رواية يوميات رمضانية الحلقة الثانية 2 بقلم دودو محمد
رواية يوميات رمضانية الجزء الثاني 2 بقلم دودو محمد
رواية يوميات رمضانية البارت الثاني 2 بقلم دودو محمد
 |
| رواية يوميات رمضانية الفصل الثاني 2 بقلم دودو محمد |
رواية يوميات رمضانية الفصل الثاني 2 بقلم دودو محمد
حرك رأسه بتفكير وقال
كريم :-تمام تعمل اللى هى عايزاه
وسابها ومشى
بصت عليه وهو ماشى وقالت
جميله :-اه يا واطى ما صدقت تخلع
وراحت تجيب السحور ورجعت خبطت على الباب عند شهد فتحت ليها وهى زعلانه وقالت
-تعالى
دخلت وقالت بغيظ
جميله :-بت انتى ما صدقتى علشان تخلعى وتسبينى اجيب السحور لوحدى
بصت على امها وقالت
شهد :-تعالى جوه فى اوضى
بصت لام شهد وقالت
جميله :-ازيك يا طنط كل سنه وانتى طيبه
ردت عليها بابتسامه وقالت
-وانتى طيبه يا حبيبتى والسنه الجايه تكونى فى بيتك يارب
ردت عليها وقالت
جميله :-ربنا يخليكى يا طنط
ودخلت مع شهد اوضتها وقعدت على السرير وقالت
-بت انتى اتهبلتى الصبح تحبى فيه وبليل تنكدى عليه
قعدت جنبها وقالت
شهد :-زعلت اوى لما الوليه دى بصت على أيدى وملاقتش دبله أنا لو كنت لابسه دبلة اخوكى مكانش ده حصل النهارده، وهو ولا هنا عايم فى مية البطيخ
اتكلمت بزعل وقالت
جميله :-ما أنا قولتلك بلاش كريم مينفعكيش قولتى لا بحبه وهكمل معاه اشربى بقى
ضربتها بالمخده وقالت بغيظ
شهد :-ما أنا بحبه وعايزه البس دبلته ماليش دعوه اتصرفى
بصت ليها وقالت بأستغراب
جميله :-اتصرف ازاى مش فاهمه يا بنتى ده دكتور قد الدنيا
حركت رأسها بالرفض وقالت
شهد :-مليش دعوه عايزه اتجوز كريم اخوكى
وقفت وقالت بنفاذ صبر
جميله :-انا طالعه بيتى بدل ما تجنينى معاكى
وقفت بسرعة ومسكت دراعها وقالت
شهد:-جوجو حبيبتى ساعدينى اتجوزه
ردت عليها وقالت
جميله :-طيب سبينى افكر فى خطه واقولها ليكى بكره اوعى بقى خلينى اطلع أمى هتعلقنى على التأخير ده
وسابتها وطلعت تجرى على الشقه ورنت الجرس فتحت ليها امها وقالت
حكمت :-طبعا كنتى عند شهد كل ده
دخلت وقالت بضحك
جميله :-اكيد طبعا خدى السحور اهو هروح بقى اكلم تامر
وباستها فى خدها ودخلت اوضتها ومسكت تليفونها واتصلت بى وقالت
-خير كل ده بتصلى التروايح
رد عليها بصوت مخنوق وقال
تامر :-لسه راجع من بره كنت فى الشقه بتاعتنا لاقيت النقاش مبهدل السيراميك هروح بكره اعمله اتخانقت معاه والله
ردت عليه بضيق وقالت
جميله :-وهو يعنى مش عارف شغله منه لله قولتلك من الاول بلاش ده انت اللى صممت عليه
اتكلم بزعل وقال
تامر :-خلاص بقى يا جميله قولتلك بكره هروح اعمله
ردت عليه بصوت هادى وقالت
جميله :-بكره هجيب كريم ونيجى نساعدك بس بعد الفطار بقى
-ماشى وكمان علشان اشوفك واحشتينى اوى
قالها تامر بحب
ردت عليه بكسوف وقالت
جميله :-وانت كمان واحشتنى بقالى اسبوع بحاله مشوفتكش
-امته بقى يتقفل علينا باب واحد وتبقى فى حضنى على طول
اتكلم تامر بحب وقالها
بصت فى الساعه وقالت بسرعه
جميله :-ميعاد الورد بتاعى هقفل معاك بقى واقراه وانت كمان اوعى تنسي الورد بتاعك باى
قفلت معاه وخرجت من اوضتها اتوضة ورجعت تانى مسكت المصحف وبدأت تقراه فيه.
