رواية اعادة تأهيل مؤقتة الجزء الثاني الفصل الثاني 2 بقلم زهرة عصام

رواية اعادة تأهيل مؤقتة الجزء الثاني الحلقة الثانية 2 بقلم زهرة عصام

رواية اعادة تأهيل مؤقتة الجزء الثاني الجزء الثاني 2 بقلم زهرة عصام

رواية اعادة تأهيل مؤقتة الجزء الثاني البارت الثاني 2 بقلم زهرة عصام

رواية اعادة تأهيل مؤقتة الجزء الثاني الفصل الثاني 2 بقلم زهرة عصام

رواية اعادة تأهيل مؤقتة الجزء الثاني الفصل الثاني 2 بقلم زهرة عصام

دولت قربت من أيمن اللي ماشي لا حول له ولا قوه و قالت بتمثيل:- 

أيمن

أيمن أخد باله من صوتها و بصلها بحدة و قال:- 

إنتي ليكي عين تيجي ورايا بعد اللي أمك عملته ؟ و مين عالم مش يمكن تكوني مشتركة معاها ؟ غوري من وشي مش عاوز أشوفك وشك تاني كفاية اللي حصلي من تحت راسك ، سبيني بقي سبيني ادور على ولادي و اخدهم في حضني من تاني 

دولت عيطت بتمثيل و قالت:- 

طب و أنا ؟ اية شلتني من حساباتك ؟ أنا إتغيرت و سبت أمي عشانك تقوم تعمل فيا كدا هو دا جزاتي إني حبيتك ؟ دا جزاتي إني قبلت اتخلي عن أمي عشانك ؟ 

أيمن بصلها بضيق و قال:- 

إنتي متخلتيش عن أمك يا دولت ، انتي كنتي بتخططي إنتي و هي من تحدت لـ تحت ، و بعدين إنتي اتخليتي عن أمك أكيد هيجي اليوم اللي تتخلي فيه عني ، ابعدي عن طريقي يا دولت سبيني يمكن اقدر ارمم اللي أنا كنت السبب فيه ، غبائي اللي ضيع بيتي ، مراتي اللي كانت تتحط على الجرح يطيب

بصلها جامد و كمل :- 

قتلتو.ها ليييه ، كانت عملت ليكوا اية ؟ دي سابت ليكم الحارة كلها و طفشت ، منكم لله يا كفره منكم لله

دولت قربت منه و حطت اديها على كتفه و قال:- 

أنا معملتش حاجة يا أيمن أنا كنت في البيت زي ما انت سايبني و بعدين لقيت البوليس جه اخدني ، أنا مهما كنت شريره أكيد مش هتوصل درجة شري للقـ ـتل يا أيمن أنا حامل 

أيمن برق و بصلها و هي كملت كلامها بخبث :- 

كنت مستنياك تيجي عشان أقولك إني حامل و هجيب ليك الواد اللي إنت بتحلم بيه ، معنديش مكان اروحه دلوقتي هتسبني تاني أرجع الكبارية ؟ و البيبي اللي جاي يتربي فيه ؟ 

طبطب على صدر.ها بحركة شعبية و قالت بمسكنة:- 

و النبي يا أيمن ردني و خدني أعيش خدامة تحت رجلك بس مش عاوزه إبني يتربي في الكبارية و يشوف أمه و هي بترقص و اللي رايح و اللي جاي بيبصلها بصات مش كويسة ، و اللي بيص على جسمي و بياكله بعنية

ميلت على ايده و باستها و هي بتقول:- 

أبوس إيدك ردني و أنا هكون خدامة ليك العمر كله ، و هندور على بناتك و هخدمهم بعنيا بس متتخلاش عني يا أيمن

أيمن سرح في كلامها و هي إبتسمت بخبث لكن سرعان ما أخفت ابتسامتها

أيمن مشي و الزهول على وشة بس قبل ما يمشي قالها تسبقه على البيت على ما يردها عند مأذون

دولت فرحت أوي و قالت في نفسها:- 

كدا الطريق بقي قدامي فاضي ، و أيمن هيبقي خاتم في صباعي ، حطت اديها على بطنها و قالت:- 

و لسة لما يجي الواد 

أيمن مشي و هو تاية مش عارف يعمل اية 

.......

عدت كام ساعة

كان وقتها نوح في أوضة عادية و تمارة قاعدة على كرسي جانبة و متركب ليها محلول

كمال كان واقف عند الباب و بيفتكر اللي حصل فع الوقت اللي فات

فلاش باك

الممرضه جت أخدت عينات منهم و جريت عشان توديها المعمل

الدكتور كل دقيقتين يخرج يستعجل المعمل في النتيجة لحد ما ظهرت و إتضح إن الاتنين متطابقين

كمال بصلهم و قال:-

أنا هدخل اتبرع بالد.م 

تمارة معجبهاش الكلام و قالت بعند:- 

إشمعنا إنت اللي تتبرع لا يا أستاذ أنا اللي هدخل اتبرع ليه بالدم هو انت أحسن مني وإلا تكونش أحسن مني ؟ 

