رواية زوج للايجار الحلقة السابعة والعشرون 27 بقلم أميرة محمد
رواية زوج للايجار الجزء السابع والعشرون 27 بقلم أميرة محمد
رواية زوج للايجار البارت السابع والعشرون 27 بقلم أميرة محمد
 |
| رواية زوج للايجار الفصل السابع والعشرون 27 بقلم أميرة محمد |
رواية زوج للايجار الفصل السابع والعشرون 27 بقلم أميرة محمد
الياس بضيق : عدي يومين يا شروق من وقت ما كنا في الحديقه وانتي بالوضع ده مش علي بعضك في اي لا راضيه تقوليلي حصل اي ولا راضيه تتحركي من اوضتك
شروق بدموع : مفيش يا الياس الله قلتلك محصلش حاجه وبعدين انت مش رايح مشوارك روح هتتاخر ليمسح الاخر علي وجهه بتعب وهو يجلس بجانبها : ملاك فوق عند روجينا مبقتيش عايزه تشوفيها حتي ليه
لتنظر له الاخري بشرود وهي تقول : الياس هي لو نايا رجعت انت هتسيبني لينظر الاخر لها بأستغراب : تاني يا شروق اسمها مفيش يوم يعدي غير لما تقوليه انتي لو قاصده تفكريني بيها مش هتعملي كده بعدين اي خطر علي بالك
لترفع الاخري كتفيها ببرود : مفيش بس خطر علي بالي وحبيت اعرف دلوقتي ردك ليغمض الاخر عينيه بعصبيه وهو يقول : قلتلك بكرها عايزه اكتر من كده اي انا ونايا انتهينا الحاجه الوحيده اللي هتحصل لو رجعت اني هطلقها في اليوم اللي سافرت ومبصتش وراها حتي بعد مترجيتها هو نفس اليوم اللي ماتت بالنسبالي فيه
لتنظر له شروق بدموع وهي تقول : وده اللي مخوفني انك بتقول بتكرها يعني في مشاعر فقلبك ليها انا مش عايزه حتي مشاعر كره ليها لان وجود جزء فقلبك ليها يعني هيتحول لو رجعت
ليستقيم الاخر وهو ينظر لها بعدم تصديق : انتي مش معقوله بجد في اي معدش سيره غير نايا وبس حذرتك كذا مره صح ليه عايزه تبوظي حياتك بأيدك
لتقترب منه شروق وهي تحتضنه سريعا لتقول بدموع : والله مش قصدي انا بحبك يا الياس وخايفه حد غيري ياخدك مني لو رجعت واخترتها انا هموت فيها
ليحيط الاخر بها وهو يقول بضيق : نايا مش هترجع ولو رجعت هترجع عشان تنهي كل حاجه يبقي بلاش تخيلاتك دي وانا من ناحيتي كل حاجه منهيه بلاش تفكري فحاجه
لتومئ له الاخري وهي تبتعد عنه لتقول بأبتسامه : هتتأخر علي الحفله روح يلا لينظر لها الاخر وهو يمسح وجهه بضيق : معرفش ليه شادي مصر اني اروح معاه يعني نونيا عزمته هو ومؤمن عشان الشركه بتاعتهم يبقي ليه انا اروح
شروق وهي ترفع كتفيها بلا مبالاه: هو حاسس الفتره دي انك مش علي بعضك واكيد تعبت معايا فهو حابب ينسيك شويه حاول تستمتع وانا هطلع اخد ملاك عشان وحشتني
ليزفر الاخر بضيق وهو يومئ لها ليقبل راس الاخري وهو يرحل تحت نظراتها الشارده
______________
شادي بضيق : يبنتي جاي والله جاي معايا اتصل بيا وقالي انه بيلبس بس ليه مصره ان الياس بالظبط ييجي انتي عارفه انه لو عرف الحفله بتاعه مين هيعمل فيا اي
نونيا بضيق : اسمع يا شادي قدامكوا نص ساعه بالكتير وتكونوا هنا الياس مش معاك متجيش ولما تيجي هتعرف انا عايزاه ليه ومتعرفوش ان الحفله دي تبع مين
