رواية الورث الفصل الحادي عشر 11 بقلم رنا سليمان

رواية الورث الحلقة الحادية عشرة 11 بقلم رنا سليمان
رواية الورث الجزء الحادي عشر 11 بقلم رنا سليمان
رواية الورث البارت الحادي عشر 11 بقلم رنا سليمان
رواية الورث الفصل الحادي عشر 11 بقلم رنا سليمان

رواية الورث الفصل الحادي عشر 11 بقلم رنا سليمان

سيف:لسه عندك حاجه تقولها يا حاتم بيه بعد اللي شوفته واللي سمعته دا؟!
حاتم:انا مقتلتش حد……كل اللي حضرتك شوفته دا مش حقيقي…..كله كدب
سيف:انت لسه مصمم تنكر بعد اللي ورتهولك دا……مكلمتك انت والمجني عليه قبل الحادثه بيومين وانتو بتتخانقوا وانت بتحاول تهدده بالقتل…….دا غير تجارتك للمخدرات وشروعك في قتل نور الهواري……كل دا موجود بالصوت والصوره…….يعني مش هتقدر تخرج نفسك منها مهما عملت
فضل قاعد مكانه……جسمه بيترعش……بيهز راسه ب لا…….مكنش قادر يتكلم او يقول حاجة
سيف:لسه مصمم بردو ان كل دا كدب وان انسه داليدا بتكدب يا حاتم بيه
حاتم:انا مش هسكت…….والله العظيم م هسكت غير لما اندم اللي عمل كده واخليه يتمني الموت 
سيف:هو انت قادر علي تهمك علشان تلبس تهمه جديده يا حاتم……انت قاعد قدام ظابط شرطه في مكتبه بتقوله انك هتأذي شخص ومستني منه انه يسكت ولا انه يسقفلك مثلا!
خبط علي المكتب جامد…..بدا يتكلم بصوت عالي
سيف:انت لو فكرت مجرد تفكير انك تأذي اختك الانسه داليدا او اي حد تاني……انا اللي هخليك تتمني الموت ساعتها…….خده علي الحجز يا امين 
الامين:تحت امرك يا فندم
قاعده علي الرصيف……الدموع مغرقه وشها……مكانتش عارفه تعمل ايه ولا تروح لمين…..كانت عارفه انها غلطانه وانهم معاهم حق في اللي عملوه…..بس في نفس الوقت هي اعترفت بغلطتها……وحاولت انها تصلح الغلطه دي وراحت واعترفت علي اخوها……كان عندها امل صغير انهم يسامحوها او حتي يدوها فرصه تانيه علشان تصلح فيها غلطتها…….بصيت جمبها لقيته بيقرب عليها…….لفيت وشها الناحيه التانيه ومسحت دموعها…..قعد جمبها……بص قدامه وبدا يتكلم بهدوء
جمال:عجبك الحال اللي وصلتيه دا؟!
داليدا:وماله حالي…….انا كويسه اوي اهو……اخويا حاول يقتل اختي وقتل ابن عمي كمان…….كان بيهددني انه هيقتلني انا كمان……اختي محدش عارف هي فين وحتي لو رجعت مش هتبقي طايقه تبص في وشي……ابويا عمره ما فكر يسأل علينا حتي واختي في المستشفى مجاش حتي يسأل عنها…….اهلي اللي مبقاش ليا غيرهم دلوقتي لما روحتلهم علشان يقفوا جمبي ويساعدوني طردوني وبقيت في الشارع……دا انا حتي معيش فلوس اروح اقعد في فندق يوم واحد……تخيل ان حفيده عبد الرحيم الهواري هتنام في الشارع علشان مش لاقيه مكان تقعد فيه
جمال:انتي غلطتي يا داليدا……وغلطتي غلطه كبيره كمان
داليدا:كل الناس بتغلط يا جمال……مفيش حد مبيغلطش……اخوك واخويا غلطانين زيي واكتر……وانا اعترفت بغلطتي……المفروض انكم تسامحوني او تدوني فرصه تانيه حتي
جمال:نور الوحيده اللي تقدر تسامحك يا داليدا وتديكي فرصه تانيه او متسامحكيش……دا قرارها هي مش قرارنا احنا
داليدا:وانا هفضل في الشارع لحد ما نور ترجع ونشوف اذا كانت هتسامحني ولا لا ؟!
جمال:هتفضلي طول عمرك مبتفكريش غير في نفسك……بدل ما تفكري في اختك وتفكري هي راحت فين وهي كويسه ولا لا اصلا بتفكري في نفسك وبس……علي العموم دي مفاتيح شقتي……انا كده كده مبقيتش بروحها خالص……روحي اقعدها فيها واقفلي علي نفسك كويس…….محدش عارف ايه اللي ممكن يحصل تاني ……..الورقه دي فيها العنوان بتاع البيت
