القائمة الرئيسية

الصفحات

رواية صدمة كاملة - روايات كوكي سامح

رواية صدمة كاملة - روايات كوكي سامح

أخيرًا بدأت الكاتبة كوكي سامح
في نشر روايتها الجديدة 
رواية صدمة التي نشرتها على صفحتها اعلى الفيس بوك
وحققت الرواية نجاحًًا كبيرًا جدًا
منذ حلقتها الأولى جعلت الجميع يلتفت لها، خاصة وأن الغلاف 
يحمل اسم كاتبة غنيه عن التعريف وهي كوكي سامح
اقرأ ايضًا: رواية حماتي بالوراثة كاملة - كوكي سامح 
رواية صدمة كاملة - روايات كوكي سامح

عن رواية صدمة لـ كوكي سامح

رواية صدمة رواية إلكترونية حديثة
تُنشر على شكل حلقات على صفحة كوكي سامح على الفيس بوك 
التي تضم نحو 20 ألف قارئ 
يحبون روايات الكاتبة، ويستمتعون بكل ما تكتبه كوكي سامح
اليوم جلبنا لك،  رواية صدمة كاملة 
حتى لا تبحث هُنا وهناك على الفصول والحلقات
ستجدها هُنا في مدونة يوتوبيا 
أولًا بأول.
اضغط على (شاهد المزيد) لقراءة الرواية

رواية صدمة الحلقة الأولى كاملة للكاتبة كوكي سامح

ج. 1...

النهارده تانى عيد جواز ليه وماما وآسر جوزى اتفقوا يعملوا حفله كبيره وطبعا كانت مفاجأه ليه لأنى مكنتش جاهزه ولا عامله حسابى على الحفله دى رجعت من العياده ودخلت الڤيلا لقيت أهلى واصحابى وكلهم مبسوطين وماما كانت فرحانه اوى ما انا بنتها الوحيده اللى ربتها احسن تربيه انا الدكتوره نسمه عندى 25 سنه اما آسر جوزى عنده 28 سنه وهو محامى بس لسه مبتدأ اول ما اتقدملى بابا وماما رفضوا وقالوا انه مش من مستوانا بس مع الوقت انا اقنعتهم انه ده الإنسان اللى هتشرف بيه وفعلا آسر اثبت ده وفى وقت بسيط آسر اشتغل ع نفسه وبقى محامى مشهور ومعروف ومسك فلوس كويسه وماما وبابا فرحوا بيه اوى مش علشان الفلوس لأ علشان آسر اثبت انه راجل بجد وبيخاف ع بنتهم الوحيده انا فعلا فرحانه بآسر جوزى اوى بس يا خساره الحلو ميكملش انا عندى عيب ولازم عمليه علشان اخلف وكل الدكاتره أجمعوا انى اعمل حقن مجهرى وانا رافضه وقولت هجرب العلاج الأول وفعلا كنت باخد العلاج ومنتظمه وآسر جوزى وقف جمبى اوى لحد ما ربنا كرمنى وعرفت النهارده ويوم عيد جوزانا انى حامل انا حاسه انى طايره من الفرحه دخلت الڤيلا وانا مبسوطه وفرحانه ومن غير ما يعرفوا انى حامل شوفت فى عين ماما وآسر لامعه جميله اه ما هما فرحانين علشانى وكل ما سنه بتعدى ع جوازنا بحس انى بحب آسر اكتر واكتر وماما شافتنى وقالتلى انتى وصلتى يا نسوم يا روح قلب مامى أيه رأيك فالحفله انا وآسر قولنا نفرحك يا حبيبتى

نسمه قالت فى سرها انا مش هقول انى حامل دلوقت هخليها مفاجأه واقولها لما آسر يقدملى هديه عيد جوزانا والحمل هديتى لحبيبى آسر

نسمه : اه يا مامى انا فرحانه اوى والحفله تحفهه كفايه انك فيها يا حبيبتى ربنا ما يحرمنى منك يا ست الكل

