رواية سندي ضايع الحلقة الأولى 1 بقلم الكاتبة سرو
لقراءة المزيد من روايات الكاتبة سرو : اضغط هنا
لقراءة المزيد من الروايات الليبيه : اضغط هنا
لقراءة المزيد من حلقات رواية سندي ضايع : اضغط هنا
 |
| رواية سندي ضايع الحلقة الأولى 1 بقلم الكاتبة سرو |
رواية سندي ضايع الحلقة الأولى كاملة مكتوبة بقلم سرو
مراد: متعصب ...... خلاااص يا امييي باللهيي علييك راهوو كبرت انيي هكي تطلعي قدامي???? عالاقل استر من هكي بشويه 💔
مريم: ضحكت باستفزاز...... ههههههه درت شنابات وبديت تحااسب ف امك يا ولدي ولاه ?? 🤭 انت عارف بوووك العمر هذا كله معااه ولا مره حاسبني جاي انتي تكلمني بالاسلوب هذا قليل الادب شكلي معرفتش نربيك اقلببب وجهك من قدااامي 😡
مرام: نشوف فيهم ومش فاهمه شي 💔
باسم: كان يسمع فيهم من الباب ..... هيييه مراااد برااا لدارك اجرييي 😡
مراد: تضايق....اني مقلتش شي غلط حبيت نوضحلهااا بس امي على راسي بس عالاقل تحترم عمرييي
باسم: واني عاجبتني هكيي انت غدوا وقت تتزوج اتحكم ف مرتك كيف ما تبي ونشووفوهااا كيف ح تلبس ريت عقاب الوقت الصغار يتحكموا ف اهلهم مزاال واللهي 🤨
مراد: من العصبيه قلب الطاوله اللي فوقهاا المشروب وكسرهم....... كلللللله من القرف اللي تشربوو فييييه يااااريت ما جيت عالدنياا وشفت اهل زيكم يربوني ...... وطلع وقربع البااب 💔
مرام: مشيت نجري لداري وسكرت الباب من الخوف 🥺
👑روايـات الكاتبـة سرو👑
سرو// 🤭عاارفه دخلت ب اندفااع ومفهمتووا شي طبعاا واكيدد ح نخليكم تفهموا شويه شويه وموضوع الروايه جديد ومهم سواء ف مجتمعنا ولا المجتمعات الثانيه 😊
(الاحداث بتع المقدمه من الماضي لانها مفتاح القصه) وحنتكلم بلسان البطله 🔥👇👇
اسمي مرام حالياا عمري 22 سنه زمان وقت دراسه مكمله سنه ثانيه ثانوي وموقفه معش كملت قرايتي بسبب الظرووف 💔حتتعرفوا عليهااا خل نحكيلكم على عيلتي شويه 🥺
عندي اخ وااحد اسمه مرااد هذا كلشيي بالنسبه ليااا هو سندي ف كللل شي 🥺 هو الاب الام الاخ الصديق كللل شييي 💔 هو اكبر مني ب 10 سنين 🔥
زماان بابا ف شبابه كان طاايش ومتبع شباب مش كويسين لحد جي يووم جروا بيه ومن دخان للسكيرر 💔🥺 جدي وقت عرف ضربه وعاقبه واصر عليه يبعد على الحجات هذه زوجووه ل مرأة اصغر من ب4 سنين بعد زوااجهم اهملهااا يطلع الصبح يروح فالليل وهي يناري متحملاته من اول سنه جدي مرض وتوفى الله يرحمه 💔 بعد 3 سنين ع زواج بابا توفت حناي الله يرحمهاا جتها برده قويه عالصدر ومنها بابا معش يروح ل مرته وهي تقعد بروحهاا بابا رجع للسكير مع صحابه وبدي يلعب حتى ف قمار ودخل فلحرااام 🥺
صحابه يسحبوا منه وخلاص وبابا مبذر يصرررف يدون وزن نهائي لحد ما دخل فالديوون 💔
مشي باع وحده من اراضي جدي اللي مورثهمله وسافر بلفلوس هو وصحابه هياجه وصيااعه ونوادي برا البلاد طبعاا لما روح كان السبب فلوسه تمووا يومين 3 وباع الارض الثانيه طبعاا مرته عرفتت بكل شيي وطلبت منه الطلاق حقهااا لان مقصر معااها بكللل وفالشهر قريب تشوفه مره وحده بس 🤷♂️
بعد الطلاق بوي خدي رااحته وبدي يجيب فالشباب للحوش هماا يخدموا على رواحهمم ويبيعوا حتى ف مخدرات وهو يصتضيف فيهم عنده ويدسلهم بالمختصرر حيااته كلهااا حرام ف حرام لدرجه الجيراان مش متحمللين نهاائي لان عندهم بنات يخافوا عليهم 💔 الحوش اللي جنبنا ولادهم متحملوش وجو يهددوا فيه لين بابا قرر يبيع الحوش وينتقل ل منطقه تانيه اللي هددوه عندهم حق عندهم 4 خوات يخافوا علييهم المهم حتى سعر الحوش ف النااازل بس بابا كان مضطر خاف يبعتولهم الامن ويلقوا البضاعه 🚫
بس شن الفائده مشي اشري وحده من الاستراحاات لان الحياش بعاد على بعض بمسافه قصيره المهممم يوم على يوووم وبابااا يخسررر حتى املاكه السياره والاستراحه بس معش عننده شييي و ف يوم الصبح دايخ من السكير كان بيغير للسياره زيت ركب ل سطح الاستراحه يجيب الزيت شاف لحوش الجيران بنتهم تكنس ف السور كانت مخطوبه 💔 بس بابا من وقتها قعد يراقب فيهم وعرف ان هي بنت وحده وعندها3خوت شباب كل يووم يراقبهم وعرف ان الشباب متزوجين وبوهم متوفي وهي قاعده مع امها بعد فتره قصيره لقي فرصه ان امهاا طلعت مع خوهاا وهي قاعده بروحها فالحوش 💔
نقز ل سورهم وهو سكراان وطق الباب منعرفش هي وقتها شن حست لان فتحت الباب يمكن توقعت خوها ولا امها ناسيين حاجه 💔💔💔 بابا دف الباب ودخل عليهااا واعتدى عليهااا اكيده تسألوا ف رواحكم منين عرفت القصه رغم جدي وحناي متوفيين الله يرحمهم طبعااا لان بابا يحكيي قدامنا بدوون حتى ما يتحشم عنده عادي 💔
اصلا هذا اكتررر جزوا كان محفور ف ذاكرتيي كررررهته لان اللي يتعرض ل عرض الناس ح يجي يوم يتعرضوا ل عرضه 🥺
👑روايـات الكاتبـة سرو👑
خل نكمللكم 🤷♂️
المهم البنتت محكتتت شي لامهااا لان بابا قعد يستغلل فيهاا 💔
البنت فسخت من خطيبهااا ومكانش عارف السبب الحقيقي دارتله عرركه وعاساس معش تفاهمت معااه فاتت فتره قصيره وكانت صدمه حياااتهاا البنت حملت 💔معش عرفت كيف تتصرف خوتها مش حيرحموهااا نهاائيي وقالت ل بوي طبعاا بابا بدل ميصلح اللي داره سكر الاستراحه وهررب وخلاهااا ف همهااا بروحهااا 🥺
