رواية نساء للبيع كاملة - كوكي سامح

رواية نساء للبيع هي رواية جديدة من روايات الكاتبة كوكي سامح المميزة جدًا

التي إنتهت من أيام من كتابة ونشر آخر رواياتها رواية حماتي بالوراثة التي حققت نجاحًا هائلًا

ولكن يبدو أن كوكي سامح لم تكتفي بالنجاح التي حققته رواية حماتي بالوراثة فقررت كتابة رواية أخرى مميزة

تتفوق عليها في النجاح وهي رواية نساء للبيع التي جلبناها لكم اليوم للقراءة كاملة.

في هذا المقال سنضع لكم رواية نساء للبيع كاملة للقراءة ونطلب منكم إخبارنا في التعليقات

هل تُريدون مِنا أن نضع لكم رابط تحميل الرواية ايضًا pdf أم أنكم تريدون قراءتها فقط على موقعنا؟

لا تنسوا اخبارنا في التعليقات.

رواية نساء للبيع كاملة - كوكي سامح

روايات كوكي سامح الأخرى بخلاف رواية نساء للبيع   

يوجد على مدونة يوتوبيا عدد كبير من روايات الكاتبة كوكي سامح

التي نضعها دائمًا كاملة للقراءة أو للتحميل 

ومنها:

• رواية حماتي بالوراثة
• رواية أنا يا سلفتي - كوكي سامح
• رواية صدمة - كوكي سامح

وغيرها.

رواية نساء للبيع الحلقة الأولى والثانية كاملة مكتوبة - من روايات كوكي سامح     

عدى خمس سنين على فراق اخواتى البنات قلبت عليهم الدنيا دورت فى كل مكان كل اللى اعرفه ان فى ست كانت بتشوف الودع وتقرأ الفنجان اخر حد دخل بيتنا!.. انا واخواتى كنا تلت بنات ملناش حد غير خالتى وساكنين فالشقه اللى قصادها بس للأسف خالتى متعرفش حاجه وبسؤال اهل المنطقه محدش يعرف حاجه عن اخواتى؟ مفيش غير واحده جارتنا قالت إن فى ست كانت بتنادى فالشارع وبتقول بشوف الودع واقرى الفنجان... ونشوى وهبه اخواتى بيموتوا فالخرافات دى وسألت جارتى الست دى كان شكلها ايه بس جارتى سميره 


قالت كلام غريب قالت إنها كانت لابسه ملايه لف وعقد كبير وست جميله اوى وكأنها جايه من عالم تانى او من زمن تانى وطبعا انا استغربت هو فى فالزمن ده ناس لسه بتلبس ملايه لف.. انا يأست وتعبت خمس سنين بدور على اخواتى نشوى وهبه لحد ما حسيت انى مش هلاقيهم تانى نزلت اشتغلت فى شركه ادويه سكرتيره بس مكنتش مبسوطه لأن جوايا نار 🔥 انا بتقطع على فراق نشوى وهبه وبسأل نفسى هما ماتوا ولا عايشين ولا حد خطفهم وسرق أعضائهم هههه ما هى بقت تجاره رخيصه.. انا حاسه انى هتجنن وفى يوم كنت فالشركه وكان يوم مرهق وكنت تعبانه اوى وكانت الساعه 5 ميعاد مروحنا.. حسيت ب نشوى وهبه وكأنى سامعه صوتهم وفجأه الدنيا دارت بيه ووقعت


 واغمى عليه محستش وغير وانا فى مكتبى ولقيت فى وشى راجل معرفوش بس كان لى طله حلوه اوى طول وعرض وحاجه كده ملهاش وصف ولما شافنى فوقت ملقتهوش قدامى سألت البنات اصحابى فالشركه هو مين الراجل ده رددت عليه صاحبتى كريمه ده صاحب الشركه انا قولت معقول هو ده صاحب الشركه وكريمه فضلت تحلف وتقولى ايوه يا بنتى هو! 🙃 بس قولتلها اومال مين اللى جوه ده اللى عالطول بشوفوا رددت كريمه وقالت ده النائب بتاعه بس مش صاحب الشركه.... ولقيت كريمه بتمدح فيه وبتقولى مستر خالد حاجه كده مختلفه عن


 بقيه الرجاله وبصراحه انا كنت ببصلها وانا مستغربه لحد ما قالت على فكره يا سندس انا لقيت شقه صغيره كده على قدك قصادى كانت بتاعه ابن عمى وهو مسافر وكمان بالعفش وايجارها كويس.. مش كتير وانا قولتلوا ظروفك وقالى تنور وبصراحه انا وافقت وفرحت لأن الشقه كويسه وكمان بالعفش!.. وطبعا كريمه كانت تعرف قصه غياب هبه و نشوى وعارفه انى لما بقعد فى شقتنا لوحدى بتعب وعلى طول بفتكرهم وكريمه حبت تساعدنى علشان ابعد عن الشقه وفعلا انا فرحت وروحت على شقتى واخدت هدومى وقولت لخالتى سعاد انى هسكن


