القائمة الرئيسية

الصفحات

رواية ملكتني طفلة المقدمة - الكاتبة سرو

رواية ملكتني طفلة الحلقة الأولى - الكاتبة سرو
لقراءة باقي روايات الكاتبة سرو : اضغط هنا 
رواية ملكتني طفلة كاملة - رواية ملكتني طفلة الحلقة الأولى - رواية ملكتني طفلة الجزء الأول - رواية ملكتني طفلة  الفصل الأول - رواية ملكتني طفلة البارت الأول
رواية ملكتني طفلة المقدمة - الكاتبة سرو

نُرشح لك هذه الموسيقى لتسمعها وأنت تقرا مقدمة رواية ملكتني طفلة للكاتبة سرو 

رواية ملكتني طفلة المقدمة كاملة مكتوبة بقلم الكاتبة سرو 

لايك قبل ماتقرو عخاطر نحذف في اللي مش متفاعلين 🔥


أصيل: قاعد عالسرير وسارح ف ملامح قلبي البريئه الطفوليه ويديها الصغيرات 🤤❤️..... ابتسمت الا اراديااا 😍

رؤى: الملاك الصغيير اللي دخلت بش تغير حياتهم وتحلييهاا وتجذب الانتباه كله عليهاا لانها زغييره وف ايامها الاولى ف الدنيااا..... فتحت عيونهاا وتغمض وتفتح وتشوف للصقف ❤️

أصيل: بعد دقائق نعست جنبهااا بدون منحس
سميه:فتحت باب الدار ومدخله ف يدها شنته صغيره ..... أصيل!!!

أصيل: محسيتش بيها 😴😴
سميه: قربت للسرير تشوفلهم ب حب وفرحه ..... حطت يدهاا ع خده .... أصيل نعست!!!!
أصيل: نضت مخلوع..... اه 😳😰 نعم اه اسفف جيت بدون اذنك محتاجه حاجه! !!!

سميه: ابتسمتله....بسم الله علاش نخلعتتت وعلاش تتأسف تزعل فيااا لما تعاملني هكيي 😕
أصيل: نضت..... ماهو غلط ندخل دارك بدون اذنك كله حبيت نشوف اختي بس 😅❤️

سميه: بتعب.... خلاص اصيل انسى تعالى قلي شن شعورك وقت شفت اختك 😘

أصيل: شفتلها بصمت وكل مشاعري ملخبطه

سميه: زعلانه وفرحانه ف داخلهااا الزعل لان تمنت حفيظ الله يرحمه يحضر اللحظه هذه ويشوف بنته 💔

والفرح لان علي محاول قد جهده يعوضهااا وميخليهاش تحس ب الفراق وتحبه ويحبها ❤️.... شافت ل اصيل بنظرات مش مفهومه وصوت هادئ..... اصيل هذه اللي ح تحلي ايامناا حبيبتي وحبيبتك وحبيبة الكللل انت اللي بتحافظ عليهااا وتعلمها🔥

أصيل: مش عارف وقتهااا حسيت كلامهااا قعد بصمه ف قلبي ..... اه 🙁

سميه: حطت الشنته جنب السرير وقربت خدت البيبي وحطاته ف حضن اصيل .... 😂تعلم كيف تشدهاا

اصيل: ههههه ... ضحكتلهاا وشفتلها ب حب يمكن مش هي حطتهاا ف حضني يمكن القدر اللي حطها ف حضني 💓

رؤى: سبحان الله مبكتش بلعكس قعدت تشوف ل اصيل ب استغراب وعيونهاا تلمع ب براءة.... ❤️🥺
علي: طالع يجيب ف الحجات الناقصه 🔥
أصيل: متخليهاش هني حطيها ف سريرها 🤭

سميه: تساويلها ف سريرها.... اي غر بكري بوك قلي خليهالي هني وتوا طلع 😅❤️

أصيل: 😅اي
سميه: تعرف اصيلل من لماا اعتبرتك ولدي واني واعده نفسي نخليك تسميهاا انت لو جت بنت استنيت الايامات هذه كلهاا ومخليتش اسمهاا يتسجل لين سالتك ❤️

