رواية أشواك العشق الحلقة السادسة 6 بقلم سندس محمد
رواية أشواك العشق الجزء السادس 6 بقلم سندس محمد
رواية أشواك العشق البارت السادس 6 بقلم سندس محمد
 |
| رواية أشواك العشق الفصل السادس 6 بقلم سندس محمد |
رواية أشواك العشق الفصل السادس 6 بقلم سندس محمد
روان بصدمه شديده: انت متجوز
بصلها ياسين بسخريه شديده: اه ليكي فيه
سكتت روان وهي حاسه أن قلبها وجعها... اعتماد بصتلها ببسمه وقالت: انتي روان صح
روان بتردد: اه
اعتماد فتحتلها زراعتها وقالت: طب تعالي في حضني وانتي شكلك كيوت وعسل كده
روان ماصدقت وجريت على حضنها واول ماحضنتها دموعها نزلت هي اول مره تجرب الاحساس ده باباها قالها أن مامتها ماتت وفاكرها بس مش اوي
ياسين: ماشي هنطلع نريح شويه لحد الغدا
اعتماد ببسمه: ماشي ياحبيبي
ياسين وروان طلعوا... روان اول مادخلت الاوضه عجبها ذوقها اوي
ياسين بجمود: نامي على السرير وانا هنام على الكنبه
روان بهدوء: لا انا هنام على الكنبه احسن
ياسين بحزم: انا قولت قراري خلاص
روان بخوف من نبرته: حاضر
تحت كانت اعتماد وتوحيده قاعدين توحيده لما ياسين وروان جم ماكنتش موجوده
توحيده بزعل: انتي ازاي قابلتيها كده وهي ابوها اللي قتل بنتك وجوزك
اعتماد: بس هي ملهاش ذنب وليه اصلا اخدها بذنب ابوها انا كده ابقى ظالمه يا توحيده هظلم بنت ملهاش ذنب طب وليه
توحيده: عندك حق يا اعتماد
اعتماد عنيها دمعت: انا منكرش إن قلبي وجعني اول ماشوفتها وكنت ناويه اعاملها وحش بس اول ماشوفتها افتكرت ريماس وانا مكنتش هقبل عليها كده ياتوحيده
توحيده بحزن: ربنا يرحمهم يارب
اعتماد: يارب وكملت ببسمه عشان تغير الجو.... انتي مش عايزه تتجوزي بردو
توحيده بضحك: يعني انا متجوزتش وانا صغيره هتجوز وانا كبيره ياستي العمر عدا خلاص
اعتماد بضحك: والله ياتوحيده انتي لسه صغيره فكري بس
توحيده بضحك: والله ضحكتيني يا اعتماد انا مش عارفه ابوكي كان ماله لما اختار الاسامي بتاعتنا اعتماد وتوحيده بس اشمعنا فاطمه هي اللي فلتت منه
اعتماد بضحك: تلاقي امك هي اللي سمتها لكن جت على حظنا احنا وابوكي هو اللي اختار الاسامي بتاعتنا
عند ياسين وروان في اوضتهم
ياسين بهدوء: نمتي ولا لسه
روان: احممم لا صاحيه
ياسين: احمم ايه رأيك تروحي معايا اشوف خالتي فاطمه هي في الاوضه اللي جنبنا
روان ببسمه: ايوه طبعا
بعد خمس دقايق خرجوا هما الاتنين من اوضتهم ودخلوا اوضة فاطمه
ياسين اول مادخل ابتسم بمشاكسه: بطتي عامله ايه
فاطمه بصتله والفرحه بانت في عنيها وكل ده وهي لسه ماشفتش روان عشان كانت واقفه ورا ياسين
روان وقفت قدامها وقالت ببسمه: انا روان
فاطمه بصتلها بصدمه شديده ونطقت بصعوبه: ب.. بن بنتي
ياسين بصدمه ومخدش باله من اللي قالته هو كل اللي خد باله منه انها اتكلمت: خالتو انتي بتتكلمي
فاطمه بصعوبة في الكلام: بن ب بنتي
روان بخوف شديد: ياسين هي ليه بتقول عليا بنتها
فاطمه دموعها نزلت بحزن شديد: سامحي. ني يابنت. ي سامحيني
روان صرخت بحرقه ودموعها نزلت: متقوليش بنتي انا امي مامت فاهمههه
ياسين بهدوء: اهدي ياروان اهدي ياخالتو انتي ازاي اتكلمتي اصلا
فاطمه غمضت عنيها ودموعها نازله على وشها: م مت متقول
ش لحد يا ياسين
ياسين بهدوء: ماشي مش هقول لحد وتعالي ياروان اقعدي
روان غمضت عنيها وبتحاول تهدي في نفسها وقعدت
فاطمه بحنان: ان انتي بنتي انا متأكده
روان سكتت وهي بتحاول تستوعب اللي هي بتقوله
فاطمه سألتها بترقب: انتي اسمك روان ايه
روان: اسمي روان كامل
فاطمه بجنون: يعني ايه انا متاكده انك بنتي انتي بنتي انتي فاهمه
ياسين شاور بعينه لروان وغمزلها روان فهمت هو عايز يقولها ايه وراحت عندها وخدتها في حضنها وحست بشعور غريب اوي بس نفضت الفكره دي من دماغها وقالت بهدوء: اهدي اهدي ايوه انا بنتك بس اهدي
بعد شويه خرجوا هما الاتنين من الاوضه وقفلوا الباب بهدوء عشان متصحاش من نومها دخلوا اوضتهم وروان قالت بتعب: انا محتاجه انام
ياسين بهدوء: نامي يلا
روان اتجهت ناحية السرير ونامت بتعب ودماغها عماله تفكر في اللي فاطمه قالته معقوله تكون هي امها فعلا بس ازاي
عند فاطمه بعد ماخرجوا من عندها فتحت عينيها ودموعها نزلت بحسره وقهر وقالت: اه ياريت. ني سمعت كلام. ك يابابا ياريتني ما اتجوزته انتي السبب ياتوحيده انتي السبب
لكنها افتكرت حاجه وبصت قدامها بصدمه: معق ول مع.. قول تكون توحيده مشتر كه معاه وهي اللي قالتل ه ياخد روان بنتي ويمشي
عند توحيده كانت قاعده في اوضتها وبتتكلم في التليفون بصوت واطي: ايوه روان جت هنا
المجهول: ٠٠٠٠٠٠
توحيده: لا متخافش انا مش هخلي فاطمه تشوفها وهجبلك روان متقلقش
المجهول:٠٠٠٠٠
توحيده بخبث شديد: طبعا دي بنت اختي الغاليه
يتبع....
لقراءة الفصل السابع اضغط على : ( رواية أشواك العشق الفصل السابع )
لقراءة باقي الفصول اضغط على : ( رواية أشواك العشق )