 فالشقه الجديده علشان جمب شغلى وخالتى اضايقت وقالت إن لو كانت لوحدها كانت جت معايا إنما عندها جوزها وولادها وطبعا خالتى مقدره ظروفى وان نفسيتى وحشه وفى النازل علشان غياب اخواتى.. ولميت هدومى ومشيت واتصلت بكريمه وعرفت مكان الشقه وخدت العنوان وخدت تاكسى ووصلت واول ما وصلت لقيت كريمه ومامتها وابن عمها فى استقبالى وقبلونى احسن مقابله وكانوا ناس لسانهم حلو وعلى رأى المثل لاقينى ولا تغدينى وابن عم كريمه سلمنى الشقه وخدت المفتاح واول ما دخلت حسيت انى فرحانه ومستقله وفى شقه لوحدى والباب خبط واتفجأت بكريمه وكانت شايله صنيه عشاء وفعلا انا قعد أكلت وكأنى فى اخر ذادى ودخلت عملت قهوه اصل بحبها اوى وشربتها ونمت ولأول مره انسى نشوى وهبه وانا نايمه سمعت صوت بيهمس فى ودانى وصحيت عليه أبين زين أبين واشوف الودع 


🤗....قومت جريت وفتحت البلكونه ولقيت الشمس فى وشى ومش شايفه كويس وبقيت افتح عينى زى المجنونه والست بتقرب وصوتها بيرن فى ودانى وبيقرب ولقيتها قصادى لابسه ملايه لف وكانت جميله اوى..لسانى اتحرك وقولت اطلعى انا عاوزه اشوف الودع وهى بصت ليه حته بصه وقالت طالعه يا قمر...

انا جريت وفتحت الباب وكانت هى طالعه عالسلم ولما طلعت زقت الباب بقوتها ودخلت من غير ما تستأذن

سندس : اتفضلى حضرتك هو انتى اسمك ايه

رددت عليه وقالت أسمى جوهره وراحت قالعه الملايه اللف وقعدت عالأرض قولتلها طيب قومى وخودى الكرسى احسن من الأرض رددت عليه وقالت انا بحب الارض اققعدى

جوهره : هشوفلك الودع وهشوفلك بختك

وفعلا فرشت منديل وحطت عليه شويه ودع وقالت ارمى بياضك

سندس : بياضى يعنى ايه؟

جوهره : اه انتى منهم

سندس : بجد يعنى ايه؟

جوهره : فلوس يا عنيه

سندس : اه حاضر حاضر خودى 100 جنيه اهى

جوهره : ماشى

سندس : هو انتى لابسه ملايه لف ليه مع انك جميله اوى وكمان دى راحت عليها من زمان 😂

جوهره : ومالها الملايه خلى بالك دى مبيلبسهاش غير الحلوين عموما هريحك دى ميراث..

سندس : ميراث؟

جوهره : اه ميراث عن امى الله يرحمها وحتى المهنه دى ميراث برضه عارفه الكار ده حلو كده وادمان

سندس قالت فى سرها لازم أخدها على قد عقلها علشان لو هى الست يبقى هعرف طريق اخواتى اه يا وجع قلبى 😭

جوهره : ياه الودع بيقولك بختك حلو والدنيا هتبقى تحت رجلك وفلوس هتجرى وراكى.. بقولك هو انتى لوحدك يا قموره

سندس :اه لوحدى

جوهره : قوليلى يا خالتى انا ارتحتلك

سندس : وانا كمان ويارب يكون كلامك صح

جوهره : عارفه بقى فى أقوى من الودع

سندس : فى ايه

جوهره : قرايه الفنجان والكف دول بقى بيجيبوا من الاخر

سندس : اه بجد خلاص هقوم اعمل قهوه حالا

جوهره مسكت سندس من ايدها بقوه وقالت مش هنا

سندس : اومال فين؟

جوهره : فى بيتى علشان فى طقوس معينه

سندس : مواقفه بس انا عندى شغل

وسندس قالت فى سرها يا ترى الست دى وراها ايه؟

جوهره : قومى البسى وانا هلم حاجتى واخدك معايا وهتشوفى اللى عمرك ما شوفتيه

سندس : حاضر

وسندس قامت لابست بسرعه ونزلت مع جوهره وقفلت باب الشقه وقالت لجوهره ثوانى

سندس راحت طلعت لكريمه وقالت لها انا رايحه مشوار وكريمه سألتها مع مين بس سندس معرفتش تتكلم وجوهره واقفه بس شافت جوهره

جوهره : يلا

وسندس نزلت مع جوهره ومشيوا مع بعض وطلعوا على أول الشارع وجوهره شاورت لعربيه مرسيدس فخمه وسندس استغربت وقالت ايه ده هى عربيتك دى

جوهره : متسأليش كتير..