أصيل: معجب ب اهتمامها.... بس نعرفش اسامي بنات عطيني نختار 🤭😂
سميه: اممممم ... ريان /روان/رؤى ❤️
أصيل: بعفويه..... رؤى😍

👑روايـات الكاتبـة سرو👑

سرو// 🤭عاارفه دخلت ب اندفااع ومفهمتووا شي طبعاا واكيدد ح نخليكم تفهموا شويه شويه 💞
😊
(الاحداث بتع المقدمه من الماضي لانها مفتاح القصه) وحنتكلم بلسان البطـل🔥👇👇

اسمي اصيل حالياا عمري (32 سنه) ماما توفت الله يرحمها من لما اني صغير قاعد ف صف رابع كانت مريضه 💔ومن وقت خسرتهاا واني تغيرت شخصيتي بدت اعصابي باارده ومنحب حدد وحتى صحاب مدرتش مليش خلوووق بس وقت نتعصب مستحييل نرحمم بالمختصر شخصيتي بدت صعبه نوعاا ماا وحتى الكلام منحبش الدوه الزائده يادوب نرد عالمطلوب وقد السؤال نجاوب 🤷‍♂️💔

اي وبعدها ب فتره عمي مات شهيد ف الحرب كان متزوج ومرته حامل فالشهر الثاني الله يرحمه 🥺 بعدهاا العيله ف هم وغم وكلهاا مشاكللل وحتى جدي مرض بس رجع وتعافى وبوي كان طايح ف مشكله وطلع منهاا فتره مستحييل ننحسدوا عليهااا تقول عين وصابت 🤷‍♂️

فاتت اياماات طويله ومرت عمي قررت تبي ترجع لاهلهااا وحناي دارت مشكله قالت شييي صغار ولدي ميقعدوش بعاد عليااا سواء بنت ولا ولدد ع اساس تبي تزوجها ل بوي وهي رفضتت بس جدي شذ فيهاا وقلهاا منبوش يقعدوا عند الغريب شي يقعد عندناا منبووش نوصلوا ل مرحله نطيحوا فيها قدر بعضنا وانتي بنتنااا ومادا بينااا نأمنوا لمستقبلك ووافقي ويقعد اللقب نفسه طبعاا بعدهاا ب يوم رجعت ووافقتت بس شرطها تروح تكمل فترة وضع بتعها عند اهلها وهي مش كبيره فالعمر متوسطه فاتت شهور.وقتها صغير اني ف محبيتش نقصقص ع تفاصيل المهم تحسن الوضع وفعلاا بوي تزوجهاااا بعد ولادتهااا الحمدلله طبيعيه بوي موافق وقتها كان يشوف لمستقبلي ويبي من يدير باله عليا وع قرايتي وحتى عاجبتهم هي مشاءالله عليها🔥

بصرااحه وبدددوون اي مجاامله ويشهد ربي ان مقصرتش معااي بكللل ودايرتني ولدهاا وعمرها محسستني بالتقصير وديمااا تحاول تكون قريبه مني صح فتتتره مبيتش حتى نقلها امي وهي ديماا تقلي ديرني امك وناديني بيها الكلمه هذه مع ان عارف حتى لو ناديتها امي مستحيل تغطي الفراغ اللي تكون ف حياتي 🔥

اول مجت بنتها عالدنياااا بوي كان فرحاان لان بيبدا عندي اخت تسايرني وتطلعني من الوحده اللي ني فيهااا وهو كان يحبني هللباااا والسبب اللي خلاه يرتاح ل سميه هو حبها لياا واحترامهاا ليه ومقصرش معاهاا وحتى حنااي تحبهااا هللبااا من قبللل 🤷‍♂️💞..... حاس بنلخبطكم 😅

اني كانت ردت فعلي فرحه وراحه وشفت هلبا حجات ل قداام سبحان الله صح حسيت بالغيره 😂😂😂لانهاا صغيره وتعرفوا ان ف كل عيله تنجذب الانظار والاهتمام لييهم 😅🤭

المهم قد محاولت ناخد بخاطر مرت بوي ونناديها امي مقدرتش ☹️

اني كنت نتردد عليهااا من قبل متتزوج بابا نمشيلها ني وحناي وهي قالتلي سميهاا البنت وخلتني نختار. بس قلتلها الاسم يلحق لين تجي لحوشنااا 🔥😂 تاخرنا ف تسميتهاااا الحق ووقت رجعت خيرتني خليت اسمهاا رؤى وقتهاا اني نقرا ثالت اعدادي 💞