فتح ايديها……حط المفاتيح والورقه في ايديها…..قفل ايديها تاني……سابها ومشي……فضلت باصه عليه لحد ما مشي……فتحت ايديها وبصيت علي المفاتيح……اتنهدت وقامت من مكانها
نور:انتي عرفتي مكاني منين……وجايه هنا تعملي ايه 
مريم:بصراحه انا عرفت انك من عيله كبيره وغنيه اوي……ورقبتك لحد ما جيتي هنا…….وبصراحه بقي انا النص مليون جنيه اللي كتبتيلي بيهم شيك دول قليلين اوي علي واحده زيك انها تدفعها تمن لسكوتي دا
نور:بمعني؟!
مريم:بمعني اني عايزه ٢ مليون جنيه علشان اسكت ومقولش لحد من اهلك علي مكانك وساعتها الاتنين مليون هيبقوا ٥ مليون وهيعرفوا مكانك واللي انتي خايفه منه لما يعرفوا مكانك ويجوا لحد عندك هنا هيحصل
نور:تمام……عارفه عنوان القصر ولا اقولهولك؟!
مريم:انتي مش خايفه اني اروح واقول لعيلتك
نور:واخاف ليه……روحي وقولي اللي عندك…….ساعتها هتخسري كل حاجه لان كل حاجه مكتوبه ب اسمي انا ولو روحتي وعرفتيهم علي مكاني مش هتاخدي اللي انتي عايزاه لانهم اساسا مش معاهم المبلغ اللي انتي عايزاه دا من اصله…….لو عايزه تروحي تقوليلهم علي مكاني اتفضل مش همنعك…….وكده كده انا طيارتي كمان ٧ ساعات ومحدش هيقدر يوصلي بعد كده ولا هما ولا حتي غيرهم
قامت وقفت وراحت ناحيه الاوضه……..اتكلمت وهي ماشيه 
نور:متنسيش تقفلي الباب وراكي وانتي ماشيه
قاعده في اوضتها رايحه جايه بقلق……الباب اتفتح ولقيتها واقفه علي الباب
رحمه:ممكن ادخل 
علياء:اتفضلي يا داده
دخلت قعدت علي السرير……قعدت جمبها
رحمه:علياء هو انتي عرفتي منين ان كريم كان ليه يد في اللي حصل دا 
علياء:من…….من نور يا داده
رحمه:نور؟!……انتي شوفتي نور فين يا علياء……وهي فين اصلا
علياء:نور اللي انقذتني من اللي كانوا خاطفني يا داده…..وقالتلي اديكي الجواب دا ومقولش لحد اني شوفتها……حاولت اني اتكلم معاها بس هي رفضت وسابتني ومشيت…….فضولي خلاني افتح الجواب واعرف اللي مكتوب فيه…….طلعت كتبالك عن اللي حصل يوم الحادثه في الجواب وبتقولك ان القرار في ايدك انتي……اسفه اني فتحت الجواب بس انا كنت قلقانه عليها وانا عارفه انها هتقولك انتي كل حاجه
رحمه:طيب هي كويسه مش كده
علياء:كان باين عليها انها كويسه بس لازم تقنعيها انها ترجع البيت يا داده علشان تبقي جمبنا ونطمن عليها اكتر……هي اكيد هتكلمك علشان تطمنك عنها…….حاولي تقنعيها انها ترجع يا داده
رحمه:ان شاء الله يا علياء…….ان شاء الله 
سابتها وخرجت من الاوضه
نور:كل دا تأخير
جمال:كنت مع اختك…….بحاول اساعدها
نور:جيبت اللي قولتلك عليه
جمال:اتفضلي…….حاجتك كلها في الشنطه دي……بس اللي انتي عايزه تعمليه دا غلط يا نور
نور:انا مش جايباك هنا علشان اخد رايك في اللي بعمله…….انا كنت عايزه منك خدمه وشكرا انك عملتهالي
جمال:اللي انتي بتعملي دا اسمه هروب يا نور…….بدل ما تواجهي مشاكلك هتهربي ليه؟!
نور:مش دا اللي انتو عايزينه؟!…….اديني سايبالكم كل حاجة وهمشي ومش هتعرفوا مكاني…….عايزاكم تفرحوا وتعيشوا حياتكم زي ما انتو عايزين……انا هسافر وهبدا حياه جديده مفيهاش خيانه وخداع وطمع زي حياتكم ……انا خلاص مبقتش عايزه اعرف حد فيكم تاني واللي هيفكر فيكم انه يدور عليا ولا يسافر ورايا انا هأذيه جامد…..ابعدوا عني وسبوني اكمل حياتي بقي……كفايه لحد كده
سابته وقامت……اخدت الشنطه اللي جبهالها…….خرجت من الكافيه بثقة وهي مقرره انها هتسافر ومفيش اي حاجه تمنعها من انها تبدا حياتها الجديده بعيده عنهم
يتبع...
لقراءة الفصل الثاني عشر اضغط على : ( رواية الورث الفصل الثاني عشر )
لقراءة باقي الفصول اضغط على : ( رواية الورث )
تعليقات



حجم الخط
+
16
-
تباعد السطور
+
2
-