آسر : حبيبتى نورتى دنيتك كل سنه وانتى طيبه وقاعده على قلبى مربعه ❤️ يلا اطلعى غيرى هدومك انا اشتريت فستان سواريه هتلاقيه عالسرير فوق وجاهز عاللبس علطول
ونسمه راحت حضنت آسر وطلعت على اوضتها وسابت المعازيم علشان تلبس وتنزل الحفله ولما طلعت دخلت اوضتها وكانت فرحانه اوى ووقفت قدام المرايا ومسكت بطنها وقالت اخيرا هفرح وهخلف من حبيبى آسر اه يا قلبى وشافت فالمرايا الفستان وقالت الله ده لونه ازرق جميل اوى ربنا يخليك ليه يا آسر
وابتدت تغير هدومها ولبست الفستان وقالت انا وشى شاحب اوى لازم ميك اب وقعدت ع التسريحه وعملت ميك اب لنفسها خفيف وجهزت وخرجت بره الأوضه وقالت لما اروح اخد سلفى بالفستان الأزرق ده لونه تحفه وقالت انا هاخد السلفى عند باب اوضه ماما لأن لونه يشبه الفستان وهيمشى مع الفستان وهتطلع صوره حلوه وكمان انا بحب أتصور عالطول وراه وفعلا نسمه مسكت فونها وراحت عند اوضه مامتها ووقفت ورا الباب وهى بتاخد السلفى سمعت صوت آسر بيكلم أمها وبيقولها حامل ازاى انتى مجنونه انتى حماتى مينفعش......
يتبع...


