رواية عشق الأمجد الحلقة الخامسة 5 بقلم شهد القاضي
رواية عشق الأمجد الجزء الخامس 5 بقلم شهد القاضي
رواية عشق الأمجد البارت الخامس 5 بقلم شهد القاضي
 |
| رواية عشق الأمجد الفصل الخامس 5 بقلم شهد القاضي |
رواية عشق الأمجد الفصل الخامس 5 بقلم شهد القاضي
كان أمجد يتناول الغداء مع عائشه في غرفة عائشه وكانت تتحدث معه في أمور كثيرة وكان ينصت لها بإهتمام وكأنهم لم يتحدثوا منذ فترة طويلة!!
عائشة -ها جبتلي اي
أمجد وهو يتناول الطعام=اممم بصراحة انا ملحقتش أجيبلك حاجه لاني إستعجلت فالنزول ومعرفتش أجبلك حاجه مميزة،عبس وچهه عائشة لتقول
عائشة -خلاص مش مشكلة المهم إنك جيت بالسلامه،همهم أمجد وقال
امجد=طب أنا شبعت وتسلم إيدك يحبيبتي
عائشة بابتسامة -الف هنا
ثم خرجوا ليجلسوا مع والدة عائشه وتقول
والدة عائشه -حمدلله علي سلامتك يبني نورت البيت
امجد=الله يسلمك يحماتي والله واحشني جدا،فين روان
والدة عائشه -عند صحبتها بتاخد حصة
امجد=ربنا يوفقها
والدة عائشه -امجد يحبيبي انت مبسوط مع بنتي؟
امجد بإستغراب=اكيد بس اي مناسبة السؤال ،،كانت عائشه فالمطبخ تچهز العصير وكادت تخرج ولكنها سمعت سؤال والدتها وقفت لكي تعرف ما مناسبة الكلام...
والدة عائشه -حبيبي انا عارفة إنك بتحب عائشة وهي كمان بتحبك جدا بس أنا برضو زي مامتك واكيد لو كان عندي ابن كنت اتمني اشوف حفيدي ،وعائشه بنتي لسه ربنا مكتبلهاش إنها تكون،،قاطعها امجد ليقول
امجد= مش عايز ولاد يحماتي انا مكتفي بعائشه يمكن العادي عند الناس انهم يتجوزوا تاني وتالت عشان الخلفة لكن انا لا ،انا مستحيل أجرح عائشه ولا اني اسيبها ،مش عشان هي مش بتخلف يبقي اظلمها معايا واسيبها ،،أنا مكتفي بيها وهفضل عايزها بكل حالاتها عمري كله
والدة عائشه -ربنا يديمكم لبعض وتفرحوا وربنا يرزقكم بولاد تملي عليكم البيت
دخلت عائشه عليهم وهي ممسكه صنية العصير وجلست بجانبهم دون أن تتكلم ،،ثم تحدث امجد
امجد=طب يلا بينا ي عائشه
والدة عائشه-علي فين
امجد=هنمشي نروح البيت عشان عايز ارتاح وعندي شغل بكره
والدة عائشه -ما ده بيتكم برضو اقعد ارتاح هنا
امجد= علي عيني يحماتي بس انا برتاح اكتر فبيتي
والدة عائشه -خلاص ال يريحكم
ثم ذهب أمجد وعائشه الي منزلهم ولكن ظلت عائشه لا تتحدث وهما في طريقهم وامجد لاحظ هذا ولكنه لم يتحدث فضل ان يكون الحديث في منزلهم..