شادي بأستغراب : مهو كده كده هيعرف اي الفرق نونيا انتي مخبيه اي عني ناويه علي اي لتقول الاخر بلا مبالاه : متقلقش مش ناويه علي حاجه بس لما تيجي هتفهم كل حاجه
شادي بريبه : هي نايا هتحضر الحفله دي لتقول الاخري بأستعجال : شادي انا لسه بجهز نفسي وهعدي علي نونيا وكمان تمارا لسه هتيجي ودي معجزه من زمان محصلتش
شادي : ماشي ينونيا اتكلي علي الله بقي ليغلق بعدها وهو ينظر لالياس القادم امامه وهو يقول بضيق : كان لازم يعني سي زفت يحضر معاك بعدين فين مؤمن ها
شادي ببرود : معرفش هتلاقيه بيظبط نفسه مفكر انه فرحه ليستمعوا لصوت مؤمن المنزعج وهو يقول بضيق: يعني مؤمن المشكله ما سي حسام كمان مجاش
شادي وهو يركب السياره سريعا : حسام هيلحقنا لما يخلص شغل اركبوا يلا نونيا مصدعاني ليصعدوا الباقي وهم يرحلون سريعا لتلك الحفله الغامضه
________________
روجينا بأبتسامه : بقالنا كتير اوي مقعدناش سوا يا شروق مع اننا فبيت واحد للدرجادي مش عايزه تشوفيني
شروق بأبتسامه : انتي عارفه كل حاجه يا روجي وعارفه اني بتعب بسرعه فمبقتش بخرج لتنظر حولها وخي تقول بأستغراب: امال فين ملاك وآدم انتي سيباهم لوحدهم
روجينا : تعبوا من اللعب وناموا شويه ما بصدق انيم ادم الاقي ملاك قاعده فوق رأسه وتصحيه لتضحك الاخري وهي تقول بسعاده : مين كان يصدق ان حياتنا توصل لكده صحيح مش بالمنحني اللي خططناله بس وصلنا للي عايزينه
روجينا بتفكير : انتي وصلتي ويمكن للاسف بتدفعي تمن وصولك اما انا موصلتش ومحاولتش اوصل انتي اكتر واحده عارفه اللي حصل اي عشان نوصل لهنا
شروق بحزن وهي تومئ لها : عارفه انتي وحسام عانيتوا كتير اوي لتنظر لها روجينا وهي تتذكر ما حدث بعد سفر نايا
(Flash Back)
يجلس الاثنان وهم ينظرون لبعضهم البعض بضيق ليقول الاخر بعصبيه : وبعدين يا روجينا هنفضل كده لأمتي
لترفع الاخري كتفيها ببرود وهي تقول : انت اللي حكمت علي نفسك يا حسام قلتلك مش بحبك ومش بطيقك عايز بالعافيه تخليني معاك ليه
ليقف الاخر وهو يتوجه لها ليجلس أمامها وهو ينظر لها بتركيز: ليه يا روجينا بقالنا قد اي شهور علي الحال ده بحاول فيكي ومفيش فايده عملت المستحيل وقوف جمبك ووقف تفهم وفهمتك وقت وخدتي بدل الشهر شهور المفروض اعمل اكتر من كده اي
لتقف الاخري وهي تحرك يديها بعصبيه : انت ليه محسسني بتمن عليا مفكر انك توصلني كل يوم للجامعه وشويه التشجيع اياه هو هيخليني احبك انسي يا حسام خلاص بح مفيش فقلبي مكان لحبك من البدايه
ليمسك الاخر بها بعصبيه وهو يقول : اشمعنا ها ليه هو مش انا فهميني ليه لتنظر له الاخري بصدمه وهي تقول بتوتر : هو مين انت اتجننت يا حسام
حسام بعصبيه : مفكراني غبي مبفهمش عشان اعرف انك بتحبي شادي يا روجينا لتنظر له الاخري بصدمه وهي تقول : انت اتجننت بتقول اي
حسام وهو يسحب شعره للخلف بعصبيه : اللي سمعتيه انا مش غبي ولا عبيط عشان معرفش انك بتعشقي شادي من صغرنا كنت بشوفك وانتي بتقفي قدامه زي العيله الصغيره نظراتك اللي عمرك مبصتيلي بيها القلوب اللي بتطلع من عينك اول ما بتشوفيه ليه يا روجينا ليه