سندس : حاضر

وسندس ركبت معاها واول ما ركبت جوهره قلعت الملايه اللف فالعربيه والسواق كان سايق ووصلوا لمكان بعيد وكانت ڤيلا كبيره على الطريق الصحرواى

سندس نزلت من العربيه مع جوهره

سندس قالت فى سرها يا نهار منيل الست دى واخدانى على فين وازاى انا أمشى معاها بس فى سبيل انى اعرف اخواتى فين ان شالله اموت نفسى

جوهره : عم عرفه قول للبواب النطع ده يفتح الباب

والبواب فتح الباب وبيبص لسندس بصه خوف

سندس قالت فى سرها هو البواب ده ماله

سندس : ياااه معقول دى ڤيلاتك

جوهره : ادخلى

وسندس دخلت الڤيلا وقالت كل دى ڤيلا عايشه فيها لوحدك

جوهره : بطلى أسئله زهقتينى

واول ما سندس دخلت وبتلمح بعينها الڤيلا شافت شاشه شغاله على قناه اباحيه وقالت ايه ده

جوهره : حبيبتى دول عيالى مراهقين واكيد هما اللى مشغلين كده

جوهره : انت يا زفت يللى اسمك فتحى اطفى النيله دى وانتى يا سندس ادخلى خودى شاور

سندس : شاور علشان اشوف الفنجان والكف

جوهره : ادخلى اصلى بخاف من الميكروبات وبعدين لازم تكون طاهره

سندس : طاهره بصراحه كلامك غريب

جوهره : انتى يللى اسمك نبيله خودى سندس ووريها الحمام وخليها تاخد شاور

نبيله : اوامرك يلا قدامى

نبيله : ايه اللى جابك هنا

سندس : اشوف الفنجان

نبيله قالت فى سرها يا عينى انتى الصيده الجديده وانا مالى بقى هو حد قالك تيجى وضربك ع ايدك

سندس دخلت تاخد شاور وشافت فالحمام ملابس داخليه إنما شفافه اوى وقالت انا مش هلبسهم

نبيله : سندس اللبس اللى عندك متعلق فالحمام

سندس : اللبس ايه ده لبس قبيح

نبيله : بقولك البسيه وخلصى

سندس : اللبس ايه انا شكلى وقعت فى مصيبه بس هلبسه علشان اعرف اخواتى فين وفعلا سندس لبست وكانت حلوه وكلها انوثه ونبيله كلبه جوهره خدتها على اوضه نوم واول ما سندس دخلت لقت راجل موجود ونبيله قفلت الباب وسندس جريت عالباب وبتحاول تفتح وكمان بتغطى نفسها والراجل جرى عليها وقالها اققلعى يا بت انتى بتاعتى النهارده وسندس تزق فيه ومش مستوعبه اللى بيحصل ونيمها على السرير وفضل يضرب فيها وهى تقاوم......

يتبع.......

رواية نساء للبيع الحلقة الثالثة والرابعة كاملة مكتوبة - كوكي سامح 

وسندس فضلت تقاوم فى الراجل ونيمها على السرير وهى بتحاول تقاوم وقالت بنبرات حزينه ارحمنى حرام عليك وسبنى وهو زى الكلب اللى لقى عضمه واغتصب سندس.... واكتشف انها لسه بنت لما فقدت عذريتها والسبب ده خلاه يضايق ويحس بذنب وقالها ايه اللى جابك هنا وسندس كتفت نفسها وفضلت ترتعش وقالت القدر ونصيبى كده
سندس : انا عاوزه أمشى من المكان ده اللى دمر حياتى
الراجل : اسمك ايه
سندس : بقولك مش خلاص خدت اللى انت عاوزه بقولك عاوزه أمشى
الراجل : ده الكارت بتاعى وانا أسمى شهاب وعموما تمشى من هنا تقعدى انا مليش دعوه انا دافع فلوس زى غيرى وشهاب قام ومسك محفظته وطلع مبلغ وقال لسندس خودى دول حقك
سندس : ده تمنى يا شهاب بيه 😭 شرفى ما يتعوضتش بالفلوس


