رواية قطط حبنا الحلقة الأولى 1 بقلم سلسبيل أحمد
رواية قطط حبنا الجزء الأول 1 بقلم سلسبيل أحمد
رواية قطط حبنا البارت الأول 1 بقلم سلسبيل أحمد
 |
| رواية قطط حبنا الفصل الأول 1 بقلم سلسبيل أحمد |
رواية قطط حبنا الفصل الأول 1 بقلم سلسبيل أحمد
- ميشو!!!! موشو!!!
= ميشو موشو؟؟ دي اغنيه صيني ولا اية
- ينهار ابيض لف وشك بسرعه متبصش !
= في اية مبصتش عليكي اصلا!!!
- انا .. انا ده بلبس قصدي أ لابسه لبس البيت متبصش لو سمحت!
= وربنا مبصيت وبعدين وانتي ازاي يعني تخرجي كده فالعمارة وتجري بلبس البيت
- القطط جريوا برا بعدين وانت مالك!
= الحق عليا! زمان حد هيجي غيري ويشوفك
- هلاقيهم وادخل علطول بس أمشي انت!
لمح قطه من بعيد: هي دي ؟؟
ردت بسرعه وهي هتتحرك: ايوا
- استني خليكي هنا
جري وراها فا القطه جريت بخوف فا سمع صوتها وراه: متسبهاش تخرج بره العمارة ونبي دي عبيطه
قطه منهم لفت ورجعت تجري لعندها فا مسك هو القط التاني وكان ماشي قدامه وهوا مغمض عشانها
خدته منه بسرعه: لف وشك
- ها اديني لفيت ادخلي بقا وخلصينا
بأرتياح: هدخل.. هو انت ساكن هنا؟
- اها جمبك فالدور جاي جديد
برطمت بصوت واطي: هه حلو اوي اتفضحت فالعمارة بسببكوا
= سامعك.. ومتخافيش مش هقول لحد وبعدين معرفتش شكلك فا متفضحتيش اوي
ردت بسرعه: احسن
ضحك: طيب سلام بقا وبعد كدا متسبوش الباب مفتوح يا شاطره
رفعت حواجبها بدهشه وهي بتبص لضهره من فوق لتحت: شاطره!
حرك شعره بتوتر خفيف: معرفش بقا شكلك طفله صوتك يوحي بكدا وجريك ورا قطط يوحي بكدا اكتر
انسحب بهدوء وهي ابتسمت بخبث و دخلت
وقفلت الباب
- يلهوي عليكي يا موشو انتي وجوزك ده ! منكوا لله جايبني الكلام
القطط: ميععاو
- اها نونونو اكيد جعانين منتو اكل ومرعه وقلة صنعه وتفخيد فالبيت وعلي سريري والجديد فضايح مع الجيران كمان جتكم قرف
بعد دقايق مسكتهم حضنتهم وهي بتحط الاكل: يخرابي بس بموت فيكوو اية العسل ده يلا هم يا قطط..
لبست و خدتتهم عشان تديهم تطعيم شالت البوكس الى هما فيه ونزلت وبصت يمين وشمال وهي محرجه تقابل الى جابلها القطط الى متعرفوش اصلا
---------------------
- يعني هما كويسين يا دكتور ؟ ، اصل خرجوا بره و معرفش في اية وخايفه يكونوا.
قاطعني وابتسم وهوا بيقلع النضارة: يا انسه انتي قلقك عليهم مفرط متخافيش انا متابع معاكي
ضحكت: عارفه اني كل يومين عندك يا دكتور وقرفتك بس بحبهم اوي وبخاف عليهم
- لا لا انتي زي بنتي بس انا مش عاوزك تقلقي امال هتعملي اية لما تخلفي بقي اجمدي كدا
توهت للحظات وبعدين رجعت لوعيي: هما عيالي كفايه موشو عليا دي بنتي الصغيرة اصلا انا جايبه الاستاذ ده عشان خاطرها بس وعشان يتجوزواا
رغم كبر سنه لكنه بصلها بعد ما اتنهد وقال بتأكيد: الاطفال حاجه تانيه ، وهيجي وقت هتحتاجي ليهم انا عارف بقولك اي يابنتي
خدتهم ومشيت من عنده وانا بقول فسري: مش لما ابقي افكر واتجوز الاول ده انا عايشة لوحدي عشان اربي قططي وعيالهم براحتي يجي واحد ملوش لازمه بقي يقولي مشيهم
رجعنا فالطريق وهما شغالين نيونيونيو لحد ما وصلت عند العماره بصتلهم من اخرام البوكس بقلة حيله:
بقولكم اي انا ممعيش فلوس احنا اخر الشهر والتونه غليت بقت بخمسين والجبنه غليت برضو يعني لو مسكتوش هنشحت سوا فاهمين
فضلوا ينونونو برضو كأنهم مش عاجبهم
- هااا؟ بقي كده؟ مفيش اي تحمل مسؤوليه هي دي تربيتي قطط معندهاش أ..
قاطعها صوت وراها: معقول مشيو ؟ و... موشا صح؟؟
اللتفت بتوتر وهي بتدعي الارض تنشق وتبلعها: انت؟؟ صح؟
- ايوا انا و عرفتك من قططك ، شكلك طلع اكبر مما تصورت
= انت هنا من امته؟؟
- من ساعه ما التونه غليت وبقت بخمسين
يتبع...
لقراءة الفصل الثاني اضغط على : ( رواية قطط حبنا الفصل الثاني )
لقراءة باقي الفصول اضغط على : ( رواية قطط حبنا )