رواية قلب تمارا الحلقة الثانية 2 بقلم فيروزة
رواية قلب تمارا الجزء الثاني 2 بقلم فيروزة
رواية قلب تمارا البارت الثاني 2 بقلم فيروزة
 |
| رواية قلب تمارا الفصل الثاني 2 بقلم فيروزة |
رواية قلب تمارا الفصل الثاني 2 بقلم فيروزة
جريت علي بره لقيته حاضن واحده قربت منهم بسرعه وانا بعيط ...ايوه دموعي نزلت غصب عني 😭...
ومره واحده وقفت قبل حتي ما يشوفني ....طيب وقفت ليه ومروحتش وقولت له اني شوفته.. ليه وقفت هو انا بقيت ضعيفه ولا يمكن خايفه طيب خايفه ليه ومن ايه وما هو ده اللي انا عايزه أنه يطلقني ..... يمكن خايفه من نفسي واللي جاي وانا لوحدي...
مسحت دموعي ورسمت الابتسامه علي وشي وانا قلبي بيدوب من الوجع ....
وقربت منهم ....
تمارا بابتسامه....اسر يا حبيبي ممكن اتكلم معاك شويه ....
اسر بصدمه بعد عن البنت واتكلم....تمارا ...
تمارا قربت منه ....مالك يا حبيبي....تعالي نتكلم بعيد شويه ..
ومسكت ايدو ومشيت انا وهو بعيد عن البنت ...
اسر اتكلم وهو مصدوم من تصرف تمارا .....مالك يا تمارا ....في ايه .....هدوءك غريب عكس المتوقع ....
تمارا بابتسامه....وانت متوقع ايه ....غريبه اوي واحد لسه قايل أنه عمره ما حبني هيكون متوقع مني ايه ....اني اعيط ولاابوس ايدو علشان اعيش زي زي اي كرسي أو تمثال لا بيتكلم ولا هيتكلم .....الكلام ده كان زمان دلوقتي لا ....
ومره واحده قلم نزل علي وش اسر.....
اسر فضل مصدوم شويه وبعدين حاول يقرب من تمارا بس في لحظتها كان القلم التاني نزل علي وشه .....
تمارا بقوي....اسر طلقني واوعي تفكر تمد ايدك عليه ....القلم الاول علي ضربك ليه جوه ...والتاني علشان فكرت في يوم تلعب بيه ....طلقني ....
اسر بصدمه....انتي قد اللي عملتيه ده ....
تمارا بضحك.....اوي فكر بس تقرب مني وانت هتزعل من اللي هعملوا.....طلقني يلا ....
اسر ضحك بخبث....حبيت ضربك ليه ....داخل قلبي كده ..
وقرب من تمارا علشان يحضنها ....
تمارا بابتسامه بعدت عنو ....كنت حاسه وعارفه انك كده 😂😂....تصدق ضحكتيني من غير نفس ....طلقني ....
اسر قعد علي الارض ومسك ايد تمارا ودموعوا نزلت ..تمارا انا بحبك خليكي معايا علشاني انا اموت لو بعدتي عني ....
تمارا بعدت عنه....كان زمان يا اسر كان زمان ممكن اسامح لكن دلوقتي لا ....
اسر بدموع ....بحبك مش ده اللي كان نفسك تسمعيه مني اهو انا بقولهولك ...بحبك ...خليكي جنبي وانا هعملك كل حاجه واي حاجه علشان اخليكي مبسوطه ارجوكي خليكي ....
تمارا دموعها نزلت مسحتها بايدها بقوي وابتسمت.....عارف انا قعدت قد ايه مستنيه اسمع الكلام ده منك .....عارف كنت بحس بايه ....عارف كم مره دموعي نزلت من قسوتك عليه
عارف انت عملت في ده ايه ...(كانت بتتكلم وهي بتخبط علي قلبها )انت كنت مرض يا اسر وانا خفيت منه كنت عذاب ايوه انا كنت بتعذاب في قربك بس دلوقتي خالص انا بقيت حره ..قلبي بقي ملك أيدي قلبي بقي حر من اللحظه اللي ضربتك فيها بالقلم ...انت انتهيت من حياتي ...ابعد عني ..