مشي قعد عند صحابه ومحكالهمش بعد سنه ونص بالظبط من القصه هذه روح بابا للمنطقه وسأل على عيلتهااا وكانت الصدددمه ان البنت ماتت في اللي يقول انتحرت وفي اللي يقولوا قتلوهاا وباعوا حوشهم وانتقلوا بس بابا عرف ان خوتهاا كشفوها وقتلوهاا بش النااس متعرفش بيهاا 💔
وكمللل حيااته عاادي لا احساس ولا ضمير ولا كأن ارتكب جرييمه كبييره 🥺 لحد ما تعرف على ماماا كانت بدايتها اعجاب بعدين صارت علاقه بينهم ومشي خطبهاا من بوهاا وكانوا رافضيين لانها كانت مش مكمله قرايتهاا وهما معندهمش بنت تتزوج قبل ما تتخرج 🤷♂️ ماما عاندتهم وعصتهم وتبروا منهاا اهلهاا قالولها مستحيل نستقبلوك بعد تتزوجي وهي اختارت بابا من كتر ما تحبه هذا الحب اللي يخليك تغمض عيونك على حقيقه الشخص 💔
بعد الزواج بابا نقص من صحابه معش يشوف فيهم هلباا بعد سنه رجع يسكر مره ومرتين لحد يوم خلط ل ماما المشروب ف العصير مره مرتين وبدت تشرب رسمي معااه وهي بدل ما تمنعه عاجبهااا الجوو 💔
بعد5 شهور حملت ب خوي مراد من كتر المشروووب اللي ماشي ف دمهااا جابت خوي ف نص السابع صح بابا منعهاا فتره الحمل بس من وراااه تاخد 💔
هذه الام اللي مخافتش على ولدهاا وشن حيصير فيه وقت تعاصي وتشرب وهي حامل بيه بس الله هو الحافظ شن حتتوقعوا منها باللهي 💔 وخوي جي سليم ومعنداش مشاكل الحمدلله وبوي نفسجو حياته نفسهاا لين مره طالع تعارك هو وواحد من صحابه عرركه قويه وشهدر بيه ف الشارع وفضح ب بووي وسمعتنااا بدت فالارض💔
ماما مكانش عندهاا خيار الا توقف مع بابا وتسانده لان اهلها تبرو منهااا وخصوص بعد الفضيحه واساسا بابا كان يحبهااا ويموت فاها مدللها ومش منقص عليهاا شي وتابع خدمته فالممنوعات بش يوفر الفلوس معنداش حل 🤷♂️
بعد فتتتتتتره طويله حملت بيااا وجيت عالدنياا وكان فرق العمر بيني وبين خوي10 سنين وماماا تااعبه قاللها بابا خلاص ياسر كله عخاطرك باقي من بيصرف عليهم وانتي تعبتي من ورااهم معش يبي ودارت عمليه بش تعقد الرحم بتعها بش معش تحمل 💔
وهذاااا هو 🥺 كبرت وبديت نفهم ونسمع وكل شييي على اهلي بس بابا مش كارهني بلعكس ديماا يقلي نبي ندسك ف جيبي بش ميشوفوكش الناس من جمالي سبحان الله جيت بتفاصيل لا نشبه بابا ولا ماما 💔
راس مالي عيوني الخضر 😂منعرفش ماما ع شن كانتت تتوحم وقتهاا خوي ديما يقلي طشه لان تفاصيلي صغيره وقصيره وقلي بابا ان تشبهي حنااك وورالي صورتهاا تقول بنتها وهي امي 🥺🥺🥺💔بس خساره ملحقتش عليهاا
صح كنت حلوه والحلا لله بس شن مفيش حد يشوفلييي ف المدرسه ف نظرهم بنت السكاار كرهوني ف بابا لدرجه معش نحب نقعد معاه واول منشوفه يشرب نمشي نهرب ل خوي كبرت وكللل ما نكبر نشوف قدوتي وسندي فالحيااة هكيي 💔 اللي مفروض نفتخر بيهم قدام النااس بس اللي صاير نتحشششم ان هماا اهلي واني بنتهم 🥺
صح ابلاتي فالمدرسه يحبوني لاني كويسه ونستوعب بسرعه بس مخليه رووحي بروحي بلا صحبات خايفه منهم يعيروني ب اهلي ويسبوني 💔كنت صغيره وعيوني مفتوحات على شي اكبر مني 🥺🥺🥺
خل نحكيلكم شويه على خوي قبل 😍حليلي محلاااااه هو عكس اهلي تمااماا ديمااا ينصح فياا ويعلم فيا وفاضي ل قرايتي ❤️ كان يجمع ف مصروفه بس عخاطر يفرحني وما ينقص عليااا شي داير كل جهده بش نحبه اكتر من بووي صح بوي حتى هو من ناحيه الصرف مش مقصر معانا بس خوي مشمئز من تصرفاتهم وميبينيش نحب اهلي ولا نكون قريبه منهم يخاف علياا 🥺
هواا يقرا فالجامع ملتزم بالدين كان اقرب واحد للشيخ لان يحب تصرفاته ومعجب ب عقل خوي واسلوبه وبدا يفتح ف عيونه ويفرق بين الحلال والحرام وملتزم بصلاته وديما كل ميلقى امي لابسه لبسه مش مستوره يناقشهااا وهي تضحك عليه وبابا ميتحشمش عنده عادي قدامنهاا خوي كل ما يضايق يطلع ويروح فالليل كان يلقى معش يشوفهم ويشوف اخلاقهم والسكير اللي يشربوا فيه 💔
👑روايـات الكاتبـة سرو👑
سرو// 🥺🥺🥺💔 خل نكملوا الاحداث اعتقد تعرفتوا على مرام وقاعده نفكر فيكم ان المقدمه تخص الماضي بش نقدروا نمشوا صح فالاحداث☹️
مع ال9:00 الليل 🔥
مرام: كنت مقعمزه فالصاله نشوف ف هديه بابا جايبهالي وهما مقعمزين يتفرجوا على مسلسل شويه جت لقطه مش حلوه تفكرت خوي قلي عيب مزلتي صغيره ع مسلسلات نضت خديت اللعبه لداري ورجعت بنكلم بابا 💔💔
باسم: باس مريم..... هههه قصدك تزعلي منه !!!
مريم: ف حضنه.... لا بس مهماا كاان مش متعوده متشوفش ف روحك مدلعني واخرتها ولدنا يقول كلام زي هذااا عليااا
باسم: زاد قرب🚫 وبخبث...... به مدامك معترفه ان مدلعك دورك تدلعيني ولاه ?!!!
مرام: اني واقفه شفتهم معش عرفت نتكلم قعدت مصدووومه ف مكااني ونرعش من الخووف واقفه ومش مستوعبه شي وهمااا لا حشمه ولا شيي والمسلسل احرف منهم 🥺
مراد: كيف مروح فتح الباب وهما هايمين محسوش حتى بجيته شاف مرام واقفه وترعش دخل شافهم تعصبب وخدي الجهاز طفى التلفزيون ..... 😡😡😡😡
باسم:انخلع .... م م مراد جيت!!
مريم: 🤦♀️🤦♀️🤦♀️🤦♀️🤦♀️🤦♀️
مراد: مرام بري للدار شويه ونجيك باهي 😊!