وشهاب فتح الباب وخرج وقال لجوهره هى مين البنت دى
جوهره : شهاب بيه انا عاوزه كام سهم فالشركه اللى لسه بتتأسس
شهاب : ههههههه على طول طماعه وضامنه حقك حاضر بس المره الجايه خلى البنت هى اللى تيجى عندى
جوهره : ده انا كنت همشيها
شهاب : لأ البنت دى شكلها غلبان وبجد صعبت عليه وشكلها مش من النوع ده وشهاب قال بصوت واطى يا شيخه دى طلعت بنت
جوهره : مش انت اللى عاوز حاجه جديده


شهاب : اه بس مش كده يعنى عموما خليها عندك وخودى الفلوس دى وخلى بالك منها كويس ومش عاوز راجل يلمسها
جوهره : بقولك انا كنت همشيها وهى بقى تشوف حالها
شهاب : انا دفعت حقها خلاص والبنت دى تلزمنى
شهاب : سلام
وشهاب مشى بخطوات بطيئه ورجع وقال لجوهره هى البنت دى اسمها ايه
جوهره : سندس
شهاب : سندس طيب سلام واستنى تليفونى
نبيله دخلت على سندس الاوضه وقالت قومى يلا



سندس قالت فى سرها انا جيت هنا وخسرت شرفى علشان اخواتى وفى الاخر همشى انا لازم اققعد هنا واعرف وراهم ايه واكيد ليهم صله بأخواتى
سندس قامت وقفت وعملت نفسها اغمى عليها
نبيله جريت عليها وقالت مالك انتى ي اسمك ايه فوقى وخرجت على جوهره وقالت الحقى البت الجديده اغمى عليها
جوهره : يا نهار اسود أجرى بسرعه وفوقيها وعندك البرفان وفعلا نبيله دخلت الاوضه ومعاها جوهره وسندس بتمثل انها مغمى عليها وجوهره قالت خلى بالك يا نبيله البت دى غاليه اوى ده شهاب بيه صاحب اكبر شركات وصانى انها متمشيش من هنا وكمان مفيش راجل يلمسها ونبيله قالت على ايه يعنى دى شكلها حته بت ولا تسوى
جوهره : اه هى فعلا ولا تسوى بس شوفت فى عين شهاب حاجه تانيه البت طلعت غاليه اكمنها طلعت لسه لنت
نبيله : ايه هى بنت
جوهره : اه بس مكنتش اعرف



نبيله : هى ايه اللى جابها هنا بس متقوليش فنجان علشان الملايه اللف مش بتتلبس غير للغالين
جوهره : بعدين المهم البت تفوق وسبيها فى الاوضه هنا ومش عاوزاها تخرج بره خالص آخرها الاوضه دى فاهمه وابقى حضرى عشا وفاكهه وخليها تاكل دى متوصى عليها
نبيله شممت سندس برفان وسندس عملت نفسها فاقت وقالت انا عاوزه أمشى اوعى اوعى ايدك من عليه يا مجرمه
نبيله : بقولك ايه يا بت انتى انا مليش دعوه اققعدى كده وخليكى هاديه ومش عاوزه اشوف طرفك بره الاوضه فاهمه ونبيله خرجت وقفلت الباب وسندس فضلت تفكر وتقول انا اللى عملت فى نفسى كده ازاى أمشى معاها انا كنت حاسه انى متخدره الست دى ليها سحر عجيب انا سندس العاقله يضحك عليه بكلمتين من ست جاهله وبتعرف فالخرفات .. بس فى صوت جوه سندس بيقولها لا مش خرافات اخواتك هبه ونشوى مشيوا ورا الخرفات دى علشان كده انتى مشيتى ورا جوهره...



وسندس بتكلم نفسها وبتقول طيب سميره جارتى قالت آخر واحده اخواتى كانوا معاها بتاعه الودع ونفس اوصاف جوهره...
وبرضه صوت جوه سندس بيقول بطلى هبل افردى طلعت مش هى يعنى كل ست تلبس ملايه لف تبقى نفس الشخص وسندس بترد على نفسها وقالت تبقى مصيبه لو طلعت مش هى انا ضعت وشرفى ضاع بسببها انا عارفه انى غلطانه بس لازم اعرف هى ولا لا وعلشان اعرف لازم اسأل جارتى سميره بس هخرج من هنا ازاى 😭 وكمان شكلها لا بتاعه ودع ولا فنجان انا مشفتش حاجه تتدل ع كده. ؟ يبقى بتمثل علشان تصاد فريستها بس يا ترى صدفه ولا... بس اكيد صدفه
الباب خبط وكانت نبيله ومحضره عشا وفاكهه لسندس
سندس : شكرا انا مش جعانه
نبيله : احسن ليكى تاكلى علشان قعدتك هطول



