رواية عدالة أم الحلقة الثانية بقلم أحمد عبدالله

رواية عدالة أم الحلقة الثانية بقلم أحمد عبدالله

لقراءة باقي روايات الكاتب الليبي أحمد عبدالله : اضغط هنا 

رواية عدالة أم الحلقة الثانية بقلم أحمد عبدالله

نُرشح لك هذه الموسيقى لتسمتع لها وانت تقرأ رواية عدالة أم الجزء الثاني 

رواية عدالة أم الفصل الثاني كاملة مكتوبة للكاتب أحمد عبدالله 

لقراءة الحلقة الأولى من الرواية : اضغط هنا

خالد : من يلي دار هكي يا حياة

تكلمي يا بنتي

حياة : ( بدت تبكي بشكل غير طبيعي ) و قالت سمعتهم يقولولي ( توا تنفعك امك )

رانيا : 👁👁🔥

( طبعا هذه اللحظة هاذي عرفت من يلي دار هكي او بمعني واضح يلي داروا هكي )

( طلعت نجري من الدار)

خالد : رانيا رانيا

( طلع وراي يجري )

رانيا : تلفتله ، عرفت من يلي داروا هكي و بنمشي نكلم المحقق يلي جي اهني قبل شوي

( شدني من ايدي . استني شوي توا يكلموه )

طحت و قعدت نعيط

خالد : مني يلي دار هكي

رانيا : نعرفهم هما الكلاب

خالد : مني

رانيا : طلابي كله مني اني السبب

( شدني و قعد يواسي فيا و اني محروقة علي البنت و بدات لمًا عرفت ان اني السبب 💔 )

( جي المحقق عز الدين )

عز الدين : اهلين ان شاء الله البنت بخير

رانيا : نبكي و حالتي يعلم بيها ربي ( اني عرفت من يلي دار هكي )

عز الدين : مني

( خشيت اني و ياه لحياة و قالت حياة انهم كانوا اربعة و بدت تسمي فيهم و قالت سمعت صوت ( علي ) و ( اشرف ) ( عماد ) و شفت ( سند ) بعيوني

و كانت موجوعة هلبا و تتكلم و هيا تبكي و واجعتها نفسها

( طلع المحقق )

خالد : حيجيبهم الكلاب ( و كان يبكي )

رانيا : حسبي الله و نعم الوكيل فيهم

حياة : حقا جي محمد شافني ( خطيبها )

( شفت اني و خالد لبعض )

حياة : خيركم تشوفوا لبعض جي او لا

رانيا : اكيد مشغول يا بنتي

حياة : ممكن تطلعوا خلوني بروحي

(بصوت عالي اطلعوا )

( طلعنا )

حياة ( هل محمد يرضي ان ياخد واحدة مغتصبة ، دموعي نزلت غصب عني و حسيت نفسي منهانة و محشمة من روحي ، حاسة كاني فقدت شي ، يارب ما تحسش الشعور هذا اي بنت لان يوجع هلبا )

............................................

( طلع عز الدين و جابهم بلواحد من حياشم )

( جاب اشرف من ورشة بوه و هو يعيط و يبكي و بوه لا حول ايه و لا قوة )

( و جاب عماد من حوشه و هو يهدد و يقول ما ذرت شي )

( و جاب علي من شقته و هو يتغوت و ينوح )

( و جاب سند و هو مش خايف ابدا و كان مش مداير شي و عارف ان بوه مش رح يخليه )

....................

( عينا محامي و خدي اقوال حياة و طلب ان يندار تحليل طب شرعي للبنت و يشوفوا ...........)

( و كذالك بو سند عين محامي لولده و لصحابة )

( طبعا الولاد تم حجزهم في قسم الشرطة ليوم المحكمة )

.......………………………

( عينت المحكمة طبيب شرعي لحياة و جي و خدي العينات )

🔥 سند و بوه في قسم الشرطة 🔥

سند : لازم تطلعني لازم

بوه : ما اتخافش مش هما يبو ملف طبيب شرعي تمام حنجيبه

سند : يعني تقدر ترشي الطبيب

بوه : خلي كل شي عليا انا و المحامي المهم توا نبي نعرف انت درتها او لا

سند : ( نزل راسه )

بوه : ( دفل عليه ) عارفك خسيس

................................................

