رواية دواء قلبي الفصل الرابع 4 بقلم يارا عبدالسلام

رواية دواء قلبي الحلقة الرابعة 4 بقلم يارا عبدالسلام

رواية دواء قلبي الجزء الرابع 4 بقلم يارا عبدالسلام

رواية دواء قلبي البارت الرابع 4 بقلم يارا عبدالسلام

رواية دواء قلبي الفصل الرابع 4 بقلم يارا عبدالسلام

رواية دواء قلبي الفصل الرابع 4 بقلم يارا عبدالسلام

قرب اكتر وهمس:أنا بحبك يا زهرة 

لسه هتتكلم حط أيده على بقها منعها تتكلم:ارجوكى يا زهرة اسمعينى أنا سيبتك تتكلمى كتير وتقولى كل اللي في قلبك وجه الوقت انى اقولك اللى ف قلبي يا زهرة..

زهرة أنا كنت تعبان ومخذول من البنت اللي فضلت معاها طول الفتره اللى فاتت مع انها هى اللى كانت يتقرب منى وهى اللى خلتنى اروح لابوها إلا أنها ضحكت عليا وسخرت منى قدام ابوها وعيلتها كلها وقتها ندمت انى مسمعتش كلام ابويا وندمت على معاملتى ليكي لانك ملكيش اي ذنب انتى واحده حبيتى من قلبك ..

أنا كنت كل اللى محتاجه وقت يا زهرة وفعلا مفوقتش ومعرفتش قيمتك عندى الا لما حسيت انك فعلا هتضيعى منى ارجوكى يا زهرة متحكميش على نفسك وعليا بالاعدام أنا تعبان اووي يا زهرة تعبان ومحتاجلك انتى علاجى ارجعى عن قرارك دا واوعدك انى عمري ما ازعلك ابدا ...

شال أيده من على بقها وكانت دموعها نازله بغزاره..

_جاي متأخر اووي يا سليم جاي متأخر اووي أنا اديتك كل حاجه قلبي ومشاعري وكل حاجه وانت في الاخر سيبتنى وروحتلها كنت كل مرة بتسيبنى وتروحلها كل لما كنت بحس أن خلاص في امل انك تكون ليا وترجع كان الامل بيختفى لما شوفك ماسكها في ايديك وماشي معاها وفرحان وعيونك منورة  ولما كنت بشوفكوا في اي مطعم بالصدفه كنت بحس قد اي أنا مليش مكان في حياتك كنت متجاهله كل حاجه وكل كلام اللى حواليا ومصدقه قلبي بس يا سليم كنت مصدقه قلبي وياريتنى ما كنت صدقته..

_دلوقتى مفيش غيرك هنا يا زهرة ارجوكى متخذلنيش انتى كمان أنا معرفتش قيمتك ومعرفتش قد اي انتى مهمه بالنسبه ليا وعرفت حبى ليكي الا لما بعدتى عنى متتعبيش قلبك وتتعبى قلبي وتكملى انتى لى عوزا تحكمى عليا بالاعدام..

_انا مش ليك يا سليم انت جيت متأخر أنا عمرى ما هقدر اخذل الشخص اللي حبنى ومستنى انى اكون ليه ..

يلا أخرج برا ارجوك يا سليم وشوف حياتك بعيد عنى..

سليم بلع ريقه :تمام يا زهرة اللى تشوفيه بس انا مش هستسلم وهتشوفي لانك ليا مش لحد تانى ..

وسابها وخرج..

وكملت تحضير نفسها ..

دخل عليها عمها:جاهزة يا زهرة

هزت راسها :جاهزة يا عمى..

قرب منها وباس جيبنها:مبروك يا نن عين عمك 

اكتفت بابتسامه بسيطه لأنها حاسه باجهاد شديد وكلام سليم بيتردد جواها عرفت انها لسه بتحبه ومش هتقدر تنساه وبرضو مش هتقدر تظلم حازم معاها لانه بيحبها ومستنيها...