روجينا بصدمه : يعني انت كنت عارف ومع كده قبلت تتجوزني قبلت تقعد مع واحده بتحب صاحبك ها انطق
حسام بصراخ : ايوه قبلت قبلت عشان غبي وبحبك ومشوفتش غيرك من صغرنا غبي عشان قلت هديلك فرصه ومسيرها الايام تفهمك مين بيحبك بجد ومين لا بس انا تعبت تعبت بجد
روجينا وهي تحرك عينيها بتوتر حوله : يعني اي هتسيبني ليقترب منها حسام وهو يمسك بها بشده : انا مضحتش بكل ده عشان اسيبك انسي يا روجي هتحبيني حتي لو غصب عنك انا وانتي مفيش حاجه هتفرقنا غير الموت فاهمه
لتنظر له الاخري بدموع وهي تحتضنه بشده : انا كنت حاسه بالذنب اوي اني معاك وقلبي بيدق لغيرك ليه قبلت تخليني الخاينه وانا جمبك وببص لصاحبك ليه مقولتش انك عارف ليه
حسام وهو يحتضنها بحب : انتي مش خاينه محدش بيختار قلبه يدق لمين يا روجي وعارف مش سهل بس محدش هيحبك زيي ولا قدي وهعمل المستحيل عشان تحبيني بس حاولي تديني فرصه ممكن
لتنظر له الاخري بتفكير لثواني لتومئ بهدوء له ليبتسم الاخر وهو يحتضنها اكثر
(End Flash Back )
لتستيقظ الاخري من ذكرياتها علي تحريك شروق لتقول روجي بأبتسامه باهته : حسام اتعذب معايا اوي صحيح اديتله فرصه بس مقبلتش بيه بسهوله بس لو كنت اعرف اني هعشقه كده مكنتش ضيعت ثانيه واحده من غيره
شروق بأبتسامه : الصراحه محدش كان متوقع اللي عمله لما كنتي مفكره انك مش بتخلفي
روجينا وهي تومئ بهدوء: سنتين يا شروق عدي سنتين علي جوازنا مفيش خبر حمل واحد حقي اخاف اتوترت وكانت فتره صعبه اوي بس عدت وربنا رزقنا بأدم اثبتلي حسام الفتره دي ان محدش هيحبني قده كان شاريني حتي لو مفيش اولاد
لتنظر لها شروق وهي تومئ لها وتبتلع تلك الغصه المؤلمه في حلقها من ما يحدث في حياتها باختلاف صديقتها ماذا لو رات حياتها بعيد عه الياس ولم تفعل كل تلك الذنوب أكانت ستجد الحب والتمسك كذلك
___________________
تالي وهي تركض بسعاده : واااد يا مؤمن يا مز يخربيتك يا سارق قلبي اي يلا الطعامه دي يخربيت اهلك
مؤمن بصدمه وهو ينظر حوله : يخربيتك يا تالي لميتي علينا الناس اخرسي اي ده تربيه حواري مستحيل تكوني خريجه مدارس انترناشونال ابدا
تالي وهي تبتسم بسعاده وتمسك في يده : بيس يا معلم جوزي وانا حره فيه بعاكسه الله احسن ما تيجي غيري تعاكسه
ليقترب منها مؤمن وهو يضع يده علي راسها : مفيش حراره امال مالك لاسعه زياده ليه انتي شاربه حاجه لتومئ الاخري سريعا وهي تقول : ايوه عصير فراوله
مؤمن وهو يومئ بأقتناع : ايوه قولي كده اكيد الفراوله مغشوشه لتنظر له الاخري بضيق لتلمح الياس وشادي في الخلف لتتبدل ملامح وجهها سريعا للبرود
الياس بهدوء: ازيك يا تالي عامله اي لتنظر الاخري له ببرود وهي تقول : كويسه عن اذنكوا داخله اشوف نونيا جوه
