رواية صغيرتي المتمردة الحلقة السابعة 7 بقلم نور إبراهيم
رواية صغيرتي المتمردة الجزء السابع 7 بقلم نور إبراهيم
رواية صغيرتي المتمردة البارت السابع 7 بقلم نور إبراهيم
 |
| رواية صغيرتي المتمردة الفصل السابع 7 بقلم نور إبراهيم |
رواية صغيرتي المتمردة الفصل السابع 7 بقلم نور إبراهيم
غيث بياخد شاور و غفران قاعدة بتقلب في الفون وهي مستمتعة باللي حصل و إنها يعتبر بدأت تفهمه شوية و هو كذلك بردو وصلها رسالة على الواتساب
غفران بصد"مة من اللي شافته و في تفس اللحظة طلع غيث من الحمام و هو بيجفف شعره
غيث بتعجب من شكلها : غفران مالك في اي
غفران و قد ملأت الدموع عيونها ثم اردفت : إنت ليه كدا
غيث بتعجب : ليه اي يا غفران مالك في أي
غفران و هي بتعطيه الفون و بيشوف الصور اللي وصلت ليها و هو بيحضن تاليا و بعضهم ماسك إيديها و قاعدين يضحكوا
غيث : غفران أنا ...
غفران : إنت أي يا غيث يا أخي حتى احترم اني مراتك احترم شكلي قدام الناس اللي علطول مش بيهمك
غيث : مين اللي بعت الرسايل دي
غفران بسخرية : دا كل اللي همك انك تعرف مين انا معرفش مين يا استاذ غيث اللي باعتهم
غيث : غفران والله مفيش حاجة بينا الصور دي قبل م نتجوز
غفران : يبقى إزاي مفيش حاجة بينكم يا غيث على العموم انت حر هى كلها فترة مؤقتة و كل دا ينتهي بس على م كل حاجة تنتهى أتمنى تحترمني في الفترة دي و تحترم شكلي و كرامتي قدام الناس
غيث : غفران انا قولت ليكي أن مفيش حاجة بينا كل اللي بينا كان صداقة و شغل و انا والله بعد جوازنا م خرجنا ولا حتى كلمتها غير في شغل
غفران ببرود : انت حر ميفرقش معايا
غيث بعصبيه وهي بيشدها و تلاقت أعينهم
غيث : لما هو ميفرقش معاكي مضا'يقة عليه هاااا مضايقة ليه ان هي قريبة مني ليه عيونك دمعت لمجرد انك عرفتي ان في حاجة بينا
غفران و هي بتنزل عيونها و بتقول بو"جع : غيث لو سمحت إبعد عني انا حقيقي قربك بقى بيخنقني مبقتش عاوزة القرب دا عاوزة أخلص منه بقى
غيث و هو بيضغط على إيديها : إنتي اي انا عملت اي عشان وجودي تكر"هيه بالطريقة دي انا كل م بقول بدأت تتحل تعقد"يها
غفران : انا اللي بعقد"ها و الله برافو
غيث و هو بيترك يديها و يتجه إلى السرير وهي قعدت على الانترية بعد م طفى النور و كل منهم لديه مشاعر و الأفكار متضاربة فالكبرياء سيد التصرف و لم يستطع أحدهم البوح و أصبح كتمان المشاعر نير"ان تحر"قهم ....
