهفتوا رؤى ووسيم ويرقدوا

رؤى: دارت روحها هافته شويه وقامت فوق لقتهم ناعسين خدت بطانيتها الخفيفه ومخذتها وطلعت بخطوات بطيئه من الدار لان تعودت ع دار اصيل 🤫

اصيل: كيف روحت وواقف قدام الباب تاعب بكللل طلعت المفتاح فتحت دخلت وسكرت وراي الباب ..... راقدين الجماعه 🙂🤭

رؤى: تبكي ..... 😭😭😭😭😭
اصيل: مشيت فتحت داري سمعت شهقات ولعت الضي لقيت رورو قاعده عالارض وحاضنه مخذه وتبكيي ....... 😳رورو!!!

رؤى: اول مشافاته قمزتتله...... بابا روحتت 😭😭ويننن كنت! !! تعرفني نخاف من الظلام 🥺☹️☹️☹️

👑روايـات الكاتبـة سرو👑

اصيل: مرقدتيش لتوا???! ماما وين!!!
رؤى: راقدين ماما وبابا علي ووسيم واني مقدرتش نرقد هربت من عندهم نستنى فيك 🥺🥺🥺🥺

اصيل: حضنها ومسحلها دموعهاا..... حبيبي اسف وعدد معش نعطل مره تانيه تزعليش مني 💙
رؤى: 💔💔
اصيل: حفظتيها السوره???
رؤى: اي ☹️
اصيل: حليلي كله بش ني منزعلش!!!
رؤى: اي 🥺
اصيل: ي ربي محلاها..... تعالي نساويلك سريرك وقت عالنوم وراك مدرسه ❤️

رؤى: به 😍
اصيل: ساويتلها سريها وخليته تتسطح وغطيتهاا ومشيت ل سريري بنصفح شويه وبنرقد

رؤى: منبيش ظلام ☹️
اصيل: ولعت لامبه بتع ممر وخليت بابنا مردود بش يبدا في اضائه مش مباشره وطفيت لامبه دارنه..... تمام هكي!!!!!

رؤى: اي 😕
اصيل: تسطحت عالسرير وفتحت هاتفي نصفح واندمجت محسيتش غير رؤى جنبي ومتغطيه ب بطانيتي بتع مكيف..... رورو!!!!! 😳

رؤى: قاعده خايفه 🥺
اصيل: به خليك واول متنعسي تو نحولك باهي!!!
رؤى: به 🥰
اصيل: حطت راسها ع كتفي تتفرج عليا وني نصفح لين نعست قريب ربع ساعه وحولتهاا ل سريرها ورقدت ❤️

👑روايـات الكاتبـة سرو👑

بعد يومين 🔥

أصيل: كنت مروح من الجامعه وبنخطم ناخد رؤى نروح بييهاا بس القصه ان هي مش موجووده سالت الابلات والاساتذه وحتى المدير والغفير مهنااش 💔كلمت اللي يقرو معاها قالولي روحت!!! من روح بيهاااا! !!!! بوي فالخدمه مستحيل يجي الوقت هذااا ومن يومي ني نروح بيهااا!!!!

سميه: خايفه و ليهااا ساعه مش مطمنه وتحاول ترن على اصيل محصلاتاش

وسيم: شاذ ف امه ..... 😕

اصيل: متأكدين روحت???"!!!
ريان: تقرا معاها...... اي مبكري من الاستراحه

اصيل: 😳متعرفيش من جاها???
ريان: نعرفش ني جديده منعرفهاش كويس
اصيل: به تمام 💔..... قاطعني هاتفي لقيتها عمتي ردييت ...... عمتي ني شويه مشغول تو نرد عليك بعدين شويه 💔

سميه: اسسستنى اصيييل واخيرا حصلتكك ☹️
اصيل: ها خييير انشاءالله باللهي عليك بسرعه لاني ملخبط وملقيتش رؤى فالمدرسه 😥

سميه: متوتره...... اصلا اتصلت بيك ع خاطرهااا 😭
اصيل: حسيت ب خوف مش طبيعي ..... خخخ خيرهااا شن في!!!????

