رواية عشق الأمجد الحلقة الثانية 2 بقلم شهد القاضي
رواية عشق الأمجد الجزء الثاني 2 بقلم شهد القاضي
رواية عشق الأمجد البارت الثاني 2 بقلم شهد القاضي
 |
| رواية عشق الأمجد الفصل الثاني 2 بقلم شهد القاضي |
رواية عشق الأمجد الفصل الثاني 2 بقلم شهد القاضي
كان أمجد يستعد للسفر،وكانت عائشة تساعده في تجهيز أغراضه بحزن شديد ولكنها لم تبين ذلك..
أمجد= حطيلي القميص الاسود وجاكت البدلة الأسود في الشنطه مع الهدوم.
عائشة في نفسها،،إشمعنا دول ال عايزاهم..؟
عائشه محاولة إستدراكه فالحديث-بس انا غسلتهم ،هحطلك القميص الرصاصي والجاكت الچينز
أمجد ببنرفزة خفيفة= ليييه هو انا كنت لبستهم؟؟ الشغل محتاج لبس معين اعمل اي دلوقتي..؟
عائشه-شغل اي إن شاءالله ال عايز تلبس فيه القميص الاسود وجاكت البدلة الأسود ؟؟ رايح تخطب ولا رايح تشتغل يا استاذ أمجد؟
أمجد وقد فهم ما يدور في خاطرها= ده كلام برضو ،رايح اخطب طبعا ،ثم ضحك ضحكه خفيفه
عائشه بنرفزة= إعملها يا إبن أم أمجد ،عشان أخليها ليلة دفنك انت وهي ،،قال يخطب قال شوف نفسك فالمراية إنت ضفدع يبني ،،ثم ذهبت وظلت تحدث نفسها بدون كلام مفهوم
إبتسم أمجد علي تصرفاتها فهو يحبها كثيرًا ،ويعلم أنها تغار عليه وبشدة،حتي الآن لم يكن لديهم اطفال لأن عائشه تعاني من مشاكل صحية ولن تستطيع الانجاب،ومع ذلك لم يتركها لسبب كهذا ،دائما ما يفكر أمجد أنه سعيد بوجودها لا يهمه إذا أنجب أم لا،حتي أنه لم يكترث لكلام أخته التي دائما ما تحاول التفرقة بينهما..فاق من شروده عندما وجد طبقا يقع في حوض المطبخ ثم توجه الي المطبخ..
أمجد=وذنبه إي الطبق يمفترية ،عمو كرم ال فالدور الاول سمع الصوت من الخامس
عائشه بابتسامة صفراء-خليك فحالك وروح شوف القميص الفحلقي بتاعك.
أمجد بتكبر=طبعا هشوفه الشغل مش هيمشي غير بيه ثم غمز وذهب..
عائشه بصوت عال- أيوا أيوا خد الدولاب معاك وانت ماشي،عشان السنيورة تنقي ال يعجبها،كتكوا القرف انتوا الاتنين ضفدع وحرباية.
كان أدهم قد إنتهي من جمع أغراضه،وكانت عائشه تنظر له بحزن شديد ،إقترب منها أمجد مقبل يديها وقال..
أمجد=متزعليش بقي كلها أسبوع وهكلمك كل يوم
عائشه-مش زعلانة علفكرا
أمجد= اه مش زعلانة اه
عائشة- هروح اقعد عند امي وابن خالي جاي من السفر
قالت ذلك محاولة إستفزازه
أمجد ببرود=اممم ابن خالك قلتيلي،يمين بالله لو عرفت إنك قعدتي معاها هقصلك لسانك الطويل ده
عائشه بابتسامة صفراء- هششش،خليك فحالك
أمجد=حاضر حاضر هنشوف الموضوع ده لما ارجع
ثم رن هاتفه ليعلن وصل تيم الشغل لكي يذهبوا الي المطار
أمجد=يلا انا همشي بقي،خلي بالك من نفسك ولو حصل اي حاجة كلميني ،وكلي كويس،وانا كلمت اخويا يوصلك الصبح عند مامتك عشان متروحيش لوحدك .
عائشه-إن شاء الله،ثم قامت بإحتضانه وهو الاخر قام بإحتضانها ليطفئ حزنه علي تركها وذهابه.
ثم ودعها وذهب.
