رواية كما تدين تدان الحلقة السابعة 7 بقلم زينب رمضان
رواية كما تدين تدان الجزء السابع 7 بقلم زينب رمضان
رواية كما تدين تدان البارت السابع 7 بقلم زينب رمضان
 |
| رواية كما تدين تدان الفصل السابع 7 بقلم زينب رمضان |
رواية كما تدين تدان الفصل السابع 7 بقلم زينب رمضان
هدير: هسألك سؤال يا حسام
حسام: اسألي
هدير: ليه ربنا خلق حواء ليه مخلقش ادم بس بما ان الراجل مفيش حاجه تعيبه وهو كامل بنفسه ليه خلق حواء
حسام: استغفر الله العظيم انتي هتعدلي على ربنا ولا ايه وبعدين ربنا خلق حواء عشان تكون ونس وسند وسكن لسيدنا ادم عشان ميكونش وحيد ومفيش حد كامل غير ربنا
هدير: انا مش بعدل على ربنا حاشا لله بس بسألك اذا مكنش ليا الحق اسأل سؤال زي دا انت ليك الحق تحاسبني على غلط غلطه في حياتي وتهددني بيه ربنا وحده الي بيحاسب مش انت ربنا لو رايد ستري وميفضحش غلط غلطه في حياتي انت مين عشان تعمل كدا وبعدين انت كمان غلط ربنا لما بيحاسب مش بيفرق إذا كنت راجل ولا بنت
حسام: معاكي حق بس ربك بيسلط ابدان على ابدان لو انتي كويسه وربنا سامحك اكيد مكنش سلطني عليكي
هدير: للعلم بس انت إنسان متناقض بتقول الحاجه وتعمل عكسها مش خايف ربنا يسلط عليك إنت كمان الي يفضحك الرسول عليه الصلاة والسلام قال«لا يستر عبد عبداً في الدنيا إلا ستره الله يوم القيامة» ما بالك بقا بالي بيفضح وانا مش خايفه منك واعمل الي تعمله يا حسام ربنا موجود وهياخدلي حقي منك
حسام:صح معاكي حق انا غلط الشيطان كان عامي على عيوني بس والله انا بحبك وعايزك جنبي يا هدير
هدير: متحلفش يا حسام لأنك عمرك ما حبتني الي بيحب مش بيأذي وانت اذيتني الي بيحب بيضحي بكل حاجه عشان الي بيحبه مش بيعمل الغلط عشان يوصله
حسام بحزن: بس انا حبيتك بجد ومتخيلتش انك تتخلي عني وتنسيني بسهوله وتكملي حياتك من غيري انتي محبتنيش يا هدير؟
هدير بحزن: حبيتك بس انت كنت الهوا الي بتنفسه كنت إدماني ومع ذلك كسرت قلبي بسببك فقدت الثقه في نفسي وفي كل الي حواليا بقيت خايفه من خيالي يغدر بيا بسببك
حسام بحزن: انا عارف اني غلط يا هدير واني طلبت منك فرص كتير وكل مره بخذلك تاني وارجع اغلط في حقك بس انتي السبب انتي الي خلتيني ضامن وجودك لما كل مره ابعد عنك وانتي الي ترجعيلي تاني وتدوري على الي يفرحني حتى لو على كرامتك بس انا الي جايلك المره دي وبقولك خلينا ننسى ونبدأ من جديد وعلى سنه الله ورسوله نتجوز ونحاول مع بعض وصدقيني المره دي مستحيل اخونك
هدير: للاسف سمعت منك الكلام دا كتير وكل مره اندم اني كنت بفكر بيني وبين نفسي اني ارجعلك واكبر دليل على كدا انك قولت لما جيت تتقدم انك هتنسى وتنسى انك عرفتني لو رفضتك وفي الاخر جيت واتكلمت عني بالغلط وهددتني انك هتفضحني لمجرد اني كلمتك واعتبرتك اهم حاجه في حياتي
حسام:.............