رواية صدمة الحلقة الثانية 2 كاملة للكاتبة كوكي سامح

ونسمه اتصدمت فى اللى سمعته وقالت مامى وآسر طيب ازاى ودخلت اوضتها وخدت الصدمه وفضلت قاعده تندب حظها وتقول معقول امى تخونى طيب اى شرع او اى دين يقول كده بجد حرام انا حاسه انى مخنوقه وهموووت من اللى سمعته ده انا لسه من دقايق كنت مبسوطه وفرحانه بإنى حامل وربنا كرمنى رحمتك بيا يارب ماما حامل من جوزى لا لا لا مش قادره أصدق ومسكت تليفونها وكلمت اعز اصحابها منى ونسمه قالت ياااه دى منى تحت فى الحفله ياربى انا دماغى مش فيه انا بجد تعبانه بس لازم اكون قويه علشان آسر ده هوديه فى ستين داهيه تاخده كان يوم اسود يوم ما شفته وقالت طيب ومامى معقول امى طيب دى اعمل فيها ايه ياربى ارحمنى وقامت نسمه وراحت ع اوضه مامتها بس ملقتش حد فيها وفون نسمه رن وقالت ده آسر وكنسلت عليه ونزلت نسمه الحفله وكأنها ملكه والكل ابتدى يبارك لها ويدعولها بالعمر كله مع حب عمرها آسر
آسر : كل سنه واحنا مع بعض يا عمرى
نسمه : وانت طيب
آسر : مالك مكشره ليه
نسمه : لأ عندى شغل كتير فالعياده وفى حالات مستعجله
آسر : حبيبتى انتى دكتوره نفسيه عادى يعنى
نسمه : ع فكره المرض النفسي لا يقل شئ عن المرض العضوى وياما فى ناس مريضه من جواها بسبب عقده معينه بتسبب لها مرض نفسى وساعات بيكون علاجه صعب
آسر : اه دخلنا فى جدال ومش هنخلص 😂 وانتى عارفه ان شغلتى الكلام يا نسوم
نسمه : نسوم ياريت متقولش نسوم تانى ده الدلع الوحيد اللى بحبه من لسان مامى
آسر : حبيبتى مالك قفشتى فالكلام ليه انا بهزر
نسمه : اسفه بس حاسه انى مخنوقه وتعبانه شويه بقولك انت مش ملاحظ حاجه
آسر : ايه
نسمه : مامى مش عجبانى خالص
آسر : مالها ما حماتى حلوه وزى القمر يا بنتى اللى يشوفها يقول أصغر منك
نسمه : انا بفكر اكلم بابا يرجع يقعد معانا ايه رأيك نصالحهم ع بعض
آسر : امممم بلاش دلوقتى لازم تكون اعصابها مرتاحه احنا مصدقنا بقت كويسه
نسمه : انت شايف كده
آسر : يا حبيبتى دى عيلتك وانتى حره بس برضه انا واحدمنكم دلوقت ولا انتى شايفه انى غريب
نسمه : عن اذنك هعمل تليفون ثوانى بس
آسر : هى مالها دى
نسمه فضلت تتدور ع منى صاحبتها وشافتها فالحفله واقفه مع اخوها وقالت منى تعالى
منى : حبيبتى كل سنه وانتي طيبه وان شاء الله السنه الجايه يكون معاكى البيبى بقى
نسمه : وانتى طيبه بس مش باين
منى : مالك فى ايه يا نسمه
نسمه : تعالى عاوزاكى بس مش هينفع هنا صوت ال دى چى عالى اوى تعالى ندخل جوه
الام : نسوم حبيبتى كل سنه وانتي طيبه الحفله عجبتك يا قلب مامى
نسمه : اه يا مامى بس اللى مش عجبنى بعدك عن بابى هو عمل ايه لكل ده يعنى
الام : مش وقته بقولك فين آسر
نسمه : معرفش عن اذنك يا مامى
نسمه : يلا يا منى تعالى بسرعه
ونسمه ومنى دخلوا الڤيلا ومنى قالت فى ايه يا بنتى مالك
نسمه : تعالى فوق فى اوضتى افضل مش هينفع هنا
ونسمه اخدت منى وطلعوا ع اوضتها واول ما دخلت الدموع نزلت من عين نسمه ومنى قالت لها مالك يا حبيبتى فى ايه بس
نسمه : انا سمعت كارثه مامى وآسر فى علاقه ما بينهم
منى : انتى مجنونه اخرسى شكلك اتجننتى من المجانين اللى بتعالجيهم
نسمه : مجانين صدقينى دول اعقل ناس
منى : انا بقى مطلوب منى أصدق القرف اللى بتقوليه ده
نسمه : مامى حامل انا سمعتها بودانى والله والله
منى : لما تفوقى من وهمك كلمينى اعقلى كده بطلى جنان انا مش هفتح بوقى بالموضوع ده لأى حد ربنا خلقه وانتى كمان فاهمه اعقلى يلا اغسلى وشك وانزلى ورايا انا هستناكى تحت
ونسمه مش، مستوعبه اللى بيحصل وقالت انا هراقبهم
ونسمه نزلت الحفله وهى مضايقه من كلام منى واول ما آسر شافها قالها ان شكلها متبهدل وكان شكله مش طبيعى ومسك نسمه من ايدها وخرج قدام كل الناس وقدم لها خاتم الماظ هديه ونسمه ابتسمت وكانت حزينه وطلع هديه تانيه وكانت مفاتيح عربيه ونسمه بتمد ايدها تاخدها بس آسر راح لحد حماته وقال والهديه دى اققل حاجه لحماتى ست الكل ونسمه فضلت مصدومه وراحت جمب منى وقالت شايفه اللى انا شيفاه بس منى صاحبتها قالت عادى راجل بيهادى حماته على أنها خلفت القمر ده طبعا اللى هو حضرتك علشان يتجوزها يا بنتى اعقلى.....
والحفله خلصت ونسمه هتتجنن من المصيبه اللى تعرفها وآسر طلب منها تطلع معاه بس نسمه قالت هى هتعمل شويه حاجات فالڤيلا وتطلع بس نسمه فضلت صاحيه وقاعده مع نفسها وهى قاعده سمعت باب اوضه مامتها اتفتح وقامت نسمه تتسحب واستخبت علشان متشوفهاش والام نزلت وخرجت الجنينه........
يتبع...

