رواية كريمة يونس الفصل الثالث 3 بقلم كريمة حمادة

رواية كريمة يونس الحلقة الثالثة 3 بقلم كريمة حمادة

رواية كريمة يونس الجزء الثالث 3 بقلم كريمة حمادة

رواية كريمة يونس البارت الثالث 3 بقلم كريمة حمادة

رواية كريمة يونس الفصل الثالث 3 بقلم كريمة حمادة

رواية كريمة يونس الفصل الثالث 3 بقلم كريمة حمادة

كل اللى فى القاعة كانوا مصدومين جدا من اللى لبساه كريمة ومحدش كان متوقع أنها تلبس كدا،اما يونس فكان حاسس أنه بيحلم احلام العصر ومقدرش يصحى منه 

   كريمة كانت ماشية بثقة عمياء اوى بس من جواها كانت خايفة من ردة فعل أهلها لأنهم اكيد هيتخانقوا معاها،اصل مين المجنو.نة اللى تلبس فستان سواريه من الستان اسود وعليه خمار اسود يوم خطوبتها،وصلت كريمة ووقفت جنب يونس وهى بصاله بلامبلاه وخبث..

كريمة بخبث:عجبك الفستان؟

يونس؟؟؟

كريمة:مبتردش ليه 

يونس اتنهد بعمق وهو بيحاول يهدى نفسه أنه ميتعصبش ويخر.ب الليلة كد ما هى خر.بانة 

والدة كريمة همستلها فى ودنها وهى جنبها:ايه اللى انتى لبساه دا فى عروسة تلبس اللون دا حرام عليكى هتمو.تينى 

كريمة:اهدى يا ماما لسة الحفلة مبدأتش...وبعدين قربت من يونس شوية وهمستله أنها رايحة حمام القاعة وجاية بسرعة  وشاورت لاسماء خدتها ومشيوا وهو ملحقش يرد عليها 

/هى راحت فين يا بنى 

يونس بشرود:دلوقتى نعرف لما تيجى 

الناس ابتدت تزهق وتتكلم عدى نص ساعة لغاية ما كلهم سمعوا صوت صفير جاى من شاب واقف وقال:أيوة يا كريمة يا جامد 

يونس غمض عيونه بعصبية مكبوتة واتملك منه شعور غريب ملهوش تفسير..فتح عيونه وبص ناحية الشاب اللى باصص عليها والمرادى اتصدم جامد جامد لما لقى كريمة جاية وهى لابسة فستان من اللون الزيتى الغامق وعليه خمار بيج ومحطاش ميكب تقيل كأنها محطتش حاجة..

يونس فى نفسه:شكلنا كدا هنقع بدرى والعلاقة دى هتكمل

كريمة بعد ما وقفت جنب يونس:انا اسفة يا جماعة على اللى حصل من شوية...بس أنا حبيت اعمل شو جديد اصل فى حد قالى انتى مبتعرفيش تلبسى فساتين حتى لو لبستى اسود هتبقى مش حلوة فأنا جربته بقى بس لقيتكم كلكم مصدومين قولت اكيد مش عاجبكم وانا كنت عاملة احتيطاتى وجايبة فستان تانى وهو اللى أنا لبساه دا 

/لا لا الفستان كان جميل اوى عليكى 

:أيوة كان شكلك مختلف جدا كانك أميرة كدا 

رد شاب مش عارفين تبع انهى عيلة وهو باصصلها بهيام كدا:لا لا أميرة ايه دى ملكة...ملكة متوجة على عرش الجمال لوحدها وبس 

يونس اتعصب جدا وحس بالغيرة اوى وكان هيضربه بس مسكته فاطمة أخته كانت واقفة جنبه 

والدة يونس:خلاص حصل خير يلا نلبس الدبل 

كريمة قربت من يونس وفرق الطول مكانش كبير اوى بينهم وهمستله:بعرف البس كدا وبعرف البس كدا متحاولش تتحدانى يا حضرة الظابط عشان انت متعرفنيش كويس...وبعدت وابتسمت بثقة

أما هو فغمض عيونه وابتسم وهز راسه بمعنى لا فائدة 

كريمة طلبت أن والدته هى اللى تلبسها الدبلة وكذلك الأمر من والدة كريمة تلبس يونس،كانت الحفلة من غير اغانى ولا اختلاط فكانت هادية وحلوة..وخلصت الحفلة وكلوا رجع لبيته..