♡_____________________♡
عادل: حبيبتي كل الي هتعمليه انك هتروحي المستشفى وتعملي نفسك حزينه ومتأثره بسبب الي حصله وتدخليله تبصميه على ورقتين صغيرين قد كدا ببيع كل حاجه ليا
منال: وليه بإسمك مش بأسمي يعني
عادل: يا حبيبتي عشان محدش يشك فيكي ولو صحى لقدر الله ورفع قضيه ضدنا ميحصلكيش حاجه يا روحي انتي مش واثقه في حبيبك ولا ايه
منال: لا يا حبيبي مش حكايه ثقه بس الفلوس سم مش عايزاه يصيبنا ويدخل بينا مضمنش ان بعدها نفضل سوا
عادل بإقناع: ياحبيبتي انتي عارفه اني مقدرش اعيش من غيرك وضحيت قد ايه عشانك وبعد كل دا مش واثقه فيا للاسف انا عرفت مكانتي عندك دلوقت
منال: يا حبيبي متزعلش مني خلاص هعمل الي انت عايزه وهعملها بإسمك بس تمضيلي على شيك على بياض عشان لو خنتني ولا حاجه انا مضمنش خيالي يا حبيبي معلش
عادل: خلاص الي تشوفيه يا حبيبتي ومتنسيش اني بعمل كل دا بسبب حبي ليكي
منال بإقتناع: خلاص اتفقنا جهز الورق انت وانا هروح اشوفه واعمل الي اتفقنا عليه
_________________________
هاجر: ياريم انا خايفه هو لسه مكلمني دلوقت وبيقولي قدامك 24ساعه بس وإلا هبعت الصور لأخوكي
ريم: يابنتي متحافيش انا كلمت فاطمه وهي قالتلي هتبعت اللينك خمس دقايق وهتبعته ونكلمهم الصفحه دي ونشوفهم هيساعدونا ازاي
هاجر: يعني هما ممكن يساعدونا بجد مش فيك وممكن لما اقولهم يبتزوني هما كمان وانا مش ناقصه
ريم: لا يابنتي متخافيش فاطمه قالتلي انهم ساعدوا بنات كتير من مصر وبره مصر كمان وواخدين تصريح من الحكومه على المنظمه الي هما عاملينها دي يعني مش اي حد والسلام متقلقيش
هاجر: خلاص تمام هي هتبعت اللينك امتى
ريم: استني كدا جاتلي رساله شكلها بعتته
هاجر: بسرعه شوفيه وابعتيه هكلمهم ونشوف هيحصل ايه ربنا يستر
ريم: اهو اللينك بعتهولك كلميهم بقا وانا معاكي
هاجر: خلاص استني هبعتلهم اهو
هاجر في الشات:
السلام عليكم ورحمه الله وبركاته
~وعليكم السلام ورحمة الله وبركاته اقدر اساعدك ازاي يا فندم
هاجر: انا في إنسان بيبتزني بصور ليا مفبركها وبيهددني انه هيبعتها لعيلتي وينشرها على مواقع التواصل وانا خايفه منه ومش عارفه اعمل ايه وواحده صحبتي نصحتني اكلمكم وانتوا هتساعدوني
~إن شاء الله يفندم ممكن تبعتي اي اثبات على صحة كلامك واي علاقتك بالشخص دا واسمه وكل الي تعرفيه عنه
هاجر: تمام هبعتلك إسكرينات للمحادثه وهو بيهددني ويطلب مني اسرق دهب امي واديهوله اما علاقتي بيه هو صاحب اخويا واخويا كان بيثق فيه جدا ومعتبره اخ وبيدخله بيتنا ع طول وكنت بتعامل معاه عادي وهو فضل يتقرب مني ويحاول يكلمني لحد ما حبيته ووثقت فيه طلب مني ابعتله صور ليا عشان بيحبني ونفسه يشوفني على طول واكون جنبه وانا بعتله مره واحده ولا مرتين وهو هكر الايميل بتاعي واخد كل صوري من عليه وغير صوري الي كنت بنزلها استوري كان بيحتفظ بيها ولما قررت ابعد عنه لما حسيت انه بيلعب بيا ومش هيجي يتقدملي بعتلي الصور دي وهددني بيها
~لا حول ولا قوة إلا بالله العلي العظيم اسمه ايه يا فندم
هاجر: اسمه احمد صادق السباعي
♡__________________________♡
