رواية يوم خطوبته الحلقة الأولى 1 بقلم سلمى أشرف
رواية يوم خطوبته الجزء الأول 1 بقلم سلمى أشرف
رواية يوم خطوبته البارت الأول 1 بقلم سلمى أشرف
 |
| رواية يوم خطوبته الفصل الأول 1 بقلم سلمى أشرف |
رواية يوم خطوبته الفصل الأول 1 بقلم سلمى أشرف
مسحت دموعها ووقفت قدام المرايا وابتسمت وقالت لنفسها أنه خلاص الموضوع منتهي وملوش لازمه تفكر فيه تاني .. لبست فستان سماوي وطرحه حمرا وهيلز وابتسمت بثقة ورنت علي مرام صحبتها ..
مرام : سرسورة جهزتي ي قمر ؟
سارة : اها ي حبيبتي هتعدي عليا ؟
مرام : أنا لسه بلبس لو انتي خلصتي عدي عليا
سارة : خلاص ماشي أنا جيالك
.
سارة : حازم أنا عايزة مفتاح عربيتك
حازم وهو بياكل الساندوتش اللي ف أيده : اممم وترجعيلي بيها خابطة حد صح؟
سارة بضحك : كانت مرة وعدت هات بقي
حازم : ما تيجي اوصلك بدل ما تخبطي حد تاني ؟
سارة : اممم ماشي وصلني لبيت مرام
حازم : استني اكل الساندوتش وهقوم
سارة ضربته ف كتفه : اتنيل قوم ي طفس يلا مش عايزة أتأخر
حازم بغيظ : اديني قايم ي برنسيسة قدام ياختي.
.
وصلت سارة ومرام القاعة اللي فيها الخطوبة .
سارة اتنفست بهدوء ومشيت هي ومرام ناحية ليلي.
سارة مدت أيدها : مبروك ي ليلي ربنا يتمملك علي خير
ليلي بفرحه : الله يبارك فيكي ي سارة نورتيني
ومرام باركت لليلي وبتتكلم معاها سارة بثقة وببرود مشيت خطوة ناحيته .
سارة بابتسامه : مبروك .
محمد بصدمه : الله يبارك فيكي .
سارة مشيت وقعدت علي تربيزة ومسكت فونها وبدأت تتصور سيلفي ومرام غلست عليها وحضنتنها من كتفها وبدأوا يتصورو سوا .
مرام : علي فكرة أنا عارفة أنك كنتي بتحبي محمد وهو كمان كان بيحبك بس اي اللي حصل وخلاه يروح يخطب ليلي ! اشمعنا ليلي يعني ملقاش غيرها .
سارة بثقة : محدش هيتأذي غيره وهتشوفي + مش عايزة اتكلم ف اسباب
مرام : خلاص لما تحبي تتكلمي احكيلي .. بس شكله اتصدم لما شافك
سارة : متخيلش اني هاجي .
مرام : هو عارف ان ليلي كانت صحبتك صح ؟
سارة : أيوة
مرام : مش عارفة حاسة أن الموضوع كبير عموما ي ستي ربنا يهني سعيد بسعيدة .
مرام : اه صح انتي سبتي حازم ف العربية بره ؟
سارة : لا قال لما ارن عليه هييجي ياخدنا
مرام بخبث : خليه ييجي
سارة باستغراب : هنمشي دلوقتي ؟
مرام بضحك : لا رني بس وخلي ييجي وانا هقولك لي بس اتأكدي أنه يقدر ييجي دلوقتي .
سارة : حاضر
.
حازم : خير ي سارة
سارة بضحك : عيزاك تحضر معايا الخطوبة يلا
حازم : ي بنتي مليش ف الدوشة دي
سارة : تعالي بس وهعملك اكل حلو لما اروح
حازم بضحك : اذا كان كده يلا
قام محمد يرقص سلو مع ليلي .
مرام : قوم ي حازم ارقص مع سارة
حازم وهو بيعدل قميصه : هي من غيري متعرفش ترقص اصلا
سارة بضحك : يارب متوقعنيش قوم
حازم سحب أيدها ووقف علي الاستيدج وبدأ يرقص سلو هو وسارة .
حازم وهو بيبص علي مرام اللي مندمجة ف فونها : مرام دي قمر اوي
سارة بضحك : اتلم بدل ما الوشك علي وشك
حازم : ي بت مش قصدي معاكسة يعني هي بجد لطيفة وتتحب وجدعة كده يعني
سارة : امممم كانت بتقول عليك فرقع لوز
حازم بغيظ : اشمعنا
سارة بضحك : عشان ديما بتنطلنا لما برن عليها ونرغي
حازم بضحك : ما أنا كل ما اجي اطلب منك حاجة الاقيكي بترغي معاها هو انتو بتبطلو كلام اصلا .
محمد لاحظ أن ليلي بترقص مع واحد وبتضحك ( ميعرفش أنه اخوها ) .
ليلي : مالك ي محمد ؟
محمد بابتسامه : مليش تعالي نقعد
سارة : بقولك اي أنا جعانه ما تيجي تودينا مطعم ناكل
حازم : ماشي نادي مرام ويلا .
سارة بخبث : ما تدخل تناديها انت
حازم : بت بطلي سخافة ويلا
سارة :بضحك : طب متزقش
.
محمد : سارة استني
سارة بملل : خير
محمد : هو مين اللي جاي معاكي ده
سارة : ملكش دعوة وهنريحك وماشيين
محمد بلهفة : لا خليكي براحتك
سارة : شكرا والف مبروك عن اذنك
محمد مسك أيدها : سارة أنا مخنتكيش وعرفت ليلي بعد ما سبنا بعض ومكنتش اعرف انها صحبتك
سارة باستهزاء : اولا متمسكش ايدي كده تاني ثانيا بلاش كدب عشان أنا كنت حكيالك عن صحابي اللي ليلي منهم فمتعملش نفسك متعرفهاش .
ليلي بدلع : اي ي مودي بتعمل اي ؟
سارة : قابل ي مودي عن اذنكم.
محمد : في أي ي ليلي اي الطريقة دي ؟
ليلي : عايزني اشوفك واقف معاها واسكت ؟ عموما يلا اهي مشيت وريحتنا تعالي نرقص
محمد : يلا .
يتبع...
لقراءة الفصل الثاني اضغط على : ( رواية يوم خطوبته الفصل الثاني )
لقراءة باقي الفصول اضغط على : ( رواية يوم خطوبته )