في منزل امجد////
وضع امجد الشنط وقفل باب الشقة ثم جلس وقال بتعب
أمجد= حقيقي البيت كان واحشني جدا الغربة وحشة اوي
عائشة - ايوة فعلا
امجد=تعالي يعائشه عايزك
ذهبت عائشه وجلست بجانبه وقال
امجد=زعلانة ليه ومن غير لف ودوران
عائشة - انا سمعت كلامك مع امي
امجد=اممم وبعدين
عائشه-وبعدين ايي
امجد=ايوا اي ال مزعلك برضو
عائشه-مش عارفة حاسه مخنوقة وزعلانة اني عندي مشاكل ومش بخلف، كل بنت بيكون نفسها انها تحمل ويكون عندها طفل تهتم بيه وتحبه ويكبر قدامها وتديله حنان بس للاسف انا ربنا حرمني من كده ودي حاجة واجعني وكسرة قلبي اوي،قالت ذلك ثم بدات فالبكاء
امجد بحنان= بصي ربنا لما بيحرمنا من حاجه يبقي اكيد الحاجه دي فيها شر لينا ،إحنا لازم نصبر ونرضي بقضاء ربنا عشان ربنا يعوضنا بالأحسن،منفضلش نقول ليه ربنا حرمني وليه وليه،،بصي للجانب الاخر وانتي هتلاقي حاجات تانيه كتيرر،والاهم انك دايما يكون عندك يقين في ربنا وايمانك عمره ما يتهز وانا جنبك ومش هسيبك لاني بحبك ومش متخيل فكرة إنك متكنيش فحياتي لسبب زي ده..
إحتضنته عائشه ثم قالت
عائشه-انت دايما بتثبتني بالكلام بس ماشي يلا نقوم ننام عشان تلاقيك تعبان
امجد=ايوة انا فعلا تعبان بس لازم اوريكي حااجه الأول
عائشه بإستغراب -اي هي،،
قام امجد واحضر بوكس متوسط الحجم ثم فتحه وأخرج منه كائن صغير
عائشه بفرح-اععع ديي قطهه
امجد بمزاح=بجد مكنتش عارف
عائشة -هاتها كده ،حملتها عائشه لتقول
عائشة -دي صغننه اوووووي وقمرررر ااووووي
أمجد بابتسامة=عجبتك
عائشه-اوووي اوووي ،انا بحبك اوووي
امجد= طب اي بقي سيبها تكتشف البيت ويلا ننام عشان تعبااان
ثم ذهبوا الاثنين الي النوم في چو مليئ بالحب والمحبة بينهم.
في الصباح////
إستيقظ أمجد علي رنين هاتفه ليجد ان والدته تتصل إعتدل في مكانه ثم اجاب
امجد=صباح الخير ي امي
والدته وهي منزعجه-صباح النور ،معرفتنيش ليه إنك نزلت امبارح لا وكمان رحت لبيت اهل مراتك الاول!!
امجد= في اي ي امي بس عالصبح
والدته- انا عايزة اتكلم معاك شوية وهاجي
امجد=ماشي هستناكي وتفطري معانا
ثم اغلق الهاتف ونظر بجانبه وجد عائشة غارقة في نومها إبتسم ثم قام بإحتضانها وذهب هو الاخر فالنوم
في منزل والدة امجد////
والدته-شوفتي اخوكي عمل ايه مجاش يشوف امه!!!!
اخته- كله بسبب مراته الحر.باية قلتلك الف مرة خليه يطلقها
والدته-وده ال هيحصل
في الساعه ال11ص تحديدا في منزل امجد////
كانت عائشه فالمطبخ تحضر الفطار لهم ،جاء امجد ليساعدها لتقول عائشه
عائشه باستنكار-انت مش قلت لامي امبارح عندك شغل النهاردة!
امجد = دي حقيقه منا واقف بساعدك اهو ده مش شغل ولا ايي
عائشه- شغل اه
ثم رن جرس الباب وذهب امجد ليفتح لتكن امه وتدخل ثم تخرج عائشة وتنظر والدته لها نظرة اشمئزاز الي ما ترتديه!! فكانت ترتدي قميص قصير ولكن ليس بقصير لدرجة مبالغ فيها!! لما تنظر هكذا!! وكأنني لست زوجته؟ذهبت عائشه الي غرفتها لتبدل ملابسها ثم خرجت وجدت والدة امجد تجلس وتحدث امجد في ان يتزوج مرة ثانيه!!!