سندس : هاكل بس ممكن تعملى ليه قهوه
نبيله : حاضر ما انا خدامه البيت كله وخرجت نبيله ومضغاظه من وجود سندس
جوهره : خدت الاكل
نبيله : اه وكمان عاوزه قهوه
جوهره : اعمليلها يلا هتعملى خير فى حياتك 😂
نبيله قالت فى سرها خير ده انا اتعلمت الشر منك
جوهره : فى شغل النهارده
نبيله : ايه فى بت جديده



جوهره : لا بس فى سهره النهارده لناس مهمه
نبيله : هنا
جوهره : مالك قرفانه ليه خلاص انا هاخدهم الڤيلا التانيه
نبيله : حاضر بس ليه طلب عاوزه اروح النهارده اشوف بنتى
جوهره : روحى بس ترجعى تانى
نبيله : عاوزه انام فى حضنهم النهارده علشان اخوها رجع من السفر والحمدلله اتخرج وبقى محامى
جوهره : محامى ايه يا وليه اللى انتى بتتفشخرى بيه ده 😁 انتى متعرفيش انتى بتشتغلى ايه😏
نبيله : خلاص بلاش تقطيم ودخلت نبيله تعمل القهوه لسندس وسندس فالاوضه وقدامها الأكل بس مش بتاكل وعماله تعيط ونبيله دخلت عليها ومعاها القهوه وقالت انتى لسه مأكلتيش خلاص القهوه اهى والدولاب ده فى هدوم كتير والحمام فالاوضه مش عاوزاكى تخرجى بره الاوضه فاهمه....
سندس: حاضر


وجوهره خرجت وراحت تسهر مع الشله الفاسده بتاعتها ونبيله روحت على بيتها تشوف ابنها وبنتها...
وسندس قدامها الاكل وملهاش نفس وقامت وفتحت الدولاب وخدت هدوم ودخلت تحت الدش وابتدت تفكر فى كل حاجه حصلت لها من اول امها لما ماتت وكمان ضحكها مع أخواتها نشوى وهبه وضحكهم مع بعض وشغلها فالشركه وكمان لما شافت جوهره وجت معاها لحد الڤيلا وحضن شهاب ليها وقالت هو انا ليه مكرهتوش مع انه ده اللى ضيعنى بس حاسه بحضنه ليه ورغم انه كلب زيهم بس كان فى حنيه هو انا مالى وازاى احس بحاجه زى كده فوقى يا سندس لنفسك ده زيهم راجل وبيدفع تمن كل واحده وبيشترى الستات وقفلت الدش ونشفت جسمها ولبست الهدوم اللى طلعتها من الدولاب وقالت انا جيت الڤيلا دى بإردتى واضحك عليه بكلمتين وعارفه انى غلطانه بس والله علشان اعرف مكان اخواتى..



ولازم اعرف هما فين ويا ترى جوهره ليها يد فى غيابهم ولا لا ويا ترى هى ولا لا فعلا انا غبيه بس مش هسيبك يا جوهره الكلب ولازم اعرف وراكى ايه بس علشان اعرف كل حاجه؟؟ لازم اخرج من الأوضه دى والاغلب سرها مع كلبتها نبيله وانا مش هسيبها وسندس ابتدت تدور على تليفونها وقالت هو فالشنطه بس فين الشنطه؟ وقالت اه افتكرت انا لما دخلت الڤيلا شوفت الشاشه اللى كان شغال فيها افلام 



اباحيه واتخضيت وسبت الشنطه على كنبه الانتريه يعنى لازم اخرج من الأوضه دى بس ازاى 😭 دى نبيله نبهت عليه وقالت مخرجش وسندس بصت وشافت كارت شهاب ومسكت الكارت وقالت وانت ليك معايا دور يا شهاب... انا ست وضعيفه اه بس مش هسيب حقى.. وبصت للأكل وقالت اه ما انا هخرج بحجه انى هشيل الأكل واجيب شنطتى من بره بس لما يناموا وبعد مرور ساعتان وسندس قاعده تفتكر اللى حصل لها وتعيط وفى نفس الوقت نار غياب أخواتها وخايفه تكون ضحت بشرفها ومتعرفش طريق أخواتها يعنى خسرت كل حاجه
وقامت واتسحبت وحطت ودانها عالباب وقالت ده باين كده ناموا.. وخدت الاكل وفتحت الباب بشويش وخرجت من الأوضه وابتدت تتسحب 