مرام: ب به .. ومشيت
مراد: التفتلهم ..... بدييييت نخاف عليهااا منكم بجدياااات 😡 بدل متحاولوا تكونو سندها واماانهااا تخوفوا فيهاا بتصرفااتكم وحق ربييي عييييب ره مستحييل اللي قاعد يصير مش مستوعب اني 💔 ياريتني يتيييم ولا شفتكم
مريم: بصوت عالي.... مراااااد 😡😡 سكتتتلك ره برا لدارك خير منكسر المكنسه عليك ونرجع نربييييك 😡
باسم: هكي تكلم امك 🤨🤨🤨!!!ومداير روحك متربييي امشي منبيش نغلط فيك وتاني علاش مروح مش طلعت الصبح 🤨
مراد: هه لولااا خايف على مراام مكنتش روحت اصلااا امنيتي نبعد من الوسخ اللي عايش فيييييه هذه خصوصيااات تحشموا قدامهااا عالاقل! !البنت بدت تفهممم وفالصف الثالت ليش تدمروووا طفولتهاا بتصرفاتكم لييش وحاسبين روحكم اهللل وانتم خربتونا بشياطينكممم والخمر اللي تشربوو فيه ..... ومشي للدار يشوف مرام
مرام: مراد لقاني واقفه نسمع فيه يهزب فيهم 💔خداني من يدي ورفعني للدار ..... 🥺🥺🥺💔
مراد: حضنها ويهدي فيها.... مرام متبكييش ديري روحك مشفتي شي اني جنبك متخافيش ☹️
مرام: يمسحلي ف دموعي واني قاعده خايفه اول مره نشوف منظر زي هذا....... خليك معايا مراد 🥺
مراد: قعمزها عالسرير وجي قدامها قاعد ركبه ونص وشاذ يديها..... مرومتي خلاص اهديي ومن اليووم معش تطلعيلهم بكللل باهي! !
مرام: اه
مراد: بيغير الموضوع.... قوليلي شن درتي ف المدرسه اليوم! ?
مرام: شي 💔
مراد: هههه يا طشتي انتي حلوه وتهبليي خليني ننصحك شويه باهي!
مرام: به ❤️
مراد: ردي باللك فالمدرسه حد يقلك تعالي تمشيله ولا يعطيك حاجه تاخديهاا لما تبي اي شي قوليلي اني ولما يجي حد ل ماما ولا بابا سكري ع روحك الدار ومتطلعيش 💔 .... وقعد ينصح فيهااا ويعلم فيهااا ويحاول ينسيهاا رغم نار والعه فيه من داخل من اللي صاير 🔥
مرام: بجد مش متخيله مراد يكون بعيد علياا لان هو سندي و اماني نحبببه هلبااا ونفرح وقت نشوفه 🥺❤️
مراد: سطحها عالسرير وغطاها.... حاولي ترقدي خل نقرا عليك شويه قرآن 😊
مرام: سطحني وغطاني وني نشوفله ومتكلمتش 💔 نشوف فيه شاذ الكتاب ويقراا وقرييب ياكله من كتر العصبيه 🥺
مراد: شويه حط الكتاب عالخماسبه ... وناض فتح الدولاب وطلع شنته حط فيها ملابس ليه وفلوسه اللي داسهم وجواز سفر بتاعه مليشي هلبا مدايرهوله بوه ونظم حجاته وسكرهاا ورجعلها ...
مرام: قعمزت .... علاش شنته????
مراد: غلاي صدقيني فتره صغيره ننظم اموري ويستقر وضعي ونرجع ناخدك من هني مستحيل نخلييك فالحوش هذااا اللي مفيش غييير ال ااااااه 💔
مرام: مكملش كلامه .... مراد خليك معايا 🥺
مراد: خداهاا للحمام وقعد يستنى فيهاا لان خايف علييهاا ومشي للكوجينه سخنلهاا حليب وقلي دحي يبيهاا تتعشى وتشبع بش يجيها النوم 💔 ومكانتش تعرف مرام ان هذه اخر ليله مع خووهاا وسندهاا ف حياتهاا 🥺
مراد: خلاص توا تصبحي ع خير 😊
مرام: وانت من اهله .... قعدت فاتحه عيوني لن شفته رقد على سريره ارتحت شويه ونعست
باسم: خارج الخدمه هو ومريم مش مدورينهمم بكللللل واصلا مخاطريش نحكي عليهم من تواا خلوناا ف موضوعنا شويه 🥺💔
👑روايـات الكاتبـة سرو👑
تاني يوم الفجرر 🔥
مراد: ملبسها ثوب الصلاة.... بنصلوا الفجر 😊
مرام: به ❤️
مراد: شطوره عارفك 😍
مرام: بعد ما صليناا قعد يوضحلي ف حاجات .... اه 💛
مراد: محلاهااا كيف تستري روحك من توااا ردي باالك حد يضايقك فالمدرسه وهذه رساله طويله كل متستاحشيني اقريها باهي 🥺 حطيت فيهاا هلبا نصائح تحتاجيهااا حتى وقت تكبري وادعيلي منعطلش عليك ❤️🥺 باذن الله ح نرجع وناخدك معايا ونحررك منهم اهم شي تحسي بدوشه سكري الباب ومتطلعيلهمش باهي! 💔
مرام: كنت فرحانه من اهتمامه.... به 😍❤️
مراد: باس راسها..... هي باي ي طشه نحبك 💛😍
مرام: نحبك حتى اني 🥺 هلبا
مراد: خدي الشنته وطلع بدون ميحسوا بيه اهله 💔
مرام: طبعاا مكنتش نحسابه بيمشي ويبعد كنت نحسابه ينصح فيا وبس 🥺💔
ومن هنييي 🥺 مشي مراد ومشي قلبي معااه كيف ح نعيش برروووحي بينهم .....يتبع
👑روايـات الكاتبـة سرو👑
سرو// ساد ل حد هنيي 😂😂التفاصيل فالحلقات الجايه 🥺 المقدمه بش تحفظوا الشخصيات وتقدروا تفهموا البدايه بس ❤️مزال في احداث احلى ومششوووقه 🔥
بعض النقاط المهمـة ❤️🙊
- المحرمات تمنعك من رائحه الجنه وبسببها تتشتت العائلات💔
- الاهل هم قدوه وسند وامان واساس العائله وابنائهم هم الصوره المصغره لهم ولطباعهم واخلاقهم ....🔥
- كن ف الدنيا ك عابر السبيل واترك ورائك كل اثر جميل فما نحن ف الدنيا الا ضيوف وما على الضيف الا الرحيل ...💛🕊️
-ﺍﻟﺤﻀﻦ ﻣﺶ ﺷﺮﻁ يكون ﺍﯾﺪ ﻣﻠﻔﻮفة على ﺍلكتف؛ اﻟﺤﻀﻦ أﮬتمام ؛ اﻟﺤﻀن كلمة ﺣﻠﻮة ؛ ﺍﻟﺤﻀﻦ ﺳﻨﺪ .. الحضن احتواء!..💞🔥
-•
هذه هي الحياة مواقف تصدمك ، ومواقف تبكيك ، ومواقف بحاجة لتجاهلها ، وتبقى هناك مواقف لا تنسى...🔥
-حـيـن خـاب ظـنـي بـالـكـثـيـر اكـتـشـفـت "
ان حـب الـنـفـس لـيـس انـانـيـه ...!💛
- اللهُم لاا تُعلق قُلوبنـآا بِمآ ليس لنـآا وَ اجعل لنـآا فِيمآا نُحب وَ ترضىٰ نصيب ❤️
👑روايـات الكاتبـة سرو👑
وغيير هذا كلـه ف الحلقات 🔥🔥🔥🔥
ملاحظه// 🥺😍🤤 بنقلكم ره الروايه ناااار 🔥واللي قالولي متكتبيش ف رمضان وهكي 🙈اني عارفه اللي قصدتوه وجهزت حلقات روايه كلهاا من الاسبوع اللي فات مزتلي الحلقه الاخيره بس 😍هي كلهاا8 حلقات وحطيت فيها مواضيع جديده ومن واقعنا ربطها ب حقيقيه 🔥🔥
طبعا وانشاءالله الموعد هذا ثابت تنزل فيه ✨
قراءه ممتعه 🕊️احلا فانز ❤️
-
مرام: ومننن وقتهاا اني وحيييده اني صغيره ف منتفكرش الا لما خوي مشي وخلاني برووحي بينهم ومحسيتش ان اهلي اهتموا بالموضوع 💔 بابا حاول يدور عليه مقدرش يعرف شي اما ماما كانت متحباش ف مدورتش نهاائي اهلي ف خلال شهرين نسوووه نهائي حتى اسمه فالحوش مسمعتاش واني كل امنيتي نرجع نشوفه 🥺
سرو// الحلقه ب اختصار لان الاحداث حتبدا ف نهايه الحلقه 🔥🔥🔥
👑روايـات الكاتبـة سرو👑
بعد سنوات 🔥❤️
مرام: نفس الرووتين والحياة نفسهاا بس دراستي اللي صعبت علياا ف سنه ثانيه ثانوي لان مفيش حد يقريني زي مراد 💔
وكانت رسالته هي الشي الوحيد يلي يشجعني ف اعتمدت على روحي وضغطت على نفسي وعندي استاذ ناخد عنده ف كورسات ونجحت طبعا لان اهلي عايشين ف وادي غير الوادي اللي اني فيه 🔥
مرات نزعل على روحي ونحس روحي يتيمه رغم اهلي عايشين معنديش ام تضحك معاي وتسالني شن درتي ومدرتيش ولا تسالني ع دراستي 🥺 وبابا زيهاااا بس اخف بشويه لان مش مقصر معايا ف الصرف كل مره يجيبلي حاجه وندس فيهم حتى مصروف نجمع فيه لان تعلمت من مراد عدم التبذير ❤️
شن الفايده لان اهممم شي معنديش اللي هو حبهم وحنانهم واهتمامهم شن فائده الفلوس والذهب والهدايا ☹️
👑روايـات الكاتبـة سرو👑
صباح يوم الاحد ❤️🔥
باسم: يطق عالباب...... مرااام نووضي مرااام اول مره متنوضيش للثانويه!!!!