والدته-ها قلت اي اظن اسماء بنت صحبتي مفهاش غلطة
عائشه بتعجب وغضب- اي ال بتقوليه ده
والدته-ملكيش دخل انا بكلم ابني
عائشه بصوت مرتفع نسبيا-ابنك ده ال هو جوزي وتقوليله اتجوز لا وكمان جايباله واحدة!!!
امجد بنبرة صوت صارمة=عائشه ادخلي الاوضه
عائشه-لا مش هدخل
امجد ومازلت نبرة الصوت صارمة=انا قلت ادخلي جوا
خافت عائشة قليلا وذهبت الي الغرفة وجلست تنتظر الي ان تذهب امه
امجد= امي انتي جاية تخربي بيتي!
والدته-اخرب بيتك!!
امجد=اه ال بتعمليه ده اسمه خراب بيوت
والدته-عشان عايزاك تكون مبسوط!
امجد= ومين قالك اني مش مبسوط؟ انا عايش حياتي مع عائشه ميت فل ومش عايز غيرها ،لي تيجي تفتحي سيرة اني اتجوز؟
والدته-عايزة اشوف عيالك وافرح بيهم وتفرح بيهم
امجد=دي حاجه بإيد ربنا وعليكي تدعي إن ربنا يرزق عائشه بالخلفة بدل ما تدوري علي واحدة تجوزهالي ،في اي ي امي مش دي عائشه ال كنتي بتحبيها!! اي ال حصل عشان تعامليها كده مش ذنبها انها مش بتخلف ،انا راضي بكده وطالما انا راضي محدش لي دخل في حياتنا،اتمنيي تفهمي كلامي كويس والموضوع ده ميتفتحش تاني
والدته- كده ي أمجد!! تزعل امك عشان مراتك؟
امجد=انتي قلتي مراتي ،،يعني حته مني ،مشوفتش منها حاجه وحشة عشان اعمل كده واروح اتجوز عشان اخلف ،،إحنا متجوزناش عشان نخلف احنا اتجوزنا عشان نكمل بعض هي محتجاني وانا كذلك وانا مستحملش إن دمعه تنزل من عائشة بسببي
ياريت تفهمي كده كويس ومش عايز كلام تاني فالموضوع جواز مش هتجوز تاني ،،ويلا عشان نفطر
والدته- انا همشي بس افتكر اني قلتلك من بدري متجيش تندم بعدين،،ثم ذهبت وتركته متعبا من الحديث في هذا الامر لما لا يفهمون أنه لا يريد ان يتركها هو مكتفي بهاا،،ثم توجهه الي الغرفة ليدخل ليجد عائشة نائمه تفاجئ كثيرا كيف لها ان تنام
امجد=عائشه اصحيي نمتي ليه
عائشة -مش عارفة لاقيتني نفسي نمت فجأة حتي دماغي مصدعه كله بسبب امك قالت ذلك وهي تضحك
امجد= بس يبت قومي يلا عشان نفطر
بعد مرور عدة ايام////
كان امجد وعائشه ذاهبون للفحص ،فقد اكملت عائشه جرعه العلاج كاملة وينتظروا إستشارة الطبيب
الطبيب- بصراحة مخبيش عليكم التقارير بتقول إن التحسن نسبته ضعيفة لسه وللاسف هنضطر نكمل العلاج كمان جرعة او اتنين وبعد كل جرعه هشوف التقارير والتحاليل تاني
بكت عائشه من كلامه لم تستحمل ما قاله فسرعان ما قال امجد..
