رواية عدالة أم الحلقة الثالثة بقلم أحمد عبدالله
 |
| رواية عدالة أم الحلقة الثالثة بقلم أحمد عبدالله |
نُرشح لك هذه الموسيقى لتسمتع لها وانت تقرأ رواية عدالة أم الجزء الثالث
رواية عدالة أم الفصل الثالث كاملة مكتوبة للكاتب أحمد عبدالله
لقراءة الحلقة السابقة من الرواية : اضغط هنا
ابراهيم : تفضلي و اللهي ما حتندمي ابدا
( خشيت و قعمزت في المكتب )
ابراهيم : تفضلي نسمع فيك
رانيا : هو اني الحق نبي مساعدتك
ابراهيم : ايه حاضر في شن بزبط
رانيا : نبيك تساعدني اني نعرف مكان كل واحد منهم و وين نقدر نستفرد بيه
ابراهيم : 😏 كويس
رانيا : ايه شن قلت
ابراهيم : حاضر بس عندي شرط
رانيا : شني
ابراهيم : لا اني نعرفك و لا انتي تعرفيني و كل المعلومات يلي تبيها عليهم اني جيبهالك كلها
رانيا : اتفقنا ، كم نعطيك
ابراهيم : لا حقي مش الان ابدا بعد ما تتهني من الاربعة
رانيا : ممكن نتعرف عليك اكتر
ابراهيم : انا ابراهيم يونس محقق قديم بس لاني كنت من انصار النظام القديم للاسف انتهيت بعد الثورة
رانيا : 👁👁
ابراهيم : انتي تعرفي ان المراة يلي طلعت من المكتب حالا كنت نتبع في خطيب بنتها
رانيا : 👁👁
ابراهيم : باش تعرفي قسوة انك تكون منبوذ في شغلك تحولت من محقق كاسب كل الشهايد يلي علي الحيط لي خطابة تخطب في بنات الحي كلها
رانيا : 😢 ( شفت صورة بنت فوق الطاولة ) هاذي بنتك
ابراهيم : ايه بنتي بس بعيدة عليا حاليا و للعلم بنتي هاذي سبب من اسباب اني نتبعك و نعطيك كرتي لاني حسيت بوجعك
رانيا : ربي يحفضهالك
ابراهيم : سلمك
رانيا : بس بنقولك ان المعلومات تبدا بلواحد مش كلهم مع بعض
ابراهيم : و منين حابة نبدا
رانيا : اشرف
ابراهيم : و ماتخافيش عملي اهم حاجة في الخصوصية
رانيا : بارك الله فيك بجد اني نستادنك توا
ابراهيم ؛ ايه تفضلي بس اعطيني رقمك باش نقدر نتواصل معاك
رانيا : تمام ( اعطيته الرقم ) امتي تكلمني
ابراهيم : اني حنقابلك مش حنكلمك
رانيا : تمام نستني فيك
...………,
( طلعت من عنده )
( نحكيلكم علي ابراهيم محقق مهضوم حقه في الدولة منبوذ تقريبا حتي معاشه متوقف و لمًا سمع بقصتي فجاء تعاطف معاي بس عنده سر و رح يطلع بعدين😉)
( ابراهيم كبير في السن تقريبا في نهاية الاربعين )
…،؟_________________________________________?,…
( بدي ابراهيم يدور علي اشرف و كل شي علي اشرف و طلب اني نتقابل اني و ياه بجنب قوس ماركوس بزبط في المدينة )
( طلعت و وصلت لقيته مقعمز جيت قعمزت بحداه )
ابراهيم : اشرف حسن يشتغل في ورشة في منطقة ...... مع بوه ، بوه يرجع بكري من الشغل و يقعد هو في الورشة بروحه ، الورشة ما فيهاش عمال ابدا ، و يقعد بروحه فيها
رانيا : تمام
( و اني نايضة شد ايدي )
ابراهيم : شن بديري
رانيا : ياريت السوال هذا ما تسالاش ابدا
ابراهيم : ممكن نعرف
رانيا : ( شفتله و قتله ) حنقتله
ابراهيم : بس هذا غلط
رانيا : تقدر تختار بين الغلط و الحرام
ابراهيم : 😐
رانيا : اني يلي ندير في غلط و مش حرام
توا كل المعلومات هاذي اكيدة
ابراهيم : طبعا
رانيا : ممكن تجيب حد يساعدني
ابراهيم : هاذي خطر شوي
رانيا : خلاص
ابراهيم : هي عادي ما فيها شي و تقدر تحصله
رانيا : اوكي نبي حد معاي يساعدني في ضربانه و حمله
ابراهيم : كوني مطمئنة ( و ناض و مشي )
رانيا : ( من اهني بيبدا الانتقام )
...................................................