تعلقتت هلبا ب رؤى مستحييل يفوت يومي الا ونقعد معاها حتى وقت المدرسه نبدا مستعجل ع المرواح لان استاحشتهااا وحتى رؤى تعلقت بياا لدرجه تحبني اكتر منهم كل يوم تكبر قدام عيوني احلى فتره معاهاا ف 4 شهور 😂😂😍تضحك فيااا وخصوص لما ندخل ل دار بوي بالسر بش ناخدهاا الدار بدت ريحتها غر حليب و بودره اطفال وجونسون 😂😂🤦‍♂️

وهما قريب مرتين يحسابوني منروحش من المدرسه واني راقد جنب رؤى وقت يشوفوني يقعدوا يضحكوا عليااا وفنفس الوقت فرحانين لاني حبيتها وتقبلتها ك اختي .... وتفوت الايام يلي كلها تقعد ذكريات حلوه 💓

👑روايـات الكاتبـة سرو👑

بعدهاا صارت شويه ظروف ل عمتي مرت بوي ف بوي ديما هو طالع معاها ل حوش اهلهااا ع خاطر بوها تاعب شويه نتفكر يومها كيف مروح من المدرسه قابلتي طالعه مستعجله هي وياه وقالتلي لبس ل رؤى مرات نرجع ناخدكم معاي بس مبيتش قلت نقعد باها فالحوش احسن لان خايف عليهاا قريب اسبوع وهما يطلعوا ويخلوا فيها معاي يرد فيها ف نص نهار تجيبلنا غذاناا وتغير ل رؤى وتمشي 😂 هذيكا الفتره شبعت ف السيريلاك بتع الاطفال ناكل اني وياها مستحيل تاخد الا ونسايرهاا 😂وحفظت حتى كيف نديرلها شيشة الحليب 😅😅💔
لكن وقت تبكي انشاءالله نرقص بالهندي قدامها خلاص مستحيل تعبررر بكلل 😥😩وني منتحملش دموعهااا ف نخلي فاها تلعب عليا واني نقراا لان امتحاناتي قربت وفاليل مترضاش الا وينعسها النوم وهي ع صدري🔥
صح صعب نقعد نسايرها ونلهى ف قرايتي بس اني لازم نرضيها ونرضي نفسي 💓

وبوي الحق مش مقصر بكلل عمره مادار فرق بيني وبين رؤى وحتى عمتي سميه ولا مره حسستني ب فرق بيناتناا عشنا ب استقرار وعيله وحده حب واهتماام وتعليم 💓
وكل شويه تحلى ايامناا ومرتاحين بعدها ب ايامات جابلي بوي اسئله ل 5 سنوات فاتوا بتع الشهاده وقلي حلهاا وصحح الخطا بتعهاا واحفظها كويس بش متحتاجش للكتاب ومتلخبطش روحك وفعلا خديت بكلامه ومتعبتش فالامتحانات لانهاا بدت مكرره والحمدلله نجحت بمعدل كويس 87% اني اصلا ممتاز ف قرايتي ونحبها وبابا يقلي نديرلك اللي تبيه المهم تقرا وتاخد شهاده وتبني روحك هذا سلاحك اللي حيفيدك بعدين 💞

👑روايـات الكاتبـة سرو👑

سرو//🤭 خل نكملوا الاحداث اعتقد تعرفتوا على أصيل وقاعده نفكر فيكم ان المقدمه تخص الماضي بش نقدروا نمشوا صح فالاحداث❤️

بعد مروور سنه 🔥

أصيل: وقتهااا ني ف عطله نص السنه بتع اولى ثانوي طولل الفتره اللي فاتت واني كل يوم نتعلق اكتر واكتر ب رؤى ومدللها وقداش فرحت لما بدت تمشي وجربت اول خطواتهاا 🥺❤️

