رواية قطط حبنا الحلقة الثانية 2 بقلم سلسبيل أحمد
رواية قطط حبنا الجزء الثاني 2 بقلم سلسبيل أحمد
رواية قطط حبنا البارت الثاني 2 بقلم سلسبيل أحمد
 |
| رواية قطط حبنا الفصل الثاني 2 بقلم سلسبيل أحمد |
رواية قطط حبنا الفصل الثاني 2 بقلم سلسبيل أحمد
- هااا؟ بقي كده؟ مفيش اي تحمل مسؤوليه هي دي تربيتي قطط معندهاش أ..
قاطعها صوت وراها: معقول مشيو ؟ و... موشا صح؟؟
اللتفت بتوتر وهي بتدعي الارض تنشق وتبلعها: انت؟؟ هو صح؟
- ايوا انا و عرفتك من قططك ، شكلك طلع اكبر مما تصورت
= انت هنا من امته؟؟
- من ساعه ما التونه غليت وبقت بخمسين
= التونه اها
- والجبنه وهتنزلوا تشحتوا سوا وكدا
مسحت على وشها وهي بتحاول تهدي نفسها: ياربي انا مكتوب عليا اتفضح مرتين مع نفس الشخص
= يونس انا اسمي يونس وانتي ؟
بصتله وفهمت انه بيحاول يغطي ع احراجها: اسمي ليلي
- اممم اسم جميل
= طيب هطلع بقي
- مش عاوزاني اشيل موشا؟
= اسمها موشو وهي بنت وميشو ولد
غمز: دكر ونتايه؟ ناايس طب مفيش حاجه فالسكه ولا ميشو هيكسفنا؟
ضحكت: انت ليك فالقطط
ابتسم - اها بحبهم ، والكلاب برضو و السلاحف
= طب متربي قطه احسن
- اصل التونه غليت بقت بخمسين
ضحكت تاني وهي بتتحرك: طيب فرصه سعيده.
فاتت الايام وانا بقابل يونس صدفه وبنسلم على بعض عادي لكن لاحظت بالصدفه الباحته يعني انه مش بيقعد فالعماره خالص شوفته مره واحده صدفه برضو ، بيتكلم فالبلاكونه كان عندي فضول اعرف بيشتغل ف اية مثلا شاغل كل وقته لحد ما في يوم كنت نازله ولقيته طالع و بنطلونه متغرق د**م !!
اتخضيت واتكلمت بسريخ: ينهار ابيض ررر رجلك.. رجلك بت
قاطعني وحط ايده على بوقي: شششش اهدي ده جرح سطحي العماره هتتلم علينا اهدي
شال ايده براحه وانا لسه مصدومه: محصلش حاجه انا كويس بمشي اهو وعالجتها بس البنطلون الى لسه عليه د**م انتي تمام؟؟
قولت وعيني مدمعه: مش قادره انا حاسه اني هقع
عقد حواجبه وضحك: يخرابي دانتي كتكوتة خالص ، تمالكي اعصابك كدا مش هقدر اللحقك لو وقعتي رجلي مش احسن حاجه دلوقتي
- انا ممكن اساعدك تطلع؟؟ لا احنا لازم نجيب حد كمان يساعدك
= يا ليلي اهدي ونبي انا جاي لوحدي زي الفل اهو
- طيب ماشي طب لو حصل حاجه خبط عليا لا انا خلاص هطلع معاك
= امال كنتي نازله ليه
- كنت هشتري اكل ومش هقدر معدتي اتقلبت
= طب انا هطلع تعالي
- هطلع وراك لحسن تقع
= هتلحقيني يعني ؟ اشك انتي هتخديني وهنتقلب سوا من على السلم زي توم وجيري والله
فضلت اضحك وانا متوتره غصب عني: ده وقت هزار
طلع الشقة وبعدين قولتله اني هكلمه من بلكونته بما انها لزقه في بلاكونتي وفعلا خرجت ولقيته: بسبسبس
- بتبسبسي لي؟ فكراني موشا ولا ايه
ضحكت: يابني اسمها موشو! ، امسك اشرب
= اية ده سم؟
- لا ده عشان الجرح
= مش عارف اقولك اية
- قولي ازاي اتعورت كده شكلها خناقه جامده
= اها والله بس عجنتهم
- مش عيب واحد في سنك يتخانق ؟؟
= اية دا انتي فهمتي اية
- خناقه شوارع بقي وشكلك بتاع مشاكل او مش بتاع مشاكل عشان كده اتعورت
= يابنتي انا شغال ظابط مكافحه مخدرات خناقه شارع اي بس
- ومتبهدل كده! هما هجموا عليكوا؟
= دي اقل مهمه اخرج منها بفتح فرجلي بس دول حياالله سبع ع غرز
- بعدين ايييه قولت ظابط؟
= انتي ازاي متعرفيش دي العماره كلها عرفت اول ما جيت هنا اتفضحت برضو.