وتمشى بالراحه على طرطيف صوابعها والصينيه فى ايدها وحطت الصنيه على السفره وبتبص شافت الڤيلا كبيره وقالت انا مش فاكره حطيت الشنطه فين؟ وقالت اه على الكنبه دى وجريت وقالت كويس انى لقيت الشنطه وفتحت الشنطه ولقت كل حاجه زى ما هى ومسكت التليفون وقالت لما ادخل الاوضه هكلم كريمه وخليها تساعدنى وسندس مسكت الصنيه وكانت محتاره فين مكان المطبخ وقالت اهو ودخلت المطبخ وحطت الصنيه وخرجت وابتدت تبص على الڤيلا وقالت ياه دى فيها تلت ادوار بس يا ترى الدورين دول فيهم ايه؟ وقالت اطلع 


اشوف ولا لا وقالت فى سرها يا سندس الڤيلا فاضيه ونبيله شكلها مش هنا هى وجوهره والبواب بره اطلعى يمكن تلاقى حاجه تفيدك؟ وفعلا سندس طلعت الدور التانى ولقت فى 3 اوض وفضلت تفكر ادخل اى اوضه ولفت نظرها اوضه بابها لونه اسود وقالت الاوضه دى الوحيده اللى بابها لونه اسود هدخل والأمر لله وهدخلها علشان لونها مختلف وفعلا سندس دخلت وفتحت الباب وشافت اللى مفيش عين تصدقه.....
يتبع...

رواية نساء للبيع الحلقة الخامسة والسادسة للكاتبة كوكي سامح 

ودخلت سندس الاوضه وشافت اللى مفيش عين تصدقه وشافت 3 جثث متحنطين والاوضه كل حطيانها بالذهب وسندس اترعبت وخرجت من الأوضه وقالت يالهوى دى فى بنات ميته وقالت بس لازم ادخل واجمد قلبى وفعلا سندس دخلت تانى ومرعوبه لأنها اول مره تشوف منظر زى ده وابتدت تقرب وقالت الجثث دى ل 3 بنات طيب ازاى حنطيتهم وكمان الاوضه حيطانها بالدهب حاجه غريبه ويا ترى ايه حكايه البنات دول بس شكلهم غريب بس يا ترى ماتوا ازاى وليه حنطيتهم بس معنى كده انهم غالين عليها اوى وسندس عنيها فالاوضه 

يمكن تشوف حاجه تانيه وقالت الغريبه ان مفيش غير ال 3 جثث دول ودولاب بس وراحت سندس وفتحت الدولاب وقالت حاجه غريبه الهدوم كلها شكلها مستعمل وكمان لأعمار مختلفه.... وقالت ايه المصيبه دى انا هدور على اخواتى ولا جايه اعرف سر البنات دول اللى متحنطين دول اكيد وراهم سر ولا كفايه عليه شرفى اللى راح وحياتى اللى ادمرت انا مش عارفه اعمل ايه 😒
وسندس قالت ايه ده انا سامعه صوت رجلين جايه هنا يا نهار اسود شكل جوهره جت ولو شافتنى جايز تموتنى واستخبت ورا الستاره 

والباب اتفتح وكان فتحى البواب وبيطمن ونزل وسندس خرجت من ورا الستاره ونزلت جرى ودخلت الاوضه وقفلت على نفسها ودخلت الحمام من خوفها وكانت عرقانه اوى من الخضه وخرجت من الحمام وقعدت عالسرير ومسكت شنطتها وحطت فيها كارت شهاب وقالت انت بقى يا شهاب ليك روقه معايا وخدت الشنطه فى حضنها والنوم غلبها بس شوق طول الوقت تتحرك وتعرق وهى نايمه وقامت مفزوعه على أذان الفجر وقالت يا ترى الجثث دول مين انا حلمت بيهم وكمان كلمونى بس معرفتش بيقولوا ايه وقامت سندس من السرير ودخلت الحمام واتوضت وفضلت تدور على مصليه وقالت انا بدور هنا على مصليه ههههه انا هصلى على السجاده ووقفت بين ايد ربنا وقالت 

يارب انصر عبدتك الضعيفه المسكينه اليتيمه اللى ملهاش غيرك ونور بصيرتى واعرف اخواتى فين الله اكبر وصلت سندس وقامت وخلصت الصلاه وهى واثقه فالله عز وجل وقالت انا لازم ادور فى الڤيلا اللى ملهاش اخر دى واعرف كل حاجه وكمان يا ترى ايه حكايه الجثث دول وجوهره ايه علاقتها بيهم ويا ترى جوهره هى الست المقصوده اللى جارتى سميره شافتها لابسه الملايه اللف ولا انا حبى لاخواتى خلانى زى العبيطه وجيت هنا وخسرت نفسى وضاع شرفى ومستقبلى راح وخرجت سندس علشان تتدور ولقت البواب قاعد على الكنبه وقالت لو سمحت
فتحى البواب : نعم انتى اللى خرجك بره الاوضه دلوقتى
سندس : اللى خرجنى هو اللى خلاك سايب البوابه وقاعد هنا
فتحى البواب: ده شغلى وانا ادرى بيه

