رواية صدفة الفصل الرابع 4 بقلم مريم أشرف

رواية صدفة الحلقة الرابعة 4 بقلم مريم أشرف

رواية صدفة الجزء الرابع 4 بقلم مريم أشرف

رواية صدفة البارت الرابع 4 بقلم مريم أشرف

رواية صدفة الفصل الرابع 4 بقلم مريم أشرف

رواية صدفة الفصل الرابع 4 بقلم مريم أشرف

مقدرش يتحمل كلامها في حق أختو اللي زي السم وضربها بالقلم..

زياد بعصبيه: انتي طالق!

مامتو صرخت بصدمه: لأااا!!

سهام وقعت على الأرض ماسكه خدها وبتتكلم بعدم تصديق: انت..انت طلقتني بجد؟

زياد: آه بجد..وقومي جمعي هدومك وروحي بيت أبوكي بدل ما خليها بالثلاثه!!

ساعدتها حماتها لحد ما قامت ودخلت اوضتها..

رقيه بحزن: اتسرعت أوي يا زياد!!

زياد: اتسرعت ايه يا ماما انتي مسمعتيش قالت ايه على بسمه؟..على بنتك؟؟!!

قعدت على الكنبه وغطت وشها بكفوفها..أما هو فنطق بصوت عالي: لما تخلصي ابقي الحقيني للعربيه..لازم تشكريني اني هوصلك لحد باب بيتكم!!..قال كده ونزل ورزع الباب بقوه وراه..

_____________

أنس وقف العربيه ونزل يشوف بسمه ولقاها واقعه على الأرض وبتنزف من راسها..

قرب منها وهزها: بسمه..بسمه قومي!!..بس مفيش فايده عشان كانت فاقده الوعي..

أضاف بنرفزه: الله يخرب بيتي كان مالي ومالك لحتى أساعدك!!..قال كده ورفعها بين ايديه ودخّلها العربيه وساق باتجاه المستشفى..

وصل المستشفى وطلب من المرضى يجيبولو نقاله عشان يدخلوها اوضة العمليات..

أنس بقلق: بسرعه الحقوها..لو سمحتو بسرعه!!!

ردت عليه ممرضه بهدوء: حاضر يا بيه..اهدى انت بس واحنا هنعمل واجبنا..

دخلوها العمليات وهو فضل برا بيستنى وبيفتكر كلامها عن مشاكلها العائليه..

أنس: شكلك شفتي كثير..بص للساعه ولقاها بتقرب من منتصف الليل..اتنهد وسند راسه على الحيطه فتعب..

بعد ساعة بيرن تيليفونو..بيطلعو من جيبو وبيرد:

- ايوه يا ماما..

 شروق بقلق عليه: ايه يا أنس اتأخرت ليه؟..مش من عوايدك..

أنس: شوية مشاكل لما أخلصها هبقى أرجع..

وقف كلام لما سمع صوت صراخ جاي من اوضة العمليات..قرب منها وبدأ يخبط في خوف..فتحتلو الممرضه وقالت في تعب: لسا كنت هندهلك..المريضه قامت الحمد لله بس الضربه كانت شديده عليها مما خلاها تفقد ذاكرتها..وده مؤقت متقلقش..

شروق: أنس..يا ابني في ايه؟؟!

أنس: جهزي اوضة الضيوف يا ماما..في ضيفه هتشرفنا كام يوم..

شروق باندهاش: ضيفه؟..مين؟

أنس: لما هتيجي هتشوفيها..سلام يا ماما..

دخل الأوضه ولقاها بتعيط وماسكه راسها..

أول ما شافتو قالت: انت مين وأنا بعمل ايه هنا؟!!

__________________

يتبع......

لقراءة الفصل الخامس اضغط على : ( رواية صدفة الفصل الخامس )

لقراءة الرواية كاملة اضغط على : ( رواية صدفة )

تعديل المقال