امجد- تمام يدكتور عن اذنك واخذ عائشه وذهبوااا ليجلسوا امام النيل لعلها تهدأ
امجد بحنان=خلاص بقي كفاية عياط الدنيا متقلبتش
عائشه-انا تعبت من اخد الدوا ومفيش تحسن انا هوقف العلاج مش هاخده تاني
امجد= بقيتي شبه العيال الصغيرة اهوو
عائشه-اه
امجد بابتسامة= يحبيبتي لسه ربنا مأذنش إنك تحملي وتكوني ام خلي املك في ربنا كتير،،هقوم اجبلك عصير واجي عارفك بتموتي فالعصير
ذهب امجد وتركها جالسه شاردة ليقاطع شرودها طفلة صغيرة ملامحها جميلة ولكنها يبدو عليها التعب وكانت تبيع المناديل
الطفلة-بتعيطي ليه
عائشه- مش بعيط ده التراب دخل في عيني
الطفلة-طب خدي مناديل امسحي عينك عشان التراب
ضحكت عائشة علي لطافة الطفلة لتقول
عائشه- اسمك ايه يسكر
الطفلة-حور اسمي حور وانتي
عائشه-اسمك جميل يحوور اويي انا يستي اسمي عائشه
انتي لوحدك ولا معاكي حد ،معايا بابا طب هو فين شاورت حور عليه لتنظر عائشه لتجد رجل بسيط ولكنه كان يجلس علي الارض وكان متعب الحال،حزنت عائشه كثيرًا علي حاله،ليأتي امجد ليجدها مازالت تبكي!
امجد=لسه بتعيطي يعائشه
عائشه-بص ي امجد ثم شاورت علي والد حور
نظر امجد إليه وحزن كثيرًا عليه ليقول متقلقيش ثم هاتف صديقه ليخبره بمكانه ويخبره ان هناك شخص يريد ان ياخده ليسكن في المساكن التي تنشائها الشركه وان يجد له وظيفة...واخبره ان يأتي فالحال لكي يأخذه ثم اغلق الهاتف ،ثم ذهب امجد الي الرجل واخبره ان يجلس معهم حين ان ياتي صديقه وبالفعل كان الراجل طيبا كثيرًا وجلس معهم وذهب امجد واحضر لهم طعاما وتناولوا الطعام سويا وكانت حور طفلة غير عادية كانت تبتسم كثيرا وتمرح وتمثل حركات الكرتون وكانت عائشه تضحك علي حركاتها..
وبعده قليل جاء صديق امجد لياخد الراجل بعد ان طمئنه وشكره كثيراً لما فعله معه ثم ذهب بعد ان ودعت حور عائشة
بعد مرور عدة أشهر////
كان أمجد قد سافر لعمله في دبي ولكن هذه المرة عائشة ذهبت معه،قضوا أجمل الاوقات هناك كان أمجد يحاول چاهدا أن يچعلها سعيدة وكانت عائشة سعيدة جداً بما يفعله امجد معها...
في الليل ////
إستيقظت عائشه علي ألم في بطنها لم تستطع ان تتحمل الوجع فذهبت الي الحمام ولكنها تفاچئت بوجود سائل ينزل منها ،بدأت فالبكاء من الدم ومن وجع بطنها لتنادي علي امجد ولكن صوتها كان ضعيفا لم يسمعها حاولت تحريك اي شئ ليسقط ،فاستيقظ امجد علي الصوت ليجد عائشة ليست بجانبه نادي عليها فردت عائشة بصوت ضعيف توچهه الي مكان الصوت ليجد انها بالحمام وتجلس علي الارض ويوجد دم علي رجلها ليسرع بإتجاهها ويقول
امجد= مالك في أي واي الدم ده!!
عائشة بألم-معرفش وبطني واجعني اوييي ومش قادرة قالت ذلك وهي تغمض عينها من الألم وكأنها تقاوم الأ يغمي عليها
قام أمجد واحضر لها شيئا لتلبسه ويذهبوا الي المستشفى فوراا
وبالفعل حملها وركب سيارته ووصل الي المستشفى وحملها ودخل...