اسر حاول يحضنها بس هي بعدت ....
اسر بدموع ....لدرجه دي بقيتي قاسيه ....انا عايزك وبحبك خليكي جنبي انا طول الوقت بحس ان حياتي من غيرك فاضيه حياتي من غيرك ولا حاجه خليكي جنبي انا محتاجك انتي مراتي وامي وبنتي خليكي ...
تمارا بابتسامه.... حياتنا مع بعض انتهت من وقت ما كنت محتاجك وانت كنت ابعد انسان عني ..طلقني ..
اسر مسح دموعوا وقرب منها وحضنها بالقوي ....واتكلم
...بحبك وعمري ما هطلقك ولو هموت فاهمه عمري ما هسيبك من ايدي ....ولو دي اخر حاجه هعملها....
تمارا بعدت عنو بصعوبه ....ولو في حاجه انا ممكن اعملها وتكون اخر حاجه اعملها في حياتي هتكون اني ابعد عنك ...
ومشيت بعيد عنو وهو كان بيحاول يرجعها بس هي خلاص
اكتفت من القسوه اكتفت من الإهمال اكتفت من قله التقدير اكتفت من انها طول الوقت وحيده طول الوقت كأنها اسيره ممنوع تتكلم ممنوع تتصرف وكمان ممنوع تفكر علشان من وجهه نظره أن عقله صغير وممنوع تعيط علشان متكونش ضعيفه ولا طفله مدلله والممنوعات كتير وهي خلاص اكتفت عايزه تعيش الباقي من حياتها بحريه عايزه تعيش الباقي كأنها عصفوره عايشه لنفسه وبس ....الكلام بقا هواء والحب أصبح رماد....
مشيت تمارا ودموعوا معها .....دموعها بتنزل علي حبها علي جرحها ....علي ابوه وهنا افتكرت ...
نرجع للماضي...
ومره واحده حسيت اني وقعت علي الارض لما لقيت بابا علي الارض ...جريت عليه بسرعه ودموعي سبقني ...
تمارا بدموع ...بابا ..بابا يا حبيبي قوم معايا ....
كانت بتحاول تقومه من علي الارض بس هو مش عايز يقوم معاها
انا عارفه يا بابا انك بتدلع عليه علشان عارف اني مليش غيرك...
تمارا وهي بتشد في ابوها ....قوم بقي يا بابا ...قوم يا قلب تمارا ...قوم رد علي حبيبتك ...قوم رد علي تيمو ...اهون عليك اعيط اهون عليك احزن رد علي تمارا يا حبيبي...بقولك ايه يا احمد انا مش حابه هزارك ده رد عليه
كده طيب أنا زعلانه منك ...لا بس قلبي مش عارف يزعل منك اخص عليك تزعل تيمو وتوجع قلبها عليك ....ااااه من سكوتك وجع روحي قبل قلبي ....
كل ده وتمارا بتعيط وصوت عيطها عالي اوي ....
تمارا بصوت عالي رد عليه يا بابا رد علي بنتك رد علي عمرك رد عليه بالله عليك مليش غيرك ...مليش غيرك يا حبيبي مليش غيرك والله انا بقيت يتيمه دلوقتي اول مره احس باليتم اول مره احس أن امي ميته اول مره احس اني وحيده اول مره اتكلم وانت ماتردش عليه رد بقي...رد علي قلبي...
كانت تمارا حضنه ابوها كانوا طوق نجاه من حياه صعبه ....
تمارا ...رد يا حبيبي رد بالله عليك ترد .....تمارا بقيت تعيط بصوت عالي ....بابا ...بابا بالله ترد يابابا ....
الناس كلها طلعت علي صوت تمارا ومن ضمنهم ابو غمزه (تمارا لحد دلوقتي متعرفش اسمو )..هو كان أول حد يطلع جري علي تمارا .....
هو ....وحدي الله يا استاذه حرام عليكي بهديلتي استاذ احمد الله يرحمه ....