في المساء////
كانت عائشه تجلس تشاهد التلفاز ولكنها كانت تفكر في أمجد هل وصل أم ماذا؟ لقد مرت ثلاث ساعات منذ ذهابه! تحاول الاتصال بيه ولكن هاتفه مغلق،،ظلت مكانها حتي غفت ونامت..
في الصباح////
فاقت علي صوت رنين الهاتف ،نظرت فالساعه وجدتها ال8صباحا أمسكت هاتفها وجدت المتصل أخ زوجها،،فتحت الاتصال ثم تحدثت
عائشه-السلام عليكم
مصطفي-وعليكم السلام،عائشه أنا أمجد كلمني عشان اوصلك لاهلك النهاردة وانا خمس دقايق وهتحرك من البيت يعني بالكتير هكون عندك كمان نص ساعه جهزتي ؟؟
عائشه-اه هجهز عقبال ما تيجي،معلش ي مصطفي تعبتك معايا
مصطفى -متقوليش كده انتي اختي الكبيرة،بعدين امجد موصيني عليكي برضو،لو ترف اني موصلتكيش هيعلقني ،،يرضيكي أتعلق؟
عائشه بضحك-لا طبعاا انا هجهز في ثانيه الا ثانيه
مصطفى بضحك-طيب يلا اسيبك تجهزي سلام.
قامت عائشة وجهزت ثم ذهبت مع مصطفي الي بيت اهلها وذهب مصطفي بعد أن القي السلام علي اهلها
كانت الساعه ال11 ولم يرد أمجد علي الاتصال حتي الان،بدأ القلق يغيم علي عقلها وقلبها ولكن تفاجئت بإتصاله..
عائشه-هو ده ال هتكلمني كل يوم
أمجد بصوت شبه نائم= هي دي كلمة وحشتني عندك
عائشة -انت تسكت مفروض متتكلمش
أمجد=حاضر مش هتكلم اهو ،إتكلمي إنتي
عائشه- مرنتش عليا لما وصلت ليه.
أمجد=ملحقتش لأن كان لازم نخلص شوية إجراءات وعقبال ما وصلنا البيت وكده وكنت تعبان ف نمت ولسه صاحي وكلمتك اهو
عائشه-الاهتمام مش بيطلب اصلاا
أمجد=عندك حق أنا أسف ،وحشتيني علفكرا
عائشه-ماشي
أمجد=ماشي!! وبالنسبه لوحشتيني معدتش عليكي يعني
عائشه-لا معدتش
أمجد=اممم ماشي يستي خليكي مقموصه ،،هسميكي عائشه القموصه،،قوليلي مصطفي وصلك عند اهلك
عائشة -اه بقالي شوية عند اهلي.
امجد=حماتي سلميلي عليها وروان اختك
عائشة -ماشي يوصل
ظلوا يتحدثون كثيرًا ،ولم يخلو الحديث من مضايقات أمجد لها فهو يعشق مضايقتها كثيرة
أمجد=انا مفروض أقوم اجهز عشان انزل الشركة
عائشة - وهتخلص إمتي ع كده؟
أمجد=مش عارف ع حسب الشغل بقي يَـ لُبابة القلب
عائشه إبتسمت-ماشي رن عليا لما تخلص وتروح
أمجد=حاضر يلا سلام.
في المساء////
وجدت عائشه أم امجد تتصل بها إستغربت كثيرًا ،فهي لم تكلمها منذ مده بسبب أنها لا تستطيع أن تنجب.. ردت عائشه
عائشه-السلام عليكم
أم أمجد-عليكم السلام،،اخبارك إيه
عائشه-الحمدلله
أم أمجد -طبعا إنتي مستغربة اني برن عليكي وعايزة تعرفي ليه
عائشه- اكيد
أم أمجد-الكلام مش هينفع فالفون ،تعالي البيت نتكلم
عائشه-بس أنا عند أهلي مش هعرف أجي،وكمان لازم اكلم امجد اقوله كمان قبل ما اخرج
ام أمجد بسرعه -لا متعرفيش أمجد اني كلمتك او انك جاية عندي حاولي تخرجي ومش هتتاخري
عائشه بيأس-ماشي شوية واكون عندك..
يتبع...
لقراءة الفصل الثالث اضغط على : ( رواية عشق الأمجد الفصل الثالث )
لقراءة باقي الفصول اضغط على : ( رواية عشق الأمجد )