_______________& 

_كسفتينا قدام الناس فى واحدة عاقلة تعمل كدا 

:امى بالله عليكى خلاص الحفلة خلصت على كدا لا العريس طار ولا حصلت حاجة وبعدين ماله يعنى اللون الاسود ها دا شياكة دا 

والدتها مسكتها من ودانها :شياكة؟واحدة يوم خطوبتها تلبس اسود يابت 

كريمة بتحاول تفلت منها و:يا ماما اه ودانى سبينى وهفهمك 

_اهو سبتك اهو اتفضلى فهمينى 

:هو انا يعنى فضلت بالفستان الحفلة كلها ما غيرته ولبست فستان تانى 

_ليه بسلامتها كانت عايزة تفضل بيه الحفلة كلها 

كريمة ببرود:اه عادى بتحصل كتير

_ما تتكلم يا حج ساكت ليه عجباك عمايل بنتك يعنى 

/انا لو اتكلمت كلامى مش هيعجبها وهى عرفانى انا بتصرف ازاى

كريمة بضحك:خلاص بقى يا جماعة والله كان شكلى قمورة وكيوت كدا ولا ايه.. 

_________&

فاطمة بضحك:مش قادرة هههههههه فظيعة والله هههههههه. شفتى يا ماما طب والله كان شكلها جميل اوى اوى 

/يابت اسكتى اخوكى لو سمعك مش هيعدى الليلة دى دا هو على آخره اصلا 

فاطمة بمكر:بس عارفة يا ماما حاسة يونس مش متعصب عشان الفستان لا عشان المعاكس.ات اللى خدتها كريمة 

/أيوة يابت مش عارفه الولد دا تبع مين بس تقريبا مش تبعنا ولا تبعهم دا يونس فضل باصص عليه وعينه بتطلع شرار كدا 

فاطمة:تفتكرى يونس حبها خلاص 

/لا هو لسة فى البداية ابتدى يعجب بيها ويغير عليها شوية وشوية وشوية الحب هيطرق بابه...وضحكوا بصوت واطى 

أما يونس فكان بيلعب ملاكمة فى اوضة التدريب وصوت الشاب بيتردد حواليه وهو بيمدح كريمة،وقف فجأة وهو ماسك كيس الملاكمة وبياخد نفسه بالعافية وبيفتكر شكلها الجذاب والمميز وطلتها الساحرة وقلبه عمال يدق جامد 

يونس:شكل السنة هتخلص وهى مراتى.

...بتعدى الايام والشهور والفرح بيقرب...يونس وكريمة اتقابلوا كتير وكل مرة بيتخانقوا لسبب تافه وكريمة ابتدت تلاحظ أنه بيغير وبيتعصب كتير لما تفكره بالاتفاق اللى بينهم،الفرح فاضل عليه شهر واحد والمدة تنتهى ويا إما هيكملوا أو..

فاطمة ومحمد كتبوا كتب الكتاب قبل الفرح بشهر والعيلتين متجمعين فى بيت يونس وكانوا مزينين الجنينة بشكل جميل جدا،كريمة كانت بتتصور مع البنات وبيهزروا ومرة تقعد مع شباب العيلة والبنات(اقصد كلهم يعنى مش شباب بس)  يضحكوا ويتصورا ويونس باصص عليها ومدايق جدا 

بعد شوية كريمة قامت كانت داخلة جوة تعدل الخمار فلقيت حد بيشدها من أيدها ولقيته يونس 

كريمة بعصبية:انت اتجننت ازاى تمسكنى بالطريقة دى 

يونس بهدوء:عايز اتكلم معاكى 

:مفيش بينا كلام  لوحدنا ابدا  واصلا يعتبر المدة بتخلص خلاص كلها شهر وانت تكسب التحدى وتخلص منى. عن اذنك 