غفران نامت بعد فترة و أثار الدموع على خديها
غيث و هو بيقوم بيقعد جنبها و بيمسك إيديها لأول مرة : انا بجد محتاجك جنبي محتاج تكوني سامعة كل كلمة بقولها مش عارفة حبيتك أمتى و إزاى بس انتي البنت الوحيدة اللي ملكت قلبي بعد كل اللي حصلي مش قادر اقولك دا خايف اتو"جع تاني خايف بعد م أتعلق بيكي تسبيني انا عارف ان العلاقة كانت غلط من الاول لكن انا مش عارف في اي كل اللي أعرفه اني مش عاوزك تبعدي و مش قادر أقولك دا و نام هو الآخر مكانه بعد شوية على دراعها
بقلمي/ نور إبراهيم ***********************
زياد : ألو يا حبيبتى وصلتي
هند : ايوة يا حبيبي وصلت من شوية
زياد : حد قالك حاجة او سألك كنتي فين
هند : لا يا حبيبي هما كلهم ناموا و انا طلعت علطول و بعدين غيث مش هيقول حاجة لانه عارف اني كنت مع صحابي
زياد بخبث : طايب حلوة الثقة دي اي بقى مش هتيجي عندي البيت المرة الجاية
هند : زياد انا قولت ليك البيت مش هينفع احنا بنتقابل في أماكن عامة مش هينفع موضوع البيت دا
زياد بزعل مصطنع : و انتي عاجبك يا هند و احنا قاعدين خايفين حد يشوفنا و كأننا بنعمل حاجة غلط
هند : بس كدا بيكون أحسن
زياد بغضب : ماشي يا هند سلام و قفل معاها و هو متأكد انها مش هتقدر على زعله
هند في نفسها : يوووه بقى أنا مش عارفة اعمل اي عارفة اللي هعمله دا غلط بس هو بيحبني وانا كمان مقدرش على زعله و بعده عني مش عارفة أعمل اي بجد يا ربي
*************************
عند تاليا ..
الخدامة بهمس : ألو يا هانم
تاليا بفرحة : هااا حصل حاجة جديدة
الخدامة : أيوة يا هانم انا سمعت غيث بيه وغفران هانم بيتخانقوا و صوتهم عالي و هي قالت له ان علاقتهم دي فترة و كدا خلاص هتنتهي
تاليا بسعادة : بجد طايب أنا عوزاكي تركزي أكتر في الفترة دي و اللي انتي عوزاه هتاخديه بس لوسمعتي الكلام
الخدامة بطمع : طبعا يا هانم هسمع كلامك و متقلقيش كل اللي هيحصل هتعرفيه بالحرف
تاليا بخبث : برافو عليكي انا كدا مبسوطة منك
،،،،،،،،،،،،،،،،،،،،،،،،،،،،،،،،،،،،،،،،،،،،،،
تاني يوم ...
غفران و هي بتصحى بكسل و تعب من النومه اللي كانت عليها و هي بتتفاجئ انه نايم على دراعها و متمسك فيها زي الطفل اللي خا"يف أمه تضيع منه
غفران : أحم أحم و بتهز فيه برفق
غيث و هو بيفتح عيونه و انتبه الي وضعه و أنه نام من غير م يحس
غيث بإنكار : انا اللي جابني هنا
غفران : يمكن بتمشى و انت نايم مثلا
غيث بتردد : دا أكيد مش يمكن ثم تركها بلامبالاة و هو بيدخل الحمام
غفران بإبتسامة على كبريائه اللي دايما سيد تصرفاته و ضحكت لما افتكرت شكله و هو نايم ماسكها زي الطفل
بعد مدة و هو بيسرح شعره
غيث بهدوء : هوصلك الجامعة ثم أكمل بنبرة تحذ"ير و مش عاوز المحك واقفة مع الدكتور إياه دا انتي عارفة مش انا ممكن ساعتها أعمل أي المرة دي
غفران بدون إعتراض : حاضر
غيث بتعجب : أول مرة أسمع حاضر دي منك علطول بتقول لا و مش بتسمعي الكلام
غفران : ممكن يلا ننزل عشان انا متأخرة و عاوزة أسلم على جدو قبل م يسافر انهاردة
غيث : تمام يلا بينا
*************************
تحت و الكل متجمع ..
غفران : اقعد معانا كمان شوية يا جدو انت مش لحقت
صفوان : معلشي يا حبيبتى انتي عارفة مينفعش أقعد بعيد عن البلد كل دا
غفران بحزن : ماشي يا حبيبي
صفوان بحكمة : خلي بالك منها يا غيث
غيث بهدوء : حاضر يا جدو
و بالفعل كلهم مشيوا و غيث وصل غفران الجامعة في حين أنه راح الشركة و ملامحه لا تبشر بالخير
،،،،،،،،،،،،،،،،،،،،،،،،،،،،،،،،،،،،،،،،،،،
في الجامعة ..