مريم: تضم فالحوش..... خلاها يمكن متبيش تمشي
باسم: بس لاازم تقراا وتتعلم كيف 🤨بنتي ونبيهاا حاجه باهيه فالمجال وتاني مرات صايره معاها مشكله كنتي سالتيها!
مريم: باستفزاز..... قريت حتى اني ل امي مالا! تبي تقرااا اونا المدرسه متبيش اهوو الحوش ولا تتزوج وترح راسهاا ☺️
باسم: مريييم بريي شوفيها مسكره الدااار
مريم: هههههه مرات تحشمت امس وتحساب الضيوف جايين يخطبوهاا 😂
باسم: مشكلته ميقدرش يزعل من مريم...... ااااه وخلاص
مريم: اي حبيبي مقلتليش شن في شن يبوا اللي جو! !!
باسم: تو نحكيلك غر وتيلي فطور بنوصل مرام للثانويه ومن اليووم تصلحي وضعك معاها هذه بنتناااا .... ومشي يكلمها
مريم: ضامه الحووش لانها مهموسه نظافه مستحيل تخلي زاويه الا تنظفهااا ديما الحوش يلمع وكان فالليل مصار شي ... مشت تدير فالفطور وهي تفكر ف باسم والموضوع اللي داسه 🙂
مرام: سمعت بابا ينادي...... هيااا نضتتت 🥺
باسم: افتحيلي الباب
مرام: نضت نفتح.... صباح الخير
باسم: صباح الورد خييرك اليوم! !!!
مرام: مخيرنيش 😒
باسم: متعطلينيش عندي مشوار بسررعه وتي روحك
مرام: بلا نيه.... به 💔
👑روايـات الكاتبـة سرو👑
فالمدرسه 🔥
الابله: هيااا اللي يحلهاا 5درجات نزيده تعرفوني كلمه كلمه
مرام: الفصل ولاد وبنات ...... عفواا عادي نجرب اني???!!
كلهم: يشوفولها
اياد: هذا طالب جديد اليوم اول يوم ليه .... هييه احمدد
احمد: بصوت واطي...هاا 😒
اياد: شكلهاا شاطره! !!
الابله: متتعقديش مرام تعالي حليهاا واشرحيها ليهم 😊
مرام: نضت واني متعقده لان ف كل مره الاولاد يستفزوا فيا 💔💔
فهد: ههههه اسكت اياد هذه قصتها طويله تو الاستراحه نحكووهاا
احمد: اهاا بنت السكار 😂خسارة جمالهاا ازززح
مرام: نكتب ونسمع فيهم قداش انجرحت من كلامهم 💔.... يا ابله اسفه معنديش جرأة نشرح 🥺 بس حليتهاا 🥺..... ومشيت لاخر مقعد بش ميشوفني حد متأثره 💔
هيام: بصوت واطي...حسيتكم ظالمينها حراام 🥺
فرح: اسكتييي تره فكينا من جو العواطف والاحاسيس هذه شارعهم بعد صلاة العشاء مينخشش كيف عايشه هي معااهم اكيده حالها من حالهم غر مدايره روحها بريئه 🤢
مرام: كل كلمه نسمعهاا تخليني نزيد نكره اهلي اكتررر واكتررررررر ما صدقت تمت الحصه وبدت الاستراحه 🥺 طلعوا كلهم واني قعدت فالفصل طبعا مش اول مره اولاد فصلي هكي من لما دخلت للمدرسه هكيي وفوقها التنمر 💔
احمد: ههههه تعالى واللهي كسااد
اياد: وين انت وياه
كرم: للعاهره 😂عندك علممم ان استاذ محمد يعطي فيها ف كورسات مجانيه ابصرررر بشن عاجباته اكيده تتلصق عليه وهو عاجبه الجو 😂🤢
مرام: شويه دخلوا الاولاد نضت .... 😳
احمد: كيف دخل.... خيرك نضتي خلييك جاي نهدرز عليك 😏
مرام: مرديتش عليه 💔 ..... وجيت بنطلع
كرم: يشوفلها بنضرات جزيئه 🔥..... وهي طالعه خبطها بكتفه.... وين!!!!
مرام: خلاص جمدتتت وفوقها حاول يمسني خفت 💔 بس شننن حتى لو اشتكييت بيديروني اني هي اللي ندير فاللقطات هذه كلهم عارفين اني بنت مننن وشن اصلي ولا اهلييي اللي عمرهم ما سالوني
اياد: خلاااص كرم فوتهاا حرام عليك شوفها كيف مضايقه 💔
مرام: طلعت نجري من الفصل واني نندب على حظييي كرهتتتت اهلي وحوشناااا لاهو حوش دعاره ولاهو حوش عيله عاديه زي الناس الام والاب يسكروو وولدهم هرب من تصرفاااتهم التاعبه 🥺💔
واني هي اللي دافعه ثمننن افعالهم كل يوم اهاانات احمد وكرم ليهم اكتر من يوم يتعرضولي ويخوفوا فيا بديت معش نحب نجي للمدرسه واهلي ميعرفوش 💔
استاذ محمد: شاف مرام طالعه ومضايقه..... مرام !!!
مرام: نعم استاذ 💔
استاد: متبيش تقري اليوم!
مرام: ع حسب انت لو فاضي ناخد حصه علاش لا 🥺
استاذ محمد: به علاش مضايقه! !