رواية صدمة الحلقة الثالثة 3 للكاتبة كوكي سامح

والأم خرجت تتسحب فالجنينه ونسمه بتراقبها وقالت هى مامى خرجت الجنينه ليه ده الوقت متأخر والام مسكت الفون وعملت مكالمه وكان شكلها مرعوب ونسمه حاولت تسمع بس مش عارفه نسمه خايفه لا أمها تشوفها وفجأه آسر نزل وخرج الجنينه ووقف مع حماته وفضل يتكلم معاها ومسك ايدها ونسمه شافتهم وقالت انا اتأكدت من اللى سمعته انا مش مجنونه ومسكت تليفونها وصورتهم وطلعت اوضتها وفضلت منهاره ومسكت بطنها وقالت الحمل ده لازم ينزل انا مش عاوزاه بعد ما كنت بتمناه منك لله ي آسر الكلب بس انا لازم اطلق وافض المهزله دى
آسر : حبيبتى
نسمه : انتى كنت فين؟
آسر : نزلت تحت اشوفك بس انتى هنا ههههههه حاجه غريبه مع انى سايبك تحت
نسمه : كنت فالحمام يا آسر. انت بقى اللى كنت فين؟!
آسر: ما قولتلك كنت بدور عليكى
نسمه : طيب طيب انا هنام تصبح ع خير
آسر : حبيبتى مالك فى حاجه انا مش عارفها طيب انتى كويسه
نسمه : ايوه
آسر : متتعصبيش عليه
نسمه : اسفه.. انا مضايقه شويه وتعبانه
آسر : ليه مالك
نسمه : انت اشتريت لمامى عربيه ليه مع انها الحمد لله مش محتاجه حاجه
آسر: هديه فى حاجه واحد بيحب حماته واشترى هديه ليها عيب ولا حرام
نسمه قالت فى سرها برودك ده هو اللى هيجننى
نسمه : مش حرام بس ليه..
آسر : نسمه مالك مش فهمك
نسمه : انا هنام تصبح ع خير
آسر : ايه الليله السوده دى نسمه النهارده عيد جوزانا يا حبيبتى هتنامى برضه فى يوم زى ده.. تصبحى ع كل خير
وفى صباح اليوم التالى نسمه قامت من النوم وملقتش آسر جمبها وقالت هو راح فين وقامت تتدور عليه ونزلت ولقيته بيفطر مع مامتها
نسمه : صباح الخير
الام : صباح النور يا قلبي
آسر : صباح الهنا
الام : مالك يا حبيبتى شكلك مرهق انتى منمتيش ولا ايه
آسر : ههههه دى امبارح نامت نوم
نسمه : مفيش يا مامى بس انا تعبانه شويه
الام : حبيبتى ربنا يسعدكم
نسمه قالت فى سرها يسعدنا وانتى فى وسطنا لازم اخلص منك
الام : اققعدى افطرى
نسمه : لا مليش نفس
آسر : نسمه انا عندى شغل فالمكتب ع 7بالليل وهخلص ع 10 ايه رأيكم نخرج نسهر بره
نسمه : بجد يا حبيبى
آسر : اه طبعا يا حبيبتى وكمان هيكون معانا ست الكل تنورنا
نسمه : مامى هى هتيجى معانا
الام : هو انا اققدر ع بعدك
آسر : انا هقوم اللبس وع 8 هكلمك يا حبيبتى علشان تجهزوا
نسمه : حاضر
نسمه قالت فى سرها انا مش عارفه اعمل ايه
ونسمه قامت وطلعت اوضتها وكان آسر خلص فطار ومشى ع شغله وفضلت نسمه تعبانه وبتفكر تعمل ايه وكلمت منى وقالت لها انها عاوزه تشوفها ضرورى
وفعلا بعد ساعه كانت منى عند نسمه