سهيلة وهي بتحضن غفران : وحشتيني اوي فضلت مستنياكي على أمل انك تيجي امبارح بس مش جيتي
غفران : انا جيت بسسس ..
سهيلة : بس أي انا مش شوفتك
غفران : هحكيلك .. و حكت ليها اللي حصل كله من أول دوك أحمد لحد الصور اللي وصلت ليها عن غيث و تاليا
سهيلة : اي دا طايب و هتعملي أي مع دوك أحمد
غفران : هعمل أي هو عرف اني واحدة متجوزة المفروض مش يفكر في الموضوع أصلا
سهيلة : طايب و الصور اللي وصلت ليكي دي مين اللي باعتها و هتعملي اي يا غفران
غفران بضيق و الحزن ظهر على ملامحها : مش عارفة بجد بس رد فعل غيث ضايقني أكتر
سهيلة : ليه دا هو حتى صارحك و قالك على طبيعة علاقتهم
غفران بغيرة و عصبية تظهر على ملامحها : هو اي اللي ليه دا بيقولي دا قبل جوازنا و احنا صحاب مش أكتر وانا اي لما هو يعمل كدا انا فين من حياته
سهيلة بخبث : مش دا اللي مش بطقيه يا غفران و كنتي مجبورة على الجواز منه خلاص هو حر و انتي كمان حرة
غفران : لا طبعا هو مش حر
سهيلة : حبتيه يا غفران الحب باين في عيونك و لهفتك عليه اوي
غفران بتوتر : لا طبعا مش حبيته بس كل ما في الأمر اني مراته يعني المفروض يحترم وجودي في حياته
سهيلة : بس مش باين دا من كلامك
غفران بضيق : خلاص يا سهيلة
سهيلة و هي بتلطف الأمور : خلاص خلاص يلا عشان المحاضرات
**************************
في الشركة ..
غيث داخل بهيبة و لكن نظرات الغضب تملأ وجهه
غيث بجمود : مصطفى ابعت تاليا حالا
مصطفى بإستغراب : تمام
و بالفعل مصطفى عرف تاليا و بعد شوية دخلت تاليا و الفرحة باينة على وشها
تاليا : نعم يا غيث انت طلبتني
غيث و هو بيشد"ها من شعرها : اي اللي انتي عملتيه دا يا زباله
تاليا بو"جع : سيب شعري انا عملت اي
غيث بغضب : عليا الكلام دا يا روح أمك
تاليا : بقولك سيب شعري يا غيث اللي بتعمله دا غلط انا مش عملت حاجة فهمني انا عملت اي
غيث : بتبعتي الصور ل غفران عشان تشك و تطلب الطلاق
تاليا بخبث : صور اي انا مش فاهمة حاجة
غيث : صور ليا انا و انتي قبل م أتجوزها
تاليا : مش انا يا غيث و بعدين الكل عارف اننا صحاب و عارفين اني بحبك مش مضطرة أعمل كدا عشان أكد ليها
غيث بتحذير : تاليا أنا لو عرفت انك قربتي ل غفران تاني أنا مش هر"حمك
تاليا بغل : كل شوية غفران غفران انا مليش دعوة بيها مفيش مقارنة بيني و بينها انت ليه مش فاهم دا و فاهم انها فارقة معايا
غيث بسخرية : فعلا مفيش مقارنة بينكم لأنها مختلفة عن كل اللي عرفتهم و يلا اطلعي برا شوفي شغلك
*************************
الوقت عدى و غيث انتبه انه المفروض يروح عشان ياخد غفران في طريقه ..
غيث : هند انا همشي دلوقتي عشان أخد غفران معايا و انا مروح
هند : ماشي يا حبيبي بس حاول تكون لطيف معاها هاااا
غيث : حاضر يا ستي خلصي انتي الكام حاجة دول و ارجعي عشان نتغدا سوى
هند : ماشي يا حبيبي بس صحيح ... وقاطع كلامها صوت فون غيث
غيث : ألووو .... اييييي
هند : غيث في اي ..
يتبع....
لقراءة الفصل الثامن اضغط على : ( رواية صغيرتي المتمردة الفصل الثامن )
لقراءة باقي الفصول اضغط على : ( رواية صغيرتي المتمردة )