سميه: وصلهااا عمك لما روح ب سيف ولده عنده معاينه قلي لما شافتني شدت فيا نروح بيهااا

اصيل: يعني هي فالحوش توا! !!!
سميه: البنت مش عارفه خيييرهااا اصيللل الحقنييي روحت متعصبه دخلت ل دارك وسكرتها بالمفتاح مفهمتش شن صاير معاهااا وراسك خايفه تدير شي ف روحهااا متبيش تفتحلي الباب 🥺💔

اصيل: 😳😥 شويه بس مساافه الطرييق نوصل فييك
سميه: نستنى فيك بسررعه هي 💔....وسكرت

👑روايـات الكاتبـة سرو👑

بعد ربع ساعه 🔥

اصيل: واقف قدام الدار وشاذ يد الباب........ رورو افتحييلي البااب

رؤى: مقهوره...... 😭😭😭😭مستحيل نفتحه
اصيل: رورو في حد مزعلك????
رؤى: مبتش ترد عليه 💔

سميه: حاضنه وسيم وتسكت فيه وخايفه رؤى صايرتلها قصه ☹️💔

اصيل: وقت معش ردت عليااا قررت نكسر قفل الباب مرتين و3 كسرته .....ودخلتتت وهني صدمتي 🥺🥺🥺

رؤى: قاعده عالارض وممزقه صورتها هي واصيل بالنص وفصلتهم وتبكي وتشهق ولامه رجليهاا ل صدرهاا ..... 😭😭💔💔

اصيل: وقت شفت الصوره كيف فاصلتهاا مش عارف شن حسيت ☹️ قربت منها وقمتلها راسها .... رورو حبيبي ليش زعلانه! ???

رؤى: مدخلكش معش تكلمني 😭
اصيل: بسم الله الرحمن الرحيم .... قعدت قدامها .....رورو صارتلك حاجه احكيلي شن صار فالمدرسه 💔

رؤى: ناضت وتضرب ف اصيل ع صدره ..... اطلع من الدار وخليني 😭😭معش نحبك ني

اصيل: تحبيش بابا! !!!!!
رؤى: بصوت عياط..... انت مش بابا معش تقولهاااا 😭
اصيل: انقهرت عليها ..... روروو احكيلي علاش هكي تغيرتي! !!!
رؤى: بصوت ضعيف ...... انت كذاااااب كذبت علياااا انت مش بابااا

اصيل: انصدمت...... رورووو من اللي قلك الكلام هذاااا خيرك! !!!

رؤى: انيي كبيره وبدييت نفهم معش تضحكوا علياااا انت مش بابا وحتى علي مش بابا 😭😭😭😭😭نبي بابا نييي

اصيل: رورووو اني بوك ني اللي ربيتك وقاعده مسؤوليتي 🥺💔

رؤى: تيي معششش تكذب عليا 😭 علاش اللي فالمدرسه ينادولي رؤى حفيظ علاش تكذبوو عليااا من هوااا بابا 🥺🥺 علاش مينادونيش رؤى علي! !! زي وسيم 🥺 ولا رؤى اصيل لو انت حق بابا 🥺😭!!! علاش قلي علاش !!!! انتتت منووووو ...... يتبع

أنت السعادة التي أخشى فراقها🎼💜*
🥺😔

ومن هني بتبدا الاحداث🔥

ملاحظة// عارفه نزلتهاا قبل موعدهااا طبعااا صايرلي ظرف ميسمحليش نفتح بعدين ع موعدها و لانهاا جاهزه محبيتش نحرمكم منهاا اقروهااا وادعولي ❤️💔وسامحوني مرديتش ع رسائل الخاص ☹️...... بعون الله وقت نفتح نبي نلقى تفاعل وتعليقات طويله حلوه لاني نحب نقرا تعليقاتكم 🥺..... 👑#سرو

رايكم والتوقعات ❤️🙋‍♀️

لقراءة الحلقة الثانية من رواية ملكتني طفلة : اضغط هنا 
هل اعجبك الموضوع :

تعليقات