رواية اميرة القصر الصغيره الفصل الثالث عشر 13 بقلم إسماعيل موسى

رواية اميرة القصر الصغيره الحلقة الثالثة عشر 13 بقلم إسماعيل موسى
رواية اميرة القصر الصغيره الجزء الثالث عشر 13 بقلم إسماعيل موسى
رواية اميرة القصر الصغيره البارت الثالث عشر 13 بقلم إسماعيل موسى
رواية اميرة القصر الصغيره الفصل الثالث عشر 13 بقلم إسماعيل موسى

رواية اميرة القصر الصغيره الفصل الثالث عشر 13 بقلم إسماعيل موسى

كنت قاعده مع نفسى لما شفت واحد من حراس القلعه داخل من البوابه ومجرجر شخص واره
هبيت من مكانى واقفه ومزعوره، انا برفض ان حد من الحراس يعامل اى شخص بالشكل ده، قربت منه لقيته اليان
قلبى دق بسرعه، اليان حبيبى متكتف بالسلاسل، حاولت أخفى مشاعرى
فيه آيه؟
اليان قال ازيك ارين!
الحارس قال لقيته خارج القلعه الظاهر كان بيتجسس علينا
اليان قال محصلش انا كنت جاى عشان اقابل ارين
عايز ايه يا اليان وبتعمل ايه هنا؟
طيب فكى قيودى الأول على الأقل يا ارين؟ انتى اتغيرتى جدا، جبتى الجمال دا من فين؟ نظرته كانت مختلفه نفس نظرته لفيرا
حقيقه الرجاله مش بيهمهم غير المظهر، موضوع الروح والعقل والذكاء كله كلام فارغ طالما مظهرك مش حلو
مش قبل ما اعرف انت عايز ايه، انت من حراس صوفيا انا شوفتك بنفسى بتنحنى قدامها وبتقسم بالولاء ليها
كنت بتكلم بنبره حاده وقلبى كان بيتقطع
اليان قال انا جاوبت، كنت جاى عشان اقابلك!
دى مش اجابه انطق عايز ايه؟
مش هتكلم غير لما تفكو قيودى
أمرت الحارس ياخده على سجن القلعه لحد ما نعرف جاي هنا ليه
حاولت اتناساه معرفتش
كنت أقسمت انى انساه مش عارفه ليه اول ما شفته كل عهودى ضعفت واتلخبطت
فضل فيرا عليا، ونظرته ليها لسه بتقطعنى، بس اليان كان بيبصلى نفس البصه
معقول اكون عجبته فعلا وممكن يحبنى؟
اصحى يا ارين، فين ثقتك بنفسك، رحلتك وصراعاتك معقول مغيرتش فيكى حاجه؟
للأسف تضعف كل أنثى أمام حبها الأول ومهما مر من الزمن يظل قلبها ملك لأول شخص استوطنه
استنيت لما الليل انتصف ومشيت ناحية السجن، كان اليان مقيد داخل زنزانته
اول ما شافني قال اخيرا وصلتى؟
مكنتش فاكره قلبك هيطاوعك تسيبنيى متكتف الوقت دا كله
انا تعرف ايه عن القلب اصلا
ارين؟ فكى قيودى انا اليان صديقك
عارفه انك اليان ودلوقتى هتقلى جيت هنا ليه؟ جاى عشان تجسس لصوفيا؟
ازاى تظنى في الظن دا ارين؟
انا لما عرفت انك رجعتى واستوطنتى القصر ده هربت من معسكر صوفيا وجيت عشان ابقى جنبك
انا غلطة غلطة كبيره لما اتخليت عنك يا ارين، ادينى فرصه اصحح خطأى
وفيرا حبيبت القلب؟
انا مكنتش بحب فيرا كنت معجب بيها، السكينه كانت سرقانى
لكن طول عمرى بفكر فيكى انتى ارين
ولازم أقف جنبك ضد صوفيا واساعدك
قلبى بيقولى صدقيه، لكن عقلى رافض الفكره، اليان اتخلى عنى فى أشد اوقاتى ضعف
دايما إلى بيسببك وقت ضعفك ميستحقكش
ادينى فرصه ارين، خلينى جنبك، لو شفتى انى كداب أأمرى بقتلى، اقطعى رقبتى!!
مكنش ممكن أرفض عرض زى ده، فتحت الزنزانة وحليت قيوده
انت هتبقى تحت حراسه مشدده اليان
دلوقتى ممكن تنام فى غرف الحرس لحد ما اشوف هعمل فيك ايه
غرف الخدم ارين؟
انا كنت فاكر هتاخدينى بالحضن؟
يتبع...
لقراءة الفصل الرابع عشر اضغط على : ( رواية اميرة القصر الصغيره الفصل الرابع عشر )
لقراءة باقي الفصول اضغط على : ( رواية اميرة القصر الصغيره )
تعليقات



حجم الخط
+
16
-
تباعد السطور
+
2
-