منى : ازيك يا طنط وحشانى اوى هى نسمه فين
الام : فوق يا منى
منى : عاوزه اققول لحضرتك حاجه بس ياريت نسمه متعرفش
الام : خير قولى هو انا ليه غير نسمه قولى
منى : نسمه شكلها مش، طبيعى انا خايفه عليها اوى حركاتها غريبه اوى وحتى بقت تقول كلام غريب ومش مفهوم
الام : انا ملاحظه ده بس من يوم مشكلتى مع باباها وهى تعبت وممكن يا حبيبتى موضوع الحمل والخلفه مأثر عليها ربنا يكرمها انا بدعيلها ليل نهار
نسمه قالت بصوت عالى ايه ده انتى هنا يا منى مش انا قولتلك انا عاوزاكى ضرورى 😁
منى : براحه يا بنتى انا كنت بسلم ع طنط وبطمن عليها
نسمه : انا فى اوضتى تعالى
منى : حاضر نكمل كلامنا بعدين يا طنط
وفعلا منى طلعت عند نسمه فى اوضتها وقالت لنسمه فى ايه مالك شكلك مصفر كده ووشك متغير
نسمه قالت بصوت واطى ومسكت ايد منى وقالت تخيلى انا من امبارح لحد النهارده اخدت مهدء مع انه خطر عليه
منى : مهدء ليه يا بنتى كده انا مش عارفه حصل ايه لكل ده بطلى الجنان اللى فى دماغك
نسمه : انتى عارفه يعنى ايه ماما حامل وكمان من.. 😭 دى مصيبه
وقامت نسمه واخدت مهدء تانى قدام منى
منى : ايه يا بنتى ده كل ده تهيأت فى دماغك انتى
نسمه مسكت تليفونها وقالت لمنى شوفى كده انا صورتهم امبارح بالليل وهما مع بعض فالجنينه وكان ماسك ايدها
منى : الصوره مش واضحه بس كل ده عادى دى حماته فى مقام امه
نسمه : انا خلاص هتجنن
منى : الحل المواجهه
نسمه : ازاى
منى : كلمى طنط وشوفى ردها ده الحل عندى غير كده مش هينفع يأما عاوزه تعيشى فكك من الأوهام دى وريحى دماغك بقولك يا نسمه انا عندى ميعاد مع طليقى الله ياخده علشان اشوف ابنى وهبقى اكلمك واطمن عليكى
نسمه : باى
ومنى مشيت بس نسمه شغلت تفكيرها بكلام منى وقالت فعلا لازم اواجهه مامى وآسر كمان والوقت عدى وجرى زى الصاروخ والساعه دقت 8 بالليل وآسر كلم نسمه وقالها تجهز وفعلا نسمه جهزت ولبست نفس الفستان الأزرق ونزلت ودخلت ع اوضه مامتها ولقت مامتها لابسها وكانت زى القمر
نسمه : ماما انا عاوزاكى
الام : تعالى ياروح ماما
نسمه : ايه ده هو آسر وصل
الام : لسه واصل وكلمنى ومستنى تحت انتى بقى عاوزه ايه يا عيونى
نسمه : انا نازله يلا تعالى وبعدين نتكلم
الام : اسبقى انتى
وفعلا نسمه نزلت ولقت آسر قاعد وكان لابس وكأنه عريس وقالت فى سرها انت عريس وهى عامله فيها صغيره انا مش هسكت
الام : انا جهزت يلا يا حبايبى
نسمه : مامى آسر
الام وآسر بصوا لنسمه بأستغراب وقالوا فى صوت واحد نعم
نسمه : عاوزه اعرف فى ايه ما بينكوا ومسكت مامتها وقالت وانتى حامل من مين هه.....
يتبع..