( طبعا قعدت نفكر طول اليوم و خطرت علي بالي فكرة )
( الخوف كان مسيطر عليا )
( بس توكلت و يلي بديته لازم نكمله )
( جابلي الولد و طبعا حلف انه ياخد فلوسه و ينسي و ما دخله في شي و ركبته معاي في السيارة )
..............( وصلت للورشة نشوف فيه مقعمز علي الطريق و طبعا كانت الدنيا ليل امخر )
اشرف : الو يا سند تي وينك
سند : و اللهي الا مسافر شوي تغيير جو
اشرف : باهي توصل سالم غير قلت نكلمك الاولاد كلهم قالولي امبكري
سند : لالا تغيير جو و راجع
اشرف : هي تو نكلمك وقت تاني
........
رانيا : اطلع
الولد : توا
رانيا : ايه
( طلعت بلسيارة و نزل الولد و علي غفلة ضربه علي راسه و ركبه في السيارة )
حطه
الولد : وين نمشي
رانيا : دير بيا لفة و ارجع تاني
الولد : نرجع بيك
رانيا : ايه نرجعه لورشته
( طلعت يبرة الانسولين و ضربتها في ..........)
🔥 بعد الليلة 🔥
اشرف : ( نضت نحس في روحي دايخ و بطني توجع فيا و نحس في روحي مسقع) و نشوف في ناس هلبا متلمدة عليا )
شخص : الحمد الله علي السلامة يا اشرف لقيناك راقد قدام الورشة
اشرف : ( يحس في روحه دايخ و كان روحه بتطلع ) نبي الحمام
شخص : قاموه و دخلوه الحمام
اشرف : ( اول ما نحا سرواله و شاف لوطة انصدم )
( طول داخ و طلعوه جماعة الورشة يجروا بيه علي المستشفي بس للاسف قبل ما يوصلوا كان البول طلع من فمه )
🔥 يلي صار لاشرف بلتفصيل 🔥
فكرت اني ندير شي غير القتل و بما ان تخصصي كيمياء مواد عضوية قررت اني نسمم اشرف و نضربله جرعة انسولين في العضو التناسلي و طبعا جرعة حارقة زي هادي حتسببله انتفاخ و تعفن و لوعان كبد و في الاخير الوفاة و بهذا تكون عملية قتل من غير ولا جرعة دم
.....................................................
( في الحوش )
مقعمزة نقطع في الدجاج نسمع في النت ان واحد من المتهمين في قضية البنت المغتصبة انتقل الي رحمة الله
رانيا : ☺️
( نسمع في خالد فرحان و يقول الحمدالله يارب يارب خود حقي منهم )
( خش لبنته و هي ابتسمت شوي اني فرحت هلبا الحق )
خشيت للدار متعها
( شافتلي بعصبية طلعت )
............................
( عز الدين لما وصله الخبر في قسم الشرطة طول و من غير تردد شك في خالد و دار جماعة يتبعوا فيه وين ماشي وين جاي )
( حتي مشاله في العمل و ساله و كانت إجابة خالد بانه يضحك و قاله ان هذا ربي ياخد في حقي منهم اول بأول )
........
( واني قاعدة نتفرج علي التلفزيون اني و حلا نسمع في تليفوني يشرين )
( طلعت نجري للدار )
ابراهيم : غدوا مقابلتنا في شارع الراشيد محل الذهب علي اول الشارع
رانيا : تمام
.......................
( لبست و طلعت الصبح بكري و وصلت للمحل )
كان عبارة عن صالة كبيرة و مجموعة محلات و فيه نافوراء في الوسط خشيت لقيته مقعمز بحذا النافوراء )
( طبعا حتي يحكي معاي هو يشوف يمين و اني يسار )
ابراهيم : عماد ولد وحداني عايش في التجمع الجديد امه مسافرة قداش ليها و يصرفوا عليه عمامه و هو قاعد في الحوش بروحه دائما يوم الخميس مش موجود في الحوش و حتي الشغالة يلي عنده إجازة يوم الخميس و هاذي فرصتك ،عماد مهتم هلبا بجماله و ياخد في حبوب بروتين هلبا ، حقا بنقولك مفتاح حوش علي فيه منه نسخة في حوش عماد ، لانهم اصحاب و الاتنين وحيدين ،
رانيا : تمام
..........................