خرجت وعمها قعد وقعدت جنبه وكان المأذون الناحية التانيه وجنبه حازم ..

المأذون:بسم الله نبدأ..

اسم العروس

_زهرة حسن الجوهري

_اسم العريس

حازم:سليم عاصم الجوهري ابن عمها..

زهرة بصدمه:حازم!انت بتقول اي

_بقول اللى لازم يحصل من زمان الحب باين في عنيكى اووي يا زهرة أنا مش هتجوزك علشان اعذبك أنا كل اللى عاوزه انك تكونى مبسوطه ومعرفتش دا الا لما شوفت نظراتك ليه في المستشفى ولهفتك عليه واتأكدت اكتر في يوم قراية الفاتحه وبص لسليم:انت لى كنت ساكت كل دا على فكره انا لو مكنتش سمعت اعترافك ليها مكنتش هسيلهالك ابدا مع أن اعترافك جه متأخر بس فرحنى انى مش هتجوزها غصب او وهى في قلبها حد تاني ..

زهرة بصدمه:انت 

_ايوا عارف كل حاجه وسمعت كلامه ليكى وانا اهو اللى بترجاكى توافقى عليه دا غلبان وبيحبك حتى شوفى..

سليم بص بتأثر فزهرة ابتسمت...

حازم قام وشد سليم وقعده:يلا يا شيخنا أعقد قران الاتنين دول..

زهره ابتسمت ونسيت اي تعب فسليم بصلها وابتسم بحب وحرك شفايفه:بحبك 

بصت الناحيه التانيه ومتكلمتش والمأذون كمل الإجراءات على اساس زواج سليم وزهرة..

فاتحول الزواج من حازم وزهرة لسليم وزهرة..

_بارك الله لكما وبارك عليكما وجمع بينكما في خير

يا اغرب حالة زواج شفتها في حياتي.

الكل ضحك ..

سليم قام ووقف قدام زهرة وقال:اعترافى ليكي يا زهرة قدام الناس دي كلها :أنا بحبك يا زهرة بحبك ومحبتش قدك في حياتى والله ...

زهرة بصت لعمها ومنة صحبتها اللى كانت عيونها مدمعه من الفرحه لصحبتها هزوا رأسهم بأه..

زهرة بخجل:وانا كمان بحبك يا ابن عمى..

مال عليها وباسها من جبينها وحضنها ولف بيها..

بعد شهر كانو بيتفسحوا في المول وكانو مبسوطين جدا وكل واحده نظرته للتاني كانت وكأنه أعظم انتصاراته ..

سليم وهم ماشيين واحده خبطت فيه..

بسنت:اووه اي دا سليم اي الصدفه دي وبصت لزهرة:ومين دي انت خطبت..

زهرة بغرور:لا يا حبيبتي اتجوز ..

_امممم الف مبروك انتى بنت عمه..

زهرة باستغراب:اه عرفتى منين

_امممم اصل سليم حكالى كتير قد اي انتى بتتلزقى فيه وبتحاولى توقعيه فعلشان كدا كنت متوقعه أنه لما يسيبنى يخطبك..

سليم بعصبية:بسنت !!زهرة تبقى حبيبتى ومراتى والوحيده اللى حبتها واكتشفت للاسف انك كنتى نزوه في حياتى ..

بسنت:امممم منا عارفه الاشكال دي بتعرف توقع الواحد في شباكها ازاي وبصت لزهرة:اممم عملتيله عمل ولا روحتى عند الشيخه خديجه المغربيه ههههههههه..

زهرة سابت ايد سليم:سليم قال عنى انى ملزقه ويحاول أوقعه صح

بسنت هزت راسها بأه..

_يخساره يا سليم نسيت تقولها انى قرشانه ومحدش بيقدر يجي عليا ..

وهوب قرب من بسنت وشد*تها من شع*رها.

يتبع...

لقراءة الفصل الخامس اضغط على : ( رواية دواء قلبي الفصل الخامس )

لقراءة باقي الفصول اضغط على : ( رواية دواء قلبي )

تعديل المقال