( الجلسة الفورية )

محامي حياة : ما اتخافوش الطب الشرعي حيبين كل شي بأذن الله

خالد : ان شاء الله

رانيا : ( شفت لجهة اليمين لقيت سيارة الشرطة تنزل فيهم )

( 😡🔥💔 نضرات سند كان كانه يقول اني طالع و مش حتقدري تديري شي )

( نشبحلهم بكل قسوة )

...........................

( في المحكمة )

القاضي : محامي الضحية يتفضل

( وقف المحامي و بدي يشرح علي حياة و كيف صارلها كل شي و كانت ملامح خالد توجع الخاطر لما يشوف بنته يطعنوا في شرفها قدامه 💔 )

المحامي : انا طالب نتائج تحاليل الطب الشرعي اكملت كلامي سيدي القاضي

القاضي : محامي المتهمين

محامي الولاد : سيدي القاضي كل الذي سمعته الان كذب و افتراء علي اولاد تحت السن القانونية تتهمهم عاهرة انهم اغتصبوها

القاضي : تحفظ علي الفاظك لنفسك

محامي الاولاد : تتهمهم انهم اغتصبوها و من غير اي دليل يتبت هذا الادعاء و الافتراء

القاضي : محامي الضحية يطلب تحليل الطب الشرعي

( جابوا للقاضي التحليل و للاسف طلعت نتيجته سالبة مع عينة الولاد )

المحامي : 😱

خالد : 😱

رانيا : 🤭😖🥺

سند : 😏

محامي حياة : هذا التحليل مزور

القاضي : انت تطعن في تحليل من المحكمة

التحليل يقول ان عينات الاولاد مش نفس عينات المغتصب ، الحالة تعرضت لاشد انواع الضرب لدرجة الموت و لكن لا يوجد اي دليل يتبت التهمة الموجهة الاولاد و لذلك حكمت المحكمة حضوريا بلافراج علي ( سند .......) و ( علي .........) و ( اشرف ..........) و ( عماد ..........)

..

( طبعا كانت صدمة لينا و خالد ما قدرش يمسك اعصابه و جي ضرب سند و شدوه الشرطة )

( وقفت مصدومة لا منهارة و نشوف فيهم كيف فرحانين )

طلعت اني و خالد و المحامي من المحكمة و راسنا لوطة و مافيش اي حل و خاطرنا مكسور علي حق بنتي و بنته يلي ضاع )

( لقيت المحقق واقف قدام الباب )

المحقق عز الدين : سمعت بلي صار داخل المحكمة بس اني حنسعي اني ندور علي مغتصب البنت

رانيا : لا لا شكرا المغتصب طلع براء

عز الدين : اني و الله متفهم الموقف و حاسس بيكم

رانيا : احني محدش حاس بينا لا الشرطة و لا القضاء متعك ، تشرفنا

عز الدين :👁👁

( ركبت السيارة و راسي لوطة و دمعتي في عيني محروقة علي حق البنت يلي راح في لحظة )

( يلي صار ،، اتفق بو سند مع الدكتور و دفع مبلغ و بلفعل تم تزوير التحليل و طبعآ قضاء ضعيف و عدالة مش موجودة فا اكيد ما حدش حيحس )

( طلعنا للمستشفي باش بنطلعوا حياة و كانت حالتها كويسة بس حالتها النفسية تعبانة هلبا و بدات ان في التلفزيون كاتبين ان المتهمين في قضية البنت يلي تم اغنصابها طلعوا براء)

( خشيت اني و خالد )

( لميت دبشها و جيت نكلم فيها و في ايدي امية حذفت الكاسة من ايدي )

( لميت حاجتها و طلعنا من المستشفي )

( وصلنا الحوش دخلناها لدارها و هي تعبانة و طلعنا )

طلعت برا الحوش و قعدت نبكي

خالد : رانيا خيرك

رانيا : سامحني يا خالد

خالد : ليش تقولي هكي

رانيا : يلي فيه بنتك سببه اني كله مني اني هددتهم و كسرت تليفوناتهم

خالد : ما اتقوليش هكي حنجيب محامي تاني و نفتح القضية تاني و حق بنتي رح ناخذه و ياخدهولي ربي )