رواية صدمة الحلقة الرابعة 4 كاملة للكاتبة كوكي سامح 

الام اتجننت بعد اللى سمعته من نسمه وقالت مالك يا نسمه علاقه ايه اللى بينى وبين جوزك انتى اتجننتى ولا ايه
نسمه برقت بعنيها اوى وقالت لجوزها آسر ما ترد يا بيه رد عليه
آسر : مش هرد عليكى علشان انتى اتجننتى
نسمه : اتجننت وقالت لأمها ردى انتى عليه طيب لابسه فستان وشكلك زى القمر وكمان آسر بيقول عليكى اصغر منى واحلى منى
الام : انا تعبت من الاسلوب ده انا مش خارجه كفايه يا نسمه كفايه بقى
نسمه : انتم مالكم فيكم ايه بالظبط انا سمعتكم ع فكره بودانى وانتى بتقولى لآسر انك حامل وحتى آسر قالك انتى مجنونه ده انتى حماتى مش حصل ده ولا لأ انا عاوزه تبرير للكلام ده بسرعه؟
الام : نسمه ارحمى نفسك يا بنتى من الأوهام اللى فى دماغك انتى كده بتتعبى نفسك
نسمه : حد فيكم يرد عليه
آسر : حبيبتى تعالى واقعدى كده واهدى خالص
نسمه : اوعى ايدك
وآسر قال لحماته يا طنط انا خايف ع نسمه تانى شكلها تعبت ولا ايه
الام : تقريبا نفس الحاله اللى كانت عندها لما ابوها سابنى وطلقنى غدر ده انسان خاين وواطى منه لله دمر البنت
نسمه ابتدت تترعش وتقول لأ انا دكتوره واحسن دكتوره انا مش مجنونه والله انا سمعتكم بودانى انتى وآسر
الام : يا نسمه انا حامل ازاى بعد السن ده وبعدين انا مطلقه من بابا يا حبيبتى من قبل ما تتجوزى
وقام آسر قال لحماته بصوت واطى الحاله رجعت لها يا طنط لأن يوم الحفله قالت إنها لازم ترجع باباها البيت علشان يصالحك بس اخدتها ع قد عقلها وقولت علشان مصدمهاش كفايه صدمه باباها وكفايه الحاله اللى كانت فيها دى يا دوب لسه خارجه من مستشفى الأمراض النفسيه بقالها سنه وانا قولت انها بقت كويسه والاكتئاب والتهيأت راحت من عندها بس الظاهر انها لسه تعبانه
نسمه : اه انتوا بتغنوا ع بعض علشان اتجنن
الام : لا حول ولا قوة الا بالله 😭😭 يا حبيبتى يا بنتى ده انا مليش غيرك
نسمه : انا مش مجنونه وبقولك اهو والله انتى حامل انا سمعتك بودانى منك لله خربتى بينى وبين جوزى بطلعى عقدك عليه
الام : عقد ايه وحمل ايه مبقاش ينفع الكلام
آسر : انا هضطر اطلب الدكتور بتاعها
ونسمه سمعت كده وانهارت وابتدت تمسك اى حاجه قدامها وتكسرها ع الارض وجريت ع المطبخ وجابت سكينه ومسكتها وآسر مسك ايدها بعد محاولاتها قتل امها وابتدى جسم نسمه يتلج وتترعش
آسر شاف منظر نسمه مسك التليفون واتصل بالمستشفى والدكتور اللى متابع حالتها طالب منه يخلى باله من نسمه لأن كده انتكست ولازم ياخد حذر
وفعلا آسر فضل يكلم نسمه بالسياسه والدكتور وصل ومعاه عربيه علشان ياخد نسمه تتعالج لأنها انتكست
نسمه : دكتور احمد انا مش مجنونه ماما حامل وآسر خاين ولو مش مصدق انا كمان حامل
الام : انتى حامل يا نسمه معقول...
دكتور احمد : تعالى يا نسمه
نسمه ابتدت تعيط وتنهار وتقول والله يا دكتور احمد انا كويسه انا سمعتهم وبعدين انا مش هروح المستشفى
دكتور احمد : انا مش هسيبك وهتخرجى وهتبقى زى الفل
نسمه : تليفونى اهو انا صورتهم شوف كده وفضلت تقلب وملقتش حاجه والله صورتهم
آسر : نسمه متتعبيش نفسك يا حبيبتى هتبقى كويسه الحقها يا دكتور احمد
وفعلا الدكتور اخد نسمه على المستشفى والام انهارت وفضلت تعيط والڤيلا بقت فاضيه بعد ما نسمه مشيت
الام : انا هطلع انام يا آسر بس ابقى كلم دكتور احمد واطمن ع نسمه انا مليش غيرها 💔
آسر : حاضر يا طنط
الام : انا مش عارفه نسمه حصل معاها كده ليه وازاى!! يارب انا طالعه بقى لأنى تعبت وأعصابى تعبت تصبح ع خير
آسر : وانتى من اهله
والأم طلعت وآسر طلع ع اوضته وتليفون آسر رن وآسر رد وقال الو منى
منى : خلاص نسمه راحت المستشفى وارتحت يا آسر بيه.....
يتبع...