قامت الطبيبه بفحصها ثم جلست وتحدثت
الطبيبة- للاسف كانت بتجهض والجنين خسرناه
امجد بذهول=يعني هي كانت حامل!
الطبيبة-ايوة فالشهر الاول
امجد حكي لها المشاكل الصحيه التي تعاني منها عائشه وعن الادوية تفهمت الطبيبه وقالت
الطبيبة- اول حمل ليها وجسمها ضعيف مستحملش الحمل وحضرتك بتقول انها كانت بتعاني من مشاكل صحية فده هيكون مؤثر اكتر لانها لسه متعافتش كويس
انا هكتبلها علي جرعة تاخدها وياريت تبعتلي كل التقارير ال تخصها في اخر فترة..
أومئ امجد ثم ذهب ليطمئن علي عائشة وياخذها ويذهب
في المنزل////
كان امجد يجلس بجانب عائشة وهي تبكي
امجد=خلاص بقي كفاية عياط مش بتزهقي عياط
عائشة -يعني هو كان جوا بطني وانا معرفش ومعرفتش احتفظ بيه
امجد= قدر ولازم نرضي وده حاجه كويسة إن في تحسن اهو وفي امل انك تحملي تاني
عائشة بتعب ونوم -ان شاء الله ثم احتضنته ونامت،،ظل امجد شارد فالتفكير حتي نعس ونام هو ايضا
في الصباح////
كانت عائشه مازلت نائمه وكان امجد يحضر نفسه لكي يذهب الي العمل ،إستيقظت عائشه ورأته
عائشة - هي الساعه كم
أمجد= صباحك حلو يروحي الساعه9 كملي نومك ومتعمليش حاجه انا حضرت ليكي سندوتشات وعصير هجبهم جنبك عشان متتعبيش نفسك وانا لما ارجع هنطلب غدا وناكل
عائشه-طب انت فطرت
امجد= ايوة يلا انا لازم اتحرك ثم ذهب وقبلها وذهب
ظلت عائشة مكانها ووضعت يدها علي بطنها ،وظلت شاردة حتي غفت مكانها من شدة تعبها
واستيقظت علي أذان العصر لتقوم وتدخل الي الحمام وحاولت أن تصلي ثم ذهبت ووقفت فالنافذه تنظر الي الطريق والسماء والأشجار لتقول
"الحياة شاقة جداً ،لن تقدر علي مواجهه الحياة وحدك،ستحتاج الي شخص بجانبك دوما ،يُعينك علي مشقة الدنيا،يعطيك حب العالم كله،فالحمدلله علي كل شئ والحمدلله علي ما فات وعلي ما هو قادم"
كانت تلك آخر كلمات كتبتها عائشة في مذاكرتها ثم وضعت يدها علي بطنها المنتفخ أثر الحمل في فالشهر السادس ،دخل امجد بابتسامة وهو يقول
امجد= امك كلمتني عاوزانا ننزل مصر بقي بتقولي بقالكوا سنه في دبي وعايزة تفضل معاكي عشان الحمل والشهور الأخيرة
عائشة - طيب ما ننزل عشان هي واحشني جدًا ،،بس برضو الجو هنا هيوحشني جداا اتعودت علي المكان هنا
امجد=خلاص يستي نيجي كل فترة نقعد اسبوعين ولا حاجه ونرجع تاني ،،احنا تحت امرك
عائشه-ربنا يديمك ليااا
امجد= احلي حاجه إن اميرتي هتنورنا كمان ثلاث شهورررر،،فرحان اويي
عائشه- انا عرفت هنسميها ايه
امجد= هتسميها اي
عائشة -عشق💜✨
تمت بحمدالله
لقراءة باقي الفصول اضغط على : ( رواية عشق الأمجد )