.......................................................................
خبطت على الباب ودخلت الأوضه وراحت عند السرير وقالت
جميله :-كيمو يا كيمو اصحى يلا علشان تتسحر
زقها وقال بنوم
كريم :-شويه شويه خلينى انام
بصت ليه بغيظ وراحت على سرير رامى وقالت
جميله :-رامى اصحى يلا علشان تتسحر
قام قعد على السرير وبصلها بعيون مغمضه وقال
رامى :-خلاص صحيت صحى اخوكى التانى بقى
وخرج من الاوضه وسابها
بصت بغيظ على كريم وبعدين قالت بصوت عالى
جميله :-شهد بتعملى ايه هنا
قام بسرعه وبص حواليه ملاقش حد بص لجميله بغيظ وقام يجرى وراها
طلعت تجرى بضحك وقالت
جميله :-يا جبااااان قومت نطيت لما جبت سيرتها
مسكها وقال بغيظ
كريم :-وحياة امى ما هسيبك
مسكت ايده بضحك وقالت
جميله :-احنا اسفين يا صلاح
زعق فيهم بغضب وقال
رامى :-بطلوا صداع على اخر ليل الواحد مش فايق لتفاهتكم دى
-يا جميله انتى يا بت تعالى خدى منى السحور
قالتها امها وهى بتنادى عليها من المطبخ
طلعت تجرى بسرعه ودخلت المطبخ وقالت بضحك
جميله :-ست الكل أنا جيت
ادتها الجبنه وقالت بغيظ
حكمت :-انا عارفه هتفتحى بيت ازاى وانتى خايبه كده ومش عارفه حتى تقلى بيضه
اخدت منها الجبنه وقالت
جميله :-كل ده ومش بعرف اعمل حاجه اتقى ربنا ده اكل النهارده نصه انا اللى عامله
وحطت الطبق على الترابيزه وقالت
-وبعدين تامر هيساعدنى فى المطبخ
ضحك بتريقه وقال
كريم :-هو اللى قالك كده ؟ دى اسطوانه بنقولها كده، بس ابقى قابلينى لو خطى المطبخ برجله
ردت عليه بضيق وقالت
جميله :-ملكش فيه اطلع انت منها
ودخلت المطبخ تانى جابت باقى الاطباق
وجه ابوها وبدأوا يتسحروا
وبعد وقت انتهوا وقام ابوهم وقال
-اخلصوا وابقوا اتوضوا علشان اصلى بيكم الفجر جماعه قرب يأذن خلاص
وسابهم ودخل اوضه
غسلت جميله المواعين وساعدتها امها فى المطبخ واذن الفجر اتوضوا كلهم وبدأ ابوهم يصلى بيهم وبعد وقت خلص وكل واحد فيهم دخل اوضه ونام.
........................................................................