رواية صدمة الحلقة الخامسة والأخيرة 5 للكاتبة كوكي سامح 

وآسر رد عالفون وكانت منى وقالت خلاص ارتحت نسمه راحت المستشفى يا آسر بيه بس آسر رد على منى وكان اسلوبه مستفز وقالها اققفلى دلوقتى مش وقته
منى : ابوس ايدك عاوزه اشوف ولادى جوزى مبهدلنى وانا ساعدتك اهو ونسمه خلاص اتجننت
آسر : بكره هستناكى فالكافيه اللى تحت بيتك وهديكى الفلوس اللى قولتلك عليها خلاص سلام
منى : سلام
آسر : ياااه اخيرا هنام وانا مرتاح اما حماتى عادى انا مش عاوز منها حاجه كفايه انى جننت بنتها وشوهت صورتها قدامها
وآسر نام نوووم عميق....
وفى صباح اليوم التالى آسر قام من النوم وكان فايق وفرحان ودخل الحمام واخد شاور وابتدى يلبس هدومه واتصل ب منى وقالها تستناه فالكافيه وبعد كده شاف حماته بتعيط ع غياب نسمه والتعب اللى هى فيه
آسر : صباح الخير يا ماما
الحماه : صباح الخير
آسر : مفيش داعى لدموعك دلوقت نسمه هتبقى كويسه
الحماه : نسمه راحت خلاص انا مش عارفه اعيش من غيرها ازاى 😭
آسر : انا معاكى يا أمى متخافيش انا خارج دلوقتى لو فى اى حاجه كلمينى
آسر : حاضر
الحماه : ابقى اطمن ع نسمه وكلم الدكتور أحمد خليه يطمنى عليها
آسر : حاضر... اكيد باى يا ماما
وفعلا آسر راح علشان يشوف منى وركب عربيته وكان مبسوط اوى واول ما وصل الكافيه ملقاش منى واتصل بيها وقالت إنها هتنزل حالا وآسر قعد فالكافيه مستنى منى
منى : هاى ازيك يا آسر بيه
آسر : ازيك اققعدى
منى : انا وقفت معاك ضد صاحبتى لحد ما اتجننت ومش عاوزه حاجه غير ولادى
آسر : ما براحه اهدى شويه طليقك ده مياخدش فى ايدى غلوه
منى : يغور فى ستين داهيه المهم ولادى
آسر طلع من جيبه قلم ودفتر شيكات وقال لمنى ده شيك لحامله اصرفيه برحتك وفى الفلوس اللى تكفيكى
منى : ولادى
آسر : بقولك ايه انتى اخدتى فلوسك واكتر من اللى طلبتيه مش عاوز دوشه دماغ ولادك هيرجعولك طليقك عاوز فلوس وهيتنازل عنهم هو مش الاب الحنون يعنى 😎
منى : ارجوك متنسنيش
آسر : مقدرش انساكى
منى : ممكن سؤال
آسر : انا هجاوبك من غير ما تسألى انا عملت فى نسمه كده علشان ابوها عذب ابويا فى الشغل وفى الأخر حبسه بتهمه اختلاس وهو معملهاش وابويا مات فالسجن واتفضحنا وحلفت انى اكون محامى واخد حقه وحق فضيحتنا وغير امها اللى عامله فيها غلبانه أمى جت تتوسل لها واترمت تحت رجليها يا شيخه دى باست رجليها علشان تساعدنا وكلمت امى بكل عجرفه وعنجهيه وطردتها وانا حلفت مسبش حقى وبعد ما ابويا مات فالسجن من الحسره مشينا من بيتنا وامى ماتت من حسرتها ع ابويا... الايام ربتنى وبقيت محامى وشوفت نسمه ووقعتها فى حبى لحد ما اتمكنت واتجوزنا وعرفت انها كانت مريضه نفسيه واستغليت ده لحد ما شوفتك وانتى قاعده معاها بتهزرى وبتقلدى الأصوات وانتى موهوبه والفكره دخلت دماغى اكتر لما قلدتى صوت حماتى وقتها بس عرفت هاخد حقى ازاى
منى : اه انا بقلد حلو فعلا بس ازاى مامت نسمه وباباها معرفوش اسمك لما اتجوزتها
آسر : هى الناس دى بتفتكر حد وانتى فاكره انى اول حد يظلموه
منى: عندك حق 🤚 بس عارف مش عارفه ونسمه بتسمعنا من وراه الباب وانا بقلد صوت طنط كنت مرعوبه
آسر : بالعكس انتى قلدتيها كويس لدرجه نسمه اتجننت وخلصت