سندس : انا كنت عاوزه اشرب
فتحى البواب : حاضر يا ستى هقوم اجبلك مياه
وفعلا فتحى دخل المطبخ وجاب لسندس كوبايه مياه وقالها اتفضلى وادخلى على اوضتك
سندس : على فكره انا وانت لوحدنا
فتحى البواب : يعنى ايه انا مليش فى الحاجات دى..
سندس : ههههه ههههه حاجات ايه انا قصدى اقولك العو مش هنا
فتحى البواب : قصدك مين
سندس : وش الأذيه نبيله وجوهره
فتحى البواب : مش شغلك انتى اسمك ايه
سندس : أسمى سندس يا عم فتحى
فتحى : وكمان عرفتى اسمى
سندس : انا منساش حاجه ابدا انا سمعت جوهره وهى بتقول عليك سورى يعنى نطع وكمان هزقتك وقالتلك بصوت عالى انت يا زفت ياللى اسمك فتحى اطفى النيله ده
فتحى البواب : طول عمرها بتهزقنى بس هعمل ايه لقمه العيش عاوزه كده
سندس : شكلك طيب يا عم فتحى حساك مش شبههم
فتحى : اسمعى منى نصيحه كل اللى هنا شبهه بعض
سندس : حتى انت 😭 انا قولت ان فى حد هنا هيساعدنى
فتحى : انا ممكن امشيكى واقول هربيتى يلا بسرعه اهربى
سندس قالت فى سرها اهرب ايه الراجل ده مش طبيعه او طيب بس لازم العب عليه
سندس : خلاص يا عم فتحى انا ضعت ومليش حد يتيمه
فتحى : عارفه يا سها

سندس : أسمى سندس
فتحى : انتى فيكى شكل من بنتى الله يرحمها
سندس : خلاص اعتبرني بنتك
فتحى : لو عاوزه تبقى بنتى محدش يعرف انى كلمتك
سندس : ممكن سؤال
فتحى : قولى يا سندس
سندس : انت هنا من زمان
فتحى : يااه من زمن
سندس : تعرف كل البنات اللى جت هنا
فتحى : ههه دول بنات كتير بس ممكن اعرف منهم بس مش كتير
سندس قالت ثوانى ودخلت جرى على اوضتها وجابت الموبايل وفضلت تدور على صوره كانت مصورها من صوره عندها ليها هى وأخواتها وقالت لفتحى البواب شوف الصوره دى
فتحى : مالها
سندس : تعرف البنات دول 😭
فتحى : لا

وسندس قالت شكرا وقالت بصوت واطى وعنيها بتتلفت فالڤيلا وقالت هى ايه حكايه جوهره والدور اللى فوق ده فى ايه
فتحى : دور اللى ماله وازى تتكلمى معايا كده انتى مش خايفه منى
سندس : علشان انا شوفت جوهره بتعاملك بأسلوب وحش ونبى قولى ايه حكايه الدور ده
فتحى : هوسسسسس ششششششش اسكتى اوعى تجيبى سيره الدور ده ولا تحاولى تعرفى حاجه بس كل اللى اقدر اساعدك بيه أمشى يا بنتى من هنا
سندس : مش دلوقتى
فتحى : ايه اللى جابك هنا وايه حكايتك
سندس قعدت وعنيها دمعت وحكت كل حاجه لفتحى البواب من وقت غياب أخواتها لحد ما جوهره شافتها
فتحى : معقول جوهره جابتك بالملايه اللف وكمان قالتلك بتشوف الودع
سندس : بالظبط
فتحى : يبقى متوصى عليكى من حد شوفى مين الحد ده وخلى بالك ان جوهره متعملش كده غير لحاجه واحده يأما الحد ده رتبه كبيره وعاوزك او دافع فلوس كتير يأما فى حاجه انتى معرفهاش🤔 جوهره بس اللى تعرفها😁 واللى فى دماغ جوهره محدش يعرفه غيرها؟
سندس : رتبه ايه بس ده انا يتيمه وغلبانه وبعدين انا معرفش حد يعرف الأشكال اللى زى جوهره دى
فتحى : دورى يا بنتى انا هروح انام يلا ادخلى نامى وزى ما قولتلك محدش يعرف انى كلمتك
سندس : حاضر ياااه ده الصبح شقشق وانت من اهله يا عم فتحى وسندس دخلت الاوضه وقالت سبحان الله ربنا كرمنا بمعرفه فتحى بس لازم استخدمها صح ولازم يطمن ليه علشان اعرف كل حاجه منه وقالت لنفسها بصوت جواها معقول جوهره كانت قصدانى ولو نفترض قصدانى تعرفنى منين انا معرفش حد خالص يعرف الأشكال دى بس الناس اللى جدد فى حياتى هى كريمه بس لأ مش معقول؟؟! ومش معقول ليه🤔 مبقاش حد لى امان فالزمن ده😒 وسندس الشك دخل فى قلبها من ناحيه كريمه وسندس فضلت صاحيه لحد الساعه ما دقت 11 الصبح واتصلت بكريمه وقالت..
سندس : الو
كريمه : انتى فين من امبارح ده انا قلبت عليكى الدنيا
سندس : عند واحده صاحبتى
كريمه : الحمد لله انك كويسه... صاحبتك دى اللى كانت معاكى
سندس : بالظبط كده 😁
كريمه : هترجعى امتى مش هتيجى الشركه النهارده
سندس : ابقى خودى اجازه ليه ومتتصليش بيه خالص اصل مشغوله وقت ما اكون فاضيه انا هكلمك
كريمه : انتى بتكدبى عليه يا سندس انتى اشتغلتى وبتضحكى عليه صح ها صح ها
الباب بيتفتح على سندس..
وسندس قفلت فى وش كريمه وعملت نفسها نايمه