سمر بعد ما حماتها نزلت وسابتها راحت جهزت عشاء رومانسي على ضوء الشموع ولبست دريس احمر مالك بيحبه عليها وحطت ميكب خفيف واستناته لحد ما سمعت صوته وهو طالع طفت النور
مالك دخلت وشاف سمر على ضوء الشموع الخفيف وهي جايه نحيته وبتبصله بحب
مالك بصفير: اي الحلاوه دي دا انا شكل امي دعيالي النهارده ولا ايه
سمر بدلع:حبيبي عجبتك
مالك بهيام: إلا عجبتيني دا انتي تعجبي السلطان هو انا استاهل الجمال دا كله
سمر: ولو حبيبي وقرة عيني ميستاهلش اجمل حاجه مين يستاهل
مالك بحب: تسمحيلي بالرقصه دي سنيوريتا
سمر بدلع: تحت امرك يا مولاي
رقصوا سلوا على اغنيه حبك بيقوى لننسي عجرم
أنا عايشة عمري عشان أرضيك-وفي حضني ليلة كمان خليك-قرّب شوية خوفك عليَّ خلاني أخاف يا حبيبي عليك-أنا عايشة عمري عشان أرضيك-وفي حضني ليلة كمان خليك-قرّب شوية خوفك عليَّ خلاني أخاف يا حبيبي عليك-وحياة هوانا حبّك أمانة ما أقدرش أخونها ولو بكلام-ما أقدرش أخونها ولو بكلام
سمر: حبيبي انا اسفه اني زعلتك انا مقدرش على بعدك عني
مالك: حبيبتي انا مش عايز حاجه في الدنيا دي غيرك انا مكتفي بيكي والاولاد هبه من ربنا مفيش في ايدنا حاجه غير ان ندعي ربنا يرزقنا بيها
سمر بحزن: ربنا يرزقنا بالذريه الصالحه الي تكمل حياتنا فرحه وسعاده يارب بس مفيش في ايدنا حاجه خالص نعملها يا حبيبي
مالك: لا في طبعا مين قالك مفيش يا حبيتي ولو عايزه نبدأ من دلوقت
سمر بتسأول: هنعمل ايه
مالك: هقولك اول حاجه هنعمل ويرد يومي بالاستغار وقرأة القرآن قال تعالى«فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا-يُرْسِلِ السَّمَاءَ عَلَيْكُمْ مِدْرَارًا- وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا»
تاني حاجه هنحافظ على قيام الليل سوا وإن شاء الله ربنا هيرزقنا بالذريه الصالحه
سمر: إن شاء الله يا حبيبي
مالك: بقولك ايه ما تيجي الاوضه كدا عاوز اقولك كلمه سر
سمر بدلع: والأكل
مالك: لا ما انا هاكل برضوا بس اكل احلى بكتير من دا
♡________________________________♡
مريم: انا زعلانه منك يا كريم ومش عايزاك تكلمني تاني
كريم: ليه يا حبيبتي كدا انا مقدرش على زعلك
مريم: كدا اختك كلمتني وقالتلي انك روحت تحضر فرح ومقولتليش
كريم: يا حبيبتي انا لو قولتلك كنتي هتقوليلي عايزه اروح معاك وانا مش عايز حد يشوفك ولا يشوف جمالك غيري
مريم: مش مبرر وبعدين انت لو قولتلي الصراحه مكنتش هخليك تروح خالص وخصوصا بعد ما عرفت ان العقربه بنت خالتك كانت في الفرح
كريم: يا حبيبتي شذا صاحبة العروسه وانا رايح تبع العريس مليش دعوه بيها خالص
مريم: متحاولش تقنعني يا كريم انت غلط ولازم تتعاقب عشان سايب مراتك قرة عينك قاعده لوحدها وبتحضر فرح وبتفرح من غيري
كريم بحب: مقدرش والله وبعدين انا كان كل تفكيري في الفرح فيكي انتي وبس مكنتش سامع ولا شايف حاجه غيرك وبتخيل اليوم الي هنكون فيه سوا انا خلاص بكره إن شاء الله هقعد مع مالك ونحدد ميعاد الفرح مش هقدر اصبر أكتر من كدا
مريم:.........
يتبع...
لقراءة الفصل الثامن اضغط على : ( رواية كما تدين تدان الفصل الثامن )
لقراءة باقي الفصول اضغط على : ( رواية كما تدين تدان )