رواية غريبة في بيتنا الفصل الأول 1 بقلم نرمين طارق

رواية غريبة في بيتنا الحلقة الأولى 1 بقلم نرمين طارق
رواية غريبة في بيتنا الجزء الأول 1 بقلم نرمين طارق
رواية غريبة في بيتنا البارت الأول 1 بقلم نرمين طارق
رواية غريبة في بيتنا الفصل الأول 1 بقلم نرمين طارق

رواية غريبة في بيتنا الفصل الأول 1 بقلم نرمين طارق

محمد:ماما انتي عارفة ان انا ساكت على وجودها  هنا علشانك وعلشان انتي بتحبيها بس لازم تعرفي انا مش هسكت علي الوضع ده كتير هي مبقتش عيله خلاص
-لي يبني ده حتى البنت محدش شاف منها حاجه وحشه وفي حالها وكلنا بنحبها انا مش عارفه انت لي مش طايقها ومش بتحبها 
محمد: انا ولا بكرها ولا بحبها انا مش عجبني الوضع وزي مقولت بقت كبيره خلاص زمان لما جت سكت وقولت صغيره ومش مشكله لكن دلوقتي لا الوضع ده لازم يتحط ليه حد انتي عارفه كلام الناس سوا علينا او عليها وهي لازم تعمل حساب لي ده تخاف على الاقل على نفسها
-مهو هتعمل اي بني هي ملهاش حد غيرنا من زمان وانت عارف هروح اطردها يعني
محمد:اتصرفي بقى انا تعبت 
خرج محمد من الاوضه وكالعاده لقه نور قاعده مع احمد
نور:لا بس انت يا احمد مقولتش ان انت بتعرف تتخانق كده 
احمد: دي أقل حاجه عندي يبنتي 
نور: انا حساك بتسرح بيه 
ادخل محمد في الكلام مش يلا يا احمد بقى ولا هتقضيها كده ورانا شغل مش كفايه منزلتش المحل امبارح
احمد: مهو انت منزلتش بردو 
محمد:هو لازم انزل علشان تنزل حتى لو منزلتش انزل افتحو انت ما انت شايف في حاجات في دماغي الفتره دي ومش ببقى فاضي على طول
احمد: ما انت مش بتقولي اي إلى فى دماغك اي مش مخليك فاضي 
محمد: يلا يا احمد يلا مش هنخلص 
كل ده بيحصل قدام نور الي بدأت تتحرك ناحيه الباب لما لقتهم هينزلو وهتفت محمد بقولك بصلها محمد باستفهام وقالها نعم 
نور :كنت عايزه اطلب منك حاجة كده انا كنت عايزه انزل اجيب حاجات 
استغرب محمد منها لأنها نادرا لما بتقف تتكلم معاه لا وكمان بتاخد اذنو 
رد محمد: انزلي كان ممكن تقولي لماما او احمد عادي 
نور: ا اه مهو انا كده كده هقول لماما اكيد بس قولتك علشان انت اخويا الكبير لازم تعرف بردو 
بصلها محمد بصه وراح نازل.. 
نور وقفت بياس فهو طبعو مش يتغير مهما حاولت تصلح العلاقه بيهم فهو يصدها باسلوبو الجاف معاها 
سألت نفسها لي هو مش شبه احمد ويتعامل معاها كانها فرد من عائلته.. عائلته وقفت عند الكلمه دي وكلمت نفسها وقالت هي فعلا عائلته هو وهي مجرد ضيفه فيها وهيجي اكيد عليها وقت هتمشي وهما مش هيقدرو يستحملوها كتير اه هي بتعتبر احمد اخوها ومحمد رغم تعملو معاها الجاف بس مش بتكرهو وكانت بتتمنى لو يتعامل معاها كأنها اختو ومامتهم الي هي بتعتبرها كأنها امها بالظبط وادتها حنان كبير وعوضتها علي خساره أهلها بس مش هينفع تنكر حقيقه انها هتفضل واحده غريبه مهما حصل وهيجي عليها وقت هتمشي