- اصلي مش بختلط بحد
= افهم من كده ان الاعجاب متبادل
- اعجاب اية؟؟
= اصلي معجب ب موشو اوي
- لا معلش متجوزة
قعد يضحك: ع اساس لو سنجل هخدها
ضحكت: هممم اكيد لاء.
- لا بس البنات طلعت اللطف الكائنات فعلا
= وانا مش مرتاحه انك ظابط كده ازاي ظابط بيضحك دول دايما جد ومكشرين وكمان ازاي بتحب القطط او حيوانات اليفه عمتا انتوا بتمشوا بكلا**ب بوليسي مخيفه كدا
- اصلي داخل واسطه عشان خاطر الحج والله انا لو عليا كنت مخطط طب بيطري وحاجات تانيه
بصتله بأعجاب: بجد!! وهتعالج قطط؟
= كله صدقيني كنت ناوي اعالج اي حيوا*ن لاني بحبهم كده كده وحابب الطب
- بس اكيد باباك صعب صح؟
= جدا ، وكمان مش هقدر ازعله لأنه بيتعب بسرعه فا قولت مش مهم بقا
- انت كيوت اوي و شكلك غلبان
ضحك: شكلك انتي الى غلبانه بقلقك من الد*م ده
= اهاا يعني شش شوية بس هو انت مش مربي ليه حاجه ربي اي حيوان هتحس بفرق
حاول يتوه الموضوع: شغلي وكدا المهم انا هطلب اكل وهجبلك معايا عشان اعوض اني سديت نفسك بمنظر رجلي
ابتسمت: مش هقدر صدقني ، بطني وجعاني جدا
- اصبري بس هفتح نفسك انا عارف
ضحكت على ثقته فنفسه وفعلا طلب بيتزا وقالي هيجيب على زوقه كانت بال سي فود وطعمها عجبني اوي كنا حاطين العلب عالسور وبناكل
- صدقتيني ؟
= يبقي ليك عزومة عندي
- اهم حاجه موشا تيجي العزومة
ضحكت: ومالوا ، بقولك بس هو انت رجلك مش وجعاك
= لا لا متعود والله
كملنا اكل ومن يومها واحنا قريبين جدا!
_____________________
- يلهوي اسبوع بحاله يايونس!!!
= اصل بصي هحكيلك
سندت على سور البلاكونه وبصيت له باهتمام: قول
- ده تاجر مخدرات تقيل اوي لو وقعنا هنعرف مين وراه لأن بعد مراقبه اتضح لنا انوه بياخد اوامر من حد بس مجهول بالنسبه لنا
= طيب و هتعمل اية فالاسبوع ده
- هختلط بيهم
= نعم !
- هحاول طول الاسبوع ابين اني سوابق و عيل لبط و بشتغل فالصنف وكدا واعوج بوقي بقا وشغل اجرامي
بدهشه: انت بتقول اية وطريقتك اتحولت ازاي كدا
ضحك: بصي انا اها محبتش شغلي بس ده ميمنعش اني محترف فيه وبعرف اللبس فالدور
- تلبس؟!
= يعني ادخل فالشخصيه كاني عيل شوارع و كدا زي الممثلين يعني فاهمه امثل عليهم اني عربجي
- طيب بس افرض حصلك مشكله هتعمل اي افرض مثلا
= ليلي متقلقيش بعرف اتعامل و هعرف اكلمهم فالمديرية لو حصلي حلجه مع ان عمرها ما حصلت انا بطلع زي الشعره من العجين
- طيب خلي بالك من نفسك
= خلي بالك من ميشو
- وموشو؟
= دي قلبي دي هتوحشني خالص وهفتقدها اوي بالذات وهي بتصيح قصدي بتنونو
ضحكت بصوت: بطل تلقيح طيب
- لا بجد هتوحشيني
بصتله وعيوني بتلمع: هتيجي بسرعه صح.!
- عشان خاطرك
= ينفع اني أكلمك وانت هناك
- اكيد طبعا انتي براحتك
ابتسمت: طيب روح نام بقي عشان تصحي بدري
= تصبحي على خير..