لينظر لها الياس بضيق فهي ونونيا لا يجتمعون في مكان واحد معه إلا ليتجاهلوه وكأنه لم يوجد ليدفعه مؤمن بمرح حاول اصطناعه وهو يقول : يارب يكون عاملين اكل احسن الواحد هفتان اوي
شادي بسخريه : يكبد امك سايب بيتكوا وجاي هنا تأكل كفيت ووفيت والله ليقلب الاخر عينيه بملل وهو يقول: اش فهمك انت متعرفش اكل الشحاته ليه طعم تاني ازاي امشي امشي ملكوش في الطيب نصيب
ليدلفوا سريعا الي الحفله تحت نظرات الجميع ليحرك الياس عينيه ببرود في القاعه ليلمح يزن وهو يجلس بجانب تمارا وتالي ونونيا بجانبهم
الياس بهمس وعصبيه : انت جايبني حفله واحده معاهم وكنت عارف انهم هيحضروا ليقول الاخر بتوتر : اهدي يا الياس انا مكنتش اعرف والله ان يزن هيحضر
الياس وهو يتجه للخارج : انا ماشي مش ناقص قرف ليمسك به مؤمن سريعا وهو يقول : عارف لو مشيت دلوقتي هتبان ازاي مجرد واحد جبان خايف تواجهه فكل السنين دي مفيش مره اجتمعتوا وكنت بتهرب كفايه لغايه كده
لينظر له الياس بتفكير وهو يتجه للداخل معهم بضيق ليجلسوا بعيدا عنهم وتنضم لهم نونيا بعد فتره وهي تحاول الابتسام لهم
شادي وهو يقترب منها : مش مرتاح يا نونيا للي هيحصل الياس لو شاف عاصم هنا دلوقتي الدنيا هتتبهدل لتقول الاخري ببرود : ده مش حفله عاصم لوحده دي حفله شركتين صحيح عاصم هو اللي عاملها بس هي علي حسابنا كلنا
شادي وهو يضيق عينيها بريبه : لاخر مره هقولك مخبيه عليا حاجه يا نونيا لو اتفاجات بحاجه لا انا ولا انتي هنحب ده
نونيا بتوتر: خلاص بقي يا شادي عرفت وبعدين مسيرك تعرف انا مقدرش اقول حاليا بس شويه وهتعرف ليأتي صوت الميكرفون لتعود نونيا سريعا لطاولة يزن وتمارا
يزن بعصبيه وهو يضغط علي اسنانه : الزباله دي بيعمل اي هنا هي الحفلات هتلم ولا اي لتقول تمارا بغيظ : يزن حته يوم خارجين فيه مش حابين نقلبه لجنازه خلاص اتجاهله
نونيا ببرود: تمارا معاها حق اتجاهله كأنه مش موجود وهو كمان مش هيقرب منك لينظر لها الاخر بعصبيه وهو يزفر بضيق
ليستمع لصوت عاصم في الميكرفون وهو يقول : اهلا وسهلا بحضراتكوا واتشرفت بحضور الجميع لحفلتي المتواضعه اتمني الجميع يكون بخير ويستمتع بيها
لينظر الي نرمين الواقفه بجانبه بخبث وهو يلمح الياس جالس لينظر الياس به بصدمه ويتابع نظراته لشادي : انت جايبني حفله عاصم احلف بالله ان ده مش حلم وانك عملتها فيا
شادي بتوتر : الياس هي مش حفلته لوحده دي حفله شركتين وصحيح عاصم اللي عاملها بس تالي ونونيا ليهم فيها يعني كأنك بتحضر ليهم هما مش للحيوان ده
ليفتح الاخر فمه بعصبيه وهو ينوي الحديث ليقطع حديثه عاصم ونرمين وهم يتوجهوا لهم ليقول بخبث : اوووه شوفوا مين هنا الملياردير الياس صدمتني بحضورك اتوقعت كله ييجي ولا انت
الياس ببرود : فعلا الوقت بيصلح كله الا المايل شكله عندك بيتعوج اكتر نفس الوساخه سبحانه شكلها مختلفتش كتير
لينظر له الاخر بعصبيه وهو يهم بالحديث ليغلق الضوء فجاه تحت استغراب الجميع والهمهمات المرتفعه لتنطلق صوت من الميكرفون جعل الجميع يصمت ليستمع لذلك الصوت
