رواية ليتها تكون لي الحلقة الأولى 1 بقلم دعاء أحمد
رواية ليتها تكون لي الجزء الأول 1 بقلم دعاء أحمد
رواية ليتها تكون لي البارت الأول 1 بقلم دعاء أحمد
 |
| رواية ليتها تكون لي الفصل الاول 1 بقلم دعاء أحمد |
رواية ليتها تكون لي الفصل الاول 1 بقلم دعاء أحمد
الاب؛
البحج ابن البجحين يعني أنا ارفضه اربع مرات يقوم يروح يصلي في الجامع و يدعي انه يتجوزها و يقول اسمها طب اعمل ايه انزل اجيبه من زمارة رقبته ابن....
الام:اهدي يا حج و صلي على النبي كدا و روق
الاب بزعيق:اه ي ايه دي فضحتنا بقت على كل لسان.... انا هنزل اجيب اخوها و نروحله نديله علقة موت نخليه يقول ان الله حق علشان يعقل و البت دي متنزلش من البيت
الام :و بدر ذنبها ايه يا خويا و لا هي اللي قالتله يعمل كدا
الاب بضيق؛ انا قلت كلمة تتنفذ يا سهير و انتي حرة و انا هنزل اشوف هعمل ايه مع ابن الخمورجي دا
سهير :ما توافق يا احمد وافق ياخويا الواد شكله بيحبها بجد و بعدين دا طلب ايدها مرة و اتنين و تلاته و انت مصمم انك متوفقش عليه... و الولد محترم و كل اهل الحتة شاهدين انه محترم
احمد بضيق و غضب:اتجوزها مين يا سهير هي هبت منك انتي عايزانى اجوز بنتي لابن سليمان الخمورجي دا ليه هو انا مش باقي على بنتي و لا ايه و لو أتقدم مية مرة هرفض برضو
سهير :طب بذمتك يا احمد لما سمعت صوته و هو بيدعي دا كأنه متشتحتف عليها
و بعدين ياسر محترم و لا يمكن ياذي البت في سمعتها ممكن يكون محدش باله ان مكبر الصوت شغال وبعدين الواد ابن حلال و كل اهل المنطقة بيحبوه و عارف ربنا و متدين و أمام للناس في الصلاة
هتعوز ايه اكتر من كدا علشان توافق عليه للبت
احمد بضيق :اعوز اني اطمن عليها يا سهير دا ابوه خمورجي و سوابق وش سجون و انا و اخوها مش موافقين
البت طيبة و على نيتها يا سهير و متقوليليش هي هتتجوزه هو و لا هتتجوزه اهله
سهير :بصراحه مش عارفه يا حج و مكدبش عليك البت من ساعة ما سمعته و هو بيدعي انها تكون من نصيبه و هي بتعيط
احمد بحدة:و دا ليه ان شاء الله هي البت اتكلمت معه قبل كدا؟ انطقي يا سهير
سهير:هي دي بتعرف تتكلم كلمتين على بعض مع صاحبها البنات في الشارع لما تقوم تكلم شاب بس الصراحة الواد حاله ىصعب على الكا"فر و سارة قلبها طيب
احمد اتنهد بحزن و قعد على الكرسي
=و الله مبقتش عارف يا سهير .... خايف أوافق عليه اجي اندم بسبب اهله و بعدين انا اب يا سهير و دي بنتي الوحيدة يا ناس حد يفهمني....
سهير بابتسامة:فهماك يا حج بس بالله عليك بلاش تعمل مشاكل احنا مش ناقصين
احمد:ماشي يا سهير لما اشوف اخرتها بس و الله العظيم لو حصلت تاني لاندم اهله بنات الناس مش لعبة.....
سهير:ربنا يهديك يا خويا انا هدخل اجهز الغداء زمان حسين علي وصول
في اوضة سارة
كانت قاعدة بعد ما سمعت كلام ابوها و امها حاسه بالتوتر و مش عارفة اعمل ايه
سارة لنفسها :بس بس بقا كفايا تفكير يارب ايه اللي بيحصل دا، طب انا هخرج للكلية ازاي دلوقتي.... ادعي عليه بيه بس يارب
استغفر الله العظيم
*******************
يتبع...
لقراءة الفصل الثاني اضغط على : ( رواية ليتها تكون لي الفصل الثاني )
لقراءة باقي الفصول اضغط على : ( رواية ليتها تكون لي )