خصوصا انها بتكبر وقعدتها معاهم بقت غلط بس هي ملهاش حد بتسال نفسها طب انا هعيش فين هروح لمين لو سبتهم هبقي لوحدي بس ده وقت كانت عارفه انو هيجي وانها هيجي وقت وهتمشي وعارفه انو بيقرب لان بمجرد متخلص دراستها لازم تكون قررت هتروح فين هي لسه هتدخل الجامعه اول سنه ليها وهي بتقول لنفسها اكيد الجامعه مش هتبقى صعبه زي ثانوي فهي اكيد هتقدر تشتغل مع الدراسه ومش هيبقى صعب اوي انها تعمل الاتنين مع بعض علشان تلحق توفر لنفسها مكان علشان لما تمشي لأنها مش هتقدر كمان تطلب منهم ده كفايه انهم اهتمو بيها كل السنين رغم حالتهم الماديه وهي مش احسن حاجه وبرغم ده كانو بيوفرولها الي بتحتاجو لدرستها فأكيد لما تدخل الجامعه كمان الحمل هيزيد عليهم وكمان مش هتقدر  هتقدر تطلب منهم كمان يوفرولها مكان ليها 
فقالت بثبات لا انا لازم ابدا ادور على شغل وابدا اخفف الحمل شوية وكمان اقدر اشوف مكان 
                          _______________
عند احمد ومحمد في المحل 
مالك يا محمد حسك فيك حاجة 
محمد:مالي يا احمد انا كويس 
احمد:لا مش كويس بس اديني هسكت انا عارف انك كده كده مش هتكلم وهتقول مفيش 
صحيح هنعمل اي في ورق نور بتاع الجامعه 
محمد: انا روحت امبارح المدرسه علشان اخد الاستماره بتاعتها والشهادة وبكره ممكن اروح أقدمها في الجامعة 
احمد: لو مش هتقدر خلاص هروح انا 
محمد:لا يا احمد خليك انت في المحمل بكره وانا هخلص واجي بسرعه 
احمد بصلو وقالو هتروح وتيجي بسرعه لي مش هتاخد نور معاك 
محمد: ونور هتيجي لي ده شويه ورق وهيخلص 
احمد: ماشي بس انت عارف ان نور لازم تروح تشوف الجامعه الي هتبقى فيها هي مش صغيره بردو 
محمد: هشوف يا احمد ربنا يسهل
                   ______________
في الشقه 
ماما متعرفيش محمد هيقدم ورقي امتي في الجامعة 
-كان قايلي انو احتمال بكره باين 
نور:بجد طب مقولتيش لي علشان اجهز
-امها بإستغراب تجهزي لي اي يا نور انتو رايحين تقدمو ورق مش رايحين فرح 
نور بابتسامه: لا طبعا يا ماما دي اول مره اروح الجامعه اكيد هيبقى في طلبه كتير هناك بردو بيقدمو الورق
لازم يبقى شكلي حلو اكيد 
-حضنتها وقالت يا حبيتي انتي شكلك حلو مش محتاجه حاجه تخليكي حلوة اصلا 
ابتسمت نور ليها بحب 
نور: ماما تفتكري محمد هيرضي ياخدني معاه حساه هيرفض
- لي يبت هيرفض لي اكيد هياخدك علشان تشوفي الجامعه
نور: ياريت يا ماما انا عايزه اشوف الجامعه اوي او احمد الي يجي معايا نقدم الورق بكره لو محمد مش هيرضي انا مش عارفه محمد لي مش شبه احمد كده بحسو قفيل كده وحتى كلامو معايا على اد وعلي طول مكشر و..
سكتت لما لقت محمد واقف عند الباب...
يتبع...
لقراءة الفصل الثاني اضغط على : ( رواية غريبة في بيتنا الفصل الثاني )
لقراءة باقي الفصول اضغط على : ( رواية غريبة في بيتنا )
تعليقات



حجم الخط
+
16
-
تباعد السطور
+
2
-