رواية بيت الشرقاوي الفصل الخامس 5 بقلم ريمو حسني

رواية بيت الشرقاوي الحلقة الخامسة 5 بقلم ريمو حسني
رواية بيت الشرقاوي الجزء الخامس 5 بقلم ريمو حسني
رواية بيت الشرقاوي البارت الخامس 5 بقلم ريمو حسني
رواية بيت الشرقاوي الفصل الخامس 5 بقلم ريمو حسني

رواية بيت الشرقاوي الفصل الخامس 5 بقلم ريمو حسني

طبعا البارت اللي فات اما قولت اسيبلكوا الحرية وانتوا تقولولي استنتجتوا ايه من البارت بس انا ملاحظة في الكومنتات ان انتوا شايفين انها اتظلمت ماشي انا عارفة انها مظلومة بس مش ده اللي كنت عايزة اوصلهولكوا
كنت عايزاكوا تستنتجوا ان:
(الدخلة البلدي دي جريمة في حق البنت دي المفروض حاجة خصوصية بينها وبين جوزها محدش يدخل فيها ونور مكنتش راضية حتى دي جت بالغصب عشان كدة لازم البنت متقبلش بحاجة زي دي على نفسها لان في بنات بتشوفها عادي
ومن جهل الاهل اوي انهم فاكرين شرف بنتهم عشان حاجة زي دي لا طبعا مش دي الحاجة اللي بتثبت شرفها ،شرف البنت ٥ي أخلاقها وتعاملها وعفتها وتربيتها واحترامها وكمان الاهل لو واثقين في بنتهم استحالة هيفكروا فيها كدة ولو مخدوش اللي هم عايزينه الاب يقول اغسل عاري بأيدي عار ايه بس كل الموضوع ان الطب اثبت انها بتختلف من حالة لحالة يعني دي حاجه بتكون طبيعية)
البارت السابع 
ذنبي لاني انثى 
سيلا :انا عندي حل لمشكلتك 
نور بلهفة :ايه 
سيلا:اخويا عمرو محامي اقوله واخلي يتصرف 
نور بخوف من أهلها وحسام:لا لالا متقوليش حاجه انا حكيتلك والنبي مش تقولي لحد عشان خاطري ده حسام يموتني فيها 
سيلا:خلاص اهدي مش هقول بس انتي هتفضلي على الحال ده لحد امتى يا نور هتفضلي مستحملة الذل ده لحد امتى 
بصتلها نور بحزن وسكتت 
سيلا بتفكير:حاولي متخافيش منه وتظهري انك ضعيفة طول ما جوزك شايفك كدة هيدوس عليكي وهيذلك
نور :هحاول بس انا بخاف منه اوي ده بيضربني على اتفه الأسباب
سيلا :متخاف......قطع كلامهم دخول حسام
سيلا:استأذن انا بقى مع السلامة يا روحي وهمستلها انا جمبك خليكي قوية
ابتسمتلها نور ومشيت سيلا
حسام:اجري جهزي الاكل وهاتي ماية عشان تغسليلي رجلي
نور:حاضر
وبتروح نور وتعمل اللي هو عايزه وعدى اسبوع وجه اليوم اللي نور فيه مكنتش عارفه تكون مبسوطة ولا زعلانة عشان عرفت انها حامل
ذهبت نور وجلست أمام حسام:حسام
حسام :اخلصي 
نور بتوتر:انا حامل
محستش بنفسها غير وهي في حضن حسام وكانت اول مرة تحس بالحنية بس هل يا ترى الحنية دي هدوم 
حسام:اخيرا هتجيبيلي ولي العهد
نور بتوتر مع ابتسامة:اه ان شاءالله 
حسام:هيكون ولد ان شاءالله 
وأهلها وحماتها عرفوا وفرحوا عشان ايه في فكرهم انها هتجيب ولي العهد 
في منزل محمد الشرقاوي 
الساعة ١٢ بليل 
محمد:كنت فين يا ابني لحد دلوقتي 
زين :محدش ليه دعوة بية
محمد:يا ابني مقصدش انا بطمن عليك بس
بصله زين ودخل اوضته وقفل الباب بس مش بالمفتاح وطلع جرعة مخدرات وكان بيشم منها
محمد داخل :زي.....بصدمة :انت بتعمل ايه