: احب أرحب بالجميع في الحفله الوسخه دي زي صاحبها واتمني تكون ليله سوده علي دماغ الجميع اوبس سوري ملكوش ذنب برده اتمني تكون ليله سوده علي حساب عاصم بيه ونرمين هانم ولا اي
ليبدا الجميع البحث في كل اتجاه حول ذلك الصوت ولكن احدهم كان كأنه شل في محله ذلك الصوت صوتها هي لا يستطيع ابدا الاخفاق به ذلك الصوت الذي كان أكثر ما يعشق يتردد الان أيعقل انها هي
ليسلط الضوء في اتجاه معين لتظهر الاخري بذلك الفستان الأحمر الدموي بشق من الجانب يتماسك مع جسدها كسمفونيه شهيره عزفت خصيصا لأجلها وذلك الشعر الكستنائي الطويل المموج و عيونها التي تلمع بشده لا يعلم اهي تأثير الضوء او انها اكتسبتها مؤخرا
لتقترب نايا بهدوء وهي تمسح بعينيها الجميع وكأنها تبحث عن احد ما وسط ذهول البعض وصدمه الاخر وتيبس جسد الشخص الذي ما ان رأته لم تستطع رفع عينيها وكأنها شلت
نايا بتفكير : ياااه يا الياس كأني شفتك امبارح ومفيش اختلاف بينا كأنك نفسك ومفيش سنين مرت علينا البرود اللي علي وشك بيبين ان مش سهل اللي هعمله ولا سهل اكسبك تاني بس اتمني اللي هيحصل دلوقتي يردلك شويه من تعبك السنين اللي فاتت
لترفع عينيها بثقه وبرود وهي تلمح الصدمه في عيونهم لتقول بصوت حاولت جعله قوي : اوبس اسفه معرفتش عن نفسي او خلينا نقول مين دلوقتي ميعرفنيش سيده الأعمال نايا عبدالرحمن مش كده ولا اي يا عاصم بيه
عاصم بصدمه وهو ينظر لها من اسفل لاعلي : نايا مستحيل ازاي ورجعتي امتي لتبتسم الاخري بشده وهي تقول ببرود : معلش ملحقتش اعرفك بس اهه عشان اصيله مرضتش اضيع فرصه حتي اجي اسلم عليك بنفسي
لتقترب منه وهي تنظر له بثبات لتميل بعينيها فقط وهي تنظر لنرمين لتقول بأبتسامه : نينو ليكي وحشه اوي بس معلش جيت عشان عارفه اني زماني وحشتك اوي اوي صح
نرمين بصدمه : انتي بتعملي اي هنا بعد السنين دي كلها اي جابك وجايه تعملي اي هنا لتبتسم الاخري وهي ترفع يديها بهدوء: تؤتؤ كده ازعل بجد معقول مش عايزه تشوفيني وانا كنت بعد الايام نتقابل بجد صاحبه وحشه خالص
عاصم بعصبيه: اي جابك هنا انطقي جايه تعملي اي لتزم الاخري شفتيها بزعل مصطنع وهي تنظر لنونيا : شوفتي قلتلك مش هيعجبه يشوفني كنت حاسه عشان كده قلنا منقولش لحد ده انا حبيت اعملهالك مفاجأه يعصوم ولا اي
لتدور وهي تنظر للجميع لتقول بأبتسامه : بما انكوا جيتوا تحضروا الحفله لازم ولابد تشوفوا العرض اللي هيحصل تحفه بجد نبدأ انا بقول نبدأ عشان منتاخرش لتنهي حديثها وهي تشير لشاشه كبيره تتوسط القاعه
لتظهر صور سريعا جعلت الجميع يفتح فمه بصدمه خاصا نرمين وعاصم لتقول الاخري بحزن مصطنع : تؤتؤ ليه كده يا نرمين اخص عليكي معقول تعملي كده فجوزك حبيبك مكنتش متوقعه ابدا تخونيه ومع مين اخوه الصغير اخص بجد
لينظر عاصم بصدمه لنرمين وهو يقول بهدوء مريب : اي ده اي اللي في الصور ده لتبتلع الاخري ريقها برعب وهي تقول بصوت مهزوز : عاصم انا والله هفهمك انا مليش ذنب رامي ضحك عليا و ...