-بت يا جميله اصحى يا بت كل ده نوم
قالتها شهد وهى قاعده جنبها على السرير
فتحت عيونها بصعوبه وقالت
جميله :-عايزه ايه يا زفته انتى على الصبح
ضربتها على كتفها وقالت
شهد :-صبح ايه يا بنتى ده العصر قرب يأذن وصلاة الضهر هتروح عليكى وبعدين أنا عايزه اقولك على حاجه حصلت
قعدت على السرير بسرعه وقالت
جميله :-ايه اللى حصل قولى
بصتلها بضيق وقالت
شهد :-الست اللى اسمها سعاد دى كلمت ماما من شويه وهتيجى تقعد معاها بعد صلاة التراويح انا مش عايزه اتجوز حد انا عايزه كريم
سكتت بصدمه وفضلت تبصلها وبعدين قالت
جميله :-انتى بتتكلمى بجد أنا قولت دول كلمتين الوليه دى بتقولهم كده وخلاص متوقعتش أنها هتكلم امك بجد
وقفت بزعل وقالت
شهد :-انا خايفه ماما توافق دى ما هتصدق واخوكى طبعا مش هامه حاجه وما صدق يخلع منى
قربت منها وطبطبت على ضهرها وقالت
جميله :-شهد مش عايزاكى تزعلى منى بس من رأى سيبك من كريم وشوفى العريس ده يمكن يعجبك ويبقى فيه نصيب
ردت عليها بزعل وقالت
شهد :-لا طبعا مقدرش اسيب كريم أنا بحبه ، بحبه رغم أن عارفه هو ايه وعارفه أن ممكن مكونش فارقه معاه اصلا وأن أنا ممكن اكون مجرد واحده زى اللى عرفهم قبلى، بحبه ومش هتنازل عنه مهما حصل
حضنتها بحب وقالت
جميله :-وانا بحبك اوى
بعدت عنها وقالت بضحكه حزينه
شهد :-وانا مش هحبك غير لما تجوزينى اخوكى
ضحكت على كلامها وقالت
جميله :-وحياتك عندى مش هسكت غير لما اجوزه ليكى ويلا بقى خلينى اغسل وشى واتوضى والحق اصلى الضهر قبل العصر ما يأذن عليا، النهارده أنا اجازه من المطبخ عندنا اكل امبارح اللى هو مستمر معانا اسبوع
اتكلمت بسرعه وقالت
شهد :-استنى هنا قوليلى كريم اجازه النهارده ولا نزل الشغل
ردت عليها وقالت
جميله :-مش عارفه بس على ما اعتقد انه نزل الشغل لانه كان بيقول أن الاجازه اول يوم بس
نفخت بزهق وقالت
شهد :-ربنا يستر وميعملش مشاكل زى كل سنه وهو صايم أنا هنزل اقرى فى المصحف واسلى صيامى شويه
وسابتها ونزلت إلى شقتها ولكنها قابلة كريم على السلم بصت ليه بضيق واتحركت من قصاده
اتكلم بسرعه وقال
كريم :-ايه يا عروسه مستعجله ليه شكلك مش فاضيه النهارده وبتجهزى علشان تعجبى ام العريس
بصت ليه بغيظ وقالت
شهد :-مش محتاجه اعمل حاجه علشان اعجبها أنا عجباها اصلا من غير اى مجهود
رفع حواجبه بغضب وقال
كريم :-والله طيب مبروك بس متلوميش الا نفسك يا شهد
ضحكت ليه بأستفزاز وقالت
شهد :-انت مالك زعلان ليه هتخطب واريحك منى علشان تعرف تعيش حياتك مع البنات براحتك
داس على أسنانه بغضب وقال
كريم :-لا عادى أنا فعلا عايش حياتى مع البنات بيكى أو من غيرك اسيبك بقى علشان معطلكيش
وسابها وطلع على شقتهم
بصت عليه وهو طالع بغيظ وقالت
شهد :-ماشى يا كريم أنا هوريك
ودخلت الشقه وقفلت الباب بغضب.
......................................................................