منى : طيب سؤال تانى لو نسمه خرجت هيحصل ايه
آسر : نسمه خلاص مش هتخرج هتفضل جوه لحد ما تموت
منى : المهم انا عاوزه ولادى
آسر : خلصنا قولتلك طيب انا هقوم أمشى
منى : ماشى سلام متنساش موضوعى
وآسر : طيب
وآسر قام وساب منى ومشى وركب عربيته وقال فى حاجه اخيره لازم اكلم الدكتور أحمد واشوف هيتصرف ازاى وفعلا آسر اتصل بالدكتور احمد
احمد : ازيك يا آسر ارتحت خلاص
آسر : شغلك كله عندى ببلاش وانت عارف طلبى
احمد : عارف
آسر : نسمه تتجنن اكتر ومتخرجش خالص لحد ما تموت
دكتور احمد : والفلوس
آسر : عيب عليك الفلوسك فى حسابك من امبارح فى حاجه كده لو نسمه حامل زى ما بتقول خليها تجهض انا مش عاوز البيبى
دكتور احمد : ههه اكيد هو ينفع ابن آسر بيه اكبر محامى تكون امه مجنونه هقوم باللازم واعتبر نسمه مش فالدنيا اصلا
آسر : فى صفقه جديده فى مستشفى صغيره وعاوزك تديرها
دكتور احمد : من عنيه يا آسر بيه
آسر : لو حماتى اتصلت وسألت على حمل نسمه قول انها كدابه وأكد لها ان نسمه حالتها بتسوء وانا عاوزك تخليها تسوء اتفقنا
دكتور احمد : بقولك اعتبر نسمه ماتت المهم المستشفى وشغلنا يا آسر بيه
آسر : سلام
وبعد مرور شهور وآسر قاعد مع حماته وهى فكراه ملاك وكل لما تسأل ع نسمه يقولها الحاله بتسوء لحد ما جه اليوم اللى الدكتور أحمد اتصل وقال إن نسمه ماتت بحريق فالمستشفى واستلموا جثتها وماتت نسمه وآسر أثر ع حماته وأصبح كل حياتها لحد ما كتبت بأسمه كل حاجه ورماها بره الڤيلا بعد ما جردها من كل شئ...
وفون آسر رن وكانت منى
آسر : مين
منى : انا منى اللى نسيتها
آسر : معرفش حد بالأسم ده
منى : هفضحك ابوس ايدك اققف جمبى انا مش عاوزه فلوس طليقى خد عيالى وهرب
آسر : هههههههه اققف جمبك ليه انتى خدتى فلوسك وحقك منى انتى مستوعبه بتقولى ايه بصى يا حبيبتى افعل كما شئت فكما تدين تدان انتى حرمتى ام من بنتها اللى هى نسمه ومامتها طبعا وعاوزه عيالك فى حضنك طيب ازاى 😂 هو ربنا بيضحك عليه
منى : انت واطى منك لله
آسر : مش لوحدى 😂 وانتى ايه بقى حلوه صح عموما انا مفيش دليل يخلينى مدين انتى بتتكلمى مع محامى وشاطر مش كوسه هى وع فكره بقى فى فيديو معايا عليكى بتاع الواد اللى جوزك قفشه معاكى فكره اومال جوزك طلقك ليه وبعدين دى آخره الخيانه واوعى تلعبى معايا.... من غير سلام...
وآسر استمتع بحياته ومامت نسمه اتوفت من القهر والفقر ومنى فضلت ع حالها محرومه من أولادها وخايفه من آسر لا يفضحها وفضلت عايشه زى الشيطان الأخرس وانتهت القصه 😢😍
كما تدين تدان ربنا مبيضحكش عليه يا جماعه 👌
أياك والظلم
هل اعجبك الموضوع :

تعليقات

11 تعليقًا
إرسال تعليق
  1. كتير عجبني الموضوع بس تبقي نزلي شي كامل ما حبيت هالاسلوب بعرض الرواية انت فاشلة

    ردحذف
  2. على فكره قصه دمه م موجوده ولو موجوده ممكن تنزل اللينك بتاعها

    ردحذف
  3. على فكره قصه صدمه مش موجوده كلها زي مبتقوله ولو موجوده ابقى نزلي اللينك بتاعها

    ردحذف
    الردود
    1. هي فعلًا مش موجوده كُلها .. المقصود أن المقال هينشر قصة صدمة كاملة بمجرد صدور الفصول اللي بتكبتها كاتبتها كوكي سامح بتم نشرها في نفس الصفحة على الموقع هنا، عشان نسهل على القراء قراءتها.

      حذف

إرسال تعليق