نبيله : اوف كنت نقصاكى انتى كمان وقال ايه شهاب بيه موصى عليها الجربوعه دى
ونبيله حطت ايدها ع جسم سندس وابتدت تصحيها
سندس : مين مين اوعى ايدك يا مجرمه
نبيله : بت انتى انا ساكته بس علشان مدام جوهره حسك عينك تقولى مجرمه
سندس بصت ورسمت علي عنيها الحزن والدموع نزلت من عنيها وقالت يا ست نبيله ترضى لبنتك اللى انا فيه
نبيله : اوعى تجيبى سيره بنتى انتى فاهمه فاهمه ومسكت سندس من رقبتها وقالت لها لو جبتى سيره بنتى فيها موتك انتى مش احسن من غيرك يلا قومى افطرى
ونبيله خرجت متعصبه ومضايقه من سندس لما جابت سيره بنتها...
سندس : يعنى ايه تموتنى وكمان مش احسن من غيرى يعنى نبيله دى شكلها كده قتلت حد قبل كده؟؟ معنى كلامها بيدل على كده ده انا شكلى هعرف العجايب فالبيت ده.. وسندس قالت انا مش هفطر... وبعد مرور 3 ساعات جوهره وصلت الڤيلا وتليفونها رن وكان شهاب وعاوز سندس تروحلوا ڤيلته
نبيله دخلت على سندس وقالت اللبسى كويس عندك ميعاد مع شهاب بيه هه اللى كان معاكى امبارح عاوزك وخرجت ورزعت الباب وراها
سندس : معقول شهاب عاوزنى..
وقالت لنفسها مالك يا سندس فرحانه ليه ده كلب زيهم بس لازم اروح يمكن يساعدنى وفعلا سندس جهزت ولبست...
نبيله : جهزتى يلا السواق بره هيوصلك لحد الڤيلا بتاعته ونبيله.
وفعلا سندس ركبت مع السواق ووصلت لحد الڤيلا ونزلت والسواق دخلها لحد جوه وسابها ومشى
سندس: انت يا عم انت هتسبنى لوحدى

السواق: هبقى اجى اخدك
وسندس دخلت الڤيلا ولقت شهاب قاعد بيشرب سجاير واول لما شافها اتجنن وطفى السيجاره وجرى عليها وحضنها وسندس غصب عنها حضنته وبصت فى عينه وقالت انت اول راجل فى حياتى يا شهاب وفقد عذريتى على ايدك.....

لقراءة الحلقة الثالثة من رواية نساء للبيع : اضغط هنا

لقراءة الحلقة الرابعة من رواية نساء للبيع : اضغط هنا

لقراءة الحلقة الخامسة من رواية نساء للبيع : اضغط هنا

لقراءة الحلقة السادسة من رواية نساء للبيع : اضغط هنا

لقراءة الحلقة السابعة من رواية نساء للبيع : اضغط هنا

لقراءة الحلقة الثامنة من رواية نساء للبيع : اضغط هنا

لقراءة الحلقة التاسعة من رواية نساء للبيع : اضغط هنا

لقراءة الحلقة العاشرة من رواية نساء للبيع : اضغط هنا

لقراءة الحلقة الحادية عشر من رواية نساء للبيع : اضغط هنا 

تعديل المقال