كمال بصلها و قال بضيق:- 

آنسة تمارة والله ما وقته عناد في زفت بني آدم بيتنيل يمو.ت جوه 

تمارة عندت أكتر و أصرت إنها تتبرع لـ نوح بالدم 

الدكتور خرج للمرة الخامسة يطلب دم و كمال جه يدخل تمارة مسكت ايده و بصتله بغضب و جريت ورا الدكتور

بس قبل ما تدخل بصت لـ جودي و قالت ليها :- 

إقعدي مع لينا على ما أخرج

جودي هزت رأسها بايجاب و قالت بصوت منخفض:- 

تمام متقلقيش

تمارة دخلت أوضة العمليات لأنهم هيركبوا وصلة من درعها لـ دراع نوح علطول

بصت عليه و شهقت و الممرضة شافتها و قالت بحزم :- 

إنتي بتعملي إية تعالي معايا

نيمتها على السرير و شدت الستارة بينهم و تمارة بصه عليه و عيونها مدمعة

بمجرد ما الستارة فصلت بينهم بصت قدامها و دموعها نزلت في صمت 

الممرضة ركبت الوصلة و بدأ الدم يتنقل من جسـ ـم تمارة لـ جسـ ـم نوح 

نوح من وسط غيبوبته قال كلمة خلت عيون تمارة تلمع

نوح :- 

متسبنيش يا ذبادي أنا بحبك 

تمارة برقت من كلامة هي حست أنها بتتخيل و قررت تصرف نظر عن الموضوع لكن فجأة عنيها لمعت لما قال:- 

بحبك يا تمارة

و البسمة ظهرت على وشها 

.....

كمال واقف باصص في الأرض و سرحان فجأة لقي اللي حطت اديها على كتفه و شالتها بسرعة

بص عليها لقاها جودي فقال بخضة :- 

 في حاجة ؟ 

هزت رأسها بالنفي و قالت بصوت حاني:- 

لا مفيش أنا بس جيت أقف جنبك ، بص هو مش عارفه المفروض يتقال اية بس هو هيبقي كويس صدقني تمارة مش هتسمح يحصله حاجة أصلا

كمال إبتسم جواه لأنها أخيراً بدأت تتكلم معاه و قال :- 

و إنتي لية متأكدة إن تمارة تقدر تعمل كدا هي سوبر ومن و أنا مش عارف وإلا إية

جودي أخدت نفس و قالت:- 

لا مش سوبر ومن ولا حاجة كل الحكاية إن تمارة اعتبرت نوح واحد منا 

عقد حواجبه و بصلها بإستغراب و جودي كملت 

متستغربش هي فعلاً اعتبرته واحد مننا ، لهفتها عليه زي لهفتها علينا بالظبط ، مش عارفه هو بالنسبة ليها اية بالظبط بس هو حد مهم ليها و لينا كُلنا 

كمال لسة هيرد عليها بابتسامة لقي الباب اتفتح و تمارة خارجة منه بصت ليه بغضب و قالت:-

ما بتصدق تشوف البت لوحدها إنت اية يا أخي مش عاتق حد كدا ، اتلم بقي بدل والله في سماه ما عارفه أنا هعمل معاك اية 

كمال برطم و قال جوه:- 

أقسم بالله عيلة فصيلة و مش عارف نوح واقع فيها على اية ؟ 

عدي كام ساعة و تمارة بدأت تدوخ لكنها كانت بتكابر قعدت على كرسي و جوري قعدت جنبها و قالت:- 

إنتي كويسة

هزت رأسها بايجاب و قالت:- 

أيوة متقلقيش

نوح خرج أخيراً و دخل غرفة عادية و تمارة دخلت وراه لكن مقدرتش تقف فوقعت على الأرض و لكنها كانت بوعيها

الممرضه جريت عليها و قالت:- 

أكيد عشان الدم اللي اخدناه منها 

طلبت منها تروح معاها عشان تركب ليها محلول لكن تمارة رفضت فإطرت تركب ليها المحلول في أوضة نوح و جابت ليها كرسي مريح عشان تقعد عليه 

باااك

......

دولت رجعت البيت تاني و دخلت و هي بتقول:- 

أخيرا رجعت بيتي تاني و حدش هيقدر يخرجني منه ، أما إنتوا بقي يا ولاد فتحية فصبركم عليا أما عرفتكم مين دولي ميبقاش أنا ، هشغلكم خدامين عندي و كله على حس الواد 

حطت اديها على بطنها و قالت:- 

إنت كنزي في الحياة و مش هخسرك أبدا ، إنت اللي هتخلي أيمن خاتم في صباعي و يعمل اللي أنا عاوزاه

عدت كام ساعة و الليل دخل و مع دق الساعه ١٢ 

صوت صراخ ملئ المكان و الكل بقي يجري يدور مكان الصراخ دا فين 

آسفة إني تأخرت و بجد بعتذر بس دور البرد تقيل شويتين و حرفياً نايمة في السرير

يتبع...

لقراءة الفصل الثالث اضغط على : ( رواية اعادة تأهيل مؤقتة الجزء الثاني الفصل الثالث )

لقراءة الرواية كاملة اضغط على : ( رواية اعادة تأهيل مؤقتة الجزء الثاني )

تعديل المقال