زين:شايفني بعمل ايه يعني بلعب 
محمد :رد عليا عدل انت نسيت بتكلم مين وايه القرف اللي بتاخده ده انت اتجننت وبياخده منه وزين قام وشده منه تاني بس وقع محمد على الأرض على دخول هناء
هناء بصدمة:ايه اللي انت عملته ده
زين:بتوهان ملكوش دعوة بيا اعمل اللي عايزه وسابهم وخرج
هند وهي بتساعد محمد يقوم:شوف آخرة تربيتك ودلعك ليه قال ايه عشان الراجل ويبقى سندك شوف سندك اهو بيوقعك على الأرض قال وكنت بتقسى على بنتك الملاك البريء اللي كنت حرمها من كل حاجة وغصبتها على جوازها وسبت جوزها يضربها عادي 
شعر محمد لوهلة بشعور غريب وحاسس انه ندمان بس اتجاهل الشعور ده ورد عليها
محمد :انتي بتقولي ايه يا ولية وبتجيبي سيرة البت دي تاني ليه مصدقت خلصت منها وابني مكنش قصده يعمل كدة وأما ييجي هيعتذرلي وسابها ومشي 
عند نور طول فترة الحمل مكنش فيه ضرب من حسام ودايما بيعملها بحنية وهي كانت فاكرة انه هيفضل دايما كدة حتى حماتها اللي كانت مشاغلها خدامة كانت هي اللي بتخدمها ومكنتش نور بتقوم من مكانها مش خوفا عليها لا ده على اللي في بطنها ونور بقت في آخر وعدى خمس شهور وراحو عند الدكتورة عشان يعرفه نوع الجنين 
الدكتورة باصة للسونار وبتحرك الجهاز على بطن نور
الدكتورة:مبروك بنوتة ربنا يقومك بالسلامة 
حسام بصدمة:بنت ازاي اتاكدي يا دكتورة 
نظرت له نور بتوتر ومشيوا من عند الدكتورة وطول الطريق فضلوا ساكتين بس نور مرعوبة واول ما وصلوا وقفل باب الشقه 
حسام ضربها بالقلم:ازاي بنت ازاي المفروض تجيبي ولد الوريث بتاعي
نور ببكاء:والله مش ذنبي ده قدر ربنا 
حسام والله لاوريكي وسابها ومشي وراح قال لاهلها وعرف امه وكلهم غضبوا لان كان في فكر ان الست هي اللي بتكون السبب في تحديد الجنين 
نور اتصلت على سيلا وقالتلها على كل حاجه 
سيلا:جوزك ده حقير انتي مش لازم تسكتي انا هعرف عمرو وهو اللي هيساعدك وهياخد حقك 
نور بخوف:بس
سيلا بغضب :مفيش بس كفاية ذل واهانة ليكي وفعلا بتقفل معاها سيلا وبتروح لعمرو وبتحكيلوا كل حاجه وطبعا عمرو كان مذهول ازاي استحملت ده كله وتاني يوم أصرت سيلا ان نور تيجي عشان يعرفوا هيتصرفوا ازاي وبعد محايلات من نور لحسام عشان تروح لسيلا وافق بس معرفش انه سيلا عندها اخ 
نور بتخبط الباب 
سيلابتفتح:اتفضلي يا حبيبتي خوشي 
بتدخل نور بتوتر وعمرو وقف 
عمرو:اتفضلي يا مدام بصلها ولقى ملامحها جميلة بس مليانة حزن 
نور قعدت وحكتله كل حاجه وعمرو وسيلا ملتزمين الصمت بس الوقت خدهم ونور  اتاخرت وعمرو قرر يساعدها
عمرو :بصي يا ....بيقطع كلامه خبط على الباب عمرو بيفتح 
ونور وراه عشان كانت ماشية
حسام بصدمة :انتي بتعملي ايه هنا وراجل معاكي يا فاجرة 
ولسة جاي يضربها فجأة....
يتبع...
لقراءة الفصل السادس اضغط على : ( رواية بيت الشرقاوي الفصل السادس )
لقراءة باقي الفصول اضغط على : ( رواية بيت الشرقاوي )
تعليقات



حجم الخط
+
16
-
تباعد السطور
+
2
-