تمارا بعيون حمرا من العيط ....متقولش مات متقولش مات
...بابا بس عايز يعرف غلوتو عندي ....مش صح كده يا بابا ..
رد عليه وقوله انك عايش بس بتهزار مع حبيبتك بتهزار مع
نور عينك ....وانت كمان نور عيني رد بقي قوم قولهم يطلعوا
بره علشان اقعد في حضنك قوم بقي خدني في حضنك ....
تمارا كانت حضنه ابوها جامد والكل بيحاول يبعدها بس هي مش عايزه تسيبه ....
تمارا بدموع ...ابعدو عننا بابا قولهم ميطلعونيش من حضنك بابا رد عليه قولهم اني من غير حضنك يتيمه من غير حضنك
وحيده من غير حضنك ميته .....سبوني احضنه اشم ريحته
سبوني احضنه لاخر مره في عمري ...دي هتكون اخر مره احس بالامان اخر مره احس بالحب ..
هو بحزن علي حالها ....خلوها يا جماعه حضنه شويه معليش ...
تمارا بدموع ....ايوه قول لهم ....
لما سبوها ...حضنته اقوي من الاول وكأنها خايفه من لحظه النهايه ....هي كده الستاره نزلت علي حياتها كل حاجه انتهت.....
تمارا بدموع.....اااااااااااااه يا قلبي اااااااه يا حبيبي ااااه نار في قلبي ....حاسه بنار طالعه من قلبي .....رد عليه خليك معايا لحد ما نسيب الدنيا مع بعض اصبر بس ....اروح لمين بعدك ....مين هيقولي مالك ....مين هيحضني مين هيطبطب عليه ....مين هيحبني بعدك ....يارب انت حاسس بيه ريحني .....
مره واحده تمارا عينها غمضت وهي في حضن ابوها ....
هو قرب منها لاقها فاقده الواعي ....شالها بعيد ....
تاني يوم تمارا فتحت عينها وحسيت بصدع رهيب من كتر العياط....وسمعت بره صوت قراءن شغال .....هنا افتكرت كل اللي حصل امبارح قامت تجري علي بره ....فعلا طلعت حقيقه بابا مات ماكنتش بحلم .....وقعت تمارا علي الأرض.....
وفضلت تردد ....انا يتيمه انا يتيمه انا وحيده انا يتيمه.....
مرت سنه وتمارا علي نفس الوضع طول الوقت بتعيط ومش بتعمل اي حاجه غير أنها نايمه علي سرير بابها ودموعها نازله
.....
تمارا اتغيرت في السنه دي بقت طول الوقت خايفه ووحيده وحزينه وبتعيط ....حتي جسمها بقي نحيف بطلت تاكل عايشه علي الفتت والمياه .....(الحزن موت بالبطيء ووجع الفارق صعب )...
وبعد عيط طول اليوم نامت وحلمت ب بابها واتكلمت معه وطلب منها تخرج وتعيش حياتها وأنه دايما هيفضل في قلبها ....
....
بعد سنه واسبوع من موت ابو تمارا .. خرجت تمارا لاول مره ....
كانت ماشيه وعنيها في الأرض ....فضلت ماشيه لحد ما وصلت للبحر مكانها المفضل .....
تمارا بتكلم البحر .... مش قدره يا بابا مش قادره من غيرك اكمل..يا بحر انا جايتلك خدني لحبيبي وقربت تمارا من المياه ونزلت المياه وخالص بتغرق وروحها بتروح منها .....مره واحده
البارت انتها بس الحكايه لسه....حكايتنا فيها حزن بس فيها فرح زي الحياه يوم تفرحك ويوم تاخد حته من فرحتك ...
اللي جاي اقوي بكتير من اللي فات ....الحكايه لسه في البدايه .... والأحداث غير متوقعه .....
الروايه صغيره ياريت تفاعل علشان اكملها ....
رايكم بيهمني حابه اعرف رايكم فيها .....
يتبع...
لقراءة الفصل الثالث اضغط على : ( رواية قلب تمارا الفصل الثالث )
لقراءة باقي الفصول اضغط على : ( رواية قلب تمارا )