مرام: قلت نقله واللي يصير يصير..... احمد وكرم يضايقوا فياااا باللهي عليك يا استاذ وحق ربي ما نكدببب همااا كل يوم يستفزوا فياااا ويعيرو فيااا 🥺💔
استاذ محمد: ماشي للاداره وتعالي بعدين شويه وقولي للاخصائيات وخليها علياا
مرام: شفت احمد واقف شكله سمعني 💔 مشيت لجهة المقصف قعدت دنيا فاضيه لان سكر عخاطر الرياضه
كرم: لاااا وفوووقهااا بتقول للاداره وربييي لمااا نوريهااا
احمد: تعالى نمشولهاا غادي مقعمزه
مرام: حتى صحبات معنديش ديماا بروحي 💔اول مشفتهم جايين بنمشي ننزل للساحه قبل ميوصلوا فياا
احمد: جريي وعثرها ..... شن الدوه اللي سمعتهااا 😡!!!
مرام: طحت .... اااااه 💔
كرم: وقف قدامها ..... هذا مكاانك فهمتيي ولاه!!!
مرام: نضت ونفضت يدياا..... مش كان سكتت يعنييي خلاص تاخدوا راحتكم 😡
احمد: ههههه بيني وبينك بنقلك حاجه 🤭🤭
كرم: ههههه حتى ني بنسمع
مرام: دمي يغليي نبي نضررربهمم بس مش قادره 💔
زينب: شوفوهااا 😂💔
فرح: مش قلتلكم كل يوم تكلم ف ولاد فصليي
احمد: غدوااا كان شفتك فالمدرسه صدقيني مش حنفوتهااا ع خيير بنلعب اني ويااك لعبه صدقيني ف حياتك مش حتنسيهاااا وتقعدلك لين تموتي 🙂
مرام: 💔
كرم: باللهي شن بيديرولك الاداره بعديين هه اصلااا سبق وقلتي للاستاذ محمد هذاا اللي مش عارف شن مدايرتيله بش يساير فيك للدرجه هذه دارولناا تعهد وشن الفائده مقدر حدددد يلزنااا لان عمي مدير المدرسه 😂😂يعني غدوااا حتى لو خطفناك وتلاقينا ف المخزن هذاكا اللي ورا الساحه محدددد ح يعرف بيك قالت سكتت حسستيني قويه 😂كان مش عيونك الخضر اللي لاعبين بعقل الاستاذ بس هههه
احمد: ههههههه حتى اني محترم عيونها بس 🤭..... هي نتلاقوا بكرا يا سمحه متنسيش كلاامي لعبه تماام 😉..... ومشوا وخلوهاا
مرام: قعدت نبكيي 💔💔مكسوووره
👑روايـات الكاتبـة سرو👑
بعد ساعات 🔥
مرام: مقعمزه نقلب ف كتاباتي تفكرت كلامهم حذفت الكتاب 💔
باسم: كيف جاي شاقها ..... مرام!!!!
مرام: اه
باسم: خيرك!!
مرام: معش نبي نمشي للثانويه 🥺
باسم: علاش شن فيي! !!!?
مرام: خنقتني العبره ورديت بصوت تاعب ..... هه بسببك انتتتت يا بابا بسببكم يتعرضولي كل يوم فالمدرسه كلهم واخدين علياا فكره مش كويسه لان بنتكم وكلهم يعيروني بيك 💔
حتى اولاد فصلي نشوف منهم ف التحرش وسااااكته تعرف ليييش! !! مش قادره ندافع على روحي
باسم: وقف قدام باب الدار قاعد مدخلش وساكت
مرام: نضت سكرت ف وجهه الباب مجرووحه خلااص ودعت حلمييي ودراستي بسببب سمعة اهلي اللي كسرتنييي كرهت كل شي بسببهم 💔
👑روايـات الكاتبـة سرو👑
تسريع بش نوصل للاحداث 🔥
مرام: وبدت الايام تفوت واني عاازله روحي عليهم منطلعش من داري مع ان جابلي بابا تلفزيون وحطه ف داري بس مش مهتمه وكل ليله نفتح رساله خوي نقعد نقراا فيها ونبكي 💔
كل همه يعلمني نحافظ على نفسي ونصائحه محلاهم 🥺
مريم: امااا امي هه ولاااا مره صار كلام بيني وبينهااا حتى حوش والكوجينه مش مدورتنيي ولا حتى سالتني ليش وقفتي دراستك واني من داري ل حشاكم الحمام وحتى ماكلتي ندير فاها بروحيي منحبش نتخلط بيهمم وحتى ملابسي نغسل بروحي 💔
وهمااا روتينهم متغيرش يوم بيوم بابا مره يسهر مع صحابه ومره مع ماما اني وقت نسمع دوشه نسكر على رووحي لان نخااف ونقعد نبكيي لان بجددد رعببب خايفه حد يحس بيااا ويجي يعتدي عليااا وهما سكاره مفيش واحد بوعيه 💔
باسم: صايرتله مشااكل بس مش حاب يوضح ل مريم ومخليهااا عاديه
👑روايـات الكاتبـة سرو👑
يوم الثلاثاء 🔥
مرام: جي بابا صبح عليا....صباح النور
باسم: مرام لو محتاجه اي شي نجيبلك وتاني قوليلي علاش متطلعيش ديمااا فالدار ممليتيش !!!??
مرام: لا مش محتاجه شي وتاني عاجبتني الدار مرتاحه ☹️
مريم: تنادي..... بااسم هااتفك يرررن تعالى 🔥
باسم: هيا هي.... ومشي
مرام: طلعت وراه وقتها ماما قاعده مضمتش الحوش شفت المشروب قداش انجرحتتت شكلهم ساهرين فالصاله 💔
ليش ميبوش يفهموني اني لا نبي فلوس ولا شي اني نبي عيله تحضني عيله نرفع راسي بيهاا ونفتخر مأسووف حظي 🥺
باسم: متلبك..... ششش شن تقوول انتت!!!
مهند: اووهووو اكيييد 😏المهم نستنى فيك
مريم: تشوفله وخايفه
باسم: سكر الهاتف وطوول للدار بيغير ملابسه بيطلع
مريم: لحقااته..... بااسم قلي شن في??? منو اللي اتصل! !!
باسم: معنديش وقت نحكيلك وطلع يجري للسياره
مريم: قعدتت تدور فالحووش وقاتلهاا الخوووف
مهند: معنداش بنات وولده هارب ليه سنين مقطوعه اخبااره ف مفيش غييره يتعااقب مستحيل نسكتله يحساب ناسيله ماضيه الكلب
امير: اها
مهند: اي 🤨
مرام: فجأة بديت خاايفه هو بابا فالاخير وواضح من حركات ماما ان هو حاصل ف مشاكل 💔
👑روايـات الكاتبـة سرو👑
بعد ساعـة 🔥
مريم: رن هاتفهاا رقم باسم ردت بسرعه...... تعرررفف شغلتنيييي عليييك شن صار! !
الشاب: عفوا يا اختي صاحب الرقم هذا داير حاادث قوي ونقلوه ل مستشفى###
مريم: مصدومه.... ه هاا 😳😳شش شن تقوول انتت امتى شن صاير فيه!!!!
الشاب: اسف بس حالته خطييره لحقوا عليه
مريم: سكرت فوجهه الخط وجري خدت عبايتها ووشاح
مرام: وو ويين! !!