(رجعت الحوش و اني نفكر و في لحظة و اني مقعمزة قدام التلفزيون و فاتحة قناة وتائقية و حلا تتفرج شفت للشريط متع التلفزيون لوطة كان مكتوب ( ملح الذر )
رانيا : ملح الذر 👁👁
🔥 بعد ما درت خطتي 🔥
لبست و طلعت في الليل نشوف في الجماعة يلي باعتها عز الدين تراقب في خالد )
( طلعت اتجهت علي محل مفاتيح )
رانيا : السلام عليكم
الشخص : و عليكم السلام
رانيا :و اللهي يا ولدي عندي حوشي تسكر علي الباب و معش قادرة نفته و في عز الليل هذا
الشخص : حاضر بس اول شي لازم توقعي و نصورك لان لو نسوق حوش يجوا لينا يشوفوا منين جابوا المفاتيح
رانيا : ايه حاضر
( وقعت و صورت لاني مطمنة و عارفة اني شن بندير )
( وصل للحوش و افتحهولي )
رانيا : بارك الله فيك يا ولدي
الشخص ؛ تدللي
رانيا : تفضل هذا حسابك
( مشي الولد طلعت القوانتي لبسته و خشيت طول لقيت قدامي كاميرة )
( لفيت و شفت التاكوا متعها سكرتها )
( خشيت للدار و قعدت ندور لين لقيت الحبوب كانوا مخطوطات في علب زي المستيكة و درت خطتي )
( و اني طالعة لقيت مفتاح حوش علي خديته و طلعت )
🔥 بعد الليلة 🔥
( عماد جايب معاه وحدة للحوش )
عماد : خشي خشي يا حلوة تي امس كانت ليلة
البنت : هههههههعاااااا
عماد : شوي و جايك يا حلوة عيشي حياتك الحوش حوشك
( خش للدار و طلع الحبوب و فتح العلبة و خدي حبتين )
عماد ؛ اني خاش ندير حمام تكمي الجو
البنت : عيوني
( خش عماد و فتح شيشمة الحمام و خش للدوش )
( بدي يحس في جسمه يسخن و عيونه بيطلعوا من مكانهم و يحس بذوخة كبيرة و عضلاته تشنجوا)
( بدي يعيط و للاسف بسبب صوت الشيشمة ما سمعتاش)
( بعد وقت لما حساته عطل هلبا خشت عليه )
البنت ؛ 😱😱
( شافت عماد طايح و فيه حاجة بيضة طالعة من فمه )
( طبعا وحدة زي هادي مستحيل تنقضه لانها رح تنفضح
خدت حاجتها و طلعت )
................
🔥 يلي صار لعماد بلتفصيل 🔥
بعد ما سمعت كلمة ملح الذر خطرت علي بالي فكرة و هيا ان ملح الذر مادة تقيلة و من غير طعم ،خففت الملح هذا و دقيته خليته تراب و زدت عليه شوية حمضيات و خديته و حطيته في علبة حبوب الفتامينات طبعا هذا رح يسببله تسمم و شلل كامل و رح يإذي للوفاء
...........
طبعا بعد يلي صار لعماد خدت البنت تليفونه و بعتت لصاحبه علي تعلالي و طلعت
.