ليصفعها الاخر بشده وهو ينهال عليها بالضرب : بقي واحده زيك تعمل فيا انا كده ده انا لميتك من الشارع ونضفتك بعد مكنتي شحاته
لتقول نايا سريعا بأسف مصطنع : لالا يعاصم استني بس اخص عليك معقول تعمل كده فمراتك حبيبتك وحب عمرك قدامهم كلهم لا يجماعه شكل عاصم بيه راجل دكتاتوري اوي طب حتي سامحها عشان خاطر ده
لتظهر صور هذه المره لعاصم مع فتاه اخري ليتوقف عن ضرب نرمين وهو ينظر بصدمه لتلك الشاشه وهو يقول بعصبيه : مستحيل اقفلي القرف ده ازاي جبتي صور زي دي اصلا
لتقترب نايا منه وهي تنظر له بتحدي لتقول بهمس : دي تحيه خاصه مني ليك اماني دي تبعي مجرد مساعده صغيره منها عشان كام صوره زي دول والصراحه هي مقصرتش بس مين يصدق يتري بقي
لتبتعد عنه وهي تنظر له بخبث لتكمل بحزن مصطنع : لا الصراحه زعلتوني عليكوا عصافير الحب يناس يطلعوا بيخونوا بعض سبحانه من بره جامع ومن جوه كباريه طول عمرك تبين للناس انك الشريف اي اللي عملته ده يعاصم معقول اخص بجد
نرمين بعصبيه : هقتلك يا حيوان بقي بتحاسبني وانت مقضيها مع كل واحده شويه لتقف نايا وهي تنظر لتلك المشاجره وهي تقول : يجماعه صلوا علي النبي متحسسونيش اني السبب الله
نرمين بعصبيه : انتي اي انتي اي بجد مستحيل تكوني انسانه من زمان بكرهك بس الظاهر اني كان معايا حق انتي شيطان مش انسان
نايا ببرود وقوه : انا شيطان مع الشيطان وملاك مع الملاك ومفيش اوسخ منك الاقيه شيطان متضربيش حد وتيجي تعيطي لما يردلك الضربه بأوجع منها اللي عملتيه فيا مش قليل
ليقترب عاصم منها وهو يمسك بها بعصبيه وقوه : انتي فاكره باللي بتعمليه ده انك هتنتقمي مني فوقي يا نايا انا عاصم مش عيل يتهز بحركتين
لتسحب نايا يديها بعصبيه وهي تصفعه بشده : ده عشان تتعلم متمدش ايدك علي اللي مش ليك لتصفعه بقوه اكبر : وده عشان اللي عملته فيا لتكمل وهي تضربه بقدمها اسفل بطنه لينحني الاخر بألم : وده عشان سنين عمري اللي ضاعت بسببك
لتشير الي الشاشه وهي تقول بتحدي: اما ده بقي عشان يبقي دليل سجنك للضباط اللي بره ووريني هتطلع منها ازاي يا سوبر عاصم مان
لينظر الجميع علي الشاشه وأولهم عاصم ليفتح فمه بصدمه وهو يعلم بلا محاله انها نهايته فهي استطاعت لعبها بطريقه لم يتوقع ابدا ان تفعلها لينظر لها سريعا وهي تبادله النظرات بخبث وثقه وكأنها تعده انها لن تتراجع
لتحرك عينيها لتتقابل مع عيني الاخر المشتعله لا تعلم لما ولكن شعرت ان القادم لن يكون بالسهل ابدا
يتبع....
لقراءة الفصل الثامن والعشرون اضغط على : ( رواية زوج للايجار الفصل الثامن والعشرون )
لقراءة باقي الفصول اضغط على : ( رواية زوج للايجار )