_انا رايح مأمورية ومش عارف إذا كنت هرجع منها ولا لا 

كريمة وقفت واتصدمت وقلبها عمال يدق جامد وخافت لفتله وعلامات القلق باينة على وشها وقالت:مأ..مأمورية ايه 

يونس قرب ووقف قصادها وقال وهو بصصلها بعمق:رايح اقبض على جم.اعة إرها..بية فى الجبل ودى هتكون من أصعب الماموريات اللى هطلعها حياتى يا هتكمل وربنا يكتبلى عمر جديد يا إما..

كريمة بخوف: يا إما ايه كمل 

يونس اتنهد بتعب وقال:كريمة انا طالع طالع المأمورية دى،بس انا هديكى اختيارين وهما يا انك تستنينى ارجع ونكمل يا ننهى العلاقة دى دلوقتى 

:وانت تروح ليه ها لا متروحش بص بص فاكس منها خالص 

يونس بضحك:هى رحلة هفاكس منها يا كريمة 

:طب طب انت عايز ايه؟عايز تكمل ولا ننهى

_تفتكرى لو انا عايز انهى هقولك ليه واديكى اختيارات مثلا 

:انا مش عارفة مش عارفه اقول ايه ادينى فرصة افكر 

_فرصة ايه انا ماشى الفجر 

كريمة اتملكها الخوف ودمعت وجريت من قدامه وطلعت برة ويونس افتكر أن هى مش عايزة تكمل وطلع وراها 

..يونس سلم عليهم كلهم وقالهم على المأمورية دى وعمال يبص على كريمة وبيتمنى تقوله أنها هتستناه بس مقالتش حاجة 

___________& 

كريمة بعياط وهى فى حضن اسماء:مقدرتش أقوله يا اسماء مقدرتش 

:يا حبيبتى اهدى بطلى عياط طيب 

_حبيته يا اسماء حبيته مش هقدر اتخيل أنه يروح ومياجيش تانى مش هقدر 

_طب اتصلى بيه وقوليله انك هتستانيه اديله امل أنه يرجع عشانك 

:تفتكرى لازم اعمل كدا 

اسماء مسحتلها دموعها وقالت:أيوة صدقينى هترتاحى وتريحيه

كريمة فكرت شوية وفعلا اتصلت بيه واستنت يرد 

عند يونس كان خلص تحضير شنطته وطالع خلاص وفونه رن..هو عارف أنه رقم كريمة لانه مسجله فرح جدا من جواه بس كان خايف تقوله منكملش ورد اخيرا 

:الو 

_السلام عليكم ورحمه الله وبركاته

:وعليكم السلام ورحمه الله وبركاته

_احم انا كريمة يا يونس 

:عارف 

_هو انت مسجل رقمى؟

يونس باستفزاز:اه 

_وتسجله ليه بقى ،استنى يبقى انت اللى كنت بتبعتلى رسايل غرامية 

:نعم ياختى رسايل ايه

كريمة ببراءة:مش انت 

:عايزة ايه يا كريمة متصلة تعصبينى يعنى قبل ما امشى

:بصراحة اه هههههه 

_الصبر يارب خير يا حبيبتى عايزة ايه 

كريمة اتصدمت من كلمة حبيبتى واتكسفت وقالت:حبك برص يلا..وقفلت فى وشه 

يونس بضحك:ياربى عليكى    فونه رن تانى 

:خير عايز امشى هتاخر 

_

:الو كريمة يابنتى 

كريمة قالت بسرعة:هستناك وترجع بالسلامة ولا اله الا الله. وقفلت 

يونس ارتاح اخيرا وفرح  وبص لاسمها فى الفون:  محمد رسول الله. هرجعلك مهما كان التمن..

يتبع...

لقراءة الفصل الرابع اضغط على : ( رواية كريمة يونس الفصل الرابع )

لقراءة باقي الفصول اضغط على : ( رواية كريمة يونس )

تعديل المقال