و مشي يونس وسابني ومع اول يوم مشي فيه كلمته بليل عشرين مره
- ليلي أنتي كويسه؟؟
بصويت: مش هتصدااااااااق
= انتي بتصوتي كده ليه!!
- موشو يا يونس الدكتور قالي انها حامل
= اوعااا عملها الولد ميشو الله عليك يابني
بضحك: مش مصدقه اني هيجيلي قطط صغننين كده واللعب معاهم
- مبروك متنسنيش في قط بقا
= لا طبعا دول بتوعي
- ندله ، المهم كنتي عماله ترني عشان كده ولا في مصيبه
ضحكت: لاء هو كدا انا قولت لازم اقولك اول واحد عشان انت اكتر واحد بتسمع صياحي عنهم وقد اية بحبهم وكداا!
في سره: عبالل ما تصيحي عشاني
- اية؟
= ولا حاجه ياحبيبيتي المهم انتي كويسة
- اها انت تمام عندك ؟
= زي الفل المنطقه قذرة اوي بس يلا بقا
- هو انت فين بالظبط
= يعني هو بصي مينفعش اقولك بس هي حته اتذكرت في فيلم ولاد رزق
- ده اية الفيلم ده
= اصلا؟ ده أنتي من ايجيبت خالص
- بجد فين
= لما اجي هحكيلك عشان متكشفش
- اتفقنا.
قفلت معاه ونمت و كانت موشو بسبوستي جمبي طبطبت عليها لحد ما نامت وانا نمت بعدها ، تاني يوم صحيت وكنا بنتكلم انا و يونس كتير واحكيله عملت اي مع موشو و ميشو وكلمته فيديو كول.
- خلاص هتيجي بكره بجد !!
= ايوا بليل عالساعه 12 كده
- مش مصدقه اخيرا ، لازم تشوف موشو شكلها عامل ازاي
= اكيد زي الفيل الصغير
فضلت ضحكت: هتتنمر على واحده حامل مش اخلاق دي لاء ، بعدين شكلك مبهدل ليه
- مانا عامل واحد بلطجي هيبقي شكلي ازاي
= انت محتاج شاور حقيقي
- هاجي اخده مع ميشو
= ومالو
- اول ما اجي هكلمك وهكلمك الصبح كمان
= ده ليه كل ده
- اصل موشو بتوحشني وبحب اطمن عليها
ضحكت: بقي كدا
- كدا.
= طيب هطير انا بقي عشان اكلهم لحسن يكلوني انا
- ماشي يقطتي.
قفلت معاه ولاحظت ان موشو مش راضيه تاكل وشكلها تعبان كلمت الدكتور بسرعه وكنت هخدها وننزل قالي طبيعيي عشان الحمل فا فضلت امسح على شعرها واطبطب عليها وبصيت لميشو: كل ده بسببك يحيو* ان انت وقاعد ولا على بالك
- مااووو
- اهو انت يا قليل الادب
- نونونونونو
= بطل صريخ ياض انت
فجأة قعد ينونو و موشو تنونو هي كمان بصوت عالي وكنت خايفه ختو بسرعه دخلته اوضه تانيه ومعرفش اتخانقوا ليه ولا الصويت ده ليه اصلا موشو جت تتمسح فيا بقوة وانا حضنتها وغطتها كويس ولما نامت فالصاله دخلت انا انام في اوضتي
ترن ترن ترن ترن
- ايييه حد يصحي حد كده كل ده رن
= كل ده نوم! مش اتفقنا تكلميني الصبح اطمن على موشو ولا اية
- لا والله موشو؟ ماشي هي كويسة اقفل بقي
= لا استني بجد ، اصل انا شكلي هطول هنا ومش هاجي دلوقتي خالص
- اية ؟؟ وربنا لانكد عليك بس اصبر اخرج ميشو من الاوضه
اتحركت للباب وبصيت على موشو نظره سريعه عشان اشوف اسوء لحظه مرت عليا فعمري كله وانا شيفاها مش بتتحرك قدامي الفون وقع من ايدي ومحستش بحاجه خالص معرفش اتصرفت ازاي شلته بسرعه وحاولت افتحه تاني وفضلت ارن عالدكتور معرفش ختها وجريت للدكتور ازاي اصلا انا مش فاكره!! لحد ما قالي انها ماتت هي مشيت كدا!؟
مستحملتش الخبر و اغم عليا
- ليلي.. ليلي انا معاكي فوقي
يتبع...
لقراءة الفصل الثالث اضغط على : ( رواية قطط حبنا الفصل الثالث )
لقراءة باقي الفصول اضغط على : ( رواية قطط حبنا )