مريم: اقعدي هنيي ومتفتحيي لحددد .... وطلعت وسكرت الباب
مرام: بديت خاايفه حاسه بابا صارتله حااجه 💔هو فالاخير بابااا مستحيل نطيق فيه هو عمره مكانت عنده مشكله معااي بس القصه اني مش متقبله شربه
فالمستشفى 🔥
مرييم: شافت سريره وهماا مغطيينه ...... دقيقه بسسس نشووفه 💔باللهي عليييكم وييينه نبيييه دقيقه دقييييقه بسسس 😭😭😭
الدكتور: عظم الله اجرك يا اختي ربي يرحمه اهدييي
مريم: مستحييل 😳🥺لااا مستحييل باسم يسبني??!! لا لاااا مستحييل هو وعدنييي يقعد جنبييي كيف كيف يصييير هكييي كيف اني معندي حد غيره.😭😭😭😭😭نوووووض يا باااسم نوووض باللهي عليييك 😭😭😭
مرام: توفى بابا واني قعدت ف حاله صدددمه 💔💔 الحادث قويي وقتللله هه من سمعته الكوييسه مفيش حتى واحد يقدر يوقف ف فاتحته اصلا ماما مدارتش فاتحه لان حتى اللي يعزوو ينعدوا 4/5 مامااا انكسرررت بشكل غير طبيعي من المواقف هذه وفوقهااا فراق بابا هي متعللقه هلبااا بيه 💔
يمكن خدتهااا درسس بش رجعت ل ربي وتقرا القران وصامت للاجر وتطلب فالتوبه والمغفره 🥺
اني ختمت القران خلال 12يوم واهديته ل بابا 🔥
👑روايـات الكاتبـة سرو👑
تسريع بش نوصل للاحداث 🔥
بعد سنه ❤️🕊️
مرام: نضت فتحت ستار الدار بش تتهوى وضميتهااا وفرااغ كبير ف حياتي طلعت نشوف ماما
مريم: نايضه ضامه الحووش ومقعمزه تصبغ ف شعرهااا
مرام: ممم ماماا! !!!"" ع فكره مليشي هلبااا متوفي باباا ره 💔
مريم: حرام الحزن عالميتت لان بنزيدوا نعذبوه وتانيي مش حيرجع حي يعني 😴
مرام: تضايقتت منهااا
مريم: حقاا دورت على خدمه ولقيت
مرام: شن هيا!!!
مريم: مزين (صالون تجميل) بما ان عندي خبره فالشعر والمكياج علاش قاعده فالحوش نبو فلوس بش نصرفوا 🙂
مرام: اهاا به
مريم: شافتلهاا .... ايي حقا في واحد اسمه مهند وليد عسللل مشاءالله عليه الحقق طلع بوك واخد منه فلوس يعني حقه ولازم نرجعوه ولاه!!!
مرام: اي ووين السمح فالموضوع"!!!
مريم: قلي خودي رااحتك واحتجتي اي شي كلميني ولدك انيي ☺️
مرام: وانتي شايفتيه?
مريم: اي يجييناا من قبلل وعلاقته ب بوك كويسه حتى خدمتي هو اللي وفرهالي ونظيفه وكل شي بجددد حبيته واضح عليه ❤️
مرام: بس ماماا مفروض مترخيش بالموضوع وتفكريي كيف ترديله فلوسه اليوم قبل غدوه وين نضمنوا رواحناا نعيشووا مرات هو تحشم منك بس!
مريم: تعصبت...... اييي عندددك حق لان مش هامك نهائييي عليك تاكلي وترقدي وخلاص واني اللي بنتعب روحي صبح وليل عخاااطركك اني نحاول ناخد بكلام بوك ونرجع نصلح علاقتي بيك بس الوااضح عكس الشي 😡
مرام: سكتت مخاطريش نرد عليهاا لانها مهما كان اسمها (ماما) 💔
مريم: صحييح غلاي مش اني اممك والمتوفي بووك علاش متخلصيش ديينه مش عندك حجات عاطيهملك خل نبيعهم وتاني علاش تعاملي فيااا ك عدوه اني حاليا مليش غيرك لا عندي اهل ولا زووج عندي بنتي اللي هي انتي وبس 🔥
مرام: رديت عليها بصوت واطي وتاعب..... قلتي امي!!! واني بنتتك??!! تعالي واجهييييني ليش امتى حسستيني بالشعور هذاا اييييمتا شفتيني زعلانه حاولتي تراضيني!!!! وقفت دراستي حاولتي تساليني!!! لقيتيني غالطه حاولتي تنصحيني!!!!! لو الاموومه نفس حالتك اني مستعده نكون يتيمه 💔
مريم: جت بتتكلم .....قاطعتها
مرام: هههه كللللل همك لبسك ومنظرك وف حياة بابا عندك المشروب اهممم مني اني وخووي ومن تصرفاتكم ل درجه هج منننكم وهرب بش يعيش برووحه لان زي وجودكم زي عدمكم كلهااا واحد 🥺
قوليلي شنن شفت مننك بش نتقبلللك ف حياتي ك اممم 💔...... وجعني قلبيي مشيت لداري وسيبتها قبل ما ترد
مريم: سكتت وكملت اللي تدير فيه ومدورتش 🔥
مرام: طلعت صوره خوي ورسالته واني نبكيي..... مرادد قلتليي فتره صغيره ونرجع 🥺ليييش مرجعتشش انت وعدتني ترجع تاخدنييي اني خاايفه صدقنيي حاسه هلباا حجات ح تصير ومش حاسبتلهااا 💔.... غفيت بدون ما نحس
مريم: تتكلم ف الهاتف..... ههههه عمرك طوييل يا ولديي
مهند: ههههه كنتي تحكي ب سيرتي!!!
مريم: اي المهم قليي شن داير في شي!!
مهند: في موضوع نبي نحكي فيه شن رايك نجيك غدوا!
مريم: اه اهلااا وسهلاا وليدي تفضل ف اي وقت بسس قلي موضوع بخصوص!!
مهند: خلييهاا لوقتهاا يعني وافقتي نجي!
مريم: عاادي مفيش مشكله تو ندير الغذي كيف ماتحبه الحوش حوشك 😊
مهند: معناها باذن الله نتلاقوا هي عمتوو نستأذن
مريم: خووذ راحتك..... وسكرت الخط
مهند: قارن حواجبه.ويكلم ف روحه..... كللللللل شي تغيييير 😡شفتتتته كيف ماااات قبل ما نعاقبه ااااه اني لازم نااخد حقيييي مستحيل نسكتتت
👑روايـات الكاتبـة سرو👑
مع 11:00 فالليل 🔥
مرام: فتحت عيوني ودنياا ليل امتى رقدت بكككلل وهذه اللي مسميتني بنتهااا مقالتش حتى تشوفني عايشه ولا مييته 🙄
بس شفت مناام محلاه وان مراد مفتخر بيااا والناس تقول ونعم التربيه 🙈
بس وقت نرجع لواقعييي نقعد لا اصل ولا فصل ياريت نقعد ف منام 💔🔥
👑روايـات الكاتبـة سرو👑
ثاني يووم الصبح 💛
مريم: ييي اطلعييي هذا كله دوش! !!!
مرام: لبست ولفيت شعري وفتحت الباب.... خير علاش مستعجله اليوم ع فكره روتين ممل وبش يفوت اليوم نقعدوها فالدوش 🙂
مرييم: بلااا تلقيح زايد بري ضمي وابدي من الصاله وبخريهاا عندناا ضيف بيجي للغذي اني ماشيه بنجيب حاجات ناقصه من المحل اللي ف نهايه الشارع منقدرش نمشي بعيد وضيف ليله منوروشي الفقر لازم نكرموه🔥
مرام: قعدت نشوف للحوش مضموم.... غر قوليلي شن هو اللي بنضفه ????
مريم: غر بسرعه هياا عطلت...... وطلعت
مرام: ماماا تحب النظافه استغربت شن هو اللي بنضفه مشيت للصاله حركت المخذه بش لو سالتني نقدر نحلف اني ضميت ومشيت بخرت الحوش 😂🤦♀️🤷♂️
وبعدها مشيت صليت ومشطت شعري وضميته ورجعت للصاله نستنى فيها لحد غفيت 🤭
(بايره) 😂🤦♀️
👑روايـات الكاتبـة سرو👑
بعد دقائق 🔥
مريم: فتحت الباب ودخلت شافتها راقده جتها..... مراااام 🤨!!