لما شاف علي الرسالة متع عماد طلع طول لحوش عماد و سعفه
( دخلوه المستشفي و حالته صعبة هلبا و جي عز الدين زاره و عرف ان حالته حالة تسمم )
( طبعا عز الدين كان متاكد ان يلي دار هكي هو خالد )
( جابوا الخبر في الفيس و كانت فرحة حياة كبيرة هلبا هلبا هلبا و كانت تبوس في بوها و كانت تحسابه هو يبي يدير هكي )
( طبعا لما شفتها فرحانة قلت لازم نكمل يلي بديته مهما صار )
( كلمت ابراهيم و قالي ان علي يسكن في شقة في حي ...... و عايش مع بوه ، بوه يطلع من الشقة الصبح بكري و يرجع امخر ، و علي حاليآ مع عماد في المستشفي وهاذي فرصتك ايه حقا بنقولك ان الشقة فيها منبه للحريق قلت نقولك مرات يفيدك في شي اني توا نراقب فيهم توا معاه عز الدين فرصتك بسرعة )
( طول و من غير تردد طلعت لشقة علي )
( طبعا اول ما وصلت درت نضارات و شنطة و خشيت )
( شفت بواب طلعت التليفون و درت روحي نهدرز )
رانيا : الو مفيدة هاني راكبة خيرك
البواب : ياهانم انتي رايحة فين
رانيا : راكبة عند مفيدة
البواب : مفيدة . مافيش حد اسمه مفيدة هني
رانيا : فريدة فريدة
البواب : فريدة بنت خيري متع الدور الرابع ، شن تبي فيها بنت صغيرة
رانيا : اني المدرسة الخصوصية متعها
البواب : اها تفضلي
رانيا : ( اففف ستر ربي و هو قداش يسال )
( وصلت للشقة فتحت الباب بس كان قوي هلبا و حسيت ان فيه حاجة طاحت من ايدي بس ما عدلتش وخشيت للشقة و درت الخطة يلي في راسي و كملتها و اني طالعة درت منبه الحريق و طلعت )
رانيا : بارك الله فيك خوي
البواب : سلمك
ركبت سيارتي و طلعت
🔥 علي كان مع عماد في المستشفي و معه عز الدين🔥
عز الدين يهدرز علي الشرطي يلي معاه : كيف تسمم و خالد ما طلعش من حوشه و ما شدش التليفون ابدا
الشرطي : قتلك خالد بري
عزالدين : شدد المراقبة لازم نعرف مني
( ورجعوا خشوا المستشفي )
رن تليفون علي منبه الحريق و كلمه بوه قاله المنبه رن برا امشي للشقة بسرعة
علي : (وهو طالع لقي عزالدين قدامه )
عزالدين : وين ماشي
علي : حوشي بالك شعالة فيه النار خلي نمشي نشوف حتي البواب مشغول
عز الدين : خلي نمشي معاك
( مشي معاه عزالدين و الشرطة كلها و وصلوا الشقة )
علي : الحمد الله مافيش لا نار ولا شي
عزالدين : وكيف المنبه شعل بروحه
علي : الله اعلم
عزالدين : خلي نركبوا نشوفوا
علي : لالا مافيش داعي ( لان كان خايف يشوفوا الحشيش يلي عنده )
عزالدين : الشرطة ما يتقلهاش مافيش داعي
( ركبوا للشقة و خشوا )
عزالدين : فتشوا الشقة كلها
بدو الشرطة يفتشوا و جو لعز الدين و جايبين معاهم الحشيش و المخدرات
علي : للعلم هاذم لبوي
عز الدين : زيدوا فتشوا
الشرطة : فيه مادة بيضة محطوطة في الكوجينة كلها
عزالدين : وينها
الشرطة : اهيا
عز الدين : حط صبعه و داقها
هذا ملح ذر
علي : شني
عز الدين : هذا ملح الذر يلي تسمم بيه عماد
علي : لالا لا انت فاهم غلط و اللهي ما درت حاجة لعماد هذا خوي ليش بندير هكي
عز الدين : قوله في الحبس هذا جيبوه
( شدو علي و هو يعيط و يبكي )
عز الدين : ( وهو طالع من الحوش شايف علي الرف لقي خاتم ) 🔥
🔥 يلي صار لي علي بلتفصيل 🔥
فكرت ان علي نحبسه بس لان حسيته مغلوب علي امره و دائما ينصح في سند ، فا فكرت اني ناخد كل الادوات يلي استخدمتها في تسميم عماد و نحطها عند علي و ملح الذر رشيته علي الكوجينة كلها و لما تاكدت ان ابراهيم معاهم و قالي ان عز الدين معاه قررت اني ندير خطة المنبه )
............................