رؤى: قريب تسكر سنه ونص من عمرها 🙈

سميه: حملت وتوااا ف شهرهاا وكلنا فرحانين وندعولهاا ع خير وديماا تشجع فياا تقلي .....انت الاخ الاكبرر المسؤوليه ديماا عليك لازم تتعود وبوك متفائل بيك مادا بيه تطلع راجل كويس وني نفرح لما تهتم بيااا والحق منحبش نتعبها معاي لانها مريضه وساخف عليهاا ☹️❤️

علي: كاان خايف شويه بس ارتاح نوعااا مااا لان رؤى مش اخت أصيل وانما بس ح تتربى معااه خايف الموضوع هذا يسبب مشكله مستقبليااا مع ان ف قلبه يحبهم زي بعض ومش مفرق بينهم وديما يعاود ويكرر قدام ولده ان رؤى اخته وبيعاملها عالاساس هذا وتوا يستنى ف المولود الجديد انشاءالله💓

صباح يوم الاحد 🔥

أصيل: نضت مع الساعه 10 لقيت رؤى حاطه راسها ع كتفي استغربتت شن جابها!!.... حولتهاا بهدوء بش متستاقضش وحولت العابهاا اللي جنبي لقيت ملابسي عالكرسي اكيد عمتي مطلعتهملي خديتهم ودخلت غسلت وطلعت ... شفت رؤى تتحرك شكلها بتنوض 🙈يحليلي كلهااا براءة .... شويه رن هاتفي لقيته بوي ...

علي: بصوت هادئ.... صباح الخير أصيل
أصيل: بصوت خفيف ....صباح النور
علي: متقليش كيف نضت?
أصيل: لا لياا ربع ساعه كيف طلعت من الدوش ويين انتم ومن جابها رؤى ل داري! !!!

علي: ب خوف....ي ولدي سميه تعبت وجبتهاا للمستشفى ادعيلهاا تنوض هي وخوك بالسلامه
أصيل: توترت.....انشاءالله 💓

علي: تعرف مبتش تطلع معاي لين طلعتلك ملابسك ودارتلك فطوور وغيرت ل رؤى .... قلي نايضه هي!!
أصيل: محلاها قداش نحب اهتمامهاا 🙁..... رؤى راقده شكلها حاولت تنوضني ومعدلتش عليها تعبت ورقدت 😅

علي: به متنساش تفطر وتفطر اختك هنيني متخليش بالي مشغول .. تبي نتصل ب عمتك تجيكم!!!!!

أصيل: لااا لا مفيش داعي علاش تجيبهاا اني موجود ومش حنقصر المهم متنساش تتصل بياا وقت تطمن عليهاا 💔قلبي معاهاا

على: انشاءالله اصيل 💓.... وسكر الخط

رؤى: فتحت عيونهاا وملقتش اصيل بدت تبكي..... 😭😭😭😭😭😭

أصيل: اول مسمعتها جيتهاا نجري .... 😊رورو اني هنيي ممشيتش تعالي نفطرو هي

رؤى: شافاته قعد جنبها ..... 🥺🥺
أصيل: نشوف ل عيونها اللي بسرعه ولو حمر وخدودهاا .... خديت قمتهاا ... ونفكر ف خوي اللي ح يجي بعد سنين واني نتمناه 🥺 صح رورو عبت حياتي وغيرتني هلباااا بس هي تقعد مش اختيي ومستحيل نعتبرهاا اخت هي فالاخير بنت عمي الله يرحمه لو مهماا قاللي بوي يقعد هذا تفكيري 🔥

👑روايـات الكاتبـة سرو👑

بعد ساعاات 🔥

أصيل: قبل ساعه كلمني بوي وقال وباركلي وباركتله قلي امك وخوك بخير ❤️وبيروحو اني حمدت ربي وشكرته انهم بخير شوي وحسيت صوت السياره خليت رؤى ف الاستراحه اللي قدام بار الكوجينه وطلعت نستقبلهم 🔥

علي: نزل ونزل سميه معاه ومسندها عليه. اول مشاف اصيل فتح الباب ناداه..... اصييلل تعالى نزل الحجات من السياره خل ندخل امك 🔥

أصيل: تم حاضر هي ☺️
بسمه: اخت علي.... نزلت وشاذه معاها البيبي 😍🙈

أصيل: دخلت الحجات اللي قلي عليهم ولقيتهم قاعدين فالصاله وعمتي سميه دخلها بوي للدار ورجعلي ❤️