مرام: فتحت عيوني مخلوعه.... اه بب بسرعه جيتي 😅
مريم: عارفتككك لا ضميتي ولا كنستيي 😒!
مرام: ابتسمت... ههه كييف عرفتي ?
مريم: غر نوووضي مديلي المكنسه الكهربائيه وريشه بتع المزهريات ..... وبدت
مرام: اني نشوفلهاا ومستغربه لان كل شي نظيف ..... مامااا وجهي نشوف فيه ع لوح بتع المدخل من النظافه علاش تتعبي ف روحك هكييي للدرجه هذه اللي جااي مهمممم! !!
مريم: معدلتش عليهااا ....كملت ودخلت للكوجينه تدير فالغذي🔥
مرام: خليتهاا ع راحتهاا مدورتهااش
مريم: مراام!
مرام: نعم!
مريم: تعالي طلعي خضره وتي سلاطه
مرام: انتي غر كملي قبلل!
مريم: اااه منننك
مرام: مشيتلهاا وهي تقلي تديري متديريش ونسااير فاهاا قلت يلا مدامها فرحانه علاش نغيرلهاا الجو كملت معاهاا وطلعت قعدت مقعمزه ف عتبه بتع الصاله فااات وقت
مريم: تقلي فالبطاطا طق الباب ..... مراام الباب!
مهند: يتكلم فالهاتف ..... خلاص تو نرد عليك
امير: به.... وسكر الخط
مرام: افتحي انتي!
مريم: عيييب يقعد واقف يستنى بري مرام افتحي صار باهي اللي فاتحه باب السور كنهذا تقعدي تمشي مششوار بش تفتحيه هذا خطوه مش قادره 😡😡...متحشمينيش قدامه
مرام: هو ضيفك مش ضيفي شن دخليي اني!!
مريم: تبي تفتحيي ولا نجيي نتفاهم معاااك ونقص لساانك 🤨🤨🤨🤨!
مريم: تنهدت ونضت لبست وشاحي وعبايتي وماشيه بنشوف الباب
مهند: عاود يطق... شكلهاا مش موجوده افف
مرام: فتحت الباب وانصدمت 😳..... واحد طويل وعنده عظلات يي نحسه ينفخ عليا نطير 💔 .... هيبه وشخصيه ومفتاح سيارته يدير ف صوت
مهند: قعد يشوفلهاا ونحى النظاره الشمسيه اللي لابسهاا ..... عمتي مريم موجوده!????
مرام: اه هه ه ايي تفضل للصاله .... ومشيت بنهرب للدار خفت 🙄
مهند: مستغرب لان ميعرفش ان مرام بنتهم..... لحظه. استنيي !!!
مرام: التفتت.... شش شن! !
مهند: منو انتي!!!!!
مرام: جاوبته بسرعه... بنتهاا .... وجري للدار
مريم: غسلت يداها ولبست ثوب الصلاة وطلعتله واخده معاها سفره الميه ..... انست مهندد
مهند: ملخبط...... سلمك بوجوودك
مرام: قعدت فالدار مسكره على روحي
👑روايـات الكاتبـة سرو👑
بعد ربع ساعه 🔥
مرام: مقعمزه ف داري نتغذاا وهما قاعدين يهدرزوا بس نقااش مش بتع عاديه حسيتهاا عركه 💔 ...فتحت الباب بنسمعهم
مريم: مهنند خيرككك شن صارلك علاش تغيرت!
مهند: كلااامي وااضح نبيهااا وتعطيهاالي برضاكم ولا الغصبب نسيتي الديوووون وحق ربي نفتح معاكم حتى قضيه ف محكمه وتعرفيني شن يطلع منيي متنسيش اني اللي طلعت راجلك وقت شذووه وحاولوا يحبسوه انتبهي كويس 🤨🤨
مريم: والله كان نموووت مااااك واخذهاااا
مهند: خل نشوووف لامتى ومرجعكممم وين تبي ... وطلع وقربع الباااب
مريم: تعصبتت وبدت تنفخ وتقيم فالسفره
مرام: مبيتش نسالهاا مدخليش بيها
مهند: بعتلها رساله 💌عندك 24 سااعه تقرري لان غدوا نبي نتم معاك الموضوع نتلاقوا
مريم: سمعت الهاتف خداته
مرام: نشوف فاها متوتره
مريم: خدت ترن عليه ....... مهندد
مهند: ايواا
مريم: باللهي عليييك سلم ولددي باللهي عليك لااا فووتهااا هي مدخلهااش
مهند: الكلاام اللي عندي قلللته بس تمنييييته عاايش عالاقلللل انتقمت منه شخصيااا وحضرهااااا لايف بس للاسف ماات ومش حيشوفني كيف ح نخرب عيشتكممم نتلاقوا ..... وسكر فوجهها الخط وقفل الهاتف
مريم: حاولت تعاود ترن عليه لقاته مقفل
مرام: اني خليتها ومشيت ل داري نتفرج عالتلفزيون ونضحك لان كاميرا خفيه 😅💛
مريم: تضم فالكوجينه وتفكرر وتفكرر ومش قادره تتصرف سيبت كل شي ومسحت يداها ومشت ل مرام...... احم
مرام: شفتلها
مريم: بنتي بنقلك ع موضوع!
مرام: حسيتها متوتره.... تفضلي!
مريم: متردده.... مرام انتي كبرتيي وقريب تدخلي ف 19 ومشاءالله عليك محلاك وجاك وااحد صدقيني مش حتلقي منه
مرام: مفهمتش..... من هو اللي مش حنلقى منه!?
مريم: مهند 🔥 طلبك مني 💔
مرام: بس اني منبيش اي حدددد من طرفك انتي وبابا مستحيل نقبل بيييه 🥺
مريم: بس مراام اني خايفه ع مستقبلك منين يجيك نصيب زي هذاا لامتى حتقعدي!
مرام: وليييش معش يجيني نصيييب! !
مريم: جت بتتكلم .... قاطعتهاا
مرام: لاااان الناااس كلهاااا شاطبه على عيلتناااا وعلينا اشاره اكس حمراااا عريضه ميقربنا حد مشاءالله من السمعه الحلوه اللي عندنا 🙂💔
مريم: اصلاااا الكلام معاااك زايد عندك غر اللسان هذا قبل قريب جيتي بكوشه تواا لسانك ملفوف على رقبتك
مرام: مرديتش
مريم: بس ضيفي ل معلوماااتك لو احنييي زدناا تبهدلنااا ومهند يحطنا ف رااسه صدقيني ايامات وتلقي روحك تشحتيي ع المطباات منعرفش كيف عجبتيه بس ضروري تسايري القصه وتعطيه فرصه اني صح مقصره ف حقك بس ما دابيااا نشوفك ب خير ومستعده نخدم فالحياش المهم كرامتك ميوصلوش فيهااا واحني براحناا لا بوك معانا ولا خوك مفيش سند يحمييناا 💔
مرام: توااا رجعتي تفكري ف مصلحتي???!!!!