رانيا : 😢

( نشوف في ام خطيب حياة جاية )

( نضت و مسحت دموعي )

ام محمد : اهلين

خالد : اهلين

ام محمد : اني سمعت بلي صار في حياة ان شاء الله ربي يشبح فيها

رانيا : سلمك بس وين محمد ما شفناشي جاي معاك

ام محمد : و اللهي الحق اني جاية بنقول ان محمد قرر يتزوج بنت عمه ، مش تقولوا علي خاطر حياة اغتصبوها حاشة للله الحق ، بس هو قرر في يوم و ليلة هكي

( نسمع في حد نازل )

( تلفتت لقيتها اختي )

اختي : تفضلي

رانيا : هذا شني

اختي : هذا الخاتم اعطتهولك حياة

رانيا : 😢

( رجعت لام محمد و خالد )

رانيا : هذا الخاتم استني شوي نجيبلك كل الحاجات

خالد : 😖

( ركبت جبت كل الحاجات يلي جابهم محمد لحياة و خديت فلوس قلت نعطيهملها حق البضعة يلي جابتها )

( مشيتلها )

رانيا : تفضلي هذا كل شي و هاذم فلوس حق البضعة يلي جبتوها

ام محمد : لالا عيب يا رانيا ، ناخد الذهب بس و الله ما يصير في النهاية احني اهل

( سلمت علينا و طلعت )

( طبعا قلبي وجعني عليها الحق لان حياة تحبه هلبا طبعا خالد قعد متاتر و قعمز و اني ركبت باش نرجع الفلوس للدار نسمع في صوت عياط خفيف جاي من دارها )

( فتحت الباب و خشيت )

حياة : الو يا محمد يا محمد رد عليا رد عليا يا محمد حرام عليك

رانيا : 😢 ( طبعا التليفون كان مسكر )

( قربت عليها و مسيت ضهرها )

( رفعت عيونها عليا )

رانيا : 👁👁

حياة : اطلعي برا

رانيا : حاضر

حياة : اطلعيييي برااااااا

( طلعت من الدار و خليتها تبكي مع روحها )

حياة : ليش خليتني يا محمد ليش

( قعدت تكلم في روحها و واقفة علي الروشن و تشوف في امه ركبت السيارة و طلعت )

حياة : يعني خلاص نسيت كل شي بيناتنا و عارف اني مضلومة ، هانت عليك حياة يا محمد ، تحمل فيا ذنب ما لياش اي علاقة بيه ، خليتني بروحي يا محمد ، 💔 )

.................

( فات اليوم و الحوش كله زعلان و مكتائب )

( يوم جديد )

( نضت لبست و خديت حلا باش نوصلها للمدرسة )

( وصلت للمدرسة و نزلت اني و حلا و دخلتها للمدرسة و اني كيف طالعة نشوف في ال 4 خاشين للمدرسة و كان شي لم يحصل تفلتت و رجعت و اني معصبة خشيت للمدير )

فتحت الباب بلقوة لين وقف

مدير : 👁👁 خير

رانيا : 😡 انت كيف تدخل المجرمين هاذم اهني انت مش عارف شن داروا

مدير : لا عارف

رانيا : 😡 باهي ليش دخلتهم

مدير : يا استاذة رانيا او المحكمة طلعتهم براء تبيني اني نتهمهم

رانيا : 😡 يعني اني و بنتي كذابة

بارك الله فيك بارك الله فيك

المدير : استاذة رانيا عندك حصة في تانية رابع

رانيا : خودها انت

....

و اني طالعة لقيت في الممر لقيت قدامي سند طالع

رانيا : 👁👁 قعدت نشوفله

سند : 😏

رانيا : ( نضراته كلها ابتزاز و تشمت فيا و قلبي كان محروق علي حق البنت يلي رح هبا )

( بس شفتله نظرة ان كل يلي درته رح نرده و اكتر 🔥 )

( طلعت معصبة من المدرسة فتحت السيارة قعدت نضرب في الدومان و نبكي )

وصلت الحوش مهبطة قعدت نشوف في خالد كيف مقهور علي صار في بنته و البنت كيف تبكي كل يوم و كل ليلة و بدات لمًا تعرف انهم عايشين حياتهم الطبيعية )

