رواية يوم خطوبته الحلقة الثانية 2 بقلم سلمى أشرف
رواية يوم خطوبته الجزء الثاني 2 بقلم سلمى أشرف
رواية يوم خطوبته البارت الثاني 2 بقلم سلمى أشرف
 |
| رواية يوم خطوبته الفصل الثاني 2 بقلم سلمى أشرف |
رواية يوم خطوبته الفصل الثاني 2 بقلم سلمى أشرف
مرام : المرة دي رفضتي العريس لي ؟
سارة بزهق : مش مناسب 🖤
مرام : اي عيبه ؟ سارة انتي مقفولة من وقت ما انفصلتي عن محمد واتغيرتي مبقتيش تحكيلي زي الاول وكلامك قل معايا حتي مامتك سألتني كذا مرة اي اللي مغيرك كده ! قولتلها هتكلم معاكي ليه غيرتي معاملتك مع كل اللي حواليكي ؟
سارة ببرود : شوية وهبقي كويسة 🥀
مرام بعصبية : اي البرود اللي انتي فيه ده ؟ هو انتي اول والا اخر وحده تنفصل عن خطيبها ؟ وياريته يستاهل زعلك عليه بالشكل ده .
سارة بزعيق : أيوة يستاهل اللي بينا كان يستاهل اني ازعل كده .. محمد اول واحد احبه ف حياتي عشت معاه كل حاجة كان نفسي اعملها بتفاصيلها لما جيت اتعلم الاسكيت كان معايا .. اي موقف صعب كان بيبقي معايا .. اي معرض للكتب والروايات بروحه بيبقي معايا شاركني كل حاجة .. ودلوقتي مش عارفة اعمل اي حاجة عشان هو مشي خلاص ومش هيشاركني حاجة تاني أنا موجوعة منه بس بحبه وعايزه ارجعله لكن مبقاش ينفع كله الا كرامتي وثقتي فيه اتهزت هثق فيه تاني ازاي ؟ مش قادرة اتأقلم علي غيابه أنا تعبت .
مرام حضنتها وسارة بتعيط بحرقة .
مرام : اهدي ي سارة أنا عندي حل
سارة بانتباه : حل اي ؟
مرام : ما تيجي تتكلمي مع بابا يعني بما انه دكتور نفسي هيقدر يفهم مشكلتك ويساعدك أنا عارفة انك كويسة قصدي يعني تاخدي بنصيحته
سارة بتفكير : ماشي
مرام مسحتلها دموعها وطبطبت عليها 🖤
مرام : طيب هو كمان ساعتين وهيكون ف البيت تعالي روحي معايا ناكل ونشرب حاجة لحد ما ييجي
.
فؤاد : خير ي بنتي احكيلي في أي ؟
سارة بتوتر حكتله عن علاقتها بمحمد بداية من اول ما عرفته لحد ما اتخطبو وحصل اللي حصل وانفصلو .
فؤاد : عايز اسالك سؤال الاول انتي بتلغطي صح ! يعني اكيد مش كل حاجة بتعمليها صح ف حياتك
سارة : أيوة
فؤاد : رد فعل الناس اي منك لما بتغلطي ف حقهم ؟
سارة : اوقات بيخاصموني فترة ويرجعو يكلموني وأوقات بيتفهمو اللي انا عملته لما بعتذر .
فؤاد : كويس جدا حطي نفسك مكان اللي قدامك عشان تعرفي رد فعلك لو اتحطيتي ف نفس الموقف بمعني ؟ حطي نفسك مكان محمد اي كان هيبقي رد فعلك ؟
سارة : أنا عمري ما كنت هخ*ونه
فؤاد : وجبتي التأكيد ده منين ؟ ما انتي كان ممكن تعرفي واحد وتبقو صحاب ومتقوليش ل محمد ويعرف صدفة ساعتها كان ممكن يشك فيكي ! بس هل بقي لو وضحتيله سوء الفهم تتوقعي رد الفعل هيكون اي ؟
سارة بتذكر : افتكر أن في مرة محمد شافني بسلم علي واحد ف الشارع واحنا بنسكيت واتعصب عليا ولما سألني قولتله زميل من ايام الكلية عادي هو ادايق شوية بس بعد كده تفهم الموضوع وخلاص .
فؤاد : حلو اوي لي معملش زيك وشك فيكي وصدق كلامك؟
سارة : عشان هو عارفني كويس
فؤاد : طيب وانتي لي مش عارفاه كويس ؟
سارة باحراج : أنا عندي مشكلة ف حتى الثقة دي أنه لما حد يعمل حاجة ويخليني اشك فيه بفضل أشك طول الوقت حتي لو صادق مش بعرف اميز .