علي: حضن أصيل..... متبيش تشوفه!!!!!
أصيل: 😅حمدلله ع سلامتهم ... اه اكييد

بسمه: شافت ل اصيل وضحكت...... انت احلا منه وقت كنت كتكوت زغيرون 🤭😂

أصيل: ههههه ترا 🙈
رؤى: كيف جايه ووقفت ف باب الصاله وشافتهم فرحانين واصيل شاذ بيبي صغير وفرحان .... تلخبطت مشاعرهاا

أصيل: اول منتبهت ل رورو رديته ل عمتي..... دخليه للدار 💔.... ورجعت شفت ل رورو صح هي صغيره بس ف عمرها هذا تفهم لكن قاعده متتكلمش بس حسيت نضرتهاا حزينه وكأن الاهتماام بيمشي لغيرهااا 🔥

رؤى: تشوف لاصيلل وعيونها يلمعوا قريب تبكي..... 🥺

أصيل: مشيتلها وقعدت ركبه ونص قدامها وشذيت خدودها .... خيرها رورو زعلانه 🙁

رؤى: هزت كتافهاا بحزن..... ☹️☹️☹️🥺
أصيل: ههههه اه عرفتتت علاش ع خاطر نغرتي ولاه بس صدقيني تقعدي انتي الاساس روريتي اني وبس بنتي اللي نحبها 🙈😂❤️رضيتي توا ?!!!!

رؤى: نزلت دموعهاا وحضناته😢 ونطقت لاول مره بصوت متقطع .... با...با🥺

أصيل: انصدمت😳....... يتبع

👑روايـات الكاتبـة سرو👑

سرو// ساد ل حد هنيي 😂😂التفاصيل فالحلقات الجايه 🥺 المقدمه بش تحفظوا الشخصيات وتقدروا تفهموا البدايه بس ❤️مزال في احداث احلى ومشوقه وفاها جو🔥

بعض النقاط المهمـة ❤️🙊

_*و احببتك وكأن لم يخلق في الوجود غيرك ...ملكتيني من طفولتك 🔥

_أنت السعادة التي أخشى فراقها🎼💜*

_‌‎مَن يُحبك لا يقْسو ، لا يهمل ، لا يملّ ،لا يكذب ،لا يتغير، لا يغيب لا يخادع ،لا يهْرب لا يختبئ خلْف أعذار مُصطنعة من يحبك حقاً لن يجرؤ على مرور الوقت بدونك سيحنّ، سيشتاق، سيتألم، سيصنع المستحيل ليحادثك ، من يحبك فقط☹️❤️.....ركزوو ع اول كلمه حتقتنعوا 🕊️

_‏من الطبيعي جداً إن الشخص اللي يحبك يتضايق من أتفه الأسباب اللي تعملها لأنّه شايفك ف كفّة وباقي الناس ف كفّة تانية هذا مش تملك ونكد هذا حب 🙁❤️

_يارب عوضني عن كل شي احببته فخسرته
طابت له نفسي فذهب
اللهم اني اعوذ بك من قهر يؤلمني
ومن هم يحزنني
اللهم جنبني شر مايكون قبل ان يكون ...🕊️

_انت ابي اخي صديقي وغيرهااااا.... انت استاذي ❤️

.....وغيير هذا كلـه ف الحلقات 🔥🔥

طولتها المقدمـة بش تفهموا مفتاح الاحداث وتحفظوا الشخصيات 😍....قراءه ممتعه 🕊️احلا فانز ❤️
بطـولـة/ محمـد منير 💛حقوق الصور محفووظه 👑وحبيت موافقتـه على اقتراحي 💓
😂😍اخترته لان شخصيته تشبه اصيل بتع الروايه 💛لان نوعيتي منحبش نوصف الابطال ب الكتابه نحب نحط صور مشابهه للمواصفات 🥰🥰🥰
😍😍تفااعلووا ع الروايـة استاااحشت تعليقاتكم اللي ناخد منها ف طاقه ايجابيه 🙈❤️#سرو

رايكم والتوقعات ❤️🙋‍♀️|
لقراءة الحلقة التالية من رواية مملكتني طفلة : اضغط هنا 
هل اعجبك الموضوع :

تعليقات