مريم: خلاص مراام انسييي الماضييي
مرام: هه هووو من طرفكممم اكيد واديه من وادييكم واني مستعده نموت بالجوووع ولا نبيع رووحي ل واحدد زيه اني مرتحتلاش اصلااا 🤨
مريم: انتي متبييش من يساايرك ب رضاك ولا بالغصب مهند ح يعقد عليييك وحتتزوجوا ياااسر غروووور وهلبا غيرك يتمنووه 🔥
مراام: هه اصلااا صعب نووثق فيك حاليا ف خليني اني ف حالي وانتي ف حالك 🥺💔
👑روايـات الكاتبـة سرو👑
تسريع بش نوصل للاحداث 🔥
بعد يومين 🕊️❤️
مرام: كنت نتمشى فالجنان جتني ماما....
مريم: ادخليي داخل وسكري الباب
مرام: علااش!
مريم: طالعه للخدمه اليوم توكتي بكري لان صاحبتي عندها ظرف
مهند: يراقب فيهم من بعيد ويستنى ف مريم تطلع 🔥
مرام: دخلت .... وانتي ما تبي شي
مريم: لا لا هي باي
مريم سكرت الباب .... قاعده مسافة طريقي للدار حسيت بخبطه كذبت روحي
مهند: نقز من السور ونفض يديه وطق الباب
مرام: غرييييبه ماماا ليهااا 3ايام كل متطلع ترجع يا تلفونها يا فلوسهااا يا حجاتها .... مشيت للباب
مهند: 🤨🤨🤨
مرام: شن نسييتي المره هذه! !?
مهند: قعد ساكت
مرام: فتحت الباب ..... الوو ... 😳😳
مهند: دف الباب برجله وبصوت مقطع .... هاي 🤞🔥
مرام: خفتتت .... م ممم ماماا مش هني طلعتت تقدر ترجع ف وقت تتتاني 💔
مهند: ب برود....عارف 🤭
مرام: سكتت وكل شي فيا يرعش مش طبيعي هو
مهند: اني منبيش امك اني نبيك انتي 😊
مرام: عصبت ..... هييييه 😡😡احتررررم نفسسسسك وبرا منين جيت خير منلمهم عليك
مهند: بدي يقدم ومرام توخر ...... عيطي ناادي لميييهم هياااا وريني هيااا مش تبي تعيطي 🤨🤨
مرام: قاعده نوخر لين لصقت ف الحيط صوتي رااح حاولت ننادي سكرلي فمي ..... 💔
مهند: هههه تعرفيي احلى حاجه ف البنت وقت تبداا خايفه بس متخلينيش نفقد اعصابي عندي كلاام نبيك تسمعييه 🤤
مرام: دفيته ..... خليك بعييد 🤨
مهند: هههه حاضر مولاتي .... ومشي سكر الباب ... هياا قدامي
مرام: قعدت سارحه من الخووف بس سبحان الله لا عيطت ولا بكيت بس كل غايتي نستوعب اللي قاعد يصير كأن رقدت وشفت كابوس ونحاول نفتح عيوني منه 💔
مهند: دخل وراها للصاله وقعمز ودار رجل على رجل وقعد يشوفلها بنظرات جريئه ومقززه....... تعرفي!!! مكنتش نعرف ان باسم عنده بنت رغم سنين محتك بييه ولا مره جاب سيرتك ولا حتى سمعت صوتك وقت نجيهم هني 🤷♂️
مرام: ساكته وندعي ف قلبي 💔
مهند: حذف مفتاح السياره عالطاوله....ههه اووو وفوقهااا عاقله
مرام: كنت نفكر نهرب للدار ونسكرهاا بس ف لمحه لقيته واقف قداامي 😳.... اءااء
مهند: خل نعرفك بنفسي ☺️ اني اسمي مهند لو اهلك حكولك عليااا اكيد ح تزيدي تخافي انيي اي شي نبيه يصير يعني حتى لو متلا حطيت حد ف راسي مش صعب ندير ولو سامعه بالقصه اللي علق فيهاا المرحوم اني اللي طلعته منهاا ههههه مش حببب فيه ره!! لا لااا عندي سبب تاني 😂🤞 ..... اشر ل راسه .... وانتي خشيتي هني وصعب تطلعي 🤨 فهمتي عليا!!!!
مرام: وااضح عليه مش بوعيه 💔 شن الوادي اللي طايحه فيه ليش حظي هكيي وينك مراد 🥺
مهند: طبعااا اني مستعد ننسااا ديون بووك ونتنازل عليهم بس عخاطر عيونك اللي خذولي عقلي 🙂
مرام: رديت عليه بصوت تاعب.... حرام عليييك القصه مش فلوس اني مستعدده نردهملك بس خليني ف حالي 🥺💔
مهند: ضحك باستفزاز..... هههههه 😂بس اني معش نبيهم الفلوس اني نبيك انتي نبيك من املاااكي الخاصه 🔥
مرام: غمضت عيوني واني نحاول نطلع من الكابوس 💔 قعدت نقرا ف ايه الكرسي والمعوذات المهم ربي يخلصني واني نستنجد 🥺🥺🥺💔
مهند: جبد وشاحها وحذفه عالصالون
مرام: دفيته بككل قوتيي .... انتتتت كيف تدييير هكييي حرام 🥺😡😡😡
مهند: ب برود....علاش شنن درت وين الحرام فالموضوع وانتي مرتي!
مرام: هني خلاص حسيت الدم وقف صدمه هزتنييي وقت سمعت كلمته .... مم مممرتك!!!! انت هبلتتت!!!!
مهند: ههههههه حبيبتي شن بنديير به كنت بنصفي حسابي مع بوك لان مكانش عندي حل مكنتش نعرف ان عنده بنت بس لان حظك طالع زرده فتحتيلي الباب وبلسانك قلتيلي بنتهم عندك علمممم ان بوووووك غلط هلباااا ف حقيييي هو حرمنييي من الشي اللي نحبه قعدت سنين ندور عليه بس عرفت ان ولده هرب وخلاه كنت محتك بيه نبيييه يخسر كلللل شي ويعيش ف الذلللل ونعاقبه على كل شي داااره بس شنننن هو محظوظ لانه مات يلا عالاقل يتعذب فالاخره بس
مرام: مش فااهمه شيي من اللي يقول فيه 💔💔💔🔥شويه قعد يحكي على نفس قصه بابا بتع البنت اللي حكاهالناا قلت هو منين يعرف خفت نغلط فالكلام نندم
مهند: انتيييي تعرفيهاااا من تكووون! !!!
مرام: درت روحي منعرفش.....ل لاا اول مره نسمع مكنتش نعرف مستحيل بابا يدير هكي 🥺
مهند: به قبل منوضحلك الصدمه الاولى بتع مرتي خل نعرفلك بنفسي اكتر واكترر
👑روايـات الكاتبـة سرو👑
مرام: ياربي يااربي احميني 🔥💔
مهند: اللي بوك اعتدى عليهاااا من زماااان تكون اميي واني رجعت بس عشان نرد حقهااااا انتم حرمتوووني منهاااا
عيشتوووني يتيم كلللله من وراااا بوووك هو اللي دمرهاااا اني عارف ان مليهااش ذنب بس مفيش حد صدقهاااا 💔
دوووورك تشربي من نفس الطاسه يا حلو 🤨😡🤞
مرام: حتى رجليااا معش فيهم حيل طحت مقعمزه عالصالون كككيف يصير بس قصه زمان البنت مخطوبه وماتت هذا منين 😳معقوله بابا يكذب!??? ....... قلت ولدهاااا! ??????
مهند: بصوت حاد...... اييي ولدهاااا 🤨💔
مرام: ...... يتبع
سرو// ومن هني حتبدا الاحداث 🥺❤️
صحه فطوركم 😍تفاعلوا لان حتبداا الاحداث 🔥
رايكم والتوقعات ❤️🙋♀️
قراءة الحلقة الثانية : اضغط هنا