( حتي صاحبتها معش جتها ) حسبي الله و نعم الوكيل فيهم

( خشيت لداري و لا شعوريا دمعتي نزلت خش خالد قعدت نمسح في دموعي )

خالد : خيرك رانيا في شي

رانيا : وصلت حلا للمدرسة

خالد : ايه

رانيا : لقيتهم

خالد : شني 😡

( و بدي يضرب في يلي قدامه )

رانيا : وسع بالك خالد

خالد : و اللهي ما ننتقم منهم واحد واحد

رانيا : لالا رد بالك تخرب مستقبلك علي خاطر كلاب زيهم لا

( طبعا روحت اختي بحلا و لحن الحزن مسيطر علي الحوش )

( رقدت نضت الساعة 2 الفجر هرب عليا النوم راسي نحس فيه يوجع فيا

( طلعت من الدار نسمع في صوت حياة تبكي و تعيط )

نزلت للكوجينة صبيت امية و قعمزت فوق الطاولة ركزت علي الرف يلي قدامي نشوف في كرت محطوط )

( نضت نجري من علي الطاولة شديت الكرت لقيته كرت المحقق متع اليوم يلي قبل الحادتة )

🔥 قعدت نذكر 🔥

( طلعت من المركز و اني نحاول اني نتصل بيها حسيت بحد وراي يمشي و شدني من ضهري )

( تلفتت و اني فاتحة عيوني )

الشخص : اني اسف اني خلعتك اني سمعتك تشكي للشرطي علي بنتك ان شاء الله تلقيها

رانيا : شكرا ( نحسابه محتاج )

الشخص : اني المحقق ابراهيم يونس

رانيا : 😐 اهلين

الشخص : تشرفت بيك

رانيا : و انا كذلك بس سامحني لازم نمشي

( و تلفتت و اتجهت للسيارة )

ابراهيم : ممكن تاخدي الكرت متعي لو احجتيني

رانيا : ( خديته و اني معصبة ) شكرا

( ركبت السيارة و طلعت و قلبي كان يدق و مش عارفة شن ندير و قاعدة نحاول نتصل بيها و مافيش فايدة )

🔥 الرجوع الي الواقع 🔥

قعدت انلف في الكرت في ايدي و نفكر

( لو اني استعنيت بيه و ساعدني و خلاني ننتقم منهم رح ترجع حياتنا زي قبل خالد يلي موجوع من يلي صار في بنته رح نخفف عليه و حياة تحس ان كرامتها رجعت حتي لو شي بسيط منها و نكون درت يلي عليا و نتقمت منهم الحيوانات بما اني انا سبب كل هذا )

.....................

( قعدت طول الليل ندور فيها في راسي )

( طلع النهار )

لبست و قلت لاختي توصل حلا و طلعت طول علي العنوان يلي في الكرت

..............................( في مكتب الشخص هذا ) ........

ابراهيم : هذا كل شي تبي تعرفيه علي عريس بنتك

مراة : سلمك يارب و اللهي ماني عارفة انت خطبة او محقق

ابراهيم : الحاجة توصلك وين ما تبي

مراة : تفضل حقك بسلامة

و طلعت المرة

( شافني اني خاشة للمكتب متعه )

( بعدين مش عارفة شن قالي اطلعي و اني طالعة )

ابراهيم : يا استاذة

رانيا : لالا سامحني غير غلطت في المكان

ابراهيم : غالطة في المكان و شادة كرتي في ايدك

رانيا : 👁👁

ابراهيم : تفضلي و اللهي ما حتندمي ابدا

( خشيت و قعمزت في المكتب )

ابراهيم : تفضلي نسمع فيك

رانيا : هو اني الحق نبي مساعدتك

ابراهيم : ايه حاضر في شن بزبط

رانيا : نبيك تساعدني اني نعرف مكان كل واحد منهم و وين نقدر نستفرد بيه

ابراهيم : 😏 كويس

رانيا : ايه شن قلت

ابراهيم : حاضر بس عندي شرط

رانيا : شني

ابراهيم : لا اني نعرفك و لا انتي تعرفيني و كل المعلومات يلي تبيها عليهم اني جيبهالك كلها

رانيا : اتفقنا 👁👁 .................................يتبع

لقراءة الحلقة الثالثة : اضغط هنا  

تعديل المقال