مدفع الافطار اضررررب
حان الان موعد اذان المغرب حسب التوقيت المحلي بالقاهره
-وسع كده خلينى اقعد
قالها رامى بضيق
بصله بأستغراب وقال
كريم :-ما المكان واسع عندك اهو هو حبكت الكرسي ده يعنى
رد عليه بغضب وقال
رامى :-اه حبكت ووسع بقى اخلص
بص ليه بعند وقال
كريم :-طيب مش قايم واقعد فى حته بقى
ابوهم بصلهم بغضب وقال
-اترزعوا بقى واسكتوا بلاش نكد كل سنه ده ساعه الفطار
بصله بغضب وقعد على الكرسي وقال
رامى :-ده انت عيل غتت
وبدوا ياكلوا
بصت لابوها وقالت
جميله :-بابا بقولك هاخد كريم بعد الفطار وهروح الشقه بتاعتى النقاش بهدل الأرض وتامر رايح وانا قولتله هنيجى أنا وكريم نساعده
بصلها بضيق وقال
كريم :-وانا مالى ايه اللى يودينى أنا ما تخدى اخوكى رامى ولا روحى لوحدك ما هو كاتب كتابك يعنى جوزك
رد ابوه عليه بغضب وقال
-فين رجولتلك انت ازاى عايز اختك تروح الشقه لوحدها حتى لو كاتب كتابها هو لسه فى مقام خطيبها ومينفعش يتقفل عليهم باب واحد أفطر وروح معاها
نفخ بغضب وقال
كريم :-طيب تاخد اخوها رامى اشمعنا أنا يعنى
ردت عليه وقالت
جميله :-انت عارف رامى بيحب يقعد على القهوه بعد الفطار إنما أنت بتبقى فاضى
اتكلم بضيق وقال
كريم :-وانا صاحى من بدرى لشغل وكنت ناوى افطر وانام شويه
اتكلمت بصوت هادى وقالت
جميله :-مش هنتأخر خالص والله هنعمل الأرض بسرعه ونيجى بدرى ونام براحتك
بصلها بغيظ وقال
كريم :-ماشى يا جميله ده احنا هنرتاح منك لما تتجوزى
واكلوا الفطار بتاعهم وخلصوا ولمة جميله الاطباق وسابتها فى الحوض ودخلت اوضتها جهزت وخبطت على باب اوضة كريم وقالت
جميله :-خلصت ولا لسه يا كيمو
فتح الباب بغيظ وقال
كريم :-خلصت يا اختى اتفضلى امشى
ونزلوا الاتنين تحت بصتله وقالت
جميله :-استنا هخبط على شهد واعرفها أن نازله
بص الاتجاه التانى وقال
كريم :-طيب اخلصى
خبطت على الباب وفتحت ليها شهد وبصت لكريم وبعدين بصت لجميله وقالت بأستغراب
شهد :-انتوا رايحين فين كده
ردت عليها وقالت
جميله :-رايحه الشقه عندى ومش هنعرف نصلى التروايح النهارده بقى علشان كريم مستعجل وعايز يرجع ينام
بصتله بغيظ وقالت
شهد:-وانا برضه مش هقدر انزل اصلى التروايح اصل ام العريس هتيجى بعد التروايح على طول
بصلها بغيظ وقال
كريم :-ان شاءالله هيطلع قرد وتدبسي فيه
وبص لجميله وقال
-اخلصى يلا وامشى
ضحكت على طريقتهم هما الاتنين وبصت لشهد وقالت
جميله :-هروح أنا ولما ارجع هجى عليكى علشان اعرف ايه حصل سلام
بصلها بغيظ وقال بسخريه
كريم :-ادخلى يا عروسه احسن ما تستهوى
ونزل وسابهم
ردت عليه بغيظ وقالت
شهد :-يارب تقع وانت نازل
وقع على السلم وقام بسرعه وقال
كريم :-يارب تعضى لسانك يا معصعصه
ضحكت بصوت عالى وقالت
جميله :-مش قادره هموت منكم انتوا الاتنين فظاع
ونزلت تجرى وراه كريم وراحوا على الشقه .
.......................................
يتبع...
لقراءة الفصل الثالث اضغط على : ( رواية يوميات رمضانية الفصل الثالث )
لقراءة باقي الفصول اضغط على : ( رواية يوميات رمضانية )