فؤاد : بصي ي سارة مش معني أنه غلط يبقي كفر ! ربنا _سبحانه وتعالي_ بيغفر ذنوبنا مهما كترت بس احنا نرجعله ونتوب بجد .. نيجي احنا مش قادرين نتقبل أخطاء بعض ! طب لي مفكرتيش أن محمد عرف غلطه ومحتاج يرجعلك ! ليه ديما تفكيرك سلبي طب ما تفكري أنها غلطه وعدت وأنه بيحبك بجد ومش هيكرر ده تاني ! لو فضلتي علي طريقة تفكيرك دي ي سارة هتخسري كتير اوي ف حياتك الخسارة مش هتقف علي محمد بس .. لا كده محدش هيعرف يتعامل معاكي وهيشوفو عيوبك اكتر من مميزاتك .. وزي ما انتي قولتي محمد ده شريك حياتك وصحبك قبل ما يكون خطيبك مش هتلاقي حد يحبك زيه وده واضح من كلامك عليه وأنك لسه بتحبيه صح ؟
سارة بلهفة : أنا بحبه وعارفة اني غلطانه من كتر شكي فيه بس كنت محتاجة اعرف اتعامل مع شكي ده ازاي عشان بعد كده ميسبنيش .. وبعدين ي دكتور محمد دلوقتي خاطب وانا مستحيل افرق بينهم حتي لو هي عرفت توقع بينا وتلعب عليه .
فؤاد بثقة : هيجيلك ي سارة لو ادتيله فرصة وواضح اوي أن علاقته بليلي مش هتستمر كتير المهم انتي تغيري طريقة تفكيرك دي شوية ولما تحسي أن الشك ممكن ياخدك لحظة شتتي انتباهك واعملي اي حاجة وعيدي حساباتك لو لاقيتي حاجة تستدعي الشك ماشي غير كده لا .. ومتاخديش الأمور علي قلبك اوي يعني لو شوفتيه واقف مع وحده افترضي حسن الظن واتكلمي معاه وهو اكيد مش هيكدب عليكي لو بيحبك وصريح معاكي .. ومتصدقيش اي حاجة تتقلك ولا اي حاجة تشوفيها فهمتي ؟
سارة بابتسامه : أنا كنت مغيبة عن حاجات كتير مكنتش شيفاها . بس ده مينفعش ان مش نا بس اللي غلطانه
فواد : محمد غلط بردو بس اديله فرصة وهو هيصلح كل حاجة أنا متأكد .
مرام قاعده بتسمع الحوار اللي داير بين بباها وسارة بخبث مسكت فونها وفتحت الواتساب وبعتت ل محمد ..
" بابا اتكلم مع سارة وهي اقتنعت بكلامه وعندها استعداد تديك فرصة تانية .. الدور عليك بقي مش هقولك تعمل اي "
.
ف الكافية
محمد كان قاعد مع ليلي وسرحان ف سارة وبيحاول يلاقي حل لكل العك اللي حصل ده
ليلي بزعق : محمد أنا بكلمك
محمد بضيق : في أي ي ليلي ؟
ليلي : كنت جايبني هنا لي ؟
محمد خلع دبلته وسابها علي الترابيزة وسحب الدبلة من أيدها وحطها جنب بتعته .
محمد : احنا مش هينفع نكمل سوا .
ليلي بغيظ : عشان ست سارة اللي رمتك صح ؟ وجاي دلوقتي رايحلها وفاكر أنها هتسامحك !
محمد بعصبية : كنت غبي لما فكرتك صحبتي وهتقفي جنبي عشان تساعديني اخلي سارة تبطل شك فيا بس كنت غلطان الدبلة دي كانت من حق سارة انتي جيتي بكل بجاحة خدتي حقها ..
ليلي ببرود مسكت كباية العصير بتشرب منها : محدش ضربك علي ايدك وقالك تعالالي
وصلته الماسدج فتحها وقراها وهو مبتسم
محمد بتنهيدة فرح بعد ما سحب الدبلتين وحطهم ف جيبه : هرجع لسارة ي ليلي عشان اصلح العك اللي انتي عملتيه وصدقيني طول ما جواكي الغل ده عمرك ما هتكسبي .
دفع الحساب وسابها ومشي وهي مسكت كباية العصير بغيظ وكسرتها والناس ف الكافية بيبصولها باستغراب ما بين حالة صمت سادت ف المكان .
يتبع...
لقراءة الفصل الثالث اضغط على : ( رواية يوم خطوبته الفصل الثالث )
لقراءة باقي الفصول اضغط على : ( رواية يوم خطوبته )