( رجعت للحوش و عرفت ان يلي طاح مني هو خاتم من خواتمي التلات يلي في ايدي اليمين
في الليل عطشت فا قلت خلي نمشي نشرب امية و اني ماشية نسمع في صوت حياة تبكي كانت منهارة و حالتها صعبة هلبا
( حياة تحب محمد خطيبها هلبا بس هو رخي بيها للاسف )
( بعد ما سمعت صوتها و هي تبكي حسيت بوجع في قلبي رهيب و اصريت اني نكمل )
( يوم جديد )
مقعمزة اني و خالد فجاء جت اختي تجري شوفوا شوفوا هذا تالت واحد توا حبسوه بتهمة قتل صاحبه
خالد : الحمد الله يارب يارب
و لاول مرة طلعت حياة من دراها
رانيا : 👁👁😍☺️
خالد : 😱😍 حياة
حياة : بابا شكرررراااااا يا باااابااااا
رانيا : ( شفتلها و تبسط راسي لوطة )
( حياة كانت متخيلة ان خالد هو يلي دار كل هذا او بعت اشخاص داروا هكي )
( اني ما كانش همني ان تعرف ان اني يلي درت هكي اني يلي همني ان ترجع حياتها و تقتها بنفسها اكتر )
( نضت )
خالد : وين ماشية رانيا
رانيا : بنروح بحلا
خالد : اوكي
( طلعت من الحوش و ركبت السيارة و وصلت المدرسة )
نزلت خذيت فرح و اني راجعة شفت المحقق عز الدين
عزالدين : اهلا استاذة رانيا
( ركبت حلا )
رانيا : اهلا ان شاء الله خير
عزالدين : لالا خير ، غير كان عندي شوية اوراق علي قضية حياة نبيك توقعي عليها
رانيا : مش مهم ممكن تلوحهم
عز الدين : سند رجع من السفر و يسكن في حي ...... و عايش مع بوه و امه بس مشترك في نادي رياضي
رانيا : عفوا بس ليش تقولي هالكلام
عز الدين : لا قلت نسهل عليك العملية بما ان سند اخر واحد
رانيا : عفوا بس انت فاهم غلط الواضح
( شاف لايدي لقاني لابسة خاتمين و نقاص واحد )
عز الدين : تفضلي هذا الخاتم التالت باش نكمل المجموعة
رانيا : ( كنت متوقعة ) حطيت ايدي في جيبي و طلعتله الخاتم التلات و قتله
( الباين ان عندك زي خواتمي بس خاتمي عندي )
عز الدين : 👁👁
رانيا : تشرفت بيك
( و ركبت السيارة و طلعت )
( كنت عاملة حسابي و شريت خاتم زيه بزبط )
( وصلت للحوش دخلت حلا و خشت نجري للدار )
( فتحت التليفون و اتصلت )
رانيا : الو ابراهيم
ابراهيم : معلومات سند كلها عندي
رانيا : خليها توا في موضوع اهم لازم نقابلك
........
( سكرت الاتصال و اني طالعة لقيت قدامي خالد )
خالد : فيه حاجة يا رانيا
رانيا : خالد فيه شي بني نقولك عليه
( فكرت اني نقول لخالد بس بعدين مش عارف شن منعني )
خالد : محتاجة فلوس او شي
رانيا : لالا سلامتك
..................................
طلعت من الحوش باش نتلاقا مع ابراهيم و نقوله علي الكلام يلي قالهولي عز الدين
🔥 سند رجع من السفر و تفاجئ بلي صار في صحابه و كله في 5 ايام صار فيهم هكي طبعآ وجعوه و بكي عليهم
و مشي المستشفي عشان يشوف عماد
( خشله في الغرفة )
سند : عماد عماد من يلي دار فيك هكي
( طبعا عماد ما كانش يتكلم ابدا بس كان يبي يقول لسند شي )
عماد : اااااام ااااام
سند : عماد شن تقول
عماد . ااااااام ااااااام
سند : ااام شني
عماد : ااااام
( و في لحظة عيون عماد انقلبوا و الاجهزة ولت تعيط و بهذا يكون عماد توفي )
( طبعا طلع من الغرفة يبكي و واجعه صاحبه عماد و اشرف و كيف ماتوا موتة بشعة و واجعه صاحبه علي يلي محبوس )
( طلع طول علي الحبس )
( قعمز في قاعة الزوار وجابوله علي )
علي : سند سند ( بدي يضبت في سند )
و اللهي يا سند ما درت حاجة لعماد
سند : عماد مات قبل شوي
علي : 🤭😭💔 و اللهي ما درتله حاجة
سند : عارف بس من دار فيكم هكي
علي : احني اتبهدلنا يا سند بس اني عارف
سند : عماد قبل ما يموت كان يقولي ام ام ام
علي : ام 😱 هيا الحيوانة اكيد اني اصلا تاكدت و كنت بنقولك لما فكرت فيها في الحبس لقيتها اكيد هيا
سند : 😡 مني
علي : ام حياة
سند : 🔥
علي : سند 🔥 انت الضحية الجاية 🔥
سند : كيف
علي : 🔥 انت الضحية الجاية 🔥 لازم ادير حل لازم تقتلها
سند : ( ناض و هو معصب )
علي : يا سند ما تنساش تطلعني يا سند ........يتبع
الرواية قصيرة و غدا اخر حلقة ، رواية فيها سر و لغز كبير حتعرفوه في الحلقة الاخيرة بكرة ، متحتاج دعمكم و رايكم في القصة ، و احداتها
لقراءة